هتوحشوني بجد وعارفة إني مش هوحشكم 😂♥♥♥.
آخر بارت بعتذر علىٰ التأخير كنت بكتب فيه والله 😂♥.
متنسوش تعملولي فولو علشان لو نزلت رواية جديدة ♥.
ممكن تدعولي بقي وبلاش شتيمة علشان تعبانه لوحدي والله 😂♥
كفاية رغي وهسيبكم مع البارت، دُمتم بخير ياحلوين♥♥♥🦋.
******
كان الجميع يجلس متوترًا فاليوم إعلان نتيجة كُلًا من سليم وتيلا وتحديد مصيرهم وتحقيق حلم سليم وهو التزوج من حبيبته دائمًا كان ينتظر هذه اللحظة حتىٰ يتحدث بكل ثقةٍ ويتقدم لخُطبتها.. بينما تيلا تجلس في حضن والدتها تعانقها كي تهدأ قليلًا من روعها وتدعو بداخلها أن ينجح حبيبها .. مر عدة دقائق علىٰ هذا الوضع المتوتر فصدح هاتف سليم برسالة جعلته يقفز راكضًا نحو تيلا مُردفًا بحماس: مُبارك ياحبيبتي جبتي ٩٦٪
لم تصدق ما قاله للتو فاقتربت منه تحتضنه بشدة غير عابئة بالجميع ينظرون إليهم بدهشة وفرح من أجلهم .. ابتعدت عنه ثم قالت بلهفة: وأنت.. وأنت عملت إيه
طالعها بحب قائلًا بهدوء: الحمدلله برضو نجحت بس جبت ٨٩٪
سعد الجميع لأجلهم مهنئيين لهم فقال حمزة بمرح: بعد التوتر إللى عملته أنت وهي طلعتوا ناس دحيحة، مش عارف بجد إيه الصباحية الهباب دي.. ياجماعة فرحي كان امبارح ومش عارف افرح مع عروستي ..
ضحك سليم قائلًا بعبث: آسفين ياعم حمزة قطعنا نومكم بس زي مانت عارف في مستقبل مشرق تاني منتظرينه
قال الجملة الأخيرة ناظرًا لتيلا بغمزة فضحكت بينما هو تقدم من والدها مُردفًا بإحترام: بعد اذنك ياعمو أنا حابب اخطب تيلا وأنت اكيد مش هتلاقي شخص مناسب زيي تأمن عليه مع بنتك
ربت والدها فوق ذراعه وتحدث : خلي الكلام دا بعدين ياسليم لما تقدموا في الجامعة أو ممكن بعد الجامعة كمان
صاح سليم بصوتٍ عالٍ: لأ بقي أنا مستحمل طول السنة ومتوتر بسبب الموضوع دا أكتر من النتيجة وجاي دلوقتي تقولي بعد الجامعة.. حضرتك بتهزر!
كتم والده ضحكته علىٰ جنون ابنه قائلًا بجدية مُصطنعة: ولد عيب تكلم عمك كده وبعدين أنت لسه مش معاك شهادة ولا اشتغلت و...
قاطعه سليم بخفوت يكاد أن يبكي بسبب حديثه: يابابا علشان خاطري خليه يوافق أنا والله نجحت علشانها ومستعد أعمل حاجات تانيه لو هي طلبت مني .. ولو علىٰ الشغل أنا هنزل معاك من بكرة اشتغل في الشركة و..
ضحك والده والجميع علىٰ هيئته لكن تقدم مراد منه مُحتضنًا إياه قائلًا بمرح: ياواد اجمد كده أنت عارف كويس إني مش هلاقي زيك لبنتي طبعًا بس لازم اتقمص دور حماك
ابتعد عنه سليم يخبره بعتاب: يعني حضرتك بتضحك عليا ياعمي طيب ماشي .. وبما إن الكل موجود فأنا حابب اقولكم إن خطوبتنا يوم الخميس يعني بعد ٣ أيام ومش باخد رأيكم أنا بقولكم بس
لم ينتظر رأي أحد فخرج مُصطحبًا تيلا معه غير عابئ بهم .. ضحك الجميع عليهم فتقدم حسن من مراد واحتضنه بسعادة فلم يرىٰ فتاة مناسبة لابنه سوى بنت أخيه ..
أنت تقرأ
جحيم ابن عمي
عاطفية• جـاء الـعـالـم بِـوّسـعـهُ وبِـوّسـع أعـبـائـهِ فـوضـعـهـا عـلـى أكـتـافـي ثـم ذهـب ولـتـكـنْ تـلـك هـي الـبـدايـة... *مـنـار _ خـطـاب* •
