اللهم صل وسلم وبارك على سيدنا محمد
بقلم/مريم محمد
آدم واقف بره البيت مصدوم من سولاف ورد فعلها ، معقوله خايفه منه ؟ ده لسه واعدها إنه عمره ماهيأذيها ابدا ، للدرجة دي مش واثقه فيه ؟
فضل واقف كتير مخه عمال يودي ويجيب لحد ما الباب اتفتح وسولاف خرجت وشها كله أحمر من العياط ولسه هيكلمها هي اترمت في حضنه وعيطت وهي بتشد في هدومه وبتتمسح في صدره زي القطط
آدم اتنهد ، هو فهم دلوقتي ايه اللي بيحصل ، هي فعلا خايفة بس خوفها مش منه هو كشخص خوفها من رد فعله كراجل بدليل إنها بتطلب الأمان من حضنه دلوقتي
طبطب علي ظهرها وهمس بحنان : شششش كفاية عياط يا حبيبتي
سولاف بصتله : حبيبتك ؟
آدم أبتسم : ومافيش غيرك حب
سولاف ابتسمت من بين دموعها وهو مسحهم : دموعك ماية نار بتنزل على قلبي فكفاية دموع عشان خاطري
سولاف مسحت دموعها بكف ايدها بسرعه : لا خلاص مش هعيط ، خلاص ، أنا مش هوجعك كده
ودموعها نزلت أكتر وهي بتتخيل إنها بتوجعه بالشكل البشع ده وهو ضحك : وربي انتى عيله هبله
شالها ودخل جوا راح المطبخ وقعدها على الرخامه وغسلها وشها وسند بدراعاته حوليها : سولي ، حبيبتي ، تعرفي أني بحبك أوي ؟
سولاف هزت دماغها باه عارفه وهو كمل : واللي بيحب حد ايه ؟
سولاف ضحكت : مش بيأذيه
آدم شاور على السلسلة في رقبتها : أنا عمري ماهمد ايدي عليكي ابدا وخليكي واثقه من ده ، ده ميثاق
سولاف : طيب أنت ليه ادايقت من حاضر ؟
آدم : لأني عايزها من قلبك مش من عقلك ، عايز حاضر عشان انتى حابه تعملي الحاجة دي مش عشان خايفه ، أنا مش قولتلك الكلام ده قبل كده ؟ ومعايا أنا بالذات كلمة لأ مسموحلك بيها ، مش عايزة حاجة مش حباها مش بلعاها مش على هواكي انشالله عجباكي بس انتى مش عايزة تعمليها وخلاص قوليلي لأ يا آدم مش عايزة وآدم يقولك ياعيون آدم اللي انتى تؤمري بيه أنا تحت أمرك
سولاف : يعني مش هتزعل مني بجد ؟
آدم : عمري
سولاف بتجرب : طيب أنا مش عايزة آكل ينفع
آدم بمكر : اه ينفع أوي بس انا عايز آكل
سولاف حطت صوابعها على شفايفها بسرعة : خلاص هاكل
آدم ضحك : يا هبلة
سولاف بصتله بغيظ وهو ضحك تاني : بس انا جعان بجد ، جعان آكل food يعني بحق وحقيقي
سولاف نزلت ايديها : بجد جعان طيب الآكل هناك أهو روح كول ولا تحب اعملك حاجة تانية ؟
أنت تقرأ
معجزتي بقلم/مريم عبد القادر
Romance" بيقولوا دايما ان اللقاء نصيب .. وان القدر بيجمع الناس حتى لو بينهم بلاد وبلاد " . . بقلم/مريم محمد عبد القادر #ميمووو
