« بكره توقف من اللهفه على بابي »

بارت " 10 "

الجد بتنهيده : لو يرجع سعد في هالدنياء وش بتكون ردت فعلك ؟
الهنوف بتنهيدة: مدري احس شعور ملخبط  .. دمعت عيونها وطاحت دمعتها
الجد مسح دمعتها وقال : نغير الموضوع
وضحكت
الجد : خلصت المناقصات اللي ارسلوها لك ؟
الهنوف : ايه خلصت بس جوجو واضح انها جت مكتبي
الجد بضحكه : ايه وخلصت كم مناقصه تقول علشان اذا جت امي مايتكدس الشغل
الهنوف : حبيبت امها هي واضح خطها و حاطه في الدرج السناكات اللي احبها
الجد : حنونه طالعه لامها .. ياللاا انا طالع اخليك تكملين شغلك .
وقعدت الهنوف تخلص شغلها ...
________________
« عند جوهرتنا »
كانت بتموت من التعب بعد ماخلصت الكلاس وطلعت وكنت بدق على اميره والبنات بس تذكرت انهم مشوا الديره وتنهدت ودقت على سمر صحباتها : الو
سمر ببتسامه: ياهلا
جوجو ببتسامه: ياهلا ياروحي اسمعي تطلعين معي نتغداء
سمر : ابشري اصلاً مانزلت عبايتي بعد مارجعت من الجامعه ارسلي الوكيشن
سكرت جوجو منها وفزت ترسلها الموقع وصلت وقعدت تدور مكان مناسب وقعدة طقطق بجوالها تنتظر سمر
نخلي جوجو تنتظر على ماتجي سمر وناخذ تعريف سريع عليها
( سمر بنت ثامر انسانه جميله مخطوبه من ولد عمها وهي البنت الوحيده عند امها وابوها وهي تصرف عليهم وكانت تكره ولد عمها بسبب راح نعرف مع الايام غيوره متسلطه تتمنى تجرب شعور الحب بس مالقت الي يناسبها العمر : ٢٤ )
وصلت سمر وضحكة من تعابير جوجو : كان نمتي بعد
سمر وهي تقعد : شسوي زحمة الرياض المهم خلينا نختار الجوع الفففف
وقعد يختارون وينتظرون الاكل وسألت سمر بفضول : غريبه جوجو مارحتو الديره
جوجو بتنهيدة : كان ودي نمشي معهم بس كان عندي اكلاس وكم شغله وماما عندها اشغال وماقدرت  اتركها وبنمشي الديره بالليل
سمر : اها اي استغربت عاد انتي ماتبعدين عنهم 
جوجو وهي تحرك الشوكه بصحن : اي وش صار على ملكتك تقولين تأجلت
سمر بضيقه : امانه اسكتي اكره طاريه واكره طاري الزواج الحلم عن حب وصار العكس
جوجو بتعقيدة حاجب : انتي شفيك على الحب هالفتره
سمر : والله ياجوجو الحب حلو تخيلي انك تتزوجين عن حب ويكون عارفك ويموت فيك تتشابهون بشخصيه اخخ بس وتقولين ليش احب الزوج الي عن حب الله يجيبه بس
جوجو : سمر حبي ترا الحب مو اي حب الحب الصادق هو اول مايحبك يطق باب بيتك مايكلمك ويعشمك انه بياخذك واخر شي يخذلك بهزمن الحب نادر الحب الصادق هو حب الطفوله غيره لا
سمر : يوا عاد تكلمنا عند وحده ماتؤمن بالحب
وصل الاكل جوجو : اقول اكلي بس وخلي الحب والخرابيط ذي
سمر : صدقيني مايقول كذا الا يصير العكس وبكرا انتي الي بتتزوجين عن حب وقولي سمر ماقالت
عطتها جوجو هذيك النظره واكلو والكل رجع البيته ....
________
« بسيارة فيصل »
كانت السياره هدوء الي نايم والي يتابع مسلسله والي يهوجس فجاء قطع الصمت الجد : اقول يافيصل ماكلمت اهلك
لف فيصل : لا والله بس بدق اذ وصلنا بـ ....
فجاء السياره وقفت وهبطت بحصى والكل فز ماعاد وعد الي تابع مسلسلها ولهي يمهم نزل فيصل ونزل الجد وشاف الكفر مغرز وكان على وقت أذان المغرب وضرب فيصل الكفر : قسم بالله مو وقتك
الجد وهو يطالع السياره : غريبه وش الي جاها فجاء
فيصل بتنهيدة وتفتح ارجوان الدريشه وتتكلم بمياعه : فصول وش صار
فيصل وهي معه وتكلم بحده : غرزنا
ارجوان بشهقه : اوف لحول والمغرب  يمه اخاف من الظلام
فيصل وهو ماله خلق لها وقال بحده : محد قالك اركبي معي واسكتي يرحم والدينك
ارجوان بهمس : شفيه ذا نفسيه يع
الجد وهو يسمع أذان المغرب ودخل السياره وقال : يلا نزلو بنصلي ونشوف احد يساعدنا وانت يافيصل رح طلع الفرشه للبنات
الكل نزل ورح فيصل ياخذ الفرشه وعطاها وعد وراحو يصلون وبعد الصلاه راح فيصل يدور ابراج ويكلم احد يساعدهم والجد يشوف السيارة الي تمر ويأشر عشان احد يساعدهم .....
___________
« بالديره »
وصلت سيارة هايف وا تميم على أذان المغرب لديره ودق هايف على تميم : ولد
تميم : سم
هايف وهو يناظر قدامه : خل جدتي توصف ناسي البيت
تميم ضحك وحطه سبيكر وقالت الجده : افا ناسيه يولد خالد
هايف ضحك بوهقه : والله دايم ابوي الي ودينا الديره بس منسى ديرة جداني
ضحكت الجده وقعدت توصف له والكل وصل وقعدو ينزلون وقالت الجده : فيصل وجدك ماوصلو
تميم بستغراب : غريبه عاد ماشي معنا
هايف وهو ينزل الشناط : دق دق عليه
لتين وهي تناظر البيت من برا وفجاء ناظرت حشره وش كبرها جنب الباب وصرخت لا ارادي 
الجده بحده : وجع
لتين بنهيار : تكفون اقتلوها
هايف يوم سمع صرخها عصب وناظر الحشره وهو يدعس عليها وقال : مره ثانيه قصري حسك
لتين وهي مطنشته : إذا ذي البدايه كيف بعدين
جا تميم : مايرد
اميره بخوف : يمه ليكون صاير شي
يزيد بحده : تفائلوا بالخير مو صاير شي بأذن الله
ودق جوال تميم وفز : ها يولد وينكم
فيصل بضحكه : غرزنا بس والحين جاينكم
تميم بتنهيدة : اخ الله يعطيني روقانك يلا انتبه لطريق
وسكر منه والتفت : لا الحمدالله بس غرزو وجاين يلا ادخلو العالم كلها تطالع
الجده وهي تدور المفتاح بشنطتها ومالقت شي وتذكرت انه مع الجد ثنيان : لحول المفتاح مع جدكم
ربى : لا اكملت
هايف : اجل اركبو على مايجي جدي شتسون
لتين وهي تركب : لو على كيفي قعدت بسياره لما نرجع الرياض .....