نهار نقطعت كونكسيون حسيتها عام يا ساتر🙄 المهم قراءة ممتعة 🎬 He knwos the weight of taking lives yet he'll do it countless Times ! Ruthless for the sake of his own will And tonight wasn't an exeption .هو يعرف مقدار اخد الأرواح لكنه مزال يفعلها مرات لا متناهية! عديم الرحمة في سبيل رغبته و الليلة لم تكن استثناء 🎬
تنهد صقر و حط راسو يتفكر فيها و فكلماتها مكانش واعي للسلاسل لحطوهم فديو
فلاش_باك : كان رافد روان يلعب معاها همس فودنها"سامحيني"ليان كانت راقدة على الجيهة الزاوجة شعرها مغطي المخدة كاملة رقبتها باينة مفاتنها حتى وهي راقدة تفتنو بيهم سلم على رقبتها بلاما يفيقها وهبط للمستودع تاعو خطار نوع السلاح ليعجبو اليوم هاد الحرب تكمل مراحش يسمح للناس لحاكمين الغرفة الحمرا يزيدو يعيشو ملازمش يطلعو دراري وحدخرين كيفهم فالمستقبل و لا هاد الرعب يزيد يطول مراحش يكمل عيشة الشك و الخوف من انو تصرا حاجة لعيلتو الفكرة وحدها تقتلو كليوم ميات مرة..راه عارف مليح انو ليتمرد عليهم يتعاقب ميقدرش يتخيل يجي نهار راجع لدارو يلقاهم رسلولو صورة ليان فالغرفة الحمرا بمجرد يتخيل الدم ينشف فعروقو! زير على القبضة تاعو راح راجع للغرفة لجهنم الحمرا تنهد بعمق يدو مرجعتش ترجف كيما قبل ليان قدرت تخرجو من تعاستو راه يرجع انسان من اول وجديد على جالها اخ يا ماجيد ..علي ..جلال كلهم يستاهلو يموتو تماك بنفس الطريقة لعدبوه هو و ايدن و بزاف ..جا خارج حبسو صوتها ليان: وين راك رايح فهاد الوقت؟؟؟ _نشم شوية هوا🙄 ليان:راك رايح تقتل هاد الشوية هوا حط سلاحو حداه بعد ليكان مخبيه وراه و طلع حاجب _الوغ؟؟؟ ليان عينيها تعمرو دموع دخلت يديها فشعرها لزاد طولو معا السنين _ وعدتني!!!!وعدتني وراك جاي تقولهالي فوجهي!!!انا مليت من دلعيشة وينما طروح نتا الناس تموت😢 رفد صبعو فوجها بتحدير :لن متعيطيش فوجهي _هادي هي الحقيقة مانيش خايفة منك تبسم على جيهة و جا رايح فوجها كون يقعد راح تكمل بواحد فيهم مقهور و باينة راح تكون هي شافتو رايح معبرهاش عيطت بغضب...انا تزوجت واحد قااااااااااتل حبس فبلاصتو من هاد الكلمة لخرجت من فمها هي فاقت بروحا و حطت يدها على فمها _ص..صقر انا..😥جات تقرب شارلها بيدو باش تحبس فبلاصتها ..شحال وجعاتو ديك الكلمة من فمها هي خاصة، قتل نعم بصح على جالها و ميهموش يلا قالوهالو ميات مرة فالنهار بصح منها قهراتو دار و عوض باش تشوف الالم شافت وجه بارد دايما مخبي وجعو تحت قناع السخرية _تقدري تجرحي البنادم قيسما تحبي😏 حست انها تسرعت فالهدرة بعد كل لعملو على جالها بصح.. حبيت نكتب حلقة عليهم بصكو توحشتهم😭 _ تعرف شحال ندعي كي تكون نتا برا دير فخدمة الزفت هاديك نرجع كالمهبولة نعد فالدقايق واقفة عند الباب وينتا ترجع سالم علاش ماشي بتفهم؟؟؟ روان راح تكبر واش نقولها؟ لازم هاد الهبال يحبس هنا صقر: ليان منقدرش نكمل كلش برمشة عين كيما نتي راكي باغية كاين صوالح نتي متعرفيهمش عليا و ملازمش تعرفيهم خليني ندير الحاجة الوحيدة لنعرفها نقتل ! و طلع يديه فالهوا :بصكو انا هو bad guy فكل موضوع ياك؟ انا هو القااااااااااااااتل😡😡 شدد على اخر كلمة معا التالي لقالتهالو هي بصوتو عالي عيط فوجها حتى شهقت مالخلعة سمعت صوت روان تبكي من حسو لفيقها شاف فيها شوفة تخوف و جا رايح قبل ما ترجع هاد الخناقة جريمة🙄 _طلقنيييييي حبس للمرة الزاوجة عينيه وساعو قارعت يرفدها كيما راهي و يبلع عليها فخزنة سيمانة كاملة بصح دار بهدوء وشاف فيها "يا ربي هدوء تاعو يخوف كثر م عياطو!!" قرب منها لدرجة رجعت بينها و بينو سنتيم طولو كان فارع ظخم بالنسبة لجسدها لازم يهبط راسو باش يشوفها يعني نرقب عليك مالسطح 😂 _ عاودي مسمعتش؟ عظت شافتها فهمت واش يقصد بحركتو لازم يحسسها انها ظعيفة قدامو لانها فعلا بقصر قامتها و صوتها المتزعزع مايبانش معاه مراااااحش تسمحلو يخليها تحس بالضعف قدامو شافت فعينيه و قسحت صوتها😠 _ يا اما طلقني و متزيدتش تشوفني انا و بنتك يا اما تسلم روحك للعدالة باش تخرج انسان صافي منبعد راح نستناك باش تخرج نستنااك بكل دقيقة فيها بصح يلا خطاريت المافيا عليا راح تأكدلي انانيتك و هنا تكمل معاك يلا خرجت من داك الباب و كملت في عماك نسا انك عرفتني حتى ولو ربطتني بسلاسل حديد قدامك راح نروح و متزيدتش تشوف خلقتي قعد يشوف فيها ظحك بسخرية كسمع كلمت تسلم روحك كشغل سمع blague عطاها خزرة تخوف يدو راحت لعنقها علاش ميخنقهاش وصايي قعدت تستنى برعب راح يقتلها مريض و يعملها قاتلو الصح القانون وهو معندوش مفهوم القانون فقاموسو زير بيدو عليها حتى توجعت فطن علا صوت روان تبكي الفوق عظ شافتو يدو راحت لوجها حاكمو بقوة منبعد طلقو بعنف و جا خارج مالباب طاحت على ركابيها ترجع في نفاسها كون كمل خيرو وقتلها هنا و دوك ارحم من انو يخطار عيشت الجريمة عليها كانت باينة مراحش يتبدل بين ليلة و ختها . 🧚♀️🧚♀️🧚♀️🧚♀️🧚♀️ لميعرفش قصة العقرب راهي التحت فالباجا 👇 ايا خبروني يلا عجبتكم الحلقة bonus lol. 🧚♀️🧚♀️🧚♀️🧚♀️ Team #sa9r_lian . or . team #Eden_Nina?👫👫
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
