နောက်ဆုံးတော့ အမေ့ရဲ့ကူပြောပေးမှုနဲ့ ကျွန်တော်တစ်ယောက်ထဲ တိုက်ခန်းမှာ ပြောင်းနေဖို့အခွင့်အရေးရခဲ့ပြီ
ဒါကကျွန်တော့်ဘဝတစ်လျှောက်လုံး လွတ်လပ်စွာပျံသန်းခြင်းရဲ့အစလို့ နေ့စဉ်မှတ်တမ်းစာအုပ်လေးထဲမှာထည့်ရေးထားတယ်
ယံကသူယူလာတဲ့ရေပုံး၊တံမြက်စည်းနဲ့ကြမ်းတိုက်တံကို အခန်းရှေ့မှာချလိုက်တယ်
12နှစ်တာလုံးလုံးဖွားဖွားကြီးအိမ်မှာကြီးပြင်းခဲ့ရတဲ့ကျွန်တော်က အတိတ်ကိုပြန်တမ်းတတိုင်း လွမ်းဆွတ်သတိရမိတာကတော့ ကလောမှာကျန်ခဲ့တဲ့ကျွန်တော့်ရဲ့ငယ်ဘဝပုံရိပ်လေးတွေကိုပါပဲ
ကျွန်တော့်အိမ်ဘယ်လောက်စည်းကမ်းကြီးကြီး နည်းလမ်းမျိုးစုံနဲ့အတူလာ ကစားပေးပြီး စာအတူကျက်ပေးခဲ့တဲ့သူငယ်ချင်းလဲရှိခဲ့တယ်
စာညံ့ချင်ယောင်အမြဲဆောင်တတ်တဲ့ကောင်ကလေးက စာတစ်ကြောင်းကိုနှစ်ခါပြန်မကျက်ရတာသိပေမဲ့ ကျွန်တော်မရမချင်း အသံတွေပြာတဲ့ထိ အတူတူအခေါက်ခေါက်အခါခါလိုက်အော်ပေးခဲ့ဖူးတယ်။
သင်္ချာ၂ဆိုအော်ကျက်တာလောက်ပဲသိတဲ့ကျွန်တော်က သူရှင်းပြတဲ့သီအိုရီတွေအောက်မှာနားလည်လွယ်ခဲ့သေးတာ။
ကျွန်တော့်အခန်းရှေ့မှာရပ်လိုက်တော့ မျက်နှာချင်းဆိုင်အခန်းနံရံဆီက လေယာဉ်ပျံပုံပိုစတာကပ်ထားတာမြင်လိုက်ရတော့ လေယာဉ်မှူးဖြစ်ချင်တဲ့ ကောင်းထက်နိုင်ကိုပိုပြီးသတိရမိတယ်
သက်ဝေယံက လေယာဉ်ပျံပုံပိုစတာလေးကိုလက်ကလေးနဲ့ထိလိုက်ပြီး""အခုဆိုရင်မင်းဘယ်တွေရောက်ပြီး ဘာတွေလုပ်နေမှာပါလိမ့် မင်းဖြစ်ချင်တဲ့လေယာဉ်မှူးတစ်ယောက်ရော ဖြစ်နေပြီလား""
လေယာဉ်မှူးတစ်ယောက်ဖြစ်ဖို့ဆိုတာဆရာဝန်တစ်ယောက်ထပ်အကုန်အကျပိုများတယ် လွယ်ကူတဲ့ကိစ္စတော့မဟုတ်။
သက်ဝေယံကသက်ပြင်းချပြီး သူ့တိုက်ခန်းတံခါးကိုဆွဲဖွင့်လိုက်တယ်
6နှစ်လောက်ပိတ်ထားခဲ့တဲ့တိုက်ခန်းမှာ အထဲကပရိဘောဂတွေက ဘယ်လိုတွေတောင်ဖြစ်နေပြီလဲမသိဘူး
YOU ARE READING
ဝေဟင်ထက်ကချစ်ပန်းကလေး(Completed)
عاطفيةဒီဇာတ်ကောင်လေးတွေကရင်းနှီးပြီးသားဖြစ်မှာပါ မျှစ်ပြုတ်နဲ့သက်ဝေယံတို့အတွဲလေးပါ
