Who you are jessi j🎵
ايدن_يحكي
حليت عينيا بشوية وشفت فبلاصة السما بلافون؟ وين راني؟! حسيت بالبونداج على كوغ تاعي دراعي و كمادات على جبهتي نظن باش ينزلو بيهم الحمة! البيت كانت صغيرة و بسيطة بزاف سرير و كرسي مقابلني و..وحدة راقدة فلرض راسها بين دراعها حدا يدي كانت دايرة حجاب مرت شهاب دافاك؟!
_سهرت عليك الليل كامل
شفت قدامي مرا تكون فالخمسين على وجها تبسيمة لبسة بسيطة جات و حطت يدها على وجهي
_هبطتلك الحمة الحمدالله راح نجيبلك حاجة تاكلها دوك باينة راك جيعان
_وين راني ؟كفاش جيت هنا؟
_ متعييش روحك بالتفاصيل دوك نجيبلك تاكل و كي تتنشط مليح نهدرو😊 عملتلك اكل راح يرجعك كالعود ههههه و نتا راك كثلة عظلات مشاء الله عليك
خرجت و خلاتني مخلوع صراحة هادو يا اما اغبياء او قلوبهم طيبة لدرجة كبيرة باش يدخلو واحد ميعرفوهش لدارهم و يعاملوه بلطف مزال كاين ناس هكدا؟ لونا علا حساب ماني عاقل اسمها تحركت شوية كانت تهدر و هي راقدة
لونا:ماما راني جيعانة😴😪و الله و معا حالتي جابتلي الظحك هاد البنت شحال تبان براءة وهي راقدة! عملت pause😐كدققت فوجها شحال مألوفة يا ربي واش هدا ! جاتني ديك البنت فراسي اليوم كانت اول مرة نرقد بهاد السكينة بلاما جيني مديت يدي بصح قبل ما نقدر نتلمس وجها فتحت عينيها بشوية و شافت فيا بعدت يدي بسرعة عيطت بدهشة
_ راك صااااحي اخيييرااا😲😀مااااماااا اجري فتح عينيه كنت خايفة بزاف متتحسنش بزاف بصكو لوبيتال الوحيد لهنا بعيد لازم طونوبيل و الطاكسي تاني بعاد على هنا ونتا لقيناك نص الليل انا مكنتش حاظرة بصح بابا لقاك يعني كيف كيف ويا يمااا الحمة كانت تقليل فيك منبعد رجعت ترجف بالبرد منبعد الحمة رجعت ويا قلبي عليك رجعاتك كالبطاطا المقلية😵على سيرة البطاطا راني جيعانة اوو عيب عليا نوغمالمون نسقسي المريض اللولة
قعدت حال فمي هاد البنت مش نفسها لكان الانكسار فعينيها نهار تخبات ورايا من شهاب كانت..فرحانة؟ فرحانة كشافتني😐؟تبسمت بالخافت حتى دخلت ديك المرة نظن يماها يعني راني فدارهم
_ لونا خليه مسكين خلعتيه معا صباح ربي روحي عاوني باباك فالمزرعة
_اوكي ماما😊
خرجت و قعدت المرا حطت سني فيه ماكلة قدامي فوق الفراش
_ كول وليدي مراحش تندم
_ شكرا..ا..
_ فريال و راجلي عصام و هاديك المهبولة بنتي لونا
_انا...سكت واش نقولها ايدن قاتل مجرم دولي هرب البارح مالشرطة الفيدرالية متشرفين😑؟ سكت و هي حتارمت سكوتي
_مراحش تسقسيني شكون انا؟
_ يلا مراكش حاب تهدر خود كامل الوقت حقك يا وليدي
هزيت راسي و تبسمتلها
سويت كومنت👇
كتهبطو تكملو كليكي نجمة و بس يلا عجباتك❤
شفت بعينيا فالدار و برا البيت كولواغ صغير بالكاد يوسعني انا باش نتمشى فيه
فريال: كيما راك تشوف حالتنا متوسطة بصح الحمدالله
_ معليش خالة مقارنة معا المكان لعشت فيه انا هذا جنة علابالي مفهمتش قصدي كيما فهمتها تفهمها شفت فحظني لاسوب ريحتها كانت تشهي يعني مراحش تسممني مثلا؟ اوكي الطريقة لعشت بيها خلاتني موسوس بصح اصلا يا دارتلي السم مراحش يخدم فيا بيانكا كانت تشربنا كليوم جرعة بسيف باش ميرجعش عندو مفعول فالكبر.
فريال: راح تبرد و لا راك حابني نوكلك كيما لونا ههههه
هزيت راسي وبديت ناكل يا ربي على هاد الشعور شحال حنينة هاد المرا عرفتها فساعة ملي فقت خلاتني نعمر الفراغ لعملاتو بيانكا فسنين علاش ماعنديش ام هكدا؟
حسيت بحاجة تهود علة خدي و انا ناكل! راني نبكي!!!! ايدن لدمو بارد قلبو مسلوب راه يبكي! ومحبستش الماكلة محببتش هاد الشعور يحبس غرت من لونا لعندها عيلة تحبها من صقر لرغم كلش قدر يحافظ على حبو انا مالجيهة لخرى خسرت كلش حتى روحي ماشب عارف حتى شكون انا ! ايدن قاتل مأجور..رعد..؟ انا واش؟؟؟
فريال تعجبت مني
_ بالاك لاسوب معجباتكش😰😧 _ هههه لاء بنينة خالة جامي دقت كيفها
_ ربما بنينة كي تاع يماك ؟
والله جابتلي الظحك و ماراهيش طالعتلي فيه تخيلو بيانكا طيب بكل حب و حنان بفف ههههه والله مسخرة ندفع نص عمري باش نشوفها
_ المرا لرباتني كانت مختالفة شوية خلينا نقولو ماشي حنينة بزاف😏
_ باينة راهي مقلقة عليك دوك نعطيك التيليفون طمنها
_ لاء
_علاش!!
_ماتت
_ اوه!
مسحت دموعي و بعدت السني من حزني مجرد الهدرة عليها راحت الشهية بصح تفاجأت بفريال كسحبتني لحظنها😶 و مسحت على شعري
_ كان عندي وليد يكون فمثل سنك كون مزال عايش قالولي مات و مأمنتش لونا لدوك معلابالهاش مانيش حابتها تتألم كيما تألمت لاني نعرف حرقة الفراق كيدايرة عدني فبلاصة يماك متفاهمين؟ عملتلها براسي ايه و حظنتها كنت طويل عليها بأضعاف كان لازملي ننحنى للتحت.
