لا باب مسايف ولا باب مهجوج ماعاد يمدي يقفل الباب مزلاج

9-

< عند ديم وحمد >
ديم : شوف بنروح البيت ترتاح بعدين نطلع نتقهوى ونتعشى مافي اعتراض
حمد : تمام بس ابي اروح البيت ارتاح شوي
ديم : كيف امي وابوي ساره وساير
حمد : كلهم بخير وفاقدينك مره مايمر يوم بدون مايذكرونك ديم اسمعي ليه ماتجين لرياض وش تبين هنا مافي احد هنا يقرب لك او محرم لك
ديم : في وظيفتي وانت تعرف قد ايش تعبت عشان ادرس واصير دكتورة وجتني وظيفة في افضل مستشفيات لندن وش ابغى اكثر من كذا
حمد : ادري قد ايش تعبتي واذا عشان الوظيفة نقدر ندور افضل مستشفى بالرياض واصلا لو عرضتي على اي مستشفى بيقبلك لان وين يقلون دكتورة افضل منك
ديم وهي تنزل من السيارة تفتح الشنطة السيارة : حمد ذا الموضوع يضايقني مره
حمد : ديم لازم نتكلم ابوي اذا جا بيتكلم بعد وامي مو بس انا
ومشت تفتح باب البيت واخذت الشنطة تسحبها
ديم : لو بتكلم بتكلم عن اشياء كثيرة هي سبب اني ما ارجع
حمد : طيب قولي وش الأشياء انا اخوك تقدرين تقولي لي كل شي
ديم : حمد تكفى قفل الموضوع
حمد مسك يد ديم وجلسها : ديم يا ابوي لازم اعرف السبب الي ماتبين ترجعين الرياض عشانه
ديم : وظيفتي هنا
حمد : انا ادري وانتي تدرين ان الموضوع مو موضوع وظيفة
ديم : وش تبي تسمع مني
حمد : السبب الي مانعك ترجعين الرياض وتعشين بالغربة وقام يوقف وش الشي الي يخلي جدي يرسل عبدالمجيد هينا عشان يقنعك
عقدة حواجبها ديم : وش دخل عبدالمجيد وجدي بموضوعي
حمد : قبل فترة رحت مكتب جدي وكان فيه عبدالمجيد وسمعت جدي يقول ان ابوي يجي الاسبوع الجاي وابوي بيحاول يقنعك ترجعين واذا رفضتي عبدالمجيد بيحاول يقنعك عشان كذا جيت بدري
ديم بحده : على كيفه جدي ولا جايب عبدالمجيد بعد لو اقتنع ماني راجعه الموضوع بيصير إعناد
حمد : ديم لاتغيرين الموضوع وش السبب
حطت يدها على راسها ديم : حمد مو وقته قسم بالله مو وقته
حمد : شوفي لازم اعرف السبب قبل ابوي يجي لازم افهم
رفعت راسها ديم : اجلس بقولك

< عند هايف وعبدالمجيد >
هايف : حجزت سيارة وصلت
عبدالمجيد : ذكرني استأجر ما احب اروح بتكاسي
هايف : والله ما الوم بنت عمك بلندن اتوقع سبب جلوسها لندن مين مايحبها
عبدالمجيد: اترك الكلام عن بنت عمي وانزل
نزلو من السيارة ودخلو المطعم وطلبو ستيك
رفع هايف راسه : ماتحس ان الموضوع مايخصك ولو عرف حمد وساير بيزعلون
عبدالمجيد: ادري مالي دخل بس تعرف فضول محامي
هايف : عبدالمجيد ترا اعرفك بينك وبينها شي قبل
عبدالمجيد : لا
هايف: انا اعرفك ياولد قول قول
عبدالمجيد : احنا من يوم كنا صغار كان يقولون عبدالمجيد ل ديم و ديم ل عبدالمجيد وتربينا على ذا شي
هايف : يعني تحبها 😉
عبدالمجيد : انا قلت اني احبها كلام قالوه جدي وجدتي
هايف : واضح انك تحبها
عبدالمجيد: ياخي غير الموضوع غثيتنا
هايف : اوكيه نغير الموضوع عشانك وش بنسوي بكرا
عبدالمجيد : مدري جهز جدول
هايف : الحين عرفت ليش جايبني
عبدالمجيد: بعد ما نطلع ابي اروح اشتري قهوة دور كوفي حلو تقيمه عالي ابي اروق
هايف : فيه هاف مليون نروح له
عبدالمجيد: شوف كم يبعد عن هنا
هايف وهو على الجوال : مشي 17 دقيقة سيارة 5 دقايق
عبدالمجيد: بنروح مشي خذ بطاقتي وادفع
وقام عبدالمجيد يطلع برا المطعم وطلع بكت الدخان واخذ وحده وحطها فمه وشغلها ولف من طلع هايف
هايف : يوههه ما دام بديت تدخن يعني بتجلس تفكر طول الطريق
عبدالمجيد وهو يمد بكت الدخان : تبي ؟
هايف : لا لا انا كذا مرتاحة
عبدالمجيد : كيفك

< عند ديم و حمد >
حمد : ديم متأكدة من الي سمعتيه لان مستحيل يصير صدق
ديم : حمد اقولك سمعت جدي بإذني وهو يتكلم بالجوال
حمد : لا مستحيل كيف امي وابوي مايدرون احس الكلام كذب مستحيل يصير
( بعد ساعة )
ديم : انا قررت اوديك افضل كوفي اروح له دايم
حمد : عرفته هاف مليون صح
ديم : ايه
حمد : عندنا بالرياض غيري
ديم : حق الرياض مو زي حق لندن
حمد : كلهم نفس الشي
ديم : انزل انزل
نزلو من السيارة 
حمد :ادخلي اطلبي وانا برد على الجوال
ديم : وش اطلب لك
حمد : اطلبي على ذوقك
ديم : تمام
مشت تدخل وقفت عند الكاشير تناظر المنيو رفعت راسها
ديم : ابي ايس دريب 2 وبراونيز ، نزلت راسها لشنطتها وطلعت جوالها  ، بدفع ابل بي ، دفعت ولفت وصدمت واحد من كتفة ولفت عليه ، معليش ومشت بدون تسمع رده وطلعت تنادي حمد
عبدالمجيد عقد حواجبه من مشت وماسمعت رده
ديم : حمد يلا طلبت ترا بنروح مكان نجلس فيه مشي
حمد : يلا جيت وش طلبتي
ديم : طلبت ايس دريب و براونيز
دخلو وعقد حاجبينه من شاف عبدالمجيد وهايف وتوجه لهم
هايف : حمد ؟
لف عبدالمجيد عليهم
هايف : وش جابك عبدالمجيد ما قال لي انك بتجين كان انتظرنك وتغدينا مع بعض
حمد : اصلا ما قلت ل عبدالمجيد انا جاي اتقهوى مع اختي

تعالو انستا انزل قبل من هنا
انستا : ilexz5