مزالو عينيها يشوفو فيه عينيه الرماديين. غيوم بلا قاع
متاهة. مهما حدقت مراحش توصل لاي حاجة.
الاسود لي كان لابسو و وجهو المخبي تحت كاسكات السوداء زادت دعمت صورة الظلاخ عليه.
رغم انو كان مغطي وجهو حست بيه يتبسم على جيهة.
لا و يظحك على الحيرة لغطات وجها
البارح حاول يقتلها ليوم يدخل مالتاقة و يقولها ني باغيك تولي تاعي كلش عندو تمسخير؟
اروى قطعت اللحظة المرعبة كشافت المنظر واول حاجة كانت راح تفتح فمها للحراس برات الباب
بصح نيرفانا فهمتها. راح تفقد روحها الدقيقة لي تفتح فمها. اذا مارددتش معاها هي قطعا مراحش يرحم اروى.
حاولت تنوض مالسربر بصح مقدرتش مالالم لعصرها
لقات يدها الحاجة الوحيدة لي تقدر تحركها دروك
_ تعيييش متعملها والو تعييييش راح نعمل لبغيتو رعد!!
كان شاد اروى من عنقها بيدو قريب رجليها ميتلمسوش لرض
راسو تحرك لجيهتها
رعد: أي حاجة؟..مم عرض مغري نحي ديك الخاتم من يدك
خاتم؟
شافت فيدها لي حطتها على دراعو
خاتم خطبتها معا بسام رماتو بدون تخمام زايد.
تجربتها فعلم النفس طبي كانت تقول انو لازم تعرف كتتعامل معاه بصح علا حساب الشوفة حتى علم ما ينفع فيه هذا.
رعد: متزيديش تدكري اسم بسام، متزيديش تهدري، معامتزيديش تشوفي فيه، متزيديش حتى تخمي فيه، منحبش نشارك ممتلاكاتي
حلت فمها ممتلاكاتو !؟
كي قرا النكران فعينيها زير يدو على اروى لبداو الدموع يهبطولها وجها يزرق و يديها يثبتو على دراعو بطريقة فاقدة الامل
سكتت
اروى: تعيش ع ندي عا يلة
رعد: انا معنديش
كانت لحظة سريعة تسمع حاجة تفرقعت
كسر رقبتها بيدو و طاحت اروى جثة هامدة دارلها
صراخ نيرفانا خرج رغم عن الألم لي فجسدها و غمضت عينيها . مقدرتش تزيد تتكلم بعدها هزت راسها بصدمة
_اروى!! اروىىى
خانتها قواها فمها جف حلقها حساتو تبلع بحجرة ثقيلة
_اروى!!!!
كملت التعياط همس
_منظنش راهي تسمع فيك
_علاش!
تمنات كون تقدر تعيط عليه بصح خانتها قواها أكثر حاجة تقدر تخرج بيها انهيارها دوك هي همسة خافتة.
رعد: نطقتي اسمي قدامها مكانتش راح تعيش اصلا و هذاك الشي بسبابك نتي.
سحبت روحا حاطة يدها على الجرح و تمشات حتى وصلت لاروى و طاحت تبكي عليها حدرتها منو قاتلها بعدي عليه هادو قتلة و ميحبوش يحبو يتملكو
محترمين لا رحمة لا ظمير
بمجرد انك تعرفي حاجة عليه ملازمش تعيشي حذرتها وهي مسمعتش رفدها مدراعها وجرها ليه.
