اللهم صل وسلم وبارك على سيدنا محمد
بقلم/مريم محمد
جسار بيسوق وهو عينيه على البنت اللى قاعده جنبه وقاعد بتحفز مستنى منها أى حركة غدر ممكن تأذي حد
وهى كانت قاعده في دواسة العربية بصمت وكل شوية تطلع تبص من الشباك وتنزل تانى وبعد مدة اتنهدت براحة وبصت لجسار : نزلنى بقى
جسار : نعم يا حلوه ! انتى شيفانى سواق أهلك ولا ايه ؟ شوية اطلع وشوية نزلنى ، وبعدين شكلك وراكي مصيبه وهتدبسيني فيها
البنت : بقولك ايه يا عم أنت مالكش دعوة بيا ، ولو مانزلتنيش دلوقتى هصرخ وهقول خاطفنى وهلم عليك الناس وهوديك في داهية
جسار اتعصب وركن العربية ومسكها من قفاها : تودي مين يا بت ؟ ده أنا اوديكي انتى واللى خليفوكي كلهم في ستين داهية مش داهية واحده وماحدش هيعرف يعملي حاجة
البنت : طيب ماتتكلمش معايا كده أنت ماتعرفش أنا ابقى مين ولا ايه ؟
جسار : هتكوني مين يعني السفيره عزيزه مثلا ؟
البنت بشجاعة مزيفه : لا ، تعرف صاحب سلسلة مطاعم A&G أنا بقى أبقى اخته
جسار بص لآدم : لموأخذة ياباشا ، ادينى دقيقة بس
البنت اخدت بالها من آدم وسولاف اللي قاعدين بيراقبوا في صمت وأبتسمت ببلاهه : أهلا يا جماعة
جسار نزل وراح فتح الباب التاني ومسك البنت من قفاها نزلها : بقولك ايه يا شاطره روحى شوفي وراكي ايه أنا مش فاضي للكدب بتاعك ده ، روحي دوري على حد غيري تطلعي جنانك عليه
ركب العربية ونفخ بضيق وآدم : في ايه يا جسار أنت من امتى كنت غشيم كده مع واحده بنت ؟
جسار وهو بيربط حزام الأمان : ماتاخدش في بالك يا آدم ، أنا عارف الأشكال دي كويس واعرف أتعامل معاهم ، البت اصلا شكلها مش تمام دي بتقولك إنها أختك ، هبلة دي ولا ايه ؟
ساق تاني لحد بيت هند ودخلوا كلهم عندها
آدم بصوت عالي : هنووود
هند : خير يا آدم
آدم راح قعد جنبها ومسك ايدها : الا بقولك ايه يا هند أنتى عارفه أنا بحبك قد ايه صح ؟
هند : لخص يا آدم عشان انا فاهمه الحركات بتاعتك دي كويس ، قول عايز ايه ؟
آدم ضحك : حبيبة قلبي ، المهم ، أنا عايز أعمل الفرح
هند : يعني إزاى ؟
آدم : هو ايه اللي يعني إزاى ! فرح يا هند ، زفه وتورته ومعازيم وفستان وبدله وعريس وعروسه ايه غريبه دي ؟
هند : مانا عارفه ياخويا يعني ايه فرح ، قصدي يعني امتى وفين والتجهيزات إزاى والذي منه
أنت تقرأ
معجزتي بقلم/مريم عبد القادر
Romance" بيقولوا دايما ان اللقاء نصيب .. وان القدر بيجمع الناس حتى لو بينهم بلاد وبلاد " . . بقلم/مريم محمد عبد القادر #ميمووو
