الحال هو الحال عند نينا كليوم محاضرات طب ..علوم نفسية..محظرات و بزااااف محاظراااات كانت تتمشى و التيليفون فيدها صونا رفدت بلاما تشوف
_الو ؟
_ كيراهي طبيبة قلبي و روحي
_بساااااام❤😄 تعرف شحال توحشتك
_ والله انا تاني الله غالب الخدمة 😧 يادرا القراية كيفاش راهي ماشية معاك مكاش لزعجك تماك ؟؟؟؟
تفكرت وحد المخلوق تما مستحيل تخبرو خاصة وهو بعيد بصكو راح يركب طيارة و يجي يعملها داك المهبول . على سيرة الهبال وين راه مبانش في شهرين ! رجعها صوت بسام للواقع
_ الو..نينا ؟؟
_ اه وي وي ..عادي كل واحد لاهي فشغلو محاظرات وشوبينغ معا اللبنات و..سكتت كتفكرت وفاء عظت شافتها
_واش بيك سكتي ؟
_ والو الريزو راح 😅
_بعد سمانة راح ترجعي
_ واه😍😍😍😍 _شحال راني متمني نحظنك و نشوف دوك العينين الخظرين
وجها رجع غوز و ظحكت
_ انا تاني توحشتك و توحشت ليلى و عمو عصام و مرتو😍
بسام: غي رجعي و ساهلة
_ باقيلي سماانة و نطيح عليكم 😚
_ نشاله ايا ستحفظيلي على عينيك و شفافك عندي موعد معاهم بعد سمانة ..دوك لازم نروح حبيبي
_ اوكي ..مام انا عندي شغل راه يقارعلي سي يو
_منبعد نهدرو ....نموت عليك لموك😽
_ انا تاني ههههه
غلقت الخط درسة العقل تبان مالسعادة مش مصدقة راح ترجع للدار 😍 لعيلتها لحظن الراجل لحباتو مالطفولة 😍...بصح كاين حاجة راهي مزيرة على قلبها واش هي مراهيش قادرة تحددها جات فايتة على لاسال تاع السبور حبست و شافت بنص عينها مكاش تماك فالعادة يكون هنا يتريني فهاد الوقت ! مجاش شهرين للمحاظرات ديسبارا من فوق لرض 😕 حتى اسمو ملاليست تاع الطلاب مكاش تنحى كشغل شيء لم يكن . تفكرت اخر حاجة صرات بيناتهم وجها رجع توماتيش واحد منحرف حيوااااااااان و الف حيواااان و شباب و ميسكلي و موشم و...
وشبيك نيناااا!!!!! عندك بويفرند و تخمي فوحداخر كون يسمع بسام واش يقول نتي مراحش تزعفي كون يخمم هو فبنت وحدخرا 😬 رجعي لوعيك يروح لجهنم الحمرا لتديه نتمنى منشوفوش مرة اخرى فحيااااتي بففففف. المحاظرة يا جدك راحت تجري للاصال فاتو نهارات يتسحبو حتى جا الوقت لكانت واجدة فيه باش ترجع ظربت اخر طلة على باغاجها و الغرفة لكانت فيها و شال وفاء اول صحبة عملتها هنا راح ترجع للجزاير و تقعد هاد السوفونير ديما فقلبها .
سوايع طواااااااال فاتو فالطيارة وهي ساعة ساعة تشوف مالتاقة متلهفة ويتنا تحط فوق لرض تشم ريحت البلاد من فوق الغيام . ديجا ريحت المحاجب منا راهي تشم فيها. و اخييييرا اخيييرا هاهي تنزل دخلت وينما جيهت الاستقبال تجر فالفاليز تاعها باش تلقى واحد طويل داير سلسلة تاع فظة فعنقو كادو تاعها قبل سنين طويلة فعيد ميلادو
طلعت عينيها فعينيه مالبعيد و ظحكت بسعاااادة يدها طلقت الفاليز و راحت تجري بسرعة و طارت عليه عنقاتو رجليها لفو على خصرو و شعرها طار كامل على وجهو مرجعتش تتلمس لرض حظنها بقوة وهو يضحك
_توحشتك توحشتااااك توحشاااااااك
بسام:انا تانييييي يا عمري (وانا علاه راني فرحانة معاهم مفهمتش😂)
الناس تشوف فيهم مثأثرين تحسب لقطة تاع مسلسل بعدة مدة طلقاتو و شافت هاك و هاك
_وينهم ماما بابا و امير مجاش :(
_ راهم يقارعولك فالدار اكي عارفة كالعادة شغل و امير مين ساكن فدزاير راح يبطا شوية .
حطت راسها و عوجت شفاها دايما الشغل و لا راهم تعبانين امير يلا مجاش فالوقت كيما وعدها راح توجدلو محاظرة محترمة .تقدم بسام وطلع راسها بيدو باش تشوف فيه
_ ننن نن مراحش نسمحلك ديري شنوفة اليوم لازم هاد العينين يبرقو
بلعت غصتها و تبسمت رفد الفاليز و حكم يدها رايحين لطونوبيل برا.
طونوبيلتو كانت حبو الثاني نينا راهي مستعرفة انها كانت تغير من طرف حديدة 😂 فبعض الاحيان. يموت على حاجة سموها volks wagon .
عندو مرض اسمو Golf R.
طلعت نينا حاجب: كون ماشي جات طونوبيل نقول راك خادعني معاها 😒.
_ متخافيش فزوج عندكم بلاصة فقلبي
_ اوتال و لا قلب هدا ؟
ظحك و حلها الباب ركبت و حرصت باش تبلع الباب بقوة زايدة عن اللزوم شاف فيها من تحت نواظرو وحد الشوية ينزلها😂😂😂
بسام: مون بيبي هاديك المهبولة عملت فيك حااجة😵
نينا: ابس يدي زلقت ههه😇.
بسام: 😒😒😒 اللله يجيبك يا طولت البال مالبدية خلاتها.
_ايه سوق و شوف قدامك خيرما دخلها فحيط نعشو لا حنا لا الباب لا حظرة المدام .
حكم يدها و سلم عليها :هههه يأبرني الغيران 😊
_تحبني انا و لا الغولف 🔫
_ الغولف
نشعت يدها وهو طرطق بالظحك و عاود حكمها
_مكاش حاجة فهاد الدنيا نحبها قد خظرة اللعيون لعندي💚
_كذاب
_والله
_هههه انا تاني
جات تسلم على خدو دور وجهو و حكم شفاها ظرباتو للكتف
_ غشاش
_هذي مجرد مقدمة
_واه روح بوس الغولف تاعك
_ والله يلا صعيبة نتي كنت عارف مراحش تعدي الموضوع على خير 😫
وصلو للدار دخلت تجري اول حاجة جات فطريقها سيلفا يماها قاعدة الفصالة الاستقبال جرات عندها و عنقتها حظنتها امها و شافت فيها مليح
_يا عمري جيتي!! بدلاتك ماريكان😶
_ هههه ماما هادو غي شهور ماشي عوام
_ و سمنتي😮 تبعتي الريجيم لكنت عاملتهولك؟
قلبت عينيها سيلفا تقعد توجوغ سيلفا بسام قعد يضحك بالتخبية عطاتو خزرة مميتة سكت.
قعدو مدة فالحديقة حتى سمعو البوابة الكبيرة تاع الحديد تنحل و تدخل طونوبيل تاع الحراسة و راها طونوبيل طويلة ناظت مبلاصتها بلهفة يحي الحارس تاعو وقف معا صاحبو و فتح باب الطونوبيل
