عاودت عنقاتو و دفنت راسها فصدرو شحال توحشت ريحت خوها افضل اخ و صديق فالعالم .
بعد شوية انتهت دقيقة السعادة سمعت صوت طالون جاي مالباب بعدت شوية على امير و شافت موراه لقات سيرينا واقفة قعدو يشوفو في بعظهم عشر دقايق بالحساب سيرين حاولت تتبسم فوجها راهي عملت مجهود كبير
_نينا😒😊
_ سيرين 😒☺ تمشات خطاوي بتغناج و بعدت شعرها بالطويل بكل انوثة و سلمت عليها ، نينا علابالها انها متحبهاش و لا حتى هي تحبها و امير علابالو انو ميحبوش بعض و عارف اكثر انو مالحكمة مايدخلش بيناتهم.
سيرينا عارضة الازياء تلاقات بأمير فواحد من لقاءات عايلتهم امها معا ماماه سيلفا و هكدا بدات القصة بيناتهم و مينكرش انو سيلفا لعبت دور ثانوي في لقاءهم
هي كلش فيها مليح شابة طويلة شعر دهب حرير بصح غرورها اخد القسم الكبير.
سيرينا حاولت تتبسم
_شحال فرحت بشوفتك شيغي سمنتي شوية نن؟
نينا:و نتي كي قريب تولي عود نعطيك شوية؟
امير تنهد و عنق ختو
_وينراهم الجماعة
_فالصالة الكبيرة
امير بحكم انو ميعيش معا باباه ماشي متفاهم معاه اصلا على خدمتو حب يدير دومان تاعو وحدو و تفاهم يخطب سيرين فالمدة لوضعو يكون مستقر..و مستقر تعنيلو متحرر من قبضة ابوه. وهدا شي سيرينا و حتى سيلفا عمرهم ما فهموه. بطريقة ما نسا كامل لي فحياتو حتى واحدة مافهماتو كل لاعب يتبع في ظل ابوه فوسط كل هذاك البدخ من غير نينا طبعا..اختو الصغيرة..لي بشكل سحري رجعتلو مرا طبيبة كبيرة نتعلمو و متمردة كي العادة. شابهاتو ظحك مع نفسو و مسك يدها قادها معاه للصالة
كشافتو سيلفا داخل طارت مبلاصتها و حظناتو هو نينا تفاجأة معملتهاش معاها و عملتها معا خوها كالعادة. ديما هو فكفة وهي فكفة واش سرو معلابالهاش .
تحسهم بعاد عليها مرات خوها امير هو لكان يفهمها من صغرها هو صديقها الوحيد و جامي هتمت للتمييز ليبيناتهم لانو تعرفو يحبها من قلب قلبو. وصل بسام و بداو الحشا فوسط الهدرة تكلمت نينا بحزم
_بابا حابة ندخل نخدم فواحد ملوبيتال لعندك شاف فيها جلال باهتمام اما سيلفا عوجت شافتها
_ماشي وقت الهدرة على الخدمة نيرفانا
_ كيما قلت بابا
بسام حكم يدها : فكرة هايلة و منو تبداي تعلامك تاع الصح
شاف فيه امير بخزرو تخوف
أمير : لا
نطقها بدون مقدمات بدون ما يعبى بروحو محبهاش اصلا تدكر الخدمة معاهم مش عارفة باباها معا واش يتعامل بالتفاصيل الدقيقة هي كلش فيها براءة كيفاه راح يسمحلها تحط رجلها فهاد الواد مفهمش باباه كحتى قبل ؟ يلا قبل جلال هو مراحش يقبل قطعا. شافو كامل فيه
ستقام فالقعدة و عاود ستف الهدرة
_ من رأيي تحلي خدمتك بنفسك
جلال تبسم: منقدرش نرد طلب الاميرة تاعي لحبيتيه راح يسرا ..بصح اسكو راكي واجدة باش تبيني شطارتك
نينا : لعندك جيبو مسافرتش قريت كل هاد مدة باطل . و بعدما نكسب خبرة راح نبدا روحي كيما قال خويا .
امير قعد يشوف فاسكندر فبسام و باباه كشغل هبل ! حياتو مهددة هدا واذ خبروه حراس باباه كاين واحد راه يقارع يرتاكب جريمة
قاتل متسلسل برا راه يقارع
مراحش عارفة اذا راه يتخيل باباه و مقرر نسيبو مستقبلي راهم يوافقو على دخول ختو صغيرة هاد الخطر و لا صح هاد شي راه يصرا قدامو. في كلتا الحالتين مراحش يسمح.
.
