اسأطعن قلبك بالسكين التي تركتها في ظهري😏 . وصيت ايهم يدي نينا ليها و يشدد الحراسة هاد المرة الهوا وميدخلش فاتت ليلة كاملة وهي تظرب وهي تعيط و تبكي كنت التحت معا ايهم راكز على الحيط و يشوف فيا نتريني البوكس معا واحد مالرجال ايهم:راح تخليها هكدا؟ _معنديش حل اخر لازم تبعدها مالطريق قبل ما يستخدموها ظدي مقدرتش نقابلها لانو كل م مرة نشوف فوجها نتفكر هدرة بيانكا قبل ما نقتلها ديراكت " راك حاسب نينا راح تحبك؟واحد قاتل قتل صحبتها و راح يقتل خطيبها و والديها قدامها راح تشوف بعينك راح تهرب منك راش ترجعلهم ترجع لبسام وخاصة كراح تعرف أنك قاتل يماها الحقيقية!!!!" سمعت ايهم يعيط بصوت عالي عليا باش نبعد على الراجل لكان راح يفقد الوعي وجهو رجع يشبه البطاطا مطحونة شفت فيدي منبعد فيه وكالعادة تفقد الكونترول جتى بلا ما ننتبه اخخخ بيانكا حتى وهي ميتة تلعب بعقلي ايهم: جلال راه يحصن روحو بكل ليمافيا تاع البلاد راهم حاطينك بين عينيهم ونتا ماشي قادر حتى تكونترولي روحك راح موجدلك خير ربي ستف روحك قبل ما تجيبهاعلى راسك😠 الحاجة اللولة لديرها لوبيتال لازم نعالجو الجروح لعلمتهالك بيانكا و دراهم المصاوب يا خي رحم روحك نحيت فالبونداج من يدي عقلي مزال عند نظرة بيانكا قاتل قاتل قااااتل البروبلام محسيتش بروحي حتى كعرفت انو بيانكا هي يمات نينا و انا واش عملت قتلتها مستحملتش نزيد نسمع كلمة من ديك المرة كانت سباب مرارة عيشتي لسنين غي رواح و قول ام نن ! الام عمرها ما ترمي بنتها دوك كراح نشوف فوجه نينا؟ مكنتش مهتم بصح دوك عقلي راه مشوش
نينا_تحكي:
ظربت بكيتي عيطت بلا فايدة فجأة الباب نتحل دخل رعد وجهو كان صفر مقال والو شاف فيا و حط راسو و تنهد بعمق بكيت بقهر و انا ظرب فصدرو _ شا ندير باه نهدرب منك 😢 يخبرني واش نديرو ؟؟ مراحش نهدر لشفتو عليك راح ننسى اني عرفتك كان عندك الحق كحدرتني باش مندخلش روحي فصوالح غيري تعلمت الدرس خليتي نرو.. رعد: تقدري تروحي... كنت قاعدة نعيط و نبكي و ناكل فروحي حتى سكت و ستوعبت واش قالي طلعت حاجب _ هادي وحدة من الاعيبك؟! طلع يديه ببراءة: مكاش الاعيب نحلف بكل حاجة عزيزة عليا _منصدقش _علاش؟ _لانو نتا معندكش حاجة عزيزة عليك كلش عندك تمسخير عليها منصدقكش راح ترجع تلحقني و مراحش تكمل لعبة القط و الفار رعد: لعندي قلتو بغيتي حريتك الباب راه قدامك نتي مسؤولة على روحك من هاد الدقيقة و كاين ظيف راه يقارعلك التحت شفت فيه مصدومة بصح راح يطلقني! حسيت روحي نعمل فحاجة خطأ بصح مصدقتش خلاني الوغ مشيت للباب كتفي تلمس كتفو مشافش فيا حتى _ نينا! _واش😨 يا ربي ميكونش بدل رايو يا ربي مبدلش رايو _ الشعر لصفر جاك هبال على الول طلقت النفس لحمتها قلتلكم هاد البنادم ميعرفش السيريو حب يقتلني باللخلعة و صاي . هبطت الحراس تحت برا وخرو مطريقي يا ربي والله تقول حلم لقيت طونوبيل نواغ خرجت منها ليلى تجري ليلاااااااا!!!!! جريت عنقتها دموعي طاحو كالشلال عنقتني بقوة و قعدت تمسح فدموعي ليلا:ثوحثاااك😻😇😇😇 حسيتها سنين ماشي شهور رمالي رئيس الحراس المفتاح تاع طونوبيل ركبتها و ركبت قبل ما نديماري شافت نظرة اخيرة ورايا رعد واقف ببرودة تامة يشوف فينا مالتاقة ديماريت فالطريق صونا تيليفوني امير قريب كلاني "وين كنتي رحتي و مقلتيليش قريب هبلت راح تخلصيها الخ الخ.." المهم رجااااااعت و معايا ظيفة 😇😊 بصح كاين حاجة مش مزبوطة يا ربي واش هاد الشعور😥. مباقيش بزاف و نكملوها خلولي بصمتكم هنا😍👇🤟 Team_ra3d / team_sa9r?
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
