ခွန်းကားပေါ်ကဆင်းမယ်လုပ်ပြီးမှ ဝီလျှံကားရပ်လိုက်တဲ့ဆိုင်ကိုကြည့်ပြီး ခွန်းမျက်လုံးတွေပြူးသွားတယ်
ခွန်းဒီဆိုင်မှာ ဆေးကျောင်းတက်တုန်းကသူငယ်ချင်းတွေနဲ့စုပြီးတစ်ခါလာထိုင်ဖူးတယ်
ဒီဆိုင်ကစားစရာတွေက အကုန်ဈေးကြီးတယ် အဲ့တုန်းကဆိုင်လေးလှလို့ သူငယ်ချင်းတွေနဲ့စုပြီး စားပွဲဝိုင်းလေးတစ်ဝိုင်းထိုင်ပြီး မှာစားမိတာတောင် ရှင်းလိုက်ရတာကသိန်းဂဏာန်း။
အခုသူကအလုပ်ရှိတာလဲမဟုတ်ဘူး ကျွန်တော်ဒီလိုဆိုင်မျိုးမှာထိုင်ပြီးသူ့ငွေတွေကိုဘယ်လိုလုပ်ဖြုန်းရက်မှာလဲ
""ခင်ဗျားဘာလို့ကျွန်တော့်ကိုဒီဆိုင်ခေါ်လာတာလဲ!""
""ခွန်းကို ပီဇာကျွေးမလို့လေ""
ခွန်းကကားတံခါးကိုပြန်ဆွဲပိတ်လိုက်ပြီး""မစားဘူးပြန်မယ်!""
""ဘာလို့လဲခွန်းရဲ့""
""ခင်ဗျားအလုပ်လဲမရှိပဲနဲ့""
ရုတ်တရက် ခွန်းပြောလိုက်တဲ့ စကားကဝီလျှံမာနကိုလာထိပါးသလိုဖြစ်သွားတယ်
ဝီလျှံကဒေါသထောင်းခနဲထွက်သွားပြီး""ခွန်း! မင်းကိုယ့်ကိုသိပ့်အထင်သေးတာပဲ!""
""ကျွန်တော်ဘာပြောလို့လဲ! ကျွန်တော်ပြောတဲ့စကားထဲမှာခင်ဗျားကိုအထင်သေးတဲ့စကားတစ်ခွန်းမှမပါဘူးနော်ဝီလျှံ""
""ခွန်း! ကိုယ့်မှာအလုပ်မရှိတာနဲ့ပဲ ကိုယ်မင်းကိုဒီလိုဆိုင်မျိုးမှာ လိုက်မကျွေးနိုင်တော့ဘူးလို့ မင်းကထင်နေတာလား! ကိုယ်စိတ်ပါရင်မင်းအလုပ်လုပ်နေတဲ့ဆေးရုံတစ်ခုလုံးကိုတောင်ဝယ်သိမ်းလိုက်လို့ရတယ်ရှင်းလား""
""ဝီလျှံခင်ဗျားကျွန်တော့်စေတနာကိုမစော်ကားနဲ့နော်!""
""မင်းကကိုယ့်ကိုအထင်သေးလွန်းနေတာလေခွန်း""
""ကျွန်တော်ခင်ဗျားကိုအထင်သေးနေတာမဟုတ်ဘူးဝီလျှံ ကျွန်တော်ကခင်ဗျားပိုက်ဆံကုန်မှာစိုးလို့ပြောတာ""
""ဘယ်လောက်ကုန်မှာမို့လဲခွန်းရယ်""ဝီလျှံအသံက ပြန်ချိုသာသွားသည် ခွန်းကလေသူတွဲခဲ့ဖူးတဲ့မိန်းကလေးတွေနဲ့ တူကိုမတူတာ ခွန်းမှာသိတတ်တဲ့စိတ်ထားလေးရှိတယ်
YOU ARE READING
ဝေဟင်ထက်ကချစ်ပန်းကလေး(Completed)
Romanceဒီဇာတ်ကောင်လေးတွေကရင်းနှီးပြီးသားဖြစ်မှာပါ မျှစ်ပြုတ်နဲ့သက်ဝေယံတို့အတွဲလေးပါ
