Black and white melt into grey
_شاراكي تقصدي علاش جبناه ماشي نتي بغيتي تجربي الخدمة بنفسك
دايما يطلعوني انا الغالطة فالهدرة و ماما ناظت مبلاصتها تشوف فيا بنفس ملامحو متوقعوش هاد السؤال و انا متوقعتش اجابتهم اصلا
كاينة حاجة راهم مخبيينها عليا هداك المجرم ظحك فوجهي كي لقاني زي الاطرش فالزفة مش دارية بحاجة
الشي لعصبني كثر من حقيقة انهم راهم يخبو عليا حاجة
_شكون هذا بابا شعندو معاك علاش يمثلك تهديد واش عندو ضدك علاش كتسمع سيرتو وجهك ينقلب و علاش جبتو لوبيتال ؟
_يا بنتي ماشي قلتيلي بنفسك نعطيك فرصة؟
رفع يديه فالهوا... اهو جبتهالك لعند رجلك، مجرم مطالب دوليا انا اول واحد قدرت نحكمو
دقق عينيه ويدو لي كانت فالهوا رجعت تشير ليا
_خمي هذا واش يعني؟ الشهرة ليك بنتي راح توري للناس انك قدرتي تروضيه ..
رجعت مالا للوراء بظهرها
_بصح واش كان يدير فلوبيتال تاع دراري هاد تاع اعمال خيرية و لا حبس بنفهم ع..
_ نيرفانا خلاص مراكيش تشوفي فحالت باباك كراهي ماشي وقتو
قبل ما نكمل قاطعتني ماما
بابا قرب عندي وحط يديه لزوج على وجهي
_ الشي هدا ميهمش مانيش مظطر نشرحلك خدمتي بالظبط مازلتي صغيرة المهم دوك انو راكي مليحة ومعملك هداك البسيكوبات حاجة الحمدالله.
زيرت على يدي و سكت زعما راح نسكت؟ اوفكورس نن يلا محبوش يخبروني كاين لي راح يفعل
.
ايدن بنفس راح يخبرني
.
طلعت لبيتي بمجرد انو دخلت رسمت ابتسامة عريضة على وجهي قدام ليلى لقيتها جبدت لباربي تاوعي وقت كنت صغيرة ياب مازلت مستحفظة بيهم
ليلى: نيناااا جيتي ايا نلعبو عروسة
_ ههه صحا شكون العروسة؟
_نتي و انا نماكيييلك
اكثر حاجة تبغيها هاد البنت فالدنيا هي هاد اللعبة وجهي المسكين راح ظحية
تخلصت م حوايجي فسلة و معلاباليش علاه حسيت نحيت اعباء النهار كامل معاهم ولبست تريكو شورت قصير.
و جمعت قدام مايكاب ارتيست تاعي لمساتها كانت خفيفة تماكيلي ميتة بالسعادة ههه
البنت مستقبلها منا راني نشوف فيه
شحال تخبل ظحكتها, نعمل كلش على جال هاد الضحكة ليلى بنت جابوها مالميتم مشخصة بمرض السرطان بصراحة قريت الطب على جالها و معندها من غيري حتى حد تقريبا.
_نينا متحطيش عينيك لتحت خسرتي الايلاينر
_حاظر سامحينا
_ راح نكملك و تكوني اجمل طبيبة بالعالم بصح خصنا عريس !
_كاين
_لا مش بسام ميعجبنيش
عقدت حواجبي
_علاش عمو بسام يبغيك
_بارح شربلي كلا حلوى تاعي سراق،
_منبعد راح نشدو من ودنو
_ لا مايحتاج راح نزوجولك هاداك الطبيب الشباب تاع الصباح
_شكون هذا لي دا اهتمام الملكة ليلى
عملت بيديا حركات درامية خلاتها تظحك, الظحكة تحولت لابتسانة عريضة و لكل سرور همست
_رعد!!!!
_رعد؟
_ واه رعد!! لتلاقيتو الصباح و هذاك الراجل قرص عليه كيما الفيمات و خوفني
_شكون قالك
_هو قالي اسمو تعرفنا و صرنا اصدقاء
_رعد!!!!! من وين لوين راني سامعة بهاد الاسم رعد زدت فكرت مليح مليح كاين حاجة راهي فلو فراسي يتسما هدا هو اسمو الحقيقي اول خيط حكمتو عليه وبفضل مبنت فعمرها ست سنين هه اه يا رعد ايه مليح من راهي حاسباتو طبيب الحقيقة كبيرة بزاف على تخمامها البريء
و نتي نينا راكي تهدري على اساس نتي راكي عارفة كلش بصح الحمدالله برك لمعملها والو هدا هو المهم دوك.
كملتلي ماكياجي على أغنية shake it off tylor swift
مع انو مكاش لي راح يحتافل بيها فعرس و لكن انا شكون باش منلبيش طلب ديجي صغيرة تاعنا.
رقصنا حتى شبعنا فوق السرير والله هاد البنت تنسيك همك حتى طحنا راقدين مالعيا رقدت فحظني و انا فطنت قعدت نشوف فالبلافون طار النعاس و بقيت قاعدة فراسي بنادم واحد قلبت شفاهي الرخيييص يا خوفي يعرف بسام ولو كان يلحقو !
بصح الشعور لراه مخوفني علاه راني حاساتو مألوف وعلاء راني نتفكر فديك اللقطة
هيبتو، رجولتو، ريحتو و كحط شفاهو على تاوعي حسيت بشعور مألوف لمسة مألوفة و...نيرفانا واش راكي تقولي اووف اوووف الله يديه غمضي عينيك ورقدي. هدي غنم فراسك. منظنش هادي فكرة فعالو نظرة انهم راهم مزربعين في راسي كي أفكاري.
#ايهم_يحكي:
كنا داخلين انا ورعد للفيلا حبسنا كشفنا المدام بيانكا شادة كتاب حداها فنجال قهوة قاعدة فالجاغدان قدام المسبح طلعت راسها وشافت فرعد فزوج جمدنا هو حط يدو المصاوبة وراه باش متشوفش الدم الحمدالله كنا فليل
_ رعد ! وين كنت؟وايهم نتا تاني
_ اه..ام..ا
سمعنا صوت جاي ملورانا و عرفتها ديراكت مالمشية ياو تقودت علينا 😑 ستيلا جات فايتة رمات كرطابها فلرض و راحت تجري لبيانكا بصح ماشي قبل ما تشوف دراع ايدن فالطريق 🤦♂️فالاول تشوف ملامح الدهشة عليها منبعد تبسمت بخبث و شافت فيه
Oh shitt here we go again
رعد عطاها نظرة تخوف بصح ولا شعرة زغدت منها
ستيلا: علاش وجهك راه صفر
رعد: علاش لسانك راه طويل
بيانكا: تسكتو فزوج و نتي حبيبتي وين كنتي فهاد الوقت🤨
_اه كنت راجعة من عند صحبتي و الشوفوغ هو لوصلني متخافيش بصح هاد العمود لراه واقف قدامك علاش متحاسبيهش
رعد: علاش متروحيش تعملي حاجة تاع فايدة راكي زيادة فوق لرض
خرجتلو لسانها اول مخلوق ميعرفش لخوف منو بسرعة دمرتو قدامي قبل ما تزيد بيانكا تستفسر بصك هاد البنت راح جيب اخرتنا
_ رعد لبيتك يله عندي هدرة معاك على الخدمة
هز راسو و طلع
بيانكا: تعشيتو
انا: مغسي مدام ماناش جيعانين
دارلي بهمس شكون قالك هدر باسمي راني مسلق بالجوع
شفت فيه وقلبت عينيا قسمن بالله نحلف غريان راه واقف قدامي ايه امشي برك
وصلنا للبيت نحى تريكوه كتفو كانت مدرجة بالدم الجرح زاد رجع اسوء ملي كان!
_شكون صاوبك
_واحد مالمافيا اسمو فادي _واش بيك قليل وين كنت تغلط فخدمتك
_معليش حقيقة اني عرفت كلش حتى نقطة ضعف جلال هدا يبان والو.
جبد علبة الاسعافات و انا راكز على الحيط جامع يديا نشوف فيه خرج منها سكين صغير ومقص و صوالح التعقيم جبد الرصاصة لا مخدر ولاهم يحزنون انا توجعت فبلاصتو😣وجهو كالعادة بارد من أي شعور ألم واش عملو فيك اصاحبي
رايكم فالشخصيات الجديدة؟
