There's no way i can save you cause i need to be saved too
-Psotemalone
حبس على صوتها كأنو فاق على روحو وبعد على بسام لطاح فلرض بعدت نينا بخطواي منو بخوف شاف حركتها حس بقلبو توجع راهي خايفة منو و مرة أخرى بيانكا عندها الصح سمع صوت بسام الخافت _ههه شفت؟ عمرها مراح تحب قاتل يلا محبتنيش مراحش تحبك محسش بالحياة تظياق عليه الا فديك الدقيقة زير القبضة تاعو حتى عروق خرجو رعد:هنا و خلاص راني طولت معاك🤬 حكم السلك نينا عينيها قريب خرجو من بصلاتهم قبل ما تلحقو شعلو بسام فدقايق كان جسد بلا روح رعد:اخيرا غي 20 volt لي تسكتو. نينا دارت للحيط ماشي قادرة تشوف فيه تبكي بصمت قتلو قتلوووو بزاف عليها هاد الشي كلو حطت يدها على كرشها اسكو هدا هو الاب لخطارتو لولدها؟ وكون تقولو يمكن يعمل فيها واش عمل فيه بدون رحمة سمعو صوت مشيا فالكولواغ مشى رعد للسلاح طايح فلرض زير على القبضة تاع يدو و قرص عض شافتو بألم و بس بنادم يصاوب نفسو ؟ايه رعد عملها🤦♂️مسح بصماتو مالسلاح و حطو فيدها قعدت تشوف فيه بين دموعها ماشي فاهمة حاجة؟؟ بعد خطاوي و طلع يديه فالسما كدخلو الحراس و lesBoss تاع المافيا وجلال المنظر كان هكدا * ايدن قتل بسام ونينا صاوبت ايدن * هدا وين فهمت علاش عملها بصح واش راح يسرا دوك؟ كامل رفعو سلاحهم فوجه ايدن جلال شاف فنينا مصدوم "واش راكي ديري هنا" نينا تلبكت معرفتش مالصدمة واش تهدر نطق رعد باش يلفت النظر ليه :الحمار لراه غاد جرجرها لهنا لهاد كون روطارديتو شوية كنت راح نخدم بيها مقبلات حكموه من يديه باش يكبلوه ظرب الحارس بيد وحدة و المصاوبة كان حاطها مهتشمش للوجع و تكلم ببساطة _ عشرة على واحد ماشي عدل 🙃🙏. تكلم واحد فيهم:خلوهولي ..يا اهلا ايدن حصل لي الشرف نتلاقاو ايدن شاف فيه: صقر كاراس عندي زمان مشفتكش صقر جبد سكين كانت وراه فوق الطابلة و حطها على عنق ايدن حبيبنا ظربو بمرفقو صقر بعد مالظربة و ظحك _ عجبني ريفلاكس لعندك يتسما راك باغي الطريقة التقليدية 👊 ايدن: باغي جربني هه vsy بصح نحدرك راح ترجع لدارك بلا يدين🙏 قرب وشاف فوجهو و تبسم:ماشي من عادتي نقاتل واحد مصواب فيدو ايدن تبسم و ظرب صقر بوكس فوجهو باليد المصاوبة بعد خطاوي شاد وجهو منبعد شاف فيه: اه نظن كنت غالط اليوم نتا راح تخرج من بلا يدين حكمو للمرة الثانية من عنقو وهاد المرة لف على عنق ايدن السلك لي قتل بيه بسام
جلال جرى عند بنتو نينا دوك تأكدت انو كلو ثمثيلية نشعت يدها منو جلال زير وجهو ايدن عقلو كان معلق معاها مقدرش يركز معاهم جلال:نظن راكي عرفتي منو صوالح مانيش عارف واش قالولك يا بنتي نصو كدب صح انا و سيلفا ماشي والديك بيولوجيين بصح رببتك كقطعة مني وشار بيدو لرعد لحاكمو ادريان و ماكس: هداك المجرم يحوس يرجعك معاه ظدنا شافها كتبسمت بسخرية عرف انو هدرتو ممشاتش عليها الوغ راح يخرج اخر سلاح بقالو شاف فايدن _ يا تحط سلاحك يا تعرف لاسويت عظ شافتو كان يقارع يحكمو نقطة ظعفو باش يخدمو بيها ظدو هاوليك جلال وصل لي بغاه طلع يديه فالسما باستسلام صقر مازال لاف عليه السلك جلال: باغية تعرفي شكون يماك؟؟؟ شافت فيه نينا باهتمام !!!؟؟؟؟ تبسم و همسلها:المدام بيانكا حطت يديها على فمها و شافت فرعد جلال:نظن راكي عارفةانو هاد لراه قدامك هو لقتلها مازلتي مستعدة توقفي معاه حرمك من فرصة تهدري معا يماك الحقيقية حتى قبل ما تعرفي بيانكا مراحش ترجع نعيش راش تعرف الصح منها رجعت خطاوي و هزت راسها بعنف :تكدب!!!!!!! كدااااااب هاد الشي صحيح؟شافت فرعد لحط عينيه فلرض _ رعد تعيش قولي راه يكدب 😢 نتا تحبني؟ تحبني ياك؟؟؟امين تحبني كي تقدر تشوف فيا ؟؟؟ علاش قتلتها! علاش ؟؟؟ هبطو دموعها للمرة الالف بزااف عليها كلش فظربة كلهم قتلة و القتلة ميحبوش كلهم كلهووم ركزت معا الحيط حست النفس نقطعتلها صقر: معليش نقتلو دوك؟يلا كملتو النقاش العائلي تكلم جلال: اقتلوووو شافت كلش بحركة بطيئة كيفاش صقر شد الحبل عليه حتى ترك أثر على عنقو و أدريان رفد سكين و ظربو فقلبو بقعة دم كبيرة بانت فتريكوه اخر حاجة كانت فعينين ايدن هي نينا قاعد غير يشوف فيها وهي تشوف فيه بين دموعها منبعد حس الجسد تاعو يتلمس لرض شكون قال الغرفة لهرب منها حياتو كاملة يموت فيها كلهم لازم يموتو بحكم حجم الأسرار لحاملينو معاهم هاد العالم مستحيل تكمل بيك هاني يا قاتل يا مقتول بصح متوقعتهاش نينا هكدا!. .
الوغ ...كلش قلتو على red room صحيح قصص المافيا مجرد خيال بصح فديب واب أشخاص كيما ايدن قتلة مأجورين حقيقة نتمنى هاد الشي يقعد فنطاق كورنيك بصح مكاش ليروح يحوس عليها يا حشريين انتو 😂👊 انا مش مسؤولة خالص وشكرا و عفوا😊🙏🖤 راااااااايكوم علابالي راح تكرهوني اليوم 🙈💩
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
