لا باب مسايف ولا باب مهجوج ماعاد يمدي يقفل الباب مزلاج

44-

اتصل عليها السواق : مدام انا برا
رولا : تمام انا اطلع الحين
قفلت ولفت تمشي وهو يلحقها
أنس : رولا وقفي يابنت
لفت عليه رولا : وشتبي وشتبي
أنس : خوذي
رولا : يارجال مابي رجعها
أنس : والله ما تروحين الا وانتي ماخذتها ولا بعطي وريف تعطيك
مشت تتركه وراها طلعت برا السوق ومسك يدها بقوة وسحبها
لفت عليه بصدمه رولا : أنس تستهبل اتركني
فتح باب سيارته
أنس : اركبي
رولا : ماني راكبه
أنس :  لا تخليني اركبك
ناظرت عيونه رولا : طيب فكني
فك يدها وركبت ابتسم بانتصار وسكر الباب وركض يركب جهة السواق قبل تنزل بس اسبقته ونزلت ركضت فتحب باب سيارة وركبت
رولا : يلا سوق بسرعة بسرعة
السواق : تمام مدام
حرك السواق لفت تناظر ورا تنهدت براحة من ابتعدو عن السوق عدلت جلستها واخذت جوالها
انصدم من حركتها ما توقع تسوي
أنس : انا اوريك
اتصل على فهد
فهد : هلا والله
أنس : هلا فيك وينك
فهد : بالبيت ليه بغيت شي
أنس : اختي معطتني كيس اعطيه اختك الكبير
فهد : حياك
أنس : الله يبقيك شويات وجاي
فهد : انتظرك
قفل ونزل جواله وحرك لبيت عمته
وصلت نزلت واخذت كيس الفستان وشنطتها انخرشت من سمعته
أنس : تحسبين ما اقدر اجي
حطت يدها على قلبها : يمه خرشتني
لفت تسكر الباب ولفت عليه : مو معقوله جاي لاحقني اقولك من الحين الطقم ما ابغاه طلبت لي واحد
أنس : بلا كذب ما امداك تطلبين
رولا : هو مو لازم ابرر لك بس روح اسأل وريف حتى هي طالبه لها ولي
مشت تتركه وراها طلعت مفتاحها من الشنطة وفتحت الباب ودخلت وسكرت الباب شافها فهد
فهد : ماشفتي أنس برا
رولا : ليه يبيك
فهد : ايه
رولا : الا شفت سيارته
طلع فهد وهي رقت لغرفته علقت فستانها وجلست على السرير وفتحت الابتوب وشغلت فلم
فهد : هلا والله ابوهليل نورتنا لولا غرض اختي كان ما بغيت تزورنا
سلمو على بعض
أنس : تعرف اشغال الدنيا
فهد : حياك
أنس : والله بكرا وراي دوام ومشغول مره
فهد : ياولد فنجال واحد بس
لف على جواله من دق
فهد : شف الوالده تتصل
رد عليه : لبيه يا الغالية
ام رولا : أنس معك
فهد : ايه
ام رولا : عطه الجوال بكلمه
فهد : خذ امي تبيك
أنس : هلا والله شلونك
ام رولا : اذا دخلت وتقهويت معي بكون بخير
أنس : والله مشغول ياعمه
ام رولا : حلفت على انك تدخل تتقهوى معي تونسني
أنس : ابشري ابشري
ام رولا : يلا انتظركم بالحوش
قفل وعطا الجوال فهد
أنس : اسبقني باخذ الكيس من السيارة والحقكك
دخل فهد وراح هو لسيارة لقا ورقه وقلم وكتب احس ذا الطقم بيكون احلا مع الفستان وبيكون بداية حلوه ورسم قلب صغير وحط رقمه
ودخلة بالكيس ومشى يدخل سلم على عمته واخذ الكيس فهد ورقا ودخل غرفتها
فهد : رولا وريف راسله الكيس مع أنس
رولا وهي ما تناظر فيه وحاطه عينها على الابتوب وهي مستناسيه سالفة السوق : ما قالت لي
فهد : غريبة شوفيه
فزت من اول ما شافت الكيس رولا : ايه صح طلبت منها بس مادريت بتعطي أنس
طلع فهد وناظر الكيس وشافت فيه ورقة اخذتها تقرا مافهمت وش يقصد ببداية حلوه وليش كاتب رقمه بعد تفكير طويللللل قررت تعلم وريف مدام اخوها وهي اقرب وحده لها من البنات صورت الورقه وقالت لها كل شي صار جلست بتوتر تنتظر رد وريف
رولا : شكلها مطولها
وقفت ونزلت عبايتها وبدلت ولبست بجامة ومسحت مكياجها ونزلت اكسسواراتها ورفعة شعرها جلست واخذت جواله وشافت رد وريف
وريف : الحين هو برا اذا رجع بشوف هو وش يبي
ردت عليها رولا : تمام ردي علي اول ما يقولك وترني
وريف : خلاص انا بتفاهم معه انتي نامي وارتاحي
حست لازم تطمنها لانه اخوها وهي بنت عمتها ومنصدم من حركات اخوها بس حاولت تكون قدامها بارده قفلت جوالها وراحت غرفته تنتظره
ارتاحت شوي من رد وريف قفلت نور غرفتها وانسدحت وقفلت الابتوب وغمضت عيونها بهدوء تحاول تنام
دخل غرفته
وريف : مره تإخرت
أنس : الله يهديك الواحد يطلع صوت
وريف : تعال تعال بتفاهم معك
أنس : وش صار بعد
ورته وريف رسالة رولا
أنس ناظرها : طيب