اللهم صل وسلم وبارك على سيدنا محمد
بقلم/مريم محمد
١٠ جمادي الأولى ١٤٤٥ هـ
٢٤-١١-٢٠٢٣م
بما إن النهاردة يوم مميز 🇵🇸✌🏻 فقررت أنزل بارتين من الرواية
استمتعوا بالقراءة وماتنسوش الفوت (النجمة) يا غالين 🤍🇵🇸
_________________
آدم وجسار وصلوا المخزن ولقوا البوليس مستنيهم، واحد من الحرس قرب منهم وده اسمه لؤي ويبقى الدراع اليمين لجسار
آدم : في ايه يا لؤي ؟
لؤي : باشا بيقولوا لقوا مخـ.درات في البضاعة بتاعتك
آدم بصدمة : نعم ؟
البوليس قرب عليهم : مساء الخير، آدم باشا
آدم : مساء الزفت على دماغكم، ممكن أفهم هو ايه ده اللي بتقولوه ؟
عسكري : زي ما سمعت , إحنا لقينا كمية كبيرة من الهيـ.روين في البضاعة بتاعة مطعمك اللي لسه جايه فحضرتك هتيجي معانا بهدوء كده على القسم عشان نحقق معاك
آدم : معاك أذن من النيابة ؟
العسكري طلع ورقه وعطهاله : ايوه
آدم بصله شوية وبعدها ضحك بعلو صوته ضحكة متأكد إنها وترت العساكر
آدم : يعني أنت عرفت ان البضاعة بتاعتي فيها مخـ.درات، لا واخدت أذن تيجي تفتشها وطلعت البودره وكشفت عليها واتاكدت إنها هير.وين، وطلبت أذن من النيابة بالقبض عليا وكل ده والبضاعة لسه واصله مابقلهاش نص ساعة، ده أنا حتى لسه مافرزتهاش ولا شوفت فيها ايه
قرب منه ومسك ياقة قميصه بيعدله : لا ده أنت خارق بقى، ولا نقول إنك مطبخها مع اللي عايز يوقعني بالطريقة السخيفة دي
العسكري اتوتر وبدأ يعرق وبعد ايدين ادم من عليه : لو سمحت أتفضل تعالا معايا بهدوء وبلاش تجبرني أستعمل العنف معاك
آدم كشر : لا استعمله يا روح أهلك على أساس أنى هخاف يعني
بص لجسار : رنلي على فريق أول عز الدين باشا [اسم وهمي] أما نشوف الموضوع ده بقى
العساكر كلهم اتلبشوا أول ما سمعوا اسم فريق أول وده رتبة عالية جدا في الشرطة
عسكري : باشــ
آدم : اخرس يالا
راح وقف قدامهم بقوة : لو فكركم ان آدم هارون لقمه سهلة تبقوا غلطانين ده أنا اللي يرشني بالماية ارشة بالدم ولا يفرق معايا، ومحضر قصاد محضر بقى وخلينا نروح النيابة ونشوف مين فينا اللي هيطلع منها
بص لقائد الفرقة وقال بصرامه وحزم : لم شوية الاوباش بتوعك دول وخد الهباب اللي أنت ماسكة ده واخفوا من وشي وإلا ورب الكعبة لكون مطربقها على دماغ اللي خليفوكم ومخليكم تقعدوا في بيوتكم زي الولايا
أنت تقرأ
معجزتي بقلم/مريم عبد القادر
Roman d'amour" بيقولوا دايما ان اللقاء نصيب .. وان القدر بيجمع الناس حتى لو بينهم بلاد وبلاد " . . بقلم/مريم محمد عبد القادر #ميمووو
