خرجت تجري مالقاعة بلاما تشوف قدامها خبطت فواحد كان برا يتكيف حست روحا دخلت فحيط قبل ما طيح حكم يدين حكمو خصرها.
_ش..شكرا سامحني م مشفتكش
تتكلم بسرعة ويديها تتشبت بفحجابها بطريقة واهنة.
_ نعرفك من قبل مدموزال؟
حبست الحركة
قعدت تشوف فيه مام هي عندها نفس الاحساس قعدو يخرزو فبعظهم لدقايق حل فمه
_ لوناا!!!
بعدت روحا عليه و تكلمت بشوية
_ شكون نتا؟
_ امير
كيشاف ديك الشنوفة الصغيرة لي تعملها كي تقعد تفكر زاد تأكد
_امير؟
_ خو نيرفانا معقلتينيش ؟؟
امير ! الولد لكان تلعب معاه مين والديها كانو خدامين فالفيلا عند اسكندر
_امير!!! الولد لكان يخونلي باربي تاعي
_ايه انا
ظحكت ماشي مصدقة اخر واحد توقعت تلقاه فهاد الاجواء صديق الطفولة امير خو نيرفانا
قعد يشوف فالدموع معا الكحل كطاحو من عينيها و وحدة من يديها لي شادين على الخمار بقوة حمرة !
_ واش بيك كنتي تبكي؟
تفكرت شعرها لمزال طايح على كتافها بسرعة غطاتو مليح و مسحت دموعها
_ والو ني مليحة
جا ينطق خرج شهاب: لونا واش راكي ديري تماك تهدري معا الرجال
امير رجع تركز على سياج النافورا وراه
محامي تاع شركت باباه واش دخلو فيها؟
لونا وجها صفار حصلت مابينهم زوج مراهيش فالمورال باش تتعامل معا فضيحة وحدخرا زيرت على يدها _شهاب حبس امير نعرفو من وقت طويل
_امير اسكندر؟
دقق شهاب فالواقف قدامو رغم الظلام مخيم فالحديقة _كون ممنون لاسم عائلتك
امير: والا واش؟؟ رجع رفع سيجارتو لفمو
لونا: حبسو نتا وهو امير صديق طفولتي
شهاب: و انا راجلك
متوقعش امير انو لونا طلعت متزوجة بشهاب!
كانت قريبة منو كل هاد الوقت !؟
شحال تألم كسمع بلي راحت من دارهم بنت فريال و عصام. الكوخ الصغير لي موجود فاراضي اسكند يحوي ديك العائلة الصغيرة يحوي ذكريات طفولتهم.
و دوك راهي متزوجة! قلبو نقزو بصح ما بينش باينتو راجلها ملأسلوب العدواني ليعاملها بيه هو سبب هاد الدموع
سيرين: حبيبي وين راك!
جات شدت فدراعو و شافت فلونا فحالة معا شهاب رحبت بيهم و شافت فمرتو
_ او بيبي خصك تعاودي ماكياجك
شهاب: معندها ما تعاود رانا اصلا رايحين تصبحو بخير و هكدا حكم يدها بقوة و داها من قدامهم امير شاف فلرض لقا حاجة تبرق طيحت سلسلة تاعها كنحالها الفولاغ بعنف حطها فجيبو وخلا سيرين لي كانت لاهية تتبسم للناس تجرو معاها للداخل. الحاجة الوحيدة لي خلاها وراه هو عقلو تما.
_ ايا ندخلو كنت مقلقة باش نرقصو حنا تاني
ستيلا كانت بين يدين فادي عينيها وساعو كشافت وراه راه تماك البنادم لسببلها الرعب حياتها كاملة.
بسام واقف يشوف فايدن يرقص معا ديك البنت حبست الرقص و رجعت ترجف بلاصتو كون راهي فالقبر تحلف جامي كرهت بنادم كيما كرهاتو هو سبب محاولاتها باش تنهي حياتها عدة مرة كون ماشي المدام بيانكا عطاتها امل جديد فالحياة دوك هدا واش راه يدير معا اسكندر جماعة مجرمين حست بخوف غير طبيعي كبسام شافها تشوف فيه شدت على دراع فادي
_ خرجني منا
فادي:واش بيك؟
_ راه تماك يشوف فيا لازم نخرج
مفهمش سبب الانهيار المفاجىء السئ الوحيد لي فهمو انو مكانش تمسخير.
بسام كان قاعد يغلي في بلاصتو وهويشوف فرعد لاصق فنينا جاه جلال و سيلفا مرتو
جلال: هدي روحك هداك وحش متدخلش فدبزة معاه مراكش قدو
_ مانيش خايف ملجدو😡
_بسام! رجع حذرو بصوت خافت ..خطتنا راهي ناجحة 100% راني نشوف نيرفانا عندها ثأثير عليه متروحش تخسر الحفلة على جال غيرتك.
جلال شاف فمدام بيانكا مالبعيد تبسمتلو و طلعت كاسها كتحية بصيفتها الوصي الشرعي على اطفال الميتم تكون داخلة فالشراكة لانها تملك الميتم وحدة منهم ليلى باش يعالجوهوم فامركز اسكندر'
غي كملت الموسيقى راح بسام نحى يدو من يدها بعنف و وقف قدام رعد
#رعد_يحكي:
وقف فوجهي شاف فيا وبقوة زايدة دفع نينا وراه حاولت تدخل روحا بصح جا اروى المشرفة العامة تاع المركز بعدتها
_ متزيدتش تتلمسها
انا: و يلا تلمستها؟ واش راح دير؟
_ راح نقتلك
شحال كيوت حاب يقتلني
هبطت لودنو و همست
_راني ميت بالخوف لدرجة مراحش نخبرك بلي سلمت عليها نهار لجبتوهالي شحال كانت حلوة المرة الجاية راح نستمتع بحاجة كثر من هاك
عطاني بوكس فوجهي نينا توغت الناس كامل رجعو يشوفو فينا جلال عيط بأعلى صوتو بصح بسام كان لاهي معايا حركت فكي الضربة كانت صح قوية بصح متبانش معا الالم لشفتو فحياتي لازم عليا نتحكم بأعصابي قدام بيانكا ظحكت باش نزيد نغيض الكلب
_ ظربة تاع شيرات مراحش تقتلتي حبيبي
قرب مني و همسلي: مثمتلش واحد خشين نتا تقعد ديما الكلب تاعنا متحسبش ديت حريتك مكاش مشكل نرجعوك للبيت الحمرا لخرجت منها
عينيا حسيتهم رجعو جمرة و الدم غلا فعروقي ظربتو بوكس فوجهو طيحتو فلرض و قعدت فوقو بوكس يمين و يسار وجهو محبستش حتى اللون الاحمر جا فمرمى النظر تاعي.
مقدرش يبعدني عليه فات فيا فقدت الكونترول مكاش لراح يحبسني هادوك الكلمات لقالهم فدقيقة فكروني بكل العداب لحاولت ننساه فسنين.
صوت نينا تبكي يديها حكمو دراعي في محاولة ظعيفة باش تحبسني. دفعت قبضتها و كملت واش بديت يديا نجرحو من كثرية لظربتو حكمت رقبتو بيدي و زيرت عليها حتى مقدرش يتنفس حاول يبعد يدي بصح حالتو متسمحش
انا: عاود واش قلت؟ علاش سكت قولهم انا شكوون؟ قووولهم انا(بوكس) مين (بوكس) جييييت(بوكس) نهدر و نظرب حتى حسيت بزوج جبدوني شفت فادي و امير شاديني كل واحد حاكمني من جيهة
_ طلقوني راني كالم
باش نأكدلهم طلعت يديا الداميين للفوق.
كنت كالم بصح مش نفس الشي ينطايق على120 ظيف حولينا.
شيت
وينو الكوبل لحبيتوه كثر..واش تتوقعو الحقيقة قريب تنكشف🔥
💬💬💬💬
Stella w fadi 😂😍😍
Kmli stp ida marakich machghoulaa 😘😘
مكاش حاجة تفرح كيما بسام يموت 😑😑
وامير و لونا مشهم كوبل مي نوغمال يخرجو مع بعضاهم 😍😍😍😍😍😍😍😍
حابة لونا تكون مع امير 😍😍
رعد ونينا 🥰😍😍😍😍😍
