*بعد عامين*
نينا قعدت تلعب معا ولدها *هتان* قبل ما يحبس رعد الطونوبيل قدام مطعم الكبير لتفاهمو يتلاقاو فيه الكل احتفال بعيد ميلاد نغم😍 لكانت بنفس عمر هتان بنت ستيلا لعرضتهم و فادي لعرض صحابو الحفلة كانت اشبه بعيد سنوي لنهاية ديك العيشة وبدية جديدة لكل واحد عاش قصتو بكل مرارتها وحلاوتها طونوبيل تاع امير و فادي كانو ديجا هنا دخلو اليد فاليد وهو رافد ولدو فيدو 👼 ولدو لكان حامل عينيه شعرو يعني حتى فالدذرات و غصب عليه يشبه لباباه😂😍 دخل لقا الكل تماك على وجهم تبسيمة عريضة
ليان مجاتش طبعا كانت فبيتها شادة تريكوه فصدرها راقدة تمنات طروح تفرح معا فادي و كنان و البقية بصح بلابيه حتا حاجة معندها طعم
حبست الطونوبيل قدام الفيلا الحارس فتح الباب باش يشوف شكون خرج من الباب الخلفي و تبسملو الحارس تخلع !!!
مسيو كاراس !!!!!!! تمشا للداخل و طلع الدروج بسرعة يستخطا بثلث درجات كان غراااااف متوحشها بعدما منعها تشوفو عامين وهو فالحبس من غيرتو العمية عليها دخل شاف روان قاعدة تلعب ب باربي تاعها بسرعة بنتو كبرت الوردة لجابتهالو ليان زهاتلو الدنيا المظلمة لكان عايش فيها قعد يشوف فيها من ورا الباب والله كالحلم صقر القديم تاع قبل سنين كان راح بضحك على الفكرة هادي يحب و يتزوج و ترجع عندو بنت و عايلة سعيدة شعرها طوال كتاع مها رجع ذهبي اكثر و مدور عينيها النواغ شافو بخلعة رمات الباربي و ناظت تقفز عملها ششششش🤫🤫 من ورا الباب باش متنوضتش يماها وروان طبعا بنت ابوها تفهم الكلمة خرجت تجري مالبيت
حظنهااا بقوة حاوطت بيديها الصغار رقبتو
روان:papiiiii علاش طولت !!!!! توحشتاناااااااك
صقر: سلم على جبهتها منبعد خدها اللول و الزاوج منبعد يديها و نيفها 👼🥰🥰 روان:اوووف بابا لحيتك وجعتني 😂😂😂
صقر:يا طويلة اللسان متوحشتينيش؟
_بزاااااااف و مالت لودنو همستلو عمو فادي عرضنا لحفلت ولدو بصح ماما محبتش طروح بلا بيك هههه لانو توحشاتك بزاف متخبرهاش بلي قتلك🤭
قعدو يظحكو فزوج بتخبية..
فطنت ليان روان مكاش فالبيت وين بتكون ديك الفصعونة راحت؟؟ والله تعملها و تهبط لطونوبيلات صقر تحت تخرب نحو ديماري وحدة لانو يارا علمتها🤦♂️كانت بغوب تاع رقاد خرجت بلاما تحط حاجة فوقها لانو حتى حد مكان فدار فجأة حست بزوج يدين يحكموها من خصرها و صدر كالحجر حظنها م ظهرها😨سرااق!!؟
جات تبعد روحا شدها لعندو وهمس
_ سوبراايز
صوتوووو ريحتوووو لمستووووو!!! هوو!!!! دارت بصدمة محستش بروحا كرمات روحا عليه شعرها كامل على وجهو رجليها لفو على خصرو بقوة قعدو شحال هكدا حطها على رجليها كجا يحط شفاهو على تاعها تفكرت ليان حطت يد على صدرو..
باش تحبسو بسرعة! روان ! شافو فالمخلوقة قاعدة تتفرج عليهم بابتسامة عريضة 😁😊 تنهد بقلة حيلة لبغا الورد يصبر على اشواكو
ليان: علاش مخبرتينش اليوم تخرج!!
_حبيتها مفاجأة
_جيت كانو يعاملوك فالحبس؟ ماشي سمنت الناس ينقصو ماشي يجو سمان!!يتسما كنت قاعد فاوتال وجيت😑
صقر: مش غلطتي وين ما نروح الناس تبغيني🙄😎
_ايه يبغوك خوف😒
سكتت منبعد شافت فبعظهم شحال توحشاتو تبسملها معرفوش شحال فات وقت وهوما يشوفو فبعظهم حتى سمعو صوت رقيق شافو فروان لواقفة جامعة يديها و مطلعة حاحب ظربت رجلها معا ارض
_ نثوما زوج نسيتوني😠
حل صقر يديه و جرات عندو عنقهم فزوج ...ما يسلكها غير عناق جماعي هههه
_عندي زوج وردات فالدار كنت نموت على ما نشوفوهم كفاش نقدر ننساكم نتوما فزوج تاوعي مراحش نتخلى نهار عليكم ولا حتى لآخر نفس م حياتي❤.
