اللهم صل وسلم وبارك على سيدنا محمد
بقلم/مريم محمد
معلش النت كان قاطع فالبارت أتأخر ، استمتعوا بالقراءة 🤍🤍
______________
كمال : بنتى وأنا وافقت يا فيري خلاص
فيري : لا دي بنتي أنا وماحدش ليه الحق فيها غيري حتى أنت يا كمال
كمال كشر : يبقى تاخديهم الإتنين وتطلعي برا القصر ده وبعدها تتصرفي فيهم زي مانتى عايزه
فيري اتصدمت منه : أنت بتطردني يا كمال ؟
كمال : لا مش بطردك بس بقولك إنكم طول مانتوا هنا انتى مراتي وهما بناتي وليا فيهم اللي ليكي وبصفتي ابوهم أنا وافقت وخلصنا
مشي خطوتين : أنا رايح الشركة ولما ارجع هنتكلم أكتر
سابهم ومشي وفيري بتزعق : مش هيحصل الكلام ده لو على جثتي
سابتهم وطلعت اوضتها بغضب ومروان قرب من آدم بنرفزة : أنت اقنعتهم إزاى بسهوله كده ؟
آدم بسخرية : على اساس إنك ماتعرفش عمك وابوك وايه اللي ممكن يخليهم يعملوا اي حاجة ؟
مروان : اشترتها يعني بفلوسك
آدم : لا ماشترتهاش اللي يعمل القذارة دي واحد زيك أنت مش أنا بس ممكن تقول بيزنس، و business is business ، أنت أكتر واحد عارف
آدم اخد لوجين ودولت وطلع فوق وساب مروان متعصب تحت
*******
مروان بص لتمارا اللي قاعده متابعه كل ده بصمت كأنها مش موجوده : أنتى ساكته كده ليه ؟
تمارا بصتله : وعايزني اقول أيه يعني ؟
مروان : قولي اى حاجة اعترضي ثوري اعملي اي حاجة
تمارا سكتت شويه : يابختها
مروان كشر : هو ايه اللي يابختها ؟
تمارا : ايوه يابختها عندها حد بيحبها كده لدرجة إنه يطلب ايدها وهو عارف إنه هيتبهدل عشان يوصلها ويابختها عندها حد رغم كل اللي حصل ده مصدقه برضه انه بيحبها وليه اسبابه عشان واثقه فيه وفي حبه ليها
قامت وقفت : رغم ان عقلها تعبان زي مابتقولوا الا انها حافظت على نفسها واستحملت كل حاجة بتحصل فيها لحد ما جه اللي يستحقها ، مش واحده جبانه زيي في أول موقف صعب لجأت للمخدرات عشان اهرب وماواجهش
بصتله : يبقى يابختها ولا لا ؟
مروان مسك ايدها : تمارا انااا
تمارا سحبت ايدها منه بصمت وطلعت على اوضتها وهو قعد مكانه بيبص عليها : بس انا___
سكت شويه : أنت ايه ؟ حيوان وزباله وهي كلامها صح
أخد بعضه ومشي من القصر هو كمان بيهرب منها أو يمكن من نفسه وحقيقته ، شخصيتة المؤذية اللى متعلقة بالمكان ده
أنت تقرأ
معجزتي بقلم/مريم عبد القادر
Romance" بيقولوا دايما ان اللقاء نصيب .. وان القدر بيجمع الناس حتى لو بينهم بلاد وبلاد " . . بقلم/مريم محمد عبد القادر #ميمووو
