You're so much bigger than the world I have made
.
We own it 🎵🎧
نينا شافت الراجل هداك هبطت معاه لتحت فالقبو تحت لرض وهي ماشي فاهمة حاجة حست قلبها نقبض سلاسل معلقين فالحيطان و دم و ادوات تعديب و كاميرات بيت فيها اشعة حمراء قاوية يا ربي واش هدا البلاصة وين راهي؟؟ حلت الباب و قلبها معا كل خطوة للداخل يضرب بعنف حست رجليها مقدروش يحملوها كشفات داك المنظر حطت يديها على فمها برعب بصدمة .
رعد شاد بيانكا الدم كان مغطيها و مغطيه هو ويديه قاعد معنقها و يروح و يجي وهي جثة هامدة فحظنو مصدقتش واش شافت
جرات عندو بدون تفكير و طاحت على ركابيها
_ رعد واش بيها مدام بيانكا!
رعد: ماتت
_شكون قتلها😢😰!!!
رعد: انا
كطلع راسو و شاف فيها حست برعب غير طبيعي منو قتلها؟؟ قتل يماه علاش قتلها؟؟ كقدر يقتلهااا😢😰 يا ربي واش هاد العبد لدخلتو فحياتي حاظنها و يقولي انا قتلتها ببساطة؟ بيانكا كانت راح تساعدني نهرب بصح كان مستعد يقتل فأي دقيقة اي واحد يساعدني كيما عمل معا سيرين و الخدامة و السارفور علاش القتل عندو ساهل لهاد الدرجة لاء هكدا بزاف هدا واش خمت وقفت بصعوبة على رجليهاشافها رجعت خطاوي للورا ناظ هو
بلاما تزيد تخمم خرجت تجري مالبيت ايدن رفد تيليفون وعيط للحراس
_الو راهي خارجة متخلوهاش تهرب
_اوكي و بيانكا؟
تبسم رعد: كملت معاها تقدر تخرجها من قدامي
الراجل: كيما تحب بوص!
بيانكا كانت حاسبة راح تقدر تتحكم فيه حياتها كاملة وهاد الغلطة الكبيرة شاف فيها متبسم: حتى رجالك راهم فصفي👌قتلك بعدي عليهم منحبش نعاود هدرتي مرتين
نينا_تحكي:
لازم نهرب هاد المرة منزيدتش دقيقة معاه كنت مستعدة باش نسامحو باش نصدقو بصح واش عمل!! ناظ قتل يماه حتى ولو ماشي يماه بصح المرا لكبر عندها قتلها بكل بساطة ومنبعد يحظنها بقهر؟ جريت للفوق الحراس كانو برا كون نخرجلهم راح نشكلها هبطت للكاراج بالتخبية طونوبيلات مستفين امير خويا علمني عفسة كنسرق طونوبيل فالسيباقات تاوعو يعني مسرقتش بصح كنت عارفة يجي نهار كيما هدا نحتاجها فيه! الزداج كان هابط شوية دخلت مقبض شعري ودخلتو فقفل الباب نتحل! ركبت وبديت نجبد فالخيطان مالتحت لسقت زوج فيهم يا ربي ننجج يا ربي المحرك شتغل حسيت روحي اسعد بنادم فالحياة و بسرعة ديماريت كالمهبولة و رحت للبوابة الكبيرة الرجال شافوني خارجة فيتاس بعدو مالطريق رفدو كامل سلاحهم ة صاوبو الطونوبيل بصح الشاف فيهم عيط بصوت عالي باش يسمعوه"حبسووووو البوص قال مكاش ليتيري عليها!!!!"مكانش عندهم حل اخر و هادي نقطة ليا زدمت فالباب تاع الحديد الكبير نتحل و خرجت اخييييرااا!!! لازم يحطولي الغنية تاع سولكينغ la liberté وانا خارجة
كتبولي رايكم و نتوما تقراو و دركو على نجمة فالاخير 🥺 ماشي حاجة كبيرة
وانا خارجة القصر كان بعيد على المدينة بنص ساعة طريق تيليفون تاعي رميتو فالطريق لانو رعد عندو طرق تتبع مريضة متتوقعش وينتا يخرج فوجهك حبيت الطونوبيل كبعدت شوية رجالو كانو ورايا كنت متأكدة لازم نبدل شكلي دخلت لصالون تماك خطاريت كولاغ لميقدرش يميزوني بيها صفر ايه صفرتلو جدو على جال حظرت رعد و خرجت لازم نبدل الطونوبيل تاني شفت بطرف عيني طونوبيل شابة حابسة فآخر الشارع رحت كالقطة و عملت نفس الشي معا الأولى و ديماريتها يا ربي سمحلي مقصدتش تسرق بصح لازم نعمل المستحيل باش ميلقانيش .راح نشوفو كيفاش راح تلحقني دوك مسيو ايدن 😏 رجالو كانت غالقين حدود المدينة فت على واحد منهم فالطريق شاف فيل بنص عين وخلاني نفوت الخطة نجحت اخيرا تحررت
كنت فساعة و نص نسوق متوجهة لدار امير رعد هددني راح يقتلو كون نهرب لازم نوصلو دارو فالعاصمة و طريق شرق غرب كانت تدي ربع سوايع ظربت الفولون بقهر وقت طويل وراح يلحقني الليل.
دخلت العاصمة الكبيرة ومين قلت أخيرا راح نوصل لخويا😍 طونوبيل دارت دورة عنيفة ورايا ستخطات كامل الطنوبيلات وجات و رايا شفت فالمرايا قلبي حبس طونوبيلتو! وجهو ! سياقتو!!! لقاني! وجهي رجع صفر😨😨😨 حاولت ندور بصح جاني فالجنب رجعت نسوق فالوسط محاصرة معنديش حل اخر دركت الفيتااااااس بحدي الطونوبيل رجعت طير مش تمشي و من زهري المعوق البوليس كان فدقايق ورايا كانو نصهم جايين فجيهة معاكسة ليا باش يحبسوني و هاد الشي لصالح رعد مراحش نفرحو معا ديك السرعة الجنونية لكنت تسوق ليها دورت للطونوبيل لجنب حتى طلعت على جيهة و ظربت طونوبيل تاع البوليس لكانت جاية كحبس باش ميزدمش فيا فقد توازنو و نقلب بيه راحت تتسحب و غلقت الطريق على رعد و لخرين و انا هربت كالشعرة مالعحين يااااس💪 سلك روحك دوك مسيو رعد.
#ايدن_يحكي:
مأمنتش عيني مين شفتها عملت حركة الواحد يدرب عليها فسنين باش يتقنها نينا كانت حاجة وحدخرا مميزة كانت تحدي بالنسبة ليا عملت فيها كلش ومخظعتليش عكس الكل!تفكرني بستيلا لدرجة كبيرة فزوج راسهم يابس.. لهاد السبب تعلقت بيها و لهاد السبب راح تموت كون منعاودتش نرجعها الطونوبيل تاع البوليس لكانت جاية فجيهتها راح تبلع عليها الطريق بصح فرينات على غفلة خلات لكان جاي يسوق تخلع و حبس كظربها نحارف على الطريق وجا يتسحب لعندي غلقها عليا وهي هربت؛ ستمتعي بالنصر تاعك عمري حسبالها خلاتني حاصل معا البوليس معلابالهاش يخدمو معا اخخخ نينا علاش تحبي تعصبيني منعرت
