لونا زادت شدت على الفاست تاع ايدن عمرها ما شافت شهاب وهو خايف هكدا؟ _ على اساس نتا مليح؟ مقدرش ايدن يشد ظحكة فوجه شهاب حط يدو على فمو و قعد يطلع و يهبط فحواجبو يغيض فيه _واش عملت للمخلوقة باش هربت منك ماتعرف تسرق ما تعرف تتعامل معا النسا هههههه؟ شهاب:على اساس واحد قاتل كيفك يعرف يتعامل معاهم و شدد على كلمة قاتل ايدن: بينغو👌... لونا همست بشهقة و زيرت على دراع ايدن كشهاب قرب منهم حطت يدها على كرشها بقهر _مكاش القاتل هنا من غيرك قتلو😢 كيما قتلي ولدي🙈 شهاب شاف فيها مصدوم و ايدن تبسم _سمعتها واش قالت 😏 راح ندي اجر كي نكمل معاك شهاب: ههه ببساطة راح تقتلني ؟رجالي راهم واجدينلك برا برمشة عين يتعشاو بيك اليوم ايدن: ههههه بصح انا فطرت بيهم شارلو برا شاف مالتاقة لقا مدبحة وينتا كيفاش معرفش؟ يعني هدا واش كانو يعلموهوم فالغرفة الحمرا القتل الدقة السرعة السرية و طبعا الرحمة مكاش ايدن: 242 مليون دولار لسرقتوهالي راح نخرجها منك بالتقسيط و شار للخدمي فيدو و اكد على كلمة تقسيط* شهاب حس بطعنة فجنبو جا يضرب ايدن بعد وجهو و حكم عنقو بيد قعد يزير حتى شهاب مقدرش يتنفس كل دقيقة تفوت يحس بعمرو تخرج ايدن: واش صحبي ماتموتش دوك مزال اللعب مابداش حكم الغرافاط لفيدو و دورها على عنقو _ راح نحسب حتى 242 و كل مرة يطلع العدد نزيد نزير😊 واحد...شد الربطة على عنقو شهاب مقدرش يتحرر...زوج زاد زير لونا يزيدو دموعها يهبطو حتى شافتو طاح فلرض ادين:ثلاثة 🤗 مات🤔🤨؟؟! مقفلش ثلاثة! مين تعرف روحك ماشي قدها مرة اخرى متسرقش رما الكرافاط فلرض قام و شاف فيها و فامير كان مزال فاقد الوعي شهاب مات الرجال من غاد عامل فيهم مدبحة ملازمش يخلي شهود ابدا ابدا لقاها واقفة تماك حاظنة روحا وتشوف فيه قبل ما يتحرك جرات لعندو و عنقاتو بقوة تبكي قعد حال فمو منيتها هادي ؟ يعني لهاد الدرجة شهاب كان معدبها؟ مكانش قصدو باش يسلكها بصح سلكها على اي حال و دوك يا رعد واش راح تعمل؟ ممنوع تخلي شهود!!! رفد السكين وهي مزالت حاظناتو ظربة وحدة فالظهر و يكون كمل معاها بصح يدو تفيكسات فالهوا مقدرش يعملها شعور غريب؟ جاه وجه اللبنت تاع لمرايا فراسو دوك بعد عليها خطاوي قلبو رجع يضرب و راسو رجع يوجع دكريات فلو راهم يحاولو يرجعو بصح ماشي باينين كان حاسب نينا هي ديك البنت بصح طلع غالط ودوك علاش راه يتفكر فيها.
لونا_تحكي: شفتو كبعد فقت بروحي واش كنت ندير مالرعب مصدقتش ربي بعتلي واحد سلكني جريتلو كالمهبولة
حسيت حاجة ناقصتني شعريييي!!!! رحت نجري للخمار لنحاهولي شهاب! شفت فجيهتو مازلت نرجف شكون كان يتخيل راح تكون نهايتنا هكدا عمري ما تمنيتلو الشر بصح اداني بزاف الله يسامحو💔 و امييييييير!! رغم الألم لحسيتو فبطني رحتلو طحت على ركابيا حظنتو بقوة هو ليخليني نحس بالامان واش راح نعمل دوك!! هداك لسلكنا قعد يشوف فيا! لونا: ر..راح تقتلنا؟ ايدن :ونتي ماكيش خايفة نقتلك؟ مسحت دموعي قالولي بطلي حركة الدراري هادي بصح الله غالب و تبسمت بأمل: علاش نخاف من واحد سلكني ربي لطف فينا و بعتك والله بعثك مرسول ليا سكت وقعد يشوف فيا و ظحك نطق هدرة مفهمتهاش صراحة ؟؟ _ نظن طيبة قلبك و عفويتك هادي هي لوصلاتك لهاد الحالة جيبولك ، مرسول؟ كون يسمعوك ايهم و ستيلا يموتو مالضحك و لا الخلعة😒. دخل واحد على غفلة باينة من جماعتو! بنفهنم شكون هوما شكون هدا لقدر يعرف وين ساكنين و يختارق النظام ثلث سنين شهدت فيها الحراسة المسلحة لدارها شهاب على البصلاة و يجي هوا يدخل بكل بساطة ؟هداك لمعاه شاف فحالة الدار بملل كأنو كليوم يشوف مجزرة ايهم: الرجال تحت كملنا معا جدهم باقي جثة تاع شهاب عينيه طاحو علي عينيا لكانو محلولين بصدمة طلع حاجب! _ماشي كشغل نسيت وحدة ر...جا ينطق اسم صاحبو سكت بسرعة بصح لاخر مزالت عينيه فيكسي فيا ونا حست وجهو مألوف بصح وين؟؟ نحى الفاست تاعو على غفلة و رماها فوقي مكنتش عارفة بلي كنت ننزف و وجهي رجع شاحب دخت حسيت اللرض لعبت بيا قبل ما نطيح حكمني حسيتو كرفدني بكل سهولة و سمعتو يقول لصاحبو : دوك نتلهى انا بيهم حرق الدار بلي فيها...واااش و أمييير و و لظحايا لكانو تماك و انا ؟واش راح يعمل فيا! و امييييييييير!!!!! مقدرتش نهدر الجسد تاعي حسيتو يوجع حتى كون نتنفس..بعدها مشفت والو من غير الظلام يغلف على الشوفة تاعي
Team_fadi/team_amir?
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
