وعاشو بسعادة أبدية》ليست حكاية بل خيارا ؛) 💍💎 ستيلا كانت قاعدة فوق الفوتاي قدامها روان قاعدة تبكي _اععع محبتش تسكت واش نديرلك بفف تعرفي دراري كيفك واش كنا نديرلهم فالغرفة الحمرا؟ راح نحط فادي فيها على هاد الحصلة لحطني فيها...قربت لعند البيبي ظحكت و شدتلها صبعها بيدها الصغيرة ستيلا نخلعت شعور لا يوصف بتردد تلمست وجها تقول حرير شحال ناعمة ط يا هل ترى كيداير شعور تكون ام ؟ نينا راهي حامل و ليان هادي بنتها و انا ماشي مرا تسما؟؟؟ ستيلا: نسيتي روحك نتي شكون واش تعملي؟ سكتي سكتي متحلميش بعيد مستحيل يكون عندي عايلة الخوف هداك كبر معايا على يد بيانكا 😢. حظنتها لعندهاو قعدت متبسمة ريحتها تخبل دخل فادي معا ليان اخيرا فالرجعة كان يسوق و ساعة ساعة يشوف فيها شافها ساكتة ماشي من عادتها فادي:مالكي في الخير؟ ستيلا:تتوقع راح نبني عايلة؟ راح نكون ام؟ عمري مراح نجرب هاد الشعور فادي فرينا بلافورص: نتي شكون و واش عملتي بستيلا؟ _بركا ما تتمسخر 😒 حكملها وجها بين يديه و عطاها بيزو صغير شفاها غوز و عينيها بلو و شعرها نواغ كشغل الوان طبيعة كامل تفاهمو باش يتلاقاو فهاد الوجه😍 شحال تسخف و هي اصلا معلابالهاش! _راكي حابة ترجعي ام؟ يا عمري روان أثرث عليك لهاد الدرجة _مش عارفة🥺 _ دوك راح ترجعي ام نحى الفاست تاعو بعدت عليه _واااش راك الدير يا المنحرف مقتلكش دووووك 😳 حط راسو على المقعد وراه مش قادر يزيد يصبر دقيقة ديمارا الطونوبيل نص ساعة وهي تسقسي و لا ايجابة حبس اخيرا وشاف فيها: راكي رافدة هويتك؟ _ايه علاه ؟ نشعها من يدها و خرجها وهي تجرجر وراه دخلو لواحد مالحوانيت تاع ليغوب بلونش _خطاري _واش ؟هبلت🤨؟ قعدت تشوف لطويلة فوغم حوتة ولي لاغج كتاع الاميرات و لي قصيرة..داوت وحدة تماك شافتها و تبسمت راحت باش تقيسها بصح حبست كشافت روحا فالمرايا منبعد التبسيمة راحت كشافت روحا بغوب بلونش الطويلة فالمرايا شافت اثار الجروح تاع الغرفة الحمرا شافت شافت فيديها معصم تاعها مزال فيه اثار الحبال تاع الكورسي لتربطت عليه كل مرة تهرب هزت راسها الرعب تاع كون تكسر قيودهم نجحو باش يزرعوه فيها هزت راسها لا بعنف انا واش راني ندير كون يقتلو فادي😱 فادي قاعد يستنى بقلة صبر قدام البيت عيط: راح تباتي تماااا😤 دخل شافها بغوب تقول حورية عينيه رجعو قلوبة راح يعمل غلطة بسام و يغتاصب البنت كون ميشدتش روحو دوك بصح فرينا كلقاها تبكي _واش بيك!!! كاش واحد قالك كلمة؟؟؟ _ منقدرش😢 ..راح تكمل كيما كل مرة منقدرش منقدررررش _انا اللبنات ميتين عليا و نتي ماشي باغية تتزوجي بيااااااق _مانيش نتمسخر🥺
بيانكا راهي فكل بلاصة قرب ومسحلها دموعها بيديه _يا عمري بيانكا ماتت و الدودة لكلاتها رشات خلي passe يقعد passe دوك كاين انا معاك متخافيش اصلا وين راهي ستيلا لةققت فوجه صاحبي و في وجهي و فوجه جلال و جماعتو ؟معرفتكش مخوافة هكدا😏؟ _انا مانيش مخوافة نتا مراك عارف والو فادي:الشي لراني عارفو هو اليوم يسموناااا نتزوجوو دوك راح تدي هاد الغوب او نن و لا نقولك مش مهم مراحش تقعد فوقك بزاف وجها رجع غوج و ظرباتو فصدرو _يا منحرف واش بيدير _ مخليتيليش خيار رفدها بيها بغوب تاعها فوق كتفو وهي تعيط مولات المحل مرا كبيرة تنهدت ظايعة معا سحر اللقطة "اخخخ الحب تاع الصغر"😍🙏😂 جابها للفيلا تاعو و حطها فالبيت اخصائية تجميل كانت واجدة بماتريال تاعها نخلعت كشافت فادي مدخلها بقوة فغوب😂 و حطها فالكورسي ستيلا:منحبش الماكياااج ياخي بطلت ماشي بنتزوج بيك _تحبيني _ نكرهك _تحبيني _نكرهك _تحبينيييي شاف فالكوافيز: اعمليلها حاجة من دوقك حطيلها شوية من gاع داك الشكيل و يلا مخلاتكش عيطيلي _مسيو فادي متأكد انو... _ايه قالها و غلق الباب وراه خرجت بعد مدة لقاتو لابس بدلة بيضة معا تينيسة مايتبدلش اخينا لاول مرة تبسمت بسعادة عندو الحق علاش الخوف الراس الكبير تاع الجماعة مات ايدن وفا وعدو ليهم و قتلو شدت فدراع فادي الشاف فيها ميت بالسعادة شعر نواغ متوالم معا الغوب البيضة ماكياج خفيف خلا عينيها البلو يبانو اكثر و الروج لحطاتو على فمها كان صارخ اكثر شي _راكي تهبلي😍 سلم على نيفها وغمزلها "مناش باغيين نخسرو الماكياج و لا راح تكون فظيحة كون نهودو بالروج تاعك على فمي" خرجو لقاو ليان و معاها واحد و مرتو معرفتهمش شكون المهم السيد مرتو سامطة مالنظرة الاولى باينة مراحش يتفاهمو وعينيها وساعو كشافت ايهم واقف تماك زادت شافت شكون كان حداه طلقت دراع فادي و جرات عنقتهم تبكي _رررررراااااعد ايهاااام وين خليتوني و رحتووووو😢😢 يا كلاب ايهم: شكيت فالاول يلا نتي بصح الكلمة التالية كونفيرماتلي بلي نتي سيتلا😑 رعد: مقدرتش نشوفك حتى نوفيلك الوعد بصح طلعتي ماشي م العجزين متوقعتش نشوفك معا واحد مالعقرب كتبتو كتابهم ناظت ليان تعنق فستيلا و تبارك لفادي معا كنان جوانة تشوف فالعروسة بنص عين والعروسة تشوف فجوانة بنص عين تاني😂😂 ليان:يا ريت صقر كان هنا وشاف صاحبو يدخل للقفص الذهبي فادي:ضيع فرصة عمرو باش يخلفلي تمسخير تاعي عليه لسنين كنان: شكون قال راح يجي نهار و نشوف فادي يستعقل فادي: كنت نعيب على صاحبي راني كيفو🤦♂️ تقدم ايدن شافو فيه كامل و عنق ستيلا: نقبلك تمحي كلش من راسك حتى انا نساي كلش و عيشي حياتك ستيلا عينيها دمعو: كيفاش ننساك! و نتا _متحوسيش عليا😊 و شاف في فادي حداها ..حاولي متبكيهش بزاف 😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
