يا عزوف القلب في عز الظروف ياضيا هالكون في عزة غيم

41

مساء البارح ومع فارق الشوق والتوقيت
سرت بي هواجيسي ولا عاد جابوني
. .
ابتلعت ريقها ضي وكانت بتقرب منها لكن
بهاللحظه انتبهت ان فيه شي ماسك بيدها
واستوعبت انها يد عناد
سحبت يدها من يده بهدوء وتقدمت لجدتها
وربتت على كتفها وبنبره هاديه : خلي املك
بالله كبير ياجده وبعدين انتي تعرفين جدي
قوي وما يهزه شي وشهي الغيبوبه اعتبريها
مجرد سفره له وبيرجع لنا ان شاء الله
مو كذا معودنا جدي ؟ مهما صار نبقى اقوياء
وما نضعف!
تخيلي درا عنك وش بيقول ؟ معقوله تزعلينه
منك ياجده؟
تنهدت الجده بضيق وهزت راسها بقل حيله
ناظرت بعناد ونطقت بخفوت: امس كنا عنده
مابه الا العافيه وشلون صار كذا؟
عناد بخفوت: بروح للدكتور بستفسر منه

عن حالته
رقيه : خذني معك ياوليدي
ناظرها عناد لثواني وهز رأسه بالنفي :
ارتاحي ي جده
انا بروح اساله وخلك هنا مع ضي ماراح
اطول ان شاء الله
ناظرته ضي وهزت راسها بالنفي وبهدوء:
انا بروح معك!
ناظرها عناد ورفع حاجب : خلك مع جدتي
بروح وبرجع اقول لكم وش قال
ضي بنبره رجاء : بتطمن عليه طيب!
تنهد عناد وقرب بيتكلم الا قاطعته رقيه لما
نطقت: خذها معك ي وليدي لا تكسر
بخاطرها
ناظرها عناد لثواني والتفت لضي اللي
تنتظره بنظره بريئه وكأنها تترجاه بعيونها
ابتسم داخلها من نظرتها وهز رأسه بخفوت:
تعالي
ابتسمت ضي بفرح ومشت معه
أما رقيه جلست على الكرسي وتنهدت بعمق

ونزلت منها دمعه من دون ماتحس
تنهدت بضيق وهمست : عسى ربي يقومك
بالسلامة ي نظر عيني
. .
عند عناد وضي
دخلوا غرفه الدكتور بعد ما إذن لهم بالدخول
اشر لهم الدكتور يجلسون
وجلسوا بهدوء
الدكتور بهدوء: امرني ي اخ عناد
عناد بخفوت : جاي استفسر عن وضع جدي
، ايش اللي فيه بالضبط؟ وكيف كذا فجاءه
يدخل بغيبوبه؟
الدكتور بهدوء: والله يا اخ عناد مدري ايش
اقولك
كان وضعه فالسليم لكن فجاءه حصل له
هالشي
ضرب عالجرس ولما جاه الممرض قال له
انه يحس بضيق تنفس بس
لكن فجاءه بدأت حالته تسوء بشكل مو

طبيعي وفقد الوعي
حاولنا نتدخل لكن فات الأوان ودخل بغيبوبه
الله اعلم مدتها كم لكن ان شاء الله ماتطول
فيه
كانوا يسمعون له وكل واحد يحمل بقلبه
شعور الخوف ، الخوف من فقده وهو مصدر
قوتهم الاثنين.
نطقت ضي برجفه وهمس: طيب عادي
نشوفه؟
كان بيرفض الدكتور لكن تراجع من شاف
نظراتها اللي كأنها تطلبه وتترجاه
تنهد وهز رأسه ب طيب : لكن لا تطولون
ابتسمت ضي له بإمتنان: شكرا دكتور
قامت وقام معها عناد
طلعوا من غرفه الدكتور واتجهوا لقسم
العنايه المركزه
كان عناد جدا هادي
رغم الأعاصير اللي بداخله ورغم الألم الكبير
الل. كان عناد جدا هادي
رغم الأعاصير اللي بداخله ورغم الألم الكبير
اللي يحس فيه
لكن اختار انه يكون هادي ، مايحب يظهر
ضعفه لأي شخص مهما كان.
وصلوا القسم واتجهوا لغرفته
فتحوا الباب بهدوء والتفتت ضي لعناد
وبهمس نطقت : عادي تتركني لحالي؟
عقد حواجبه عناد لكن ماعارض رغبتها ابد
وتركها على راحتها
دخلت ضي بخطوات ثقيلة لحد ماوقفت عند
رأسه
ناظرت فيه بحزن تعمق قلبها

ما كان جدها وبس كان امانها وابوها وكل
شي بالنسبه لها انه يغيب حسه عنها مو شي
بسيط أو سهل أبدا كان بس صوت انفاسه
لحاله يشبعّها بالقوه
كيف بيكون حالها الحين وهو ساكن بلا اي
حركه والاجهزه من حوله!
هالشي اثار بقلبها خوف كبير.
مدت يدها برجفه ومسكت يده وشدت عليها
بخفه
وهمست ؛ ماعهدتك كذا ي جدي؟
ماعهدتك بهالضعف وقل الحيله هذي ي
جدي!
تكفى قوم، قوم وفرح قلوبنا فيك
قوم وك ّحل عيوننا بقومتك بالسلامة
رفعت راسها لفوق تمنع دموعها من النزول
ابتلعت ريقها وناظرت فيه وشدت على يده
بشكل أقوى من المره اللي طافت
وكملت كلامها بنبره مهزوزه ؛ تكفى قوم ي
جدي
مالي بهالدنيا غيرك ومابي منها الا حضنك

جدي! دخيلك لا تخلي حفيدتك تواجه وجع
هالدنيا لحالها
دخيلك لا تخليها تواجه قساوه حمد وشراسته
لحالها
تكفى ي جدي والله محتاجه لك
أنت سندها وأمانها بهالدنيا لا تتركها وتروح.
.
بدا صوتها ينخفض شوي شوي،وبدأت
تنخفض نبضات قلبها
حسن بدوار فضيع وغمضت عيونها بقوه
رجعت فتحتهم وتمالكت نفسها
مسحت دموعها بطرف ك ّمها وطلعت لعناد
بخطوات ثقيلة
وبمجرد ماوصلني لعنده اختل توازنها
وطاحت مغمى عليها
فز عناد اللي كان متكي بظهره عالجدار
وانحنى لها بسرعه وسحبها عن الأرض
لحظنه
مد يده لخدها وضرب عليه بخفه وهمس
باسمها

لكن ماكانت تستجيب
حط يده على عنقها مكان النبض وكان
ضعيف جدا
وبردة فعل سريعه جدا حملها بين يدينه
وخرج بها من القسم
وبمجرد ما شافوه الممرضين اسرعوا له
بنقّاله
حطها عليها وأخذوها لغرفه المعاينه
وهو يمشي معهم لحد مادخلوا الغرفه ومنعوه
من الدخول
انتظر برا لمده لا تقل عن ربع ساعه ومن
بعدها خرج الدكتور من الغرفه
فز له عناد واتجه له : طمني ي دكتور وش
فيها!
الدكتور بهدوء: مافيه شي يستدعي الخوف
مجرد ضيق في التنفس سبب لها ضعف
بنبضات القلب
ممكن يكون نتيجه لصدمه أو خبر مؤلم
وصلها
رده فعل طبيعيه جدا مايحتاج تخاف أو

تتوتر
ارتاح عناد نوعا ما و...

آسفه مره اني انقطعت عن الراويه جتني ظروف مره صعبه
وبطولكم البارتات وقرايه ممتعه❤️❤️