يا عزوف القلب في عز الظروف ياضيا هالكون في عزة غيم

31

ناظرت فيه اروى بتوتر

وتسترجع حكي أمها برأسها والخوف يسري
ب د ّم ه ا
نطقت بعد تردد كبير بصوت اشبه للهمس:
كنا جالسين نسولف و..
قاطعها عناد بنرفزه : علي صوتك ما قاعد
اسمع شي
ناظرت فيه اروى بخوف وتنحنحت بهدوء
ونطقت من جديد: كنا جالسين نسولف
وعادي كان الوضع وفجاءة جاء لضي اتصال
ولما قفلت قالت بنام هنا احس روحي تعبانه
كملوا سهرتكم فوق
قلت لها تجي تنام بغرفتي فوق واحنا نكمل
سهرتنا بالمجلس لكنها رفضت
أخذنا أغراضنا انا ومروى وصعدنا وتركناها
بعد مده سمعنا صوت المسدس ونزلنا
مرعوبين

شفنا عاد ضي ومعها واحد نايمين بغرفه
ابوي
و..
قاطعها عناد بقهر وعصبيه ونطق بكل حدة
صوته : لا تكذبين!
قولي الصدق ي اروى لا وربي بتشوفين
الشر
ابتلعت ريقها اروى وكانت راح تتكلم لكن
قاطعها دخول أمها المسرعه
ظمت اروى وناظرت بعناد بقهر : لا تصرخ
عليها البنت للحين تحت تاثير صدمه اللي
حصل امس
رفع حاجبه عناد باستغراب وابتسم بإستفزاز
: وشنو اللي حصل امس؟
اقدر اعرف!
فاطمه بعصبيه: قول وش ماحصل ، بنت
خالك وطت روسنا بالارض وسوت من خالك
مجرم
ناظرها عناد بعدم تصديق وتنهد
عرف ان هالانسانه ماراح تطلع منها لا حق

ولا باطل ولا راح تخلي بنتها تعترف بعد
قام بهدوء وناظرهم بحده : الشي اللي
ماقلتيه انتي وبنتك بتقوله مروى ومتأكد انها
بتقول الصدق وماراح تلف وتدور
رمق اروى بنظرات حارقه وطلع من عندهم
وهو بحاله عصبيه
اما اروى بمجرد خروجه أبعدت يدين أمها
عنها بقهر وبعيون دامعه وصوت مخنوق
نطقت : يمه انتي لك يد باللي صار امس!
يمه تعرفين الرجال اللي دخل على ضي
صح؟
رفعت حواجبها فاطمه وعصبت من كلامها
ونطقت بحده: وانا وش يعرفني بهالرجال ،
وبعدين وش دخلني بالسالفه كلها انا!
ناظرتها اروى بعدم تصديق : طيب ليش
طلبتي مني اكذب على عناد وأقول شي غير
اللي صار امس!
يمه انتي اللي دخلتي الرجال على ضي ص..
قاطعتها فاطمه لما أعطتها كف ترك وجهها
يلف عالجهه الثانيه وأصابعها طبّعت على

خدها
ما أكتفت بهالشي
مدت يدها وشدت شعرها بقوه ونطقت بهمس
حاد: ولا كلمه ، اَي انا اللي دخلته على ضي
لكن اذا قلتي لاحد وربي وربي ياروى
لاتشوفين الشر بوجهي وماراح ارحمك ابد
فكت شعرها ورفستها برجلها وقامت عنها
وطلعت من المجلس
اما اروى كانت مصدومه من أمها
تدري انها تكره ضي لكن ماتوقعت لدرجه
انها تظلمها بشرفها!!

عند عناد
طلع من بيت حمد وركب سيارته واتجه لبيت
عمه شايع
وهو متيقّن انه بياخذ من مروى الخبر الاكيد
وصل بعد فتره بسيطه وسفط سيارته ونزل
دق الباب وطلع له عمر
وبعد السلام والسؤال عن الحال نطق عناد
بخفوت : والله ي عمر انا جاي عشان اختك
مروى
ابي اعرف منها اللي صار امس بالتفصيل
وقلت اجي لبيتكم اسألها احسن من مايجيها
استدعاء للشرطه ويحققون معها غيري
حبيت اكمل الموضوع عالسكيتي واجي اخذ
منها الكلام بنفسي
ابتسم له عمر : اَي اكيد تفضل ودقائق
واجيبها لك
رد عناد له الابتسامه واتجه للمجلس
اما عمر اتجه لداخل البيت ينادي على
مروى
جلس عناد بالمجلس وجلس ينتظر مروى
دقايق معدوده ودخلت مروى بحجابها ومعها
عمر
القت السلام بصوت خافت وجلست
رد السلام عناد بهدوء
ونطق بخفوت: شلونك ي مروى
مروى : الحمد الله بخير ، انت اخبارك
عناد : من الله بخير ، اكيد عارفه سبب جيتي
لك
بان الضيق بملامح وجها وهزت راسها ب
اَي وبخفوت: عشان اللي حصل امس!
هز راسه عناد ب اَي بهدوء: جيت بسالك
عن اللي صار بالتفصيل واتمنى تقولين
الصدق وانا واثق انك بتقولينه
هزت راسها مروى ب طيب وبهدوء بدت
تحكي له اللي حصل بدون زياده او نقصان
قالت له كل السالفه من وقت مادخلوا لبيت
حمد لحد ماهربت ضي من بيته
رفع حواجبه عناد بذهول وهو يناظرها
أنهت كلامها مروى ب: والله اني متاكده ان
هالسالفه كلها ظلم بظلم وأنها ماتتعدا شوارب
فاطمه والله
ضي مظلومه وربي ي عناد وربي

رفعت كفها وهي تمسح دموعها اللي نزلت
غصب عنها
ناظرها عناد لثواني بذهول ونطق: طيب وش
اللي يخليك واثقه كذا!
ناظرت فيه مروى ونطقت بثقه: تصرفاتها،
اول مره بحياتي أشوفها تعامل ضي
بهالطيبه
وحتى يوم جابت لها العصير مامر عليها ولع
ساعه الا غطت بنوم عميق وانا متاكده انها
حاطه فيه منوم
واذا منت مصدقني اسال اروى عن تصرفات
أمها وقتها وبتقول لك نفس الحكي
ضحك عناد بسخريه ونطق: رحت لها قبلك
والمصيبه لو تدرين وش اللي قالته
عقدت حواجبها مروى وبشك:.
الكاتبه : نجد العتيبي ✨