و ما بالك بالملاك يروض قاتلا 🖤
Goodbyes_postemalone
.
فطن على صوت البوليس وهي تدخل البلاصة مسلحين يطالبو كامل لتماك يرفعو يديهم شاف فيديه قدامو فالاصفاد🔗
عماد:شكون قال نحكم عصفورين بحجر واحد جا اليوم لسلمت روحك بروحك يا صقر كاراس
صقر سكت يحاول باش ميخرجلوش عمرو بيديه حتى ولو راهم مربطين لانو يديرها و مكاش ليسلكو وقتها بصح ليان ليااان ليااااان وعدها وراح يكمل للتالي شاف قربو ايدن نفس الشي بصح ولا هامو الموضوع طبعا لانو البغل عماد لراه مأمن انو حكمهم ماشي عارف انو البوليس تحت يديهم قاعد زي الاطرش بالزفة😂🐸
عماد:اه طبعا مننساوش فخامة المجرم الدولي لي هلك نظام الحكومة
ايدن: تمسخر بيا صاحبي؟ انا هو سوبرمان غي دوك سلكنا العالم منو (شار لجلال لفاقد الوعي حدا مرتو المقتولة
عماد :و جرايمك؟؟ المدام اسكندر كي ماتت؟
ايدن: قضاء و قدر🙄
عماد:كتقدر تعيش و نتا قاتل بنيادم كثر مشعر راسك؟ كترقد فليل؟؟؟
ايدن: بلا حوايج نتقلب على الدراهم😎
عماد زاد تعصب حتى عروق يديه حبو يطرطقو
_راح نشوفو شكون راح يضحك فمحكمة القضاء الدولية الاعدام هو واش راح تضحكو عليه مليح معا يا ايدن تعرف شحال ستنيت
صقر:عمودي راك خادعني! ماشي كنت تحبني انا💔
عماد راه عارف مليح انو كون يقعد معا هادو زوج راح جيه جلطة امر البوليس باش يدوهم خرجو مالبار لبرا الشرطة طبعا مخلات و لا صحفي تماك لانو عملية حكومية سرية.
ليان_تحكي:
كنت قاعدة نلم فحوايجي و صوالح روان مالخزانة للفاليز فوق السرير تاعنا فبيتنا اه يا ربي مقدرتش نزيد نصبر و عنقت بنتي بقوة لصدري مقهورة دموعي مزال منشفوش ملي عطاني ظهرو وراح بعد نص ساعة فادي جا !! عنقتو و بكيت بسباب صاحبو المهبول وشا عمل فيا كانت معاه وحدة شعرها نواغ قصير و عينيها بلو قاعدة تشوف فيا بنص عين كعنقتو مكانش عندي وقت باش نحلل شكون هادي شاف فالفاليز و فهم الموضوع بسرعة البرق تنهد و مدلي التيليفون
فادي: نظن راح تبداي ترجعي فحوايج للخزنة بعظ لتشوفي هدا 😥☹
بلغني بخبر بحياتي متخيل نسمعو مأمنتوش طبعا و لا راح نأمن حتى شفت الفيديو فالتيليفون .
صقر!
.
كاراس .
الوحش لميرحمش .
لمقدرتش حكومة كاملة عليه! .
راهم مكبلينه من يديه بالسلال مقاومش ما قالش كلمة ساكت و يتمشى بين زوج مالشرطة الفدرالية مسلحين طيحت التيليفون من يدي بخلعة فادي شد روان راني راااايحة
فادي طلع يديه بخلعة: واااااش! يفتح عليك خطيني من الدراري منعرفش حتى نشد روحي باغيتني نشد بنت داك المهبول بعمرها شهرين 😨 والله تسرالها حاجة يجيب بيا الحبس مأبد ليااااااان..مستنيتش دقيقة و رفدت مفاتيح طونوبيل تاعي خارجة لبرا
Votiiii حق لي راهي عاجباتك و تقرا
فادي ورايا معرفش واش يدير دار البنت لكانت معاه
_ستيلا شدي روان
وحطها فحظنها علا عجلة و جا لاحقني خلينا البنت تعيط مالفوق
ستيلا: فاااااادي رجاااع منعرفش للدراري 😵😵🤬🤬
مخلانيش نسوق نظرا لانو كنت فحالة مزرية وصلنا قبل ما ينطق خرجت نجري نحوس عليه بعينيا فكل ديك الخالوطة لكانت هنا جا واحد من الشرطة يجبدني شدو فادي بعنف و بعدو عليها فوسط داك الهول شفتو!!!!!! كانو مخرجينو هو و واحد معاه معمر وشام كان متبسم على جيهة وهوما خارجين. حبيبي شاف قدامو عينيه مايشوفو في حتى حاجة من غير عينيا تخلع متوقعش يلقاني هنا علابالي لساكنين فالقطب الجنوبي راح يسمعو عياطو عليا لي جيت بهاد البلاصة بصح مقدرتش و اللع وعملها! هادي كانت ايجابتو من بكري ميحبش يهدر بصح يعبر بأفعالو وعملهاااا علا جالي😢!!!
