ستيلا كانت فالطونوبيل معا فادي قعدت تشوف فكل تفصيل فيها تتلمس فالكوير تاع المقعد كيفاش عندو طونوبيل خير ما تاعها هادي محبتش تدخل فراسها شافتو يشوف فيها من تحت اللينات ويضحك جمعت يديها بغيض ستيلا:دوك نتا كل ما توصلني لليسي راح تقعد تعرض عليا فادي: لله يسامحك هكدا تهدري معا لسلك حياتك مالموت ستيلا:كنت قادرة ندافع على روحي زيد خيرك فروحك وكملت بهمس اصلا من غير بيانكا وجماعتها من واش بنزيد نخاف😒 فادي:لكنتي معاه طالع من نفس الجماعة...و قتل واحد منهم حلت عينيها على وسعهم مجرد يقتل واحد منهم يعني تمرد كبير يا اما يكون مهبول باش يقتل واحد منهم أو باغي يجني على حياتو مكاش سبب ثالث اللعب معاهم انتحار راح يخلوك تتمنى الموت و متلحقهاش كون تشوف الغرفة الحمرا ستيلا:شكون ؟؟؟!!😨 فادي:باباه😏..تقدري توقفي فوجهو دوك خبريني؟ بلعت ريقها بصدمة شافها ساكتة تنهد و ركز على الطريق بعد مدة حبت تبدل السيرة شافت فيه: كشغل هاد الطونوبيل تاع سباقات و لا راني غالطة فادي:ايه عندي سباق ستيلا:وين وينتا😍 فادي: قلت عندي ماشي عندنا نتي شغلك فالليسي منبعد الدار ستيلا: راك حاسب روحك تهدر معا بنت خمس سنين متنساش قرايتي مجرد تنكر قرينا كلش فالمركز نهدر سبع لغات عقلك مايقدرش يستوعبها فادي:وحنا نهدرو لغة العنف لعقلك الصغير ميقدرش يستوعبها ستيلا:علاش راح تشارك فسيباق و فهاد الوقت _معلاباليش _قوولي _معلاباليش _اه تسما لازم نهدرو لغة العنف باش تفهمني غرست ظفارها فدراعو لكان يسوق بيه الطونوبيل قريب نحارفت بيهم!! فادي:هبلتييييي ر** باغية تقتلينا! ستلا:خبرني _طلقيني _ نتا الاول _نتي _نتا _نتي _اوكي هاني طلقت تنهد و تكلم بصوت خافت :مهمة ستيلا:بسام راح يشارك ؟ _ايه الكل داخل فيها هادي وحدة مالقمار تاع كل نهاية شهر ستيلا حست الدم فيها غلا: اه صار هكدا! وصلو لليسي حبس فادي الطونوبيل و نزل شاف فستيلا لقعدت تشوف فاللبنات ليميزو فيه بكل وقاحة وحدة تغمز وحدة تصور فالطونوبيل و وحدة قريب تغتاصبو بعينيها ستيلا:لازم تخرج باش توصلني اوووف فادي غمزلها: الحلو غيران شي؟ ستيلا: واش عجبهم فيك تبسم لجيهتهم اللبنات تخبلو المشية تلفتلهم زادت ستيلا نعصرت و هو ظحك فادي: ودوك راح توصلك لليسي و الليل يجي واحد من رجالي يوصلك يلا كان عندك شوية مخ تماك راح تعملي واش نقلك هكدا بيانكا متقدرش توصلك مجاوباتوش هزت كتافها طلعت رجليها باش الحق طولو سلمت على خدو و دخلت تجري باش متعطيهش فرصة دهبية يتمسخر بيها خلاتو متبسم
الدم غلا فيها دارت الراجل لجاب نينا: راك حاسب عندك الارادة مش كيما تحب نتا كيما نحب انا انا لربيتك و انا لي لازم تسمع كلمتي فهمت؟ شافتو قاعد يتسمع ببرودة تكلمت بعصبية:دوه للغرفة الحمرا شافتو مدارش ردة فعل يا ويلها يلا قرر يتمرد هاد الشي لخافت منو حكموه باسلال كل مرة تجبرو يشوف الفيديو تاع الناس لقتلهم و مرات تحطهم قدامو لأيام أو عمليات نزع الاعظاء منهم أو كيخطفو دراري الميتم و يقتلوهم قدامو.. لازم مينساش هو شكون تعدبو حتى يفقد الوعي بصح هاد الشي رجع صعيب عليها نظرا انو تعود عليه و مرجعش عندو ثأثير بيانكا:اسمك ايدن اييييدن نتا قاتل تخدم تحت يدي ماشي رعد اسمك نساااه اخخخ منكم علاش تحبو تعصبو المرا لرباتكم هاه؟ مزال نتفاهم معا ستيلا 😏 حاسبة معلابابيش بخطتها الدلوعة تعنا راح نعملها زيارة خفيفة لهاد الغرفة و راح تتفكر معامن راهي تخدم وين راهي ؟ رعد القبضة تاعو تزيرت : هههه وعلاش نقولك؟ بعدي عليها راني حدرتك ع الاقل هي فهمتها بكري و هربت من *** كيفك حكمتلو وجهو بعنف :تأدب فالهدرة معايا 🤬🤬 مسح الدم من نيفو و وجهو و جبهتو و تكلم بملل _معليش تعدبيني بسكات؟ راح تقعدي هنا تنبحي gالنهار و لا راح تعظي؟ حست الدم طبخ في عروقها يعني مساج باين انو مراهش مثأثر ولو ذرة صنعت وحش بصح كلش عندو نقطت ظعف تبسمت بخبث بيانكا:اوكي راح نفهمك باللغة وحدخرا وشافت فالراجل وراها _ جيبلي الظيفة تشرفنا فالغرفة🎴عينيه وساعو _تتلمسيها ندمك على النهار لزدتي فيه😠 حاول ينوض بصح كتفو و دراعو و جسمو كلو مساعدوش نظرا للحالة لكان فيها بيانكا: عندي طرق جديدة نجربهم عليها و شدت بين سنانها على اخر كلمة "قداااامك"😏 تبسمت و دارت قبل ما ترجع بعينيها ليه لقاتو قدامها نصدمت بيانكا :رجاااااال حكمها من عنقها و لصقها فالحيط رعد:الغرفة عازلة للصوت نسيتي؟ مكاش لسمع عياطي فسنين طويلة و تبسم بشر اليوم حقتك! تحملتك لسنين و ماشي عارف علاه؟ قتلك مدور لا بستيلا لا بنينا بصح نتي وحدة مجرمة انانية حياتها كاملة مقدرتش تكون ام صالحة قامت تخطف فولاد الناس بيانكا: هه مين جينا فالسيرة متقدرش تقتلني 😏 رعد: سبب ؟ _ نعرف والديك شكون نتا ماشي يتيم و كون تقتلني راح تقعد حياتك كاملة يتيم رعد: راني نبانلك مهتم بالعايلة؟؟ روحي بيك بيهم لجهنم بيانكا:و نينا قبل ما تكمل هدرتها عينيه رجعو سواد الليل ستخطات بيانكا الحدود رغم كامل الشي لعملاتو فسنين بصح هاد المرة ظغطت على الزر الغلط
ديزولي طولت نتمنى حلقات اليوم يعجبوكم 🙏لعجباتو القصة لحد الان حكيها لتيزامي ولا جيبوهوم و votoooooooooooooo
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
