love the way you lie🖤
_ رعد وين راني😡
_اسمي شحال شباب من فمك
نظراتو الغايصة فيها خبرتها انو تجاهل كل كلمة قالتها
_رعد..تكلمت بجدية و هدوء اكثر نظرتو الهادئة تخوف اكثر...مانيش نتمسخر مازلنا فالجزاير؟
_ البرازيل
_وااااااااش؟؟ ر..رانا فالبرازيل؟
حست روحا راح تفقد الوعي مالصدمة الهدوء تبخر و الارض بدات دور من تحتها راه يتمسخر و هذا شي كامل مجرد مزحة و يحبس. رجعت شافت فوجهو نفس الملامح الجدية. مراهش يمزح! كيفاش وينتا!! و كأنو قرا الاسئلة فراسها رجع مرتاح فوضعيتو و جاوب بصوت مصدقتش انو غطا عليه الملل.
_ كنتي مخدرة كثر م13ساعة حتى وصلنا..كون ماشي وجهو كان مزير ترجع تحلف هاد كل كاميرا كاشي و لا منام برازيل؟داها لاخر الدنيا ما حستش بروحا كعطاتو كف خلات وجهو يدور على جيهة ميهمهاش يلا عملها حاجة واش بيعمل كثر من ليدارو.
عظلات وجهو تحركو و تاع دراعو برزو تحت الفاست الكويغ كان يقاوم فروحو باش ميعملهاش حاجة قبل ما تنطق هجم على شفاها.. حاكم وجها بيديه فزوج باش متتحركش نحى الكاسكات النواغ من فوق راسو وحطها على شعرها وهمس
_راني داير معاك صبر جامي درتو فحياتي كاملة خليني مستحفظ على شوية كونترول لراه باقيلي قبل ما نعمل حاجة نندم عليها.
خرج و خلاها مخدرة بصح ماشي قبل ما يعطيها خزرة تخوف
_ الجرح نظفتو بنفسي فالطيارة كوني هانية و مكلاه تخمي تهربي لانك راح تخلصيها غالية قعدي عاقلة نقعد انا عاقل معاك.
نينا:وين راك رايح
_راجع للبلاد، عندي خدمة صغيرة لازم نخدمها و شاف فالمرا لوقفت عند الباب وكمل بلغة متأكدة انها برازيلية.
تاخدت خطوات متكاسلة حدا المرسى الكبير تشوف فالساحل و السفن الكبار و الحمام فوقهم ياريتها كانت كيفهم بصح واش عملت بغات الحرية و هربت من دار باباها باش تتزوج بواحد حباتو. ظحكت بسخرية على غباءها وقتها.
دوك مبقاش حاجة اسمها حب بقا التملك الدموع القسوة الأنانية يوم قاتلو. الحب مراحش يكون سجن الحب معندوش تاريخ صلاحية ببساطة مشاعر يتشاركو زوج يحتارمو بعداهم يقدسو بعضاهم حتى مايقدروش يعيشو بلا بعضاهم. هي مقدرتش تعيش معاه.
'طلقني'
اول كلمة خرجت بلا مقدمات كعرفت الحقيقة. ورا داك الوجه الوسيم و الحياة البراقة كانت الخدمة الشبوهة، المعاملات الغير شرعية وارواح جافية متعرفش رحمة او الحق.
ليلة الحفلة لرجعو مصدقش براءتها وتاهمها كاين حاجة بينها و بين امير منعها باش تعاود تشوفو منعا قاااااطع لانو فهم نظرات امير ليها.
قاعدة تتمشى حتى شافت واحد شعرو نواغ عينيه بلو ساماوي عينين كانت كل ما تشوفهم في ضغرها يديها الصغار يبداو يرجفو
_امير!
_لونا!
دور راسو فجيهة صوتها بمفاجأة
_واش من سوربريز شعطوطة الطفولة رجعت للبصلاة لكنا نروحولها و حنا صغار
