حس لرض لعبت بيه نينا نخطفت ! ختو صغرونتو نخطفت !!!! و والديه قاعدين يحكولو فيها بكل دم بارد امير قلب البيرو تاع باباه اليوم وصلت معاه امير: نخطفت من لوبيتال تاعك وييييين كانو رجالك وزير دولة ميقدرش على راجل واااااحد 😡🤬؟؟؟ سيلفا: امير حبيبي هدي روحك امير: متتلمسينيش كلو منكم قتلك مدخلهاااااش فخدمتك هاوليك عجبك واش صرا دوك وين داااا ختي؟؟؟ جلال: هاديك ماشي ختك سيلفا عضت شفاها و امير جمد كامل داك العياط رجع صمت مرعب كمل جلال بصوت اهدأ _ نينا جبناها مالميتم ماشي ختك و لا هي من دمنا كنت حاسب ايدن مراح يعملها والو بصح طلعت غالط حط امير يديه على راسو: يعني كلش عشناه كان كدبة؟ ستغليتها لخدمتك؟ طعم ؟ واش علاقتها بايدن؟ سيلفا: امير خلاص جلال: نن خليه يعرف نيرفانا تربات فميتم و ايدن تربى تربية خاصة عند مافية صيباراو بيناتهم فعمر صغير ايدن بحكم انو كبير يعقل بصح نينا متعقلش لانو جبناها صغيرة. امير كان مصدوم و متأكد انو باباه عاطيه نص الحقيقة بدون ما يخمم رفد مفاتيح طونوبيلتو و خرج مقدرش يقابلهم. فادي كان قاعد فالبار لكان واحد من املاك اسكندر حاجة ظحك والله من جيهة ميتم و مركز خيري و من جيهة بارات قاعد معاه كنان لمفهمش واش جابو لهاد الاجواء كنان:يعني نتا وخويا باغيين تعاودو ترجعوني كوما مالهبال تاعكم واحد رسل مرتو وهي حامل للجزاير و الثاني قاعدلي هنا فليبارا🤦♂️ فادي:هه واش قلت؟ كنان:والو 😑 قلبك راه معا ديك البنت مكنتش حاسبك تبغي هاد النوع . فادي عينيه كانو لاسقين فستيلا قاعدة تسربي مشروبات هنا و غاد مكانش حاسبها تخدم فبارات! صحيح متهورة و عنيفة و رجلة بصح نظرتها نظرة وحدة بريئة البنت مزالت صغير وتقرا وين راهم والديها معامن جات فالحفلة هو كان فمهمة يعسو ايدن و جلال و بسام اليد اليمنى بعدو شهاب يد جلال اليسرى وهي؟بأي صفة جات؟ اسمو عدو؟ علاش كانت بديك الحالة اول يوم مقدرش يسألها كخرجت مزعزعة من الحفلة منبعد نسخطت كيما نسخطت من دارو داك النهار. تساؤلات بزاف فراسو ز قلبو فزوج على هاد البنت كنان:صاحبي راه يعشق😏 ارجى يعرف حبيبنا فادي: كرهتولي الزواج نتا وهو 😑 كنان: معندكش الحق حتى تعشر وحدة كيما جوانة فادي تبسم: واقيلا لقيت وحدة كيفها ..سكت كشاف واحد قربلها و حكم يدها بعنف ** ستيلا: طلقني يا مجرم😡وعندك وجه تقابلني بيه بسام: نظن تعرفيني واش قادر نعمل وين راه ال** ايدن وين خطف خطيبتي ستيلا: ههه خطيبتك؟ علابالها واش خطيبها عمل؟ بسام تعصب و جرها لوحدة مالبيوت طاحو الكيسان من يدها لواتلو يدو لحاكمتها والله و طلعت البنت مدربة ستيلا: يدك نكسرهالك
تبسم لاخر: مهما دربوك نتي..وحكمها بقوة معا الحيط..ظلي بنت و بنت ظعيفة و دوك قوليلي وين راه الكلب هداك وين 😡🤬 سينن نعاود واش عملت ديك الليلة 😏 قلبها نقزها و حست روحا تتخدر مالخوف حست بواحد جبدو عليها فادي حط سلاح على راس بسام: مزال متربيش من ديك المرة بسام شاف فالراجل لمعاه: بعدو الراجل حط يدو على كتف فادي *غلطة فادحة لوالو فادي يدو و ظربلو وجهو معا الحيط ديراكت ورجع حط سلاحو فوجه بسام: ماشي مهمتي باش نقتلك بصح نصيبك درت بيها راح نكمل لبداه ايدن بسام جا ينطق كي دخلو ناس للبيت فادي خبا السلاك تحت تريكوه و نشع ستيلا برا قبل ما يخرجو نشعت صاك تاعها ليفيه حوارات خرجت برا نفظت يدها منو ستيلا: ماشي قتلك ما دخلش روحك😡 نقدر ندافع على روحي فادي:ايه دالشي واضح عظت شافتها و سكتت تفكرت كدافع عليها قلبها حساتو يدوب شعور شحال شباب بصح لازم يخسر اللحظة فادي: واش راكي ديري فهاد البلايص؟ كنت حاسبك وحدة عاقلة ستيلا: مكان مدخلك😠 بعدني نكرهاااك نكرهااك نكرهاااااك _ اوكي مام انا مخصنيش صداع رأس جا رايح لطونوبيلتو شدات من يدو _منيتك غادي تخليني و طروح🙁 تبسم على جيهة بخبث:مكان مدخلني😏 ركب فالطونوبيل جا يقلعها ركبت غلقت الباب وحطت الحزام😂 جا ينطق شافت وحيد جايين بلا تخمام زايد جبداتو ليها و سلمت عليه مسكين تخلع بعدها _ دافااك؟؟ شافتهم دخلو قاتلو ديماري فادي: يعني دخلتي طونوبيلتي تعديتي عليا و انا مزالني صغير و منعرف والو 👼و تزيدي تعطي فالاوامر ستيلا قلبت عينيا : ياودي قلع ديمارا ة سكت كانت رافدة فحظنها صاك و شادة عليه فادي:وين بيها؟ ستيلا: مكاش وين فادي: كفاش هادي عربيهالي ستيلا: مش حابة نرجع زادت شدت يديها على ساكها فهمها و سكت وصلو لدارو نزلت وهي رافدة صاكها مد يدو باش يرفدو نشعاتو فادي:خليني نرفدو و نشعو ستيلا: لالا انا نرفدو زاد نشعو: جيبيه _ لا _جيبيه _لا _جيبييه الصاك ولا يروح و يجي حتى نتحل و تفرغو منو الصوالح شاف تريكو تاعو اللحمر لراه فثلث ايام يحوس عليه عينيها وساعو بسرعة خبات كلش فالصاك فادي تبسم بخبث _ دوك عرفت السارق😏 وجها رجع غوز و عوجت فمها: راح تخليني ندخلو لا نقعدو برا _ ايه ايه دخلي ارجاي نروح ندير كادنا لحوايجي خرجتلو لسانها دمراتو و دخلت عادي دارو كانت عبارة عن تحفة كلش فيها يبرق دخلتها المرة الماضية بصح فحالة يرثى لها ملاحظت والو كفاش ولد كيفو عايش وحدو مستحفظ على هاد النظافة هي بيتها تدخل تحسب زلزلة ظربت .حبس قدامها و دمرها طاحت على الفوتاي فادي: نظن من حقي تخبريني بكلش و علاش كل مرة تهربي ستيلا: وعدني زوج صوالح _واش؟ _متعصبش
_متعصبش و مدطردنيش 👼 فادي: منوعدك بوالو اهدري ني نسمع ستيلا: اوكي اوكي تريكو تاعك سرقتو بصكو دافي و مريح و فيه..جات تكمل بلعت فمها فادي: ايواا ...هادي منبعد نهدرو عليها دوك روحي للصح خدات نفس عميق و تكلمت: كنت خارجة مليسي داك النهار وكنت منهارة كتفكرت حاجة صراتلي فالماضي ونتا كنت جاي بعدها كديتني فطنت على روحي وغتانمت الفرصة باش ندي معلومات عليك المهمة تاعي كانت تقول هكدا. فادي: وااااش؟؟؟؟؟ _وعدتني متعصبش😠...اصلا مقدرت نعرف عليك والو فادي: قمتي سرقتيلي تريكو تاعي...عندمن تخدمي؟ ستيلا: معا رعد و ظحكت بظعف لاول مرة كون يعرف بلي خبرتك حنا فزوج راح نموتو فادي: و علاقتك معا بسام هنا ستيلا قعدت ساكتة حتى طرطقت بالبكا: جبروني ملي كنت صغيرة نخدم فالمركز فالبار بسام ستغل دالشي و وحد لليلة تعدى عليا حطت يديها و بكات بقهر..و ظغط عليا المركز باش نكمل مهمتي وفنفس الوقت نقرى فليسي باش نقعد متخفية حتى ولو كنت صغيرة ميهتموش المهم الخدمة.. نتا واش راحلك متعرفش هاد العيشة عندك دارك و حياتك باش تتمتع فيها و دوك حصلت روحك معايا قعد يشوف فيها و تبسم _ صدقيني راح يخلصوها غالية ستيلا:كيفاش؟ نحى التريكو و تبسم هي شهقت كشافت الوشم _نتا...نتا... O_0 !! فادي: مازلتي حاسبتني ماشي قدها😏 بعد هاد التصريحات رقدت وهو قاعد يشوف فيها عيباد معندهمش رحمة بنت مراهقة متعر
ف والو فالدنيا عاطيينها خدمة تهد جبل بسام لازم يخصلها غالية هو و اسكندر لقاها شادة على دراعو و راقدة لابسة تريكوه الغوج قلبو ستخطى ظربة وهو يشوف فيها فسيرو بحوايجو لظعف حجمها حاول يكنترولي روحو ماهوش من النوع هادا ورقد كيما كان قاعد . الصباح وصلها لليسي تاعها كنزل اللبنات حبو ياكلوه بعينيهم عطاتهم خزرة تخوف و شافت فيه سلمت على خدو و دخلت تجري خلاتو متبسم.
