لا باب مسايف ولا باب مهجوج ماعاد يمدي يقفل الباب مزلاج

47-

وريف حست انها تبكي : اوكيه نهدا خوذي نفس عميق بجي الحين اخذك داليا : تمام بنزل انتظرك وقفت اخذت شنطتها ونزلت

تتمشى بشوارع الرياض ولابسه سماعة تسمع ل عبدالمجيد عبدالله وتشرب قهوة اخذ السماعة من إذنها أنس : حلو ذوقك رولا : ياليل ليش ما تتركني أنس : لين أسوي الي براسه تكتفت رولا : وش الي براسك أنس : بتسمعين به قريب رولا : مايهمني أنس : لازم يهمك صدت عنه رولا : خربت ام جوي اصلا كيف لقيتني أنس تكلم بتسرع : راقبتك رولا بحده : وش أنس : اقصد كنت اتمشى شفتك تعرفين بيتي قريب من الممشى رولا : المهم بغيت شي أنس : بغيتك تجاهلت الكلمة تحسبه يمزح رولا : ياليل مع سلامة مشت ركبت السيارة وقالت لسواق يحرك

طلع من دوام هو له فترة يسوي تعديلات ببيته وانشغل بشغلة وماشافها وصدق اشتاق لها ولسوالفها وحركاتها وكلامها عبدالمجيد : اليوم شايفك شايفك مقدر اصبر اتصل عليها ردت بعد فترة. ديم : هلا عبدالمجيد: وينك ديم : توني طالعة من الدوام بغيت شي ناظر ساعته عبدالمجيد: غريبة مو مفروض يبدا دوامك الحين ديم : مفروض بس امس ناوبت وتو يسمحون أطلع حبطت اماله يدري انها الحين تعبانه من الشغل عبدالمجيد : طيب الحين ارجعي نامي واذا قمتي كلميني ديم : بغيت شي عبدالمجيد: لا بس اذا قمتي كلميني ديم : وينك انت عبدالمجيد : بسيارة ديم : وين بتروح عبدالمجيد: بدور مطعم اتغدا فيه ديم : احسب حسابي مشتهيه اكل هندي عبدالمجيد: ديم روحي تعبانه انتي ارتاحي
ديم : يعني بتخليني اتغدا لحالي اوكيه عبدالمجيد ابتسم : برسلك الموقع ديم : انتظر قفلت واخذت شنطتها طلعت مراياه تناظر شكلها ديم : واضح اني تعبانه رفعت نص شعرها بعشوائية اخذت شنطة الميك اخذت الكونسيلر حطته تحت عينه تخفي تعبها كملت تحط ميك اب خفيف ناظرت جوالها من وصلها الموقع لمت الاغراض وحطتها بشنطة وشغلت الموقع وحركت للمطعم مرت دقايق وصلت لفت تاخذ شنطتها ونزلت مشت تدخل المطعم ناظرها داخلة وتتلفت اتصل عليه ديم : مجيد وينك عبدالمجيد: بالطاولة الي بزاوية ناظرت الزاوية وابتسمت ومشت له وقف وضمها عبدالمجيد : وحشتيني حاوطت رقبته وتوردت ملامحها ابتعدت وابتسم عبدالمجيد : ما وحشتك ضحكت وسحبت الكرسي وجلست ديم : طلبت اكل ميته جوع ضحك من شافها غيرت الموضوع عبدالمجيد: طلبت ابتسمت من فهمها

وريف : كولي بس شوي داليا : مالي نفس اكل شي وريف : يعني بتخلينه يلعب بنفسيتك كذا تبين ترجعين نفس قبل مارح اسمح لك ترجعين لحالتك الي قبل مابي تتعبين مابي تنهدت واخذت الصحن تاكل ناظرتها وقفت تطلع من غرفتها شافت امها ام انس : وش فيها واضح فيه شي وريف : تعبانه شوي ما نامت زي وجاية تساعدني اتجهز ام انس : عطيها بنادول وريف : عطيتها وبتنام عندي ترا قولي ل انوس ام انس : تمام ادخلي لا تخلينها لحالها هزت راسها ودخلت شافت داليا تكلم وعقدت حواجبها من سمعت داليا : من وين جبت رقمي حمد : اخذته تكلمت بحده : كيف اخذته سحبت الجوال من داليا : انت متى بتتركها بحالها حمد : وانتي شتبين عطيها وريف : اسمع لا اشوفك تكلمها ولا تجيها فهمت خل البنت بحالها البنت تعبت قبل والحين تبي ترجع تعبها حمد : صبر صبر كيف تعبتها وريف : مسوي ما تدري البنت بسببك كانت تراج دكتور نفسي شوف انا قلت لك ابعد عنها ولا والله لكلم عمي وعمي يتفاهم معك فصلت بوجه ولفت على من همست : مابي احد يدري  مشت لها وضمتها وريف : مارح اقول لاحد مثل ما قبل محد يدري والحين مارح احد يدري ابتعدت عنها : شوفي انتي نامي الحين داليا : اليوم خطبتك لازم اجهزك مع البنات ناظرت جوالها تشوف الساعة وريف : باقي للحين الساعة ١١ وهم بيجون بعد المغرب تقدرين تنامين هزت راسها وريف : اذا قمتي اتصلي علي داليا : تمام اخذت لابتوبها وطفت النور وطلعت وسكرت الباب جلست بصالة وسوت لها قهوة وكملت شغلها