..و باتت انفاسه محرمة ♥
___________
فوحد ابارتومون فخمة على الطريق الكبير كل ظواو المدينة تحت عينو ورا الزداج🌌 خرج مدوش لاف سربيتة على خصرو و دخل يدو فشعرو ليتقاطر بالما و اليد الزاوجة حاكمة كاس🍷راح وقف قدام المرايا هاد اللبنادم لراه يشوف فيه مش بنادم ، معندوش اسم ايدن اسم مستعار مزيف كلش فيه مزيف لا اصل لافصل لا عايلة لا تاريخ ميلاد والو كشغل مش عايش فهاد الدنيا ظل كان هنا و راح..ميقرا هنا ماهمو جامعة و لا القعدة فيها عندو مهمة لازم يكملها بصح متخيلش راح تجي عقبة صغيرة فطريقو كيما ديك البنت حاولت دخل روحا فشي كبير عليها و عندو تعليمات صارمة انو يحرق الخضر و اليابس باش يكمل خدمتو بصح عجباتو فيها حاجة مختالفة جدباتو ليها واش هي؟معلابالوش !ربما حاجة... يعمر بيها الvيد ؟
او قوتها و لا جرأتها فالوقت لكامل حطو رسانهم مقتانعين بالكدبة تاع البوليس لقالهم نشروها صدقوها و كملو حياتهم عادي كل واحد خايف على حياتو بصح هي اخخخ محبتش تعدي الموضوع على خير كون زادت شعرة كان راح ..تبسم على الفكرة راح تكون خسارة كبيرة بنت كيفها قليلة فهاد الوقت خسارة فدوك العينين الخضرين 💚! تفكر حاجة شافها ليلة الحفلة كانت عليها سيكاتخيس تاع جرح فصدرها اثار تاع خياطة بانت مألوفة صورة غير واضحة جاتو فراسو دخل يديه فشعرو و هز بقوة ينحي هاد التخمام حدو راح يحمها يخنقها بيد وحدها و يكمل معا جدها معندوش صبر طويل..هي مش اسثتناء تعلم انو الفيكتيم مهما كانو مصيرهم واحد كلمة اسثتناء محرم عليه خدمتو تقعد توجوغ حاجة وحدة يقتل و يمشي قاتل هو قاتل و القتلة ميخموش ميرحموش و ميحبووووش. الحب حاجة غريبة عليهم.
شاف فلرض لقى ورقة تحت الباب عرف مهمتو التالية جات . قرى واش فيها وها هي المفاجأة الكبيرة وصلاتو معلومات على الفيكتيم التالية الناس لراه يلحق فيهم كل واحد منهم يستاهل الموت كاين لعارف علاه و كاين قتلهم غير هاك ميحوسش يفهم علاش او ولد مين او واش يكون . جسد بلا قلب القلب موجود باش يمشي الدم فالكوغ و تتنفس و تعيش ماشي باش تحب و داك الخرطي صونا بورتابو رفد جاه صوت مالجيهة أخرى .. : وصلاتك الامانة
_ايه .. : مراحش تتصرف دوك
_علاش ؟
.. : راني نقولك ! نساحب مالاجواء دوك مش حابين نلفتو الانتباه ديجا راك جدبتو
عض شافتو راه عارف مليح المقصود شكون
.. : جلال عرف و راه يحاول يهرب لازم يحس بالامان راح نعطولو مدة عام باش يأمن انو نسيناه حركاتو متوقعين راح يتعاون معا المافيا باش يحمي نفسو و باش يقتلوك منوصيكش
.. : هدا مكان😏 لعبو صار قديم يدخل تحت لرض نجيبو .. : حاجة اخيرة رجع متقعدتش تماك مالازمش طول في بلاصة وحدة و حتى نعطيك الاشارة
باش ديماري
.
قطع الخط و عاود شاف فالصورة قدامو
_جلال اسكندر يا وحد الخاين لميت المافيا باش تسلكك مني؟ هه جايك جاايك الدور
كرفس الورقة فيدو و شاف فالمرايا كفاش سمح لواحد كما هداك باش يعيش قال وزير قال رجل دولة فاسد اصلا الحكومة كاملة فاسدة بما فيها وهو اكثر واحد فاسد فيهم حقيقة مرة مهما قتل منهم يقعد كيفهم😏
عاود طلع راسو يشوف فلي فيكتيم لقتلهم بعينيه فالمرايا واقفين يشوفو فيه الكأس لكان فيدو طاح فلرض تكسر مازال عينيه فيكسي فالقدام حس يدو رجعت ترجف قلبو يضرب بقوة و التنفس رجع مش منتظم حط يديه على راسو يحاول يكالمي روحو صوت يقولو نتا تاني ملازملكش تعيش نتا قتلتنا و مزالك دير فالجرم نتا أداة نتا دمية يحركوها هوما وصوت طفلة صغيرة تبكي هاد الصوت غاد يخرجو من عقلو ملقالوش تفسير ! هاد الهلوسة مش عارف مصدرها بصح راح متأكد انو ماشي مهبول . يمكن اثار انفصام ؟
_ شكون نتي علاش ماشب بتخليني فحااااليييي خرج من راااااااااااسييييي يعدوووني قاس كلش كامل لبرودوي لكانو قدامو دار و قلب الطابلة بيها بليفيها🍸🍛🍴طلع راسو مزالهم يشوفو فيه حكم الكرسي و ضربها بيه رجعت فتاة و قعد يحاول يكالمي فروحو بعد عدة محاولات تعلمهم تكالما و رجع كيما كان (اللبنات كامل دالشي و السربيتة مطاحتش😂)
نرجعو لبلادنا الحبيبة لالجيري💚 فوحد الموقع فجوانب الصحرا تحت لرض وين ما كاين عناصر العسكر محاوطين البلاصة الداخل عكس الخارج خدم و طوابل و ظواو خفيفة و فوتايات كوير نواغ فقاعة كبيرة جلسة فخمة بالمختصر كانو قاعدين اقلية من الناس وحد العشرة و الواقف على المنصة يهدر حداه بسام و الظابط عماد
لوزير جلال اسكندر بهيبتو واقف و متبسم بثقة يشوف فأعضاء المافيا لجمعهم قاعدين يتساؤلو على السبب هوما هاربين مالدولة و الدولة قاعدة ترحب بيهم هنا؟ كاين لخاف مجاش و قالو فخ بصح اكثرهم جرأة جاو و هوما عارفين انو ميقدرو يعملو والو
عماد المحقق (عقلتولو😂)محقق فنا حياتو فسبيل المافيا و العصابات
يكره حاجة سموها مجرم مال براسو من جيهة جلال اسكندر و تكلم قاعد يشوف فألذ اعدائهم
_ مسيو اسكندر مش قصدي نشكك فقراراتك و مخطاطاتك بصح...هادو جماعة مجرمين خارجين على القانون شاف بعيد فواحد منهم ريشلو بيدو بكل وقاحة😂نفخ بعصبية عاود شاف اسكندر
_متقلقش روحك هوما يحتاجونا كثر ملي نحتاجوهم..دير الثقة فرئيسك راح تشوف ماشي هكدا بسام وليدي
بسام كان حاط راسو فالبورتاب يكتب فمساج لحب قلبو لكانت فهاذ الوقت تتريني تمسخ فايدن و صاحبو
