Bad guys do what good guys can't 🖤
.
وصلت لأمير خليت عندو ليلا شحال فرحت بيها لونا يا ربي معرفتش شكون الصغيرة و شكون الكبيرة فيهم هههههههه ايه ايه مالظحكة راني فرحانة توحشت حياتي القديمة كنت فالطريق الرجعة كوصلت حلت الخدامة الباب دخلت نجري بابا كان معا فالبيرو معا ماما السيجار تاعو طاح من يدو هي تخلعت شاف فبعضهم منبعد فيا!!!
عنقت بابا بلا مقدمات مزالو مخلوعين حكم وجهي بين يديه:هادي نتي نينا!كيفاش كيفاش طلقك!!!؟
_ايه انا و اخيرا
سيلفا عنقتني:يا عمري هداك المتوحش قتل محامي تاعنا و حاول يقتل خطيبك فقدنا الامل انك ترجعيلنا بعد كلش صرا😰
عنقتهم فزوج مش عارفة شحال من وقت بابا عمل عشا كبير بصيفتي كنت فغرفتي شحال توحشت ريحتها😍 بسام كان فلوبيتال مقدرش يجي شدوه باه يبات رحنا عندو عملتهالو مفجأة تخلع مسكين ناض يجري عنقني بصح حسيت اللمسة تاعو عليا تقيلة🤨🤔
بسام:كنت خايف من داك البلوة يلا عملك حاجة
_ م..معمل والو😥
خلاونا وحدنا باش ندو راحتنا وباش نساعدو يخرج علا حساب مقال الطبيب. وصلنا لدارنا بسام رغم حالتو محبش يخليني وحدي و جا معايا للدار قعدت مقابلاتو فالسرير حكينا على كلش كسقساني على بلاصة ايدن وين شكيت؟ و اسكو ستيلا كانت معاه يلا تلاقيتها و لا لا ؟ أسئلة غريبة انا ابدا مجبدتش على ستيلا كيفاش نسبها لايدن؟
_ونتا علاش راك تسقسي على ستيلا؟وين تعرف اسمها
_ أممم..اا..والو شكيت انها تكون ختو بصكو جات معاه للحفلة وقلت بيها نلقاكم عملت المستحيل باش نوصلك خفت داك المتوحش يكون عملك حاجة!
_رعد ماهوش متوحش بصح عندو حاجة معاكم فالشغل زورتو الورق و حصلتو فيه السرقة؟؟؟
_هو قالك هكد؟؟؟يحوس يجبدك ليه بالكدب😠
مش عارفة علاش راني نظيفوندي عليه وهو معطانيش دليل ملموس سمعت صوت بسام كقربلي فاق السرير وحط يدو على خدي.
_ خلينا منهم قولي متوحشتيش خطيبك كقرب شفاهو متاعي انا بعدت بسرعة حسيت بنفور😥
بسام:نينا واش بيك؟؟؟
فجأة و بدون سابق مقدمات حسيت بكرشي عملت انقلاب و ستفرغت(حشاكم) على تريكو تاع بسام🤦♂️🙊 متوقعهاش ناظ بسرعة وشاف فيا منبعد فتريكوه
انا: soryyy sorry sorry مقصدتش حسيت بحاجة فوق طاقتي
تبسم : متخافيش ماصرا والو دوك نبدل و نجي راكي مليحة نتي؟؟؟
_ايه! لازم نغسل وجهي!
خرجت نجري مالدوش لبرا لازم شوية هوا واش بيا ؟رعد عملي حاجة ! اه يا رعد طبعا مراحش نصدقو بسام بريء من كلش بابا كدالك😒كدب عليا باش نقعد شفت بنص عيني طونوبيلات نواغ حبسو تخبيت و شفت بسام و بايا كخرجو ستقبلوهوم كانو فالحفلة هادو!!؟واش راهم يديرو هنا!
رايكم ياودي متكومونتوش اسيدي ديرو الجام بزاف متفوتوش مرور الكرام
واش راهم يديرو هنا! كان معاهم فادي! واقف معا وحد الراجل يكون قدو فالعمر معاه زوج راجل ديك المرا واش كان اسمها صوفي!! و معاه بزاااف كامل يخوفو هادو واش علاقتهن ببابا؟؟ ديماراو و موراهم باراج تاع طونوبيلات نواغ للحراسة لحقتهم بدون تردد حتة دخلو للوبيتال تاعنا !! و هبطو من وحد باب خدمت ثلث سنين هنا بصح مزال مشفتوش للان!! تاع حديد غليض و ثقيل لازم زوح و لا ثلث رجال باش يحلوه معا القفل طبعا. هبطو كامل و انا وراهم علابالي كان لازم نتعلم مليصرالي معا رعد بصح الفظول قتلني و انا اصلا رجعت باش نتأكد نن؟ سمعت هدرة و انا هابطة بالدروج تكلم واحد منهم
_ لازم يموت راه تهديد لينا كامل!
بابا: معاك الف حق مسيو ماكس و نظن انو أدريان و صقر نفس الشي؟؟
_هداك ال***رسلي جاسوس و قرصن خدمتي ليق يخلصها ليق نقتلو مكاش ليجي فطريقي شفت مالشق تاع الباب بابا متبسم
عماد نعرفو الظابط ليخدم معا بابا: قلنا ساعدونا فالقبض عليه القتل جريمة
صقر: عماد حب قلبي لازم تعرف انو التعامل معانا بحد داتو جريمة علمني القانون كطبقو نتا قبل😏
عماد وجهو نعصر : متنساش انك مافيا و راك تخدم لصالح الحكومة علا جال حريتكم 😡
صقر:هههه قالك حكومة😂🤙
ماكس و هداك ادريان و الباقي ظحكو فوجهو يعني كاين منها مافياااا!! بابا اسكندر متعاون معا مافيا باش يقتل رعد او ليعرفوه بايدن!! 😰 بابا يخدم من التحت لتحت معا مجرمين جيت نبعد حسيت ظهري تلمس حاجة
_مكنتش حاسبك مالنوع ليتصنت ؟
قلبي حبس بسام ورايا متبسم على جيهة! صوت فراسي قالي عطي الريح لرجليك جيت نبعد بلوكالي الطريق و حكمني مدراعي بقوة انا نقاوم و هو يجر فيا لوحدة مالبيوت التحت لجامي فحياتي مكنت عارفة راهم كاينين!!يا ربي لطف بزاف عليا خلايع! 🍁🍁
راني نشوف فالتفاعل نقص يلا مراهيش هامتكم la fin قولولي نحبس مام انا مخصنيش تعب زايد 😊😏.
