اللهم صل وسلم وبارك على سيدنا محمد
بقلم/مريم محمد
سهير طلعت لحسام اللى حابس نفسه في بيته من ساعة ما سولاف هربت وقعدت تزن على دماغه كتير لحد مازهق ونزل معاها يقابل خالته
سهير : قوليلي يا بت يا مي عامله ايه في جامعتك ؟
مي : أهو الدنيا ماشيه يا خالتي كلها كام شهر واتخرج بقى
سهير بتلميح : كويس وتفضي بقى لنفسك وحالك والعرسان مش كده ؟
سميرة : اه دي العرسان واقفين على بابها طوابير طوابير كده بس إحنا مش هنوافق على اي حد وخلاص مش كده ولا أنت ايه رأيك يا حسام ؟
حسام فهم تلميحاتهم وقام وقف : أما أنا طالع
سهير وقفت قصاده : رايح فين بس ماتخليك شويه
حسام : طالع لسولاف ياما هاه فهمتي ولا لسه ؟
سميرة : قصدك ايه بقى ؟
حسام بصلها : قصدي اللي فهمتيه يا خالتي ، أنا واحد متجوز وبحب مراتي ومش هتجوز عليها عشان اللى داق الشهد مستحيل يروح للحنضل
سميرة قامت بغضب : أنت اتجننت يا واد ؟
حسام بنرفزة : اه يا خالتي اتجننت ما هو أنا مش معقول اتجوز سولاف بكمالها وبعدها ابص لواحده زي بنتك
سميرة راحت شدت بنتها اللى مصدومه وبتعيط ومشت : لا ده انتوا شكلكم اتجننتوا رسمي
سهير : استني بس يا سميرة ياختى
سميرة : استنى ايه يا سهير لما المحروس ابنك يشتم ويهزء فينا أكتر ؟
سميرة مشت هي بنتها وسهير شدت حسام من دراعه وزعقت : حسام ايه اللي أنت قولته ده ؟
حسام شد دراعه منها : اللى انتى سمعتيه ياما ، أنا قولتلك ميت مرة قبل كده مش عايز مي ومش هتجوز بعد سولاف بس الظاهر إنكم مش بتفهموا
قاطعهم صوت مها اللى جت بعد ما عرفت اللى حصل مع اخوها ودخلت البيت : ماما
سهير : مها انتى جيتي
مها قربت منهم ووقفت قدام حسام : اللى أنا سمعته ده بجد يا حسام سولاف مشت ؟
سهير بغيظ : ايوه يا اختى بجد
مها بصتله : ومبسوط دلوقتى ؟ طيب عارف والله تستاهل يا حسام
سهير : انتى اتجننتي يا بت انتى كمان ؟
مها بزعيق : لا ماتجننتش ابنك هو اللى مجنون يا ماما ، ده كان بيضربها وبيحبسها وبيبهدل فيها وانتوا نايمين على ودانكم
سهير تنحت : انتى بتقولي ايه يا بت مين اللي قالك الكلام ده ؟
مها : بقول ايه !! بقول اللى شفته بعيني ماحدش قالي حاجة ، لو تفتكري من شهر يوم ماعرفت أنى حامل كنت قاعده معاها وشوفتها بنفسي ، ضعيفه وكسورة وهلكانه على الآخر
أنت تقرأ
معجزتي بقلم/مريم عبد القادر
Romantik" بيقولوا دايما ان اللقاء نصيب .. وان القدر بيجمع الناس حتى لو بينهم بلاد وبلاد " . . بقلم/مريم محمد عبد القادر #ميمووو
