يا عزوف القلب في عز الظروف ياضيا هالكون في عزة غيم

55

أصبح ُت مجنونا بِها
وبعينيّها الؤلؤ المنّدثر

قاطعتها ضي لما دخلت ونطقت بنبره هاديه
وواثقه : زوجني لشخص يستاهل
لشخص كفو وفيه من طبايع جدي كثير
التفتوا ناحيه الصوت وتوسعت عيونهم
بصدمه وبنفس الوقت طارت قلوب ملهوفه
لشوفتها
تقدمت ضي بخطوات سريعه وطاحت بحظن
جدتها
انهارت رقيه والفرحه غمرت قلبها
حاوطتها وباست كتفها بلهفه وشوق : ياضي
قلبي وعيني انتي
ابعدت عنها ضي وقبلت راسها ويدها
واتجهت لعمتها وطاحت بحظنها لدرجه
رجعت على ورا حمده من قوة الحظن
واصتدمت بعناد
التفت لهم عناد وجمدت ملامحه من قرب
وجه ضي له
بحكم انها حاظنه حمده ف وجها جاي مقابل
لعناد

ابتلع ريقه وصد عنها
همست ضي لحمده : ياجنة قلبي انتي والله
اشتقت لك
اخذت حمده نفس من عطرها وهمست : والله
ان حياتي عتّمت من بعدك ياضيها
تنهدت ضي وانفاسها لفحت على عنق عناد
اللي ازدادت ضربات قلبه وقام من مكانه
بهدوء وطلع لبرا
اما ضي همست لعمتها : رجعت انور لك
عتمتك ي يمه
تنهدت حمده وابعدتها عنها وباست خدها
وجبينها وهمست : عسى ربي لا يذوقني فيك
يوم ياروح امك
ابتسمت ضي وباست راسها والتفتت على
صوت رقيه لما نطقت : وش سوا فيك ي يمه
عسى ماضربك؟
هزت راسها ضي بالنفي : لا جده تطمني
تنهدت رقيه بارتياح وهمست : الحمد الله لك
ياربي .
.
عند عناد
طلع من عندهم وجلس بالحديقه
طلع باكيت الزقاير من جيبه واخذ له زقاره
وحطها بفمه وشغلها بهدوء
نفث منها وعض على شفته وهو يتذكر قربها
منه وانفاسها اللي حاوطت عنقه
عقد حواجبه وهمس بداخله : وش اللي جاك
ي عناد!
هز راسه بالنفي ور ّجع الزقاره لفمه وهمس؛
ماصار فيني شي لا تتوهم بس
رمى الزقاره عالارض ودعسها برجله وقام
كان يبي يدخل لكن تراجع من تذكر وجودها
مايبي الاحساس اللي حس فيه يرجع له من
جديد ويشغل باله بالتفكير
رجع جلس مكانه وبدا يطقطق بجواله
مافيه حيل يسوق لاجل يروح لبيته وقرر ينام
بغرفته اللي هنا
قام بعد فتره طويله من الوقت ودخل لداخل
شاف الصاله مافيها احد مثل ما توقع
صعد الدرج وعلى صعدته نزلت ضي

عقد حواجبه وكمل طريقه لكن استوقفه
صوتها الهادي
وقف لكن ما ناظرها
ابتسمت ضي ونطقت بخفوت : شكرا لانك
رجعتني لحظن جدتي وعمتي ،
عض على شفته ونطق بخفوت : ماسويت
شي واي واحد مكاني كان ممكن انه يسوي
هالشي
ابتسمت ضي وهزت راسها بخفوت وهمست
داخلها : ياربي يالثقل
تركها عناد وكمل طريقه اما هي نزلت
للمطبخ
اخذت لها كوب ماء ورجعت لغرفتها

قد ُكنتحيامنقبِلها
وأصبح ُت بعدها احت ِضر
بدايه يوم جديد على ابطالنا
وصباح مليء بالامل والمس ّرة
فتحت عيونها ضي بنشاط وتمغطت
سحبت جوالها من جنبها وناظرت للساعه
وابتسمت
قامت من السوير ودخلت الحمام
وبعد عدة دقايق طلعت
فرشت سجادتها وصلت الفجر
وبمجرد ما انتهت سفطت سجادتها وقامت
بنشاط
فتحت دولابها وسحبت منه لبس لها
ولبسته بهدوء
سرحت شعرها وربطته ذيل حصان على تحت
مع فرق من النص
رشت من عطرها وابتسمت لشكلها
سحبت جوالها وطلعت من غرفتها واتجهت
لغرفه عمتها
ضربت الباب عليها وماسمعت منها رد
وفتحته بهدوء
تلفتت بغرفتها وماحصلتها وتوقعتها تحت

نزلت تحت وسمعت صوت جاي من المطبخ
ابتسمت ودخلت المطبخ وكانت عمتها جالسه
تزين الفطور
اتجهت لها وحظنتها من ورا وهمست بمرح:
صباح النور يا احلى عمه بالكون
ابتسمت عمتها ونطقت بابتسامه: صباحي
ضي
صح النوم ياروحي
ابعدت عنها ضي: صح بدنك ، حدتي نايمه؟
هزت راسها حمده بالنفي : صاحيه من الفجر
مجهزه العجين عشان تخبز لك
ابتسمت ضي : ياعمري هي ياخي ، بروح
لها
حمده : تحصلينها ببيت الشعر
ابتسمت ضي بحماس : اوهه وبيت شعر بعد!
ياحظي وش هالصباح الحلو
سويتي شاي؟
هزت راسها حمده ب اي : حطيته عالجمر
انتظره يفور
ضي : طيب انا بكمله وبسوي قهوه بعد

هزت راسها حمده وطلعت ضي من المطبخ
واتجهت للحديقه الخلفه ولبيت الشعر تحديدا
دخلت بيت الشعر ولقت جدتها تخبز عالصاج
وتقصد قصيد شعبي
ابتسمت ضي وتقدمت لها: صباحي احلا جده
بالدنيا
ابتسمت جدتها بارتياح: هلا بضي القلب
باست راسها ضي وجلست جنبها: كيف
النفسيه؟
رقيه بابتسامه: والله دام ربي رجعك لي ف
مابي غير قومه جدك بالسلامه
ابتسمت ضي بضيق وهمست : الله يرجعه لنا
باسرع وقت
همست رقيه: امين يارب
التفتت لها ضي وابتسمت: يقولون صاحيه
من الفجر بس عشان تجهزين الخبز لي
رقيه؛ ومن عندي غيرك لاجل اجهز له ،
تستاهلين عيوني الثنتين ومايها والله
تنهدت ضي : ياخي والله احبك
رقيه: بلا احبك بلا خرابيط ، يله اشوف زيني
الشاي والقهوه بس
ابتسمت ضي وهزت راسها ب طيب: على
امرك
قربت من النار وفتحت ابريق الشاي وكان
يفور
اخذت علبه الشاي وحطت فيه مقدار معين
وسكرته
مدت يدها واخذت دله القهوه وحطتها
عالجمر
هلى جيه حمده شايله صينيه الفطور وخلفها
شغاله شايله الصينيه الثانيه
نزلتها عالارض والتفتت لامها : هاه يمه
ماخلص الخبز؟
رفعت رقيه اخر رغيف من الصاج وهزت
راسها ب اي: خلص خلص
قربت بتقوم وفزت ضي وساعدتها
ابتسمت رقيه وهمست داخلها: عسى ربي
يحفظك يابنتي..

ألّف ُت ابياتا لأج ِلها
وأنا لا أفقهُ في الشعر. .
رفعت رقيه اخر رغيف من الصاج وهزت
راسها ب اي: خلص خلص
قربت بتقوم وفزت ضي وساعدتها
ابتسمت رقيه وهمست داخلها: عسى ربي
يحفظك يابنتي
تركت يدها ضي وانحنت لطبق الخبز واخذته
ونزلته عند الفطور ورجعت اخذت الشاي
وجلست
بدأوا يفطرون بهدوء وداهمهم صوت عناد
فجاءه : اوف اوف وش هالشغل الزين! وش
هالخيانه! تفطرون ولا تقولون ننتظر عناد؟؟
هز راسه بأسى : افا بس افا ماهقيتها منكم
رفعت راسها ضي على صوته وابتسمت
لكلامه
اما حمده رفعت الطرحه اللي على اكتافها

وحذفتها لضي
ناظرت فيها ضي لثواني والتفتت بعيونها
لعناد
رقيه بابتسامه: تعال ياوليدي ماكنا ندري انك
هنا ، تعال هنيا يمي
وضربت عالارض بيدها بمعنى هنا
تنهدت ضي داخلها ونزلت الطرحه جنبها
اما عناد تقدم وجلس بين جدته وامه ، مقابل
لضي تحديدا
عقدت حواجبها حمده لما شافت ضي نزلت
الطرحه والتفتت لامها الهاديه
فهمت رقيه على نظرات حمده ونطقت
بخفوت: وراه ياضي ماتسترين!
ناظرها عناد بهدوء والتفت ناظر لضي ونطق
بهدوء قبل تتكلم هي: وليه تتستر! هو بوه
غريب ي جده!
عقدت حواجبها حمده
وابتسمت رقيه اللي كانت شاكه بالموضوع
بس ماحبت تفتحه منتظرتهم هم يقولون
التفتت حمده لعناد وقبل تتكلم نطق عناد

بخفوت: ضي زوجتي يمه
رفعت حواجبها حمده بصدمه وهدم تصديق
وناظرت بامها اللي مبتسمه
همست بعدم استيعاب: شلون؟؟ عناد
بخفوف؛ مو امس قلت ان ابوها زوجها!
حمده: كنت احسبك تمزح معنا وتبي تفاجئنا
ماهقيتك صادق
هز راسه عناد بالنفي: لا صادق ، ابوها كان
بيزوجها وتدخلت باللحظه الاخيره وملكت
عليها انا
سكتت حمده لثواني وسرعان ما ابتسمت
بفرح لما استوعبت : عساه الف مبروك
عليكم ي يمه
ضحكت رقيه وزغرطت بفرح: ياسعد عيني
بهالخبر والله
عسى ربي يسعدكم ي يمه
ابتسمت ضي بخفوت ورفعت راسها لعناد
وهمست داخلها: فرحتكم عظيمه على قلبي
ماودي اهدمها لو دروتوا بحقيقه انه زواج
ورق بس

تنهدت داخلها وكملت تفطر بهدوء ومبتسمه
بخفه
انتهت ضي من فطورها وقامت تغسل بهدوء
رفع عيونه لها عناد وناظرها لحد ما اختفت
لا حظوا عليه حمده ورقيه لكن اكتفوا
بالابتسامه من دون تعليق
رجعت ضي بعد لحظات وجلست عند الجمر
وبدت تزيّن القهوه
انتهى عناد من فطوره وقام يغسل ولما رجع
جلس جنب ضي عند الجمر واخذ منها الملقط
ونطق بخفوت : انا بكملها
التفتت له ضي ونطقت بخفوت : احب ازين
قهوة الجمر بيدي خلني اكملها!
هز راسه عناد بالنفي : مايضر لو ازينها
اليوم انا وتذوقينها من يدي!
كانت بتعارض ضي لكن

.......بكمل