« بكره توقف من اللهفه على بابي »

النهــايـة

" بيت تميم "
المنديل جنبها تمسح دموعها تشتم البطل : الله ياخذك ماتستاهل الحب .
دخل تميم يبعد اغراضه على الطاوله يناظرها بخوف عليها : وش فيك ؟
بكت تبعد الايباد تضرب المخده : حقير يا تميم حقير
انهبل يتقدم لها يقعد على طرف السرير : من الحقير ! شسالفه !
امسكت الايباد توريه البطل : شوف شوف حيوان بعد ماوعدها بالزواج وكذب عليها بحبه خانها ولا بعد بيوم زوجها .
مسك قلبه تميم يحذف عليها المخده : الله يقلع عدوك طيحتي قلبي حسبت صاير شي على هالدموع
واخر شي عشان هالزفت هالفلم .
انفخت خدها بزهق تمسح دموعها : اوف ماتقدر المشاعر
ابعد ينسدح جنبها يناظرها : شغلي خل اتابع اشوف يستاهل هالدموع .
تحمست تسند ظهرها تخلي الايباد بينهم تمد له فشار ياكل معها وكانت جلسته خطأ يغص تفز ربى تبعد الايباد تضرب ظهره يوقفها : موويهه
لفت تاخذ المويه الي جنبها تفتحها له : سم
شرب يغمض عينه وبصوت مبحوح : بغت تطلع روحي من ضربك .
كتمت ضحكتها ترفع اكتافها : وش عرفني وترا جلستك خطأ هذا وانت دكتور .
فتح عينه يضرب فخذها بخفه : شدخل
ارجعت تنسدح تفتح الفلم : تعالى بس خل نكمل .
ورجع يسند ظهره مثلها وكان يسألها طول الفلم عن الممثلين وهي تجاوبه تابعو بندماج يفتح عيونه على وسع تميم من ربى الي تتأمل البطل ببتسامه يبعد الايباد يسكره يخزها : من زين هالفلم ما حبيته
ربى بصدمه : تميم مو منجدك والله حلو حتى راح نص الوقت وماحسينا .
هز راسه بنفي يسند ظهره يلعب بشعرها يسمعها : تصدق البطل يشبهك حلو .
كشر يقرص يدها : تعقبين انا احلى
مسحت على يدها تخزه بحده تبعد : اي تميم ياخي خلك لطيف توجع بعدين ماقلنا شي انت احلى بس قلت تشبه ..
ناظرها بطرف عينه أشر لها ترجع مكانها تتحلطم عليه وهو مبسوط بحلطمتها يهز راسه لها على كل سالفه.
-
" الصباح بمكتب عزيز "
وصل تميم ومعه اكواب شاهي يدخل ببتسامة : صبحهم بالخير يالمحامي .
ابتسم عزيز ياخذ كوبه : صباح النور .
قعد تميم مقابله : اي الاخبار والعلوم ؟
ارتشف عزيز كوبه يناظر اوراقه : تسرك ، الا انت علمني رحتو لدكتور تبدون علاج .
هز راسه تميم : اي الحمدالله نقول ان شاءالله خير
" أيطاليا "
فتحت البلكونه حقتها تبتسم من الهواء الي دخل يلعب بشعرها تسحب جوالها ترد على رسالته تلف تسكر جوالها على دخول فيصل وسلمان : يلا الفطور
هزة راسها تعدل قميصها من فوق تطلع معهم يبعد فيصل كرسيها تقعد وفيصل جنبها وقدامها سعد والهنوف جنبه تأخذ الكروسون تتكلم : نتمشى بعد الفطور .
فتح فيصل جواله يثبته يكلم ليث : والله لو انك جاي معي ونفلها .
عدل ليث الكاميرا : يلا الجايات اكثر ان شاءالله
تقدمت ورد عن ليث تشهق من الكاميرا المفتوحه يبتسم فيصل يلف الكاميرا : ليث شوف الشقر الي حولي ازعجوني ياخي من الاعجاب .
تكلمت جوجو وبيدها قهوتها : بلا كذب
سكر فيصل الصوت : وجع اسكتي
فتح يكمل كلامها وهو يبي يسمع صوتها وبالفعل تكلمت بغيره واضحه له : وش فيهم زود عاد ولا تودي اخوي لطريق ثاني لو سمحت .
فيصل : الحين انتي وش جابك قاعد اكلم ليث .
ورد بغيض منه : مالت عليك لف الكاميرا على جوجو احسن من وجهك .
لفها على جوجو الي ابتسمت : تمنيتكم معي .
ورد بحماس : معليك بعد زواج تقى وسعود .
لف الكاميرا عليه فيصل : خلاص بسكر جوالي بيطفي
سكرت قبل هو يسكر يضحك بهدوء يكمل فطوره
وبعد دقايق قاموا يطلعون برا وتقسمو الهنوف وسعد وسلمان وفيصل وجوجو مشت جوجو وهي تغني بهدوء وتتأمل خطواتها : صباح الصباح .
كمل فيصل معها يطق اصبعه تناظره : اخوي مو صاحي ابد .
طنشها فيصل يكمل تكلمت جوجو بتوقفه من كان بيصقع الرجال : فيصل
ضربت جبينها من طاح جوال الرجال ينحني فيصل ياخذه يرفع راسه بحراج بيتكلم بس وقف ينصدم يبلع ريقه من كان غيث وجنبه ناصر تتقدم جوجو ورا فيصل تناظرهم بصدمه ..
ياخذه يرفع راسه بحراج بيتكلم بس وقف ينصدم يبلع ريقه من كان غيث وجنبه ناصر تتقدم جوجو ورا فيصل تناظرهم بصدمه تمسك ذراع فيصل لها ياخذ غيث جواله من فيصل يبتسم : حصل خير ياخوك
توترة جوجو تسحب فيصل معها من نظرات ناصر الغريبه : اا سففين فيصل تعالىى بنرجعع .
مشت وفيصل يمشي معها مصدوم بس وقفت ترتبك من صوت غيث الي وقفها : جوهرة تخافين من اخوك
لف فيصل له بجمود : توكل على الله
شدة على ذراع فيصل من حسته بدا يعصب يتقدم غيث بخطوات هاديه وراه ابوه يجي مقابل جوجو الي ابعدت خطواتها على ورا يبتسم غيث بحزن : من بعد ماصرت لك الامان وتتخبين عن فيصل عندي صرتي تخافين وتبعدين عني ..
غيمة عينها وهي ودها يفهمها وهي خوفها مو منه كثر الشخص الي وراه لاحظ ناصر نظراتها الي عليه : لا يجيك خوف مني يابنت سعد ماعدت ناصر الي تعرفينه .
مافهمت كلامه تلف على سعد الي تقدم لهم بسرعه يناديهم بخوف يحتضنهم يتنهد يهمس لهم : سوا لكم شي .
هز راسه بنفي فيصل يهدي ابوه اخذ نفس سعد يناظر ناصر : وش جايبك بعد وش باقي ماخذيت ؟
تقدم ناصر يوقف قدام سعد : انتهى الي بينا وحق ابوي اخذته و رغم ..
لف نظره على الهنوف الي صدت عنه تحضن سلمان لها يمسك وجه سعد بحده : نظراتك لا تروح صوب ثاني عشان ماشيلها لك ..
هز راسه ناصر بهدوء : رغم الحب الي كنت اكنه لها بس حيل الله قوي ، واتمنى تبعدون عن غيث وصدقوني من بعدها ماراح تشوف رقعة وجهي .
سكت سعد يلف على الي سمعت كلامهم بصمت ودموعها غورقت محاجرها بس ما نزلت تنهد سعد
من شافها تقدمت عند غيث وبغصة تبكي كلي حولها : لا تروح غيث ..
انهارت قوتها من حضنها له بشوق وضح لهم تحاوطه تبكي من شوقها له وتحس بدموعه الي نزلت على كتفها ..
انهارت قوتها من حضنها له بشوق وضح لهم تحاوطه تبكي من شوقها له وتحس بدموعه الي نزلت على كتفها تبعد يصد عنهم يمسح دموعه بكفه يأخذ نفس
يلف عليها يمسك كفها : الجوهرة ببعد بعدي بيكون راحه لكم من بعد الله يشهد الله تعبت من البعد بس ماعاد اقدر اخاطر فيكم أكثر وبذات انتي .
شدة على قميصها تحاول تمسك دموعها : يعني شلون ماراح اشوفك .
ابتسم ينفي يحاوط وجها الي برد : بجيكم كل شهر أمر عليكم وبنام عندكم بعد .
شدة على يدة الي محاوطه وجها برجفه تسكت تشوف الي سحبها وراه يمد يده لغيث بيصافحه ابعد يده غيث يحضنه يربت على ظهره ببتسامة : حتى انت يا فيصل .
ابعد فيصل بهدوء يشد على يد غيث : بحفظ الرحمن ياخوي .
تنهد غيث يبعد عنهم يروح للهنوف الي دمعت ببتسامة : هلا يمه .
خانته دمعته تنزل على خده بوجع من كلمتها يضحك :
أشتقت يايمه .
فتحت ذراعها الهنوف تحضنه تمسح على ظهره وبهمس : خلك قوي يمه لا تضعف لاتسمح لهم يشوفون دمعك لاتروح ورا أفعال ابوك انت فاهم وش أقصد ياغيث انت رجال وتعرف تدبر أمرك .
ابعد يقبل راسها وكفها : ابشري .
مسحت على راسه تتنهد تبتسم من انحنى لسلمان يقبل خده يتكلم سعد : يا غيث
تعدل غيث يعدل نفسه : سم
أشر له سعد يتقدم وبالفعل جا قدامه يصغر عينه سعد من الشمس : سامحتني يابوك ؟
ابتسم غيث يقبل راسه : سلمتِ ياغيث سلمتِ
ابعد غيث : الله يهديك يبه وش الي سامحتك ماقصرت بحاجه معي عشان أسامحك .
لف نظره سعد على ناصر المبعد عنهم يتنهد : اجل انتبه لنفسك ولا تقطعنا .
هز راسه غيث يبعد عند ناصر الي مسك ذراعه : يلا امش تأخرنا على امك .
كشر غيث يستغفر : قلت لك روحه لها ماراح اروح لو على جثتي هي تركتني من كنت بزر وحذفتني ، ولا غير كذا شغلها حرام  وتبيني الحين اخذها بالاحضان !
مسح على وجه ناصر : غيث يا يبه امك تابت و ..
قاطعه غيث بصرامه : آسف بس مهي امي ولا اعرفها
تنهد ناصر يلف غيث على الي مشو ابتسم من الي لفت تناظره بحزن ترفع جوالها يأشر لها بتمام يمشي ورا ابوه ..
بعد وقت قاعدين بكوفي حول بعض يضحكون ويبون ينسون الي حصل الصباح أركضت جوجو لسعد الي يكلم الجد فيصل تحضن جوجو أكتاف ابوها وجوال سعد سبيكر وبنبرة حزينه : بابا فيصل اشتقت لك ماودك تجي تغير جو انت وماما نوره .
ابتسم الجد فيصل وهو بجبنه عزيز الي يشتغل بس وقف يبعد الاوراق يسمع جده الي يرد عليها : لعيونك نحجز تذكره .
ضحكت تميل راسها على كتف سعد : بابا فيصل لا تعطيني كلام بس أبي أفعال .
ضحك الجد فيصل : والله كلام جديد علينا يابنت فيصل .
ابعدت شعرها تلوي شفتها : ومنك نتعلم
رفع راسه الجد لعزيز الي يبتسم وهو يمد له فنجاله :
الا عزيز كلمك ؟
سكتت تناظر ابوها الي ضحك يبعثر شعرها يرد الجد : يبه جوهرة معي ؟
لفت نظرها للجوال : ايي معك معك ، بس ليه تسأل فيه شي ؟
رفع صوت الجد يكلم عزيز : يبه عزيز فيك شي ؟
شتت عيونها بصدمه من رد على جدها يبتسم : لا
بس اسمع العلم ياعمي سعد بعد ماتجون العرس مع عرس تقى ، بنتك ماسوت فيني خير .
ابعدت عن سعد تهف على نفسها يبتسم سعد يرد عليه : حسيبك الله ياعزيز وش سويت فبنيتي
ضحك بهدوء : ليه ؟
ناظر جوجو الي تلعب مع سلمان تلهي نفسها يبتسم : الخجل قطعها ، ومن متى حددة العرس ؟
عزيز : والله عاد انا علمتك .
لفت بسرعه تنفي : لا مو على كيفك حنا اتفقنا بعد شهر .
ابتسم يسمع ابوها سعد : ماشاءالله من متى متفقين
عضت شفتها تشتم عزيز بداخلها يتكلم : بالملكه المهم عجلو الرياض تحتريكم .
ضحك الجد فيصل : قصده اهل الرياض .
ابتسم سعد يقفل بعد ماودعهم يشوف فيصل الي يحرج جوجو الي مو قادره تقعد اكثر تقوم يلحقها فيصل ..
عند سعد ابتسم يشوفهم اطلعوا يلف للهنوف : مو متخيل بنتي ياهنوف بتزوج جوجو الي كنت اطلعها من الروضه بعد شهر زواجها .
ابتسمت الهنوف تمسك كفه : وبكرا فيصل بعده سلمان ياسعد هذا حال الدنيا والله يخليكم لهم ويخليك لي ويطول بعمرك وتشوف أحفادك حولك ويوفقهم بحياتهم يارب .
شد على كفها سعد يرفع عيونه على فوق من دمعه يضحك بخفه يحس بكفها الي مسحت دمعته يدخلون بالوقت جوجو وفيصل وجوجو الي اركضت لسعد ومعها ورد ابيض تحضنه بضحكة : بابا...  فيصل يقول و ..
قاطعها فيصل الي كتمها بيده : والله ياجوجو ان تكلمتي أدفنك هنا .
ابعد كانت فعلاً جوجو منهاره من الموقف الي حصل مع فيصل بمحل الورد تمسح وجها تناظر فيصل الي يخزها : الحين بسكت بس شوي اتحداك تسكتني .
مدة ورد للهنوف وسعد تميل راسها على كتف سعد يجي وراهم فيصل وسلمان فوق اكتافه يتصورون وتعيد جوجو الصوره من عباطة فيصل ..
-
« المــول بـرياض تحديداً »
دخلوا المحل تدخل تقى تقيس كم فستان تطلع لهم تدور حول نفسها : شرايكم .
حطت ربى يدها على فكها بتفكير تنفي : امم لا لا غيري ماحبيت لونه .
كشرت تقى بوجها تدخل تغير تعدل طرحتها لتين تناظر ملابس الاطفال تنهار : ربى تعالي شوي هذا ايس ياربي .
عضت شفتها ربى تحضن القميص : يووو وهذا توه ماطلع ماراح ارحمه لتين اسفه .
خزتها لتين تمسح على بطنها : وهذا وانت ماطلعت على الدنيا تهدد فيك خالتك .
ضحكت ربى بهدوء تلف على تقى الي طلعت تعدل الفستان من فوق تنبهر : لو مافيه احد صفرت وش هالجمال تبارك الله .
ابتسمت تقى بخجل تلف عليها : حلو بس فتحته أوفر
هزة راسها بنفي : حبيبتي انتي تبالغين حلو والله .
لفت لتين بصدمه من دخلت ورد وبيدها مشتريات : ياربي صدعت ورد .
اقعدت ورد على الاريكه : اشياء بسيطه ذي
ربى : محد بيشيلها غيرك ترا
لفت على اميره الهاديه تبتسم : اميروههه
رفعت راسها اميره : هلا
حاوطت كتفها ربى : ولا شي بس شرايكم نطلع نتقهوى  دام خلصنا من المول .
اميره بتأيد : منجد بنات ابي قهوة
لتين وهي تقوم ورد : لعيونك يلا اجل .
قامو كلهم تحاسب تقى يطلعون يتمشون وكانت جوجو تشاركهم عن بعد وانواع السوالف وأصرار تقى على جوجو بزواجها بس كان من جوجو النفي ...
-
" بعد مرور اسبوع تحديداً الاحد زواج تقى وسعود "
بيت سعد بعد رجوعهم ..
تتأمل نفسها تبعثر شعرها الي قصته بشكل مُدرج وما زادها الا فتنه ابعدت ببتسامة تجهز القهوه للبنات الي بيجتمعون عندها ويخلصون مع بعض أخذت البخور من العاملة تبخر القسم كامل أبتسمت تسمع أصواتهم من تحت عدلت قميصها توقف عند الدرج ترفع صوتها : على فوق .
صفرت ربى تطلع فوق وراها البنات تقدمت ورد تنصدم : جوجو قصيتي شعرك .
أخذت يدها ربى بعجاب : يا أرض احفظي ما عليكي .
لفت جوجو حول نفسها : بالله مو حلو .
اقعدت لتين براحه : وتسأل بعد .
ابتسمت جوجو لهم تقعد جنب اميره : ام لدُني الاخبار ؟
اميره ببتسامه هاديه : تسرك ان شاءالله
جوجو بحب : يديمها يارب
قامت بعد ثواني لغرفة الملابس تطلع كم فستان محتاره فيهم تسمع ربى : يا جوجو تقى جت وتقول خلي جوجو تنزل زوجك يبيك .
بلعة ريقها تترك الفستان من يدها تطلع بتردد : ذي تقى ولا عزيز
أرفعت اكتافها ربى بعدم معرفه : والله مدري ، بس انتبهي لك ترا نبيك زوجك مـ
أحذفت جوجو عليها الفرشه الي بيدها : وجع ربى
أرتفع ضحك ربى تنزل جوجو تحت تعدل شكلها تتأفف من صوت الجرس تفتح الباب تدخل تقى الي تقدمت تقبل خد جوجو : وه على  زوجة اخوي الي تستقبلني .
خزتها جوجو : روحي فوق يا عروس وبتفاهم معك .
لفت على الي يبعد نظارته ببتسامه تدخل تقى وهي تشوف نظرات عزيز على جوجو تكتم ضحكتها تطلع للبنات ..
وقف عزيز قدام الباب ببتسامه : يعني ما دخل .
استوعبت تفتح الباب بخجل : تفضل ، بابا بالمجلس إذا تبغاه .
هز راسه بنفي يبعد شعرها : لا
توترة تشد على يدها : ترا في عالم تراقب
لف عيونه حول البيت بستغراب جاء بيرفع عينه تمد كفها بسرعه على عيونه بحده : خلاص مافيه احد
ضحك يبعد كفها يقبله ييتقدم بيحضنها بلهفة توقفه : لا عزيز لا
عقد حاجبه عزيز يبعد : عسى ماشر !
أرتبكت تحط شعرها خلف اذنها وهي تشوف البنات فوق يناظرون تلف عليه تعدل شعره ببتسامه : ولا شي ياحبيبي بس ماودك تطلع تأخرة على العيال .
سحب ذراعها يحاوط أكتافها يعطي البنات ظهره بهمس : حق الشوق والله لخذه وزيادة بعد حركتك
أبعد يغمز لها يطلع عند سعد للمجلس ..
فتحت شفتها بذهول : وش يقصد ؟
هزة راسها بنفي تبعد شعرها : اف يا عزيز بتعبني من البداية .
راحت للبنات توقف تفتح عيونها على وسع قبل تدخل الغرفه تشوف ورد و ربى وتقى عند الباب تمسك صدرها : وجع يمه ليش قاعدين هنا بفهم ؟
دفت ربى ورد : لا بس كنت بناديك وكذا يعني .
عقدة حاجبها جوجو تلف على ورد : وأنتي ؟
ورد ببتسامه متوسعه : يمه حلوينن
ماتكلمت جوجو تكتم ابتسامتها تناظر تقى : انتي مايحتاج ، المهم كلمتي الهير ستايل .
اخذت تقى جوال ترسل : برسل الوكيشن .
-
" بعد وقت الـمـغرب بقـاعة الزواج "
بالغرفة عند العيال تجهزو وسعود ضيع بشته : يا عيال بشتتي مين مأخذه ؟
عدل عزيز ياقة ثوبه يتكلم : يعني مين بياخذه الله عاد كلها بشت .
كتم ضحكته تميم من فيصل الي دخل لابس بشت سعود ويرقص فيه وجنبه ليث يغني : واسعفوني بدكتور يداوي الجرايح .
تخصر سعود ببتسامة سخرية : يداوي الجرايح  اجل نزل البشت لـ ..
ماكمل من نزله فيصل يحطه على أكتاف سعود و يكمل لعب يشبك معه سعود الي رفع بشته يرقص يصفق تميم : عاشش ابو هايف عاشش .
تنهد عزيز منهم : والله أن مارحت من قدامي ياسعود انك ماتشوف تقى فضحتنا الناس جت .
تميم بضحكه يمد له العود : يسألون وين عريسكم قاعد يرقص رح رح فشلتنا .
خزهم سعود يضرب راس فيصل يتبخر : كله من راس فيصل
ابعد فيصل شماغه بعصبيه يعدله : كسر هاليد ياسعود
ضحك سعود يعدل بشته يطلع وراه تميم وعزيز
وهايف سابقهم يبتسم سعود من ارتفعت أصواتهم بترحيب ..
-
" عند البنات بالقاعه "
قاعدين يحطون اخر لمساتهم تفتح الباب ربى تدخل
تفك الفير من شعرها تسمع تقى : بنات شعري قصير وش اسوي فيه ؟
عدلت جوجو روجها تناظر تقى : تكسير بيطلع يجنن
أشرت لها تقى بتمام تطلع جوجو تلبس فستانها العنابي ماسك على جسدها وأكمامه طويله ونازل من عند أكتافها بشكل أنيق ..تطلع لهم تقعد تكلم ربى : ربى قلبي تعالي سكري العقد .
فزت ربى تتقدم لها تسكره تقبل خد جوجو : حلوه حيل ماشاءالله .
ابتسمت جوجو لها تتبخر : مين بينزل معي ، محد خلص ؟
لتين من ورا الباب : الا أنا انتظري بس ثواني .
اقعدت جوجو تحط رجل على رجل تشوف جوالها تشوف رسايل فيصل بالسناب تضحك بخفه ترفع راسها للتين الي تلبس كعبها : جوجو يلا .
‏ قامت جوجو تمد يدها : عطيني يدك
عدلت لتين فستانها تمسك كف جوجو ينزلون يسلمون تعقد حاجبها جوجو من وجود لانا بين الحضور تشوف لتين الي تسلم لفت لتين لها : جوجو ؟
قربت جوجو بهمس : ذي مو لانا ؟
ناظرت لتين مكان ما تناظر جوجو تحط يدها على بطنها بخوف : الا بس مين عازمها معقوله خاله فاتن ؟
نفت جوجو : مستحيل وش عرفها .
تقدمت جوجو تمد للتين قهوه بس أرفضت : لا جوجو عمري شكرا .
استغربت بس ماحبت تزيد عليها تسكت : طيب تعالي نقعد عند ماما .
‏اقعدو وبعد دقايق ينزلون البنات استغفرة لتين من شافت ربى الي جايه معصبه تتقدم : ذي من قال لها تجي
جوجو بهدوء : ربى بشويش
شدة ربى على ذراعها بقهر : بروح اقوم عليها .
وقفتها لتين بسرعه : بنت خلاص سالفه وانتهت تكفين مالي خلق مشاكل .
ربى بحده وقهر : لتين
طنشتها لتين تسولف مع اميره خزتها جوجو : ربى لا تتهورين .
أمسكت طرف فستانها تقعد بنرفزه وعيونها ماراحت عن لانا ...
-
"  وقت الزفة "
مسك عزيز سعود بهمس : ولد قم الزفة
ابتسم سعود يلف عليه يكتم ضحكته عزيز : أثقلل
اطلعوا لداخل يبعد عزيز عنهم يكلم جوجو : ندخل
ناظرت جوجو البنات الي يعدلون بتقى : اي يلا .
عزيز ببتسامه : خليك حولي .
سكرت جوجو جوالها وعرفت بحركتها بتشد عصبيته
عليها ناظرت المرايه الي جنبها تعدل شعرها : بنات اخذو العبايات قبل لا ننزل ..
انزلو البنات يرتبون قبل الزفة تعدل طرحتها جوجو عليها وكلها ثواني ويدخل سعود وجنبه ابوه والجنب الآخر عمه ابو تقى وعبدالعزيز وراهم أبتسمت جوجو تشوفه بالبشت وهيبته الواضحه بينهم تلف على همس ربى : خلاص درينا انه حلو
تنهدة جوجو ببتسامة : شسوي حلو ، اصلاً بديت اشك انه المعرس ولا قصور بسعود .
انصدمت ربى تبتسم : من متى جوجو صريحه كذا
شتت عيونها جوجو تدارك نفسها تشوف عيون عزيز الي تدورها تحتد ملامحها من بعض البنات  تتكلم مع ربى : الحين ليه مايعدلون عبياتهم ؟
ربى بضحكة سخرية : ما شفتي شي يا جوجو .
كشرت جوجو بقرف تلف عليه تنفجع من عينه الي طاحت عليها و رفعت حاجبه تستغرب يأشر لها بعيونه على عباتها تعدلها تبتسم جوجو له تلف عنه من بدة تنزف تقى وكانت ناعمه بشعرها القصير وفستانها الابيض الهادي تشد على مسكتها  أبتسمت تمشي بخطوات هاديه على أنغام الموسيقى تقدم سعود لها يمد كفه لها تمسكها بخجل من تصفيق البنات تقدمت عند ابوها تقبل راسه وجبينه تهل دمعتها من دموع عبدالله : مبروك ياقلب ابوك مبروك .
مسح دمعته بشماغه يلف عنها يبتسم عزيز يمسح على كتف عبدالله ابوه : يابو عبدالعزيز ارفق بقلب بنتك .
ابعد عزيز يخلي ابوه على راحته يقرب لتقى يمسح دموعها : خربتي مكياجك بيهج ترا سعود
أضحكت بهدوء تضرب كتفه تشوف سعود الي يتهدد فيه : والله ماتسلم مني ياعزيز .
خزه عزيز يحضن تقى يقبل راسها ويوصيها على نفسها
بتكرار أبعد يعدل نسفة شماغه يطلعون عشان تأخذ راحتها ..
أخذت المنديل جوجو تحطه على مدمعها : افف
أضحكت ربى تمسح دموعها : كيف بطلع تكفون ‏
لتين مسحت دمعتها الي تزداد : حنيته على تقى بكتني
مدري كيف تقى بتروح وتخليه .
عضت جوجو شفتها من دموعها تبتسم : بنات خلاص
امشوا نسلم على تقى لا نضيق صدرها أكثر .
أدخلت اميره بخوف : بنات وش فيكم ؟
‏تقدمت لتين تحضن اميره بدموع تضحك ربى : لتين من الحمل صارت تبكي .
تنهدة اميره تمسح على شعرها : لتين قلبي مو زين على الطفل كثرة الدموع .
عدلت جوجو الميكب وبصوت مبحوح : بنات يلا تقى بتروح ترا .
ابعدت لتين تمسح على ملامحها تطلع وراهم يناظرون تقى واقفه بالكوشة والكل يسلم عليها تقدمت جوجو تقرب من أبعدو تحضن تقى : انتبهي على نفسك وتكفين قبل لا تطلعين أحضني عمي عبدالله وقولي جوجو تسلم عليك .
‏أشرت تقى على عيونها تبعد جوجو تحاوط ملامحها بخوف : كنتي تبكين .
نفت جوجو تبعد يدينها ببتسامه : لا معليك بس
اغمزت تقى تهمس : ولا أخوي
ابتسمت جوجو لها : وصخه يويلك مني .
ابعدت جوجو يسلمون البنات على تقى وبعد وقت من السلام اطلعت تقى فوق مع امها تتجهز للخروج ..
-
" برا عند العيال "
ركب فيصل يضرب بوري : يلا يا عريس جيب زوجتك وتعالى ولا والله لسحب عليكم .
ابعد سعود بشته يحطه على كتفه : أنزل بس .
جاء ليث يركب جنب فيصل يناظر سعود من الدريشه : عجل يلا
فتح عيونه على وسع سعود يشوف عزيز الي محاوط أكتاف تقى يتقدم لهم : ولد انت وياه أنزل
أنزلو بحراج من تقى يركب سعود وتقى جنبه يمسك كفها يتأفف من عزيز : انت وش تبي الحين ؟
ضحك عزيز : ابي منك تحطها بعيونك ، والله لو دريت بس انك زعلتها ماخلي فيك عظم صاحي .
هز راسه سعود : توكل
ابعد عزيز  يدعي لهم بتوفيق يلف على فيصل وليث الي يرقصون يستغفر : الحمدالله والشكر ، اشك فيكم مسّ .
-
" وقت العشاء "
اقعدو حول بعض تفك لتين كعبها بتعب : لحول يا ثقل
اميره بهدوء ولدن بحضنها نايمه : توك
كشرت لتين تشوف هايف الي يتصل : هلا
هايف : تعبتي ؟
نفت تبعد شعرها : لا الحمدالله
طلع هايف من الازعاج يتكلم : اجل يلا ياحلوتي أطلعي خلص عرسنا .
قامت وهي فعلاً تبي ترتاح : تمام .
ابتسم يسكر جواله يدخل على العيال الي مجتمعين حول بعض وتميم يصب لهم الشاهي وفيصل يشرح لهم طريقة العبة يطق ليث جنبه : هايف اقعد علامك
هز راسه بنفي ياخذ شماغة : لا والله بطلع لبيتي ما عاد اشوف درب من النوم .
عزيز : ماتنلام والله ماقصرت اليوم .
ابتسم هايف يأخذ من تميم كوب الشاي : يستاهل سعود اخوي .
رفع راسه فيصل يترك الي بيده : عرسي الكل يقوم فيه ترا ماقصرت انا بعروسكم .
ضحك تميم يرتشف كوبه : الله عاد وش تعبت منه
طلع هايف منهم يضحك من فيصل كل عاده يتقدم
طلع هايف منهم يضحك من فيصل كل عاده يتقدم بسرعه للي طلعت يحاوط ظهرها تبتسم : يا هايف توني يا حبيبي ماله داعي الخوف .
هز راسه بنفي : انتي سمعتي الدكتوره وش قالت
لتين بعباطة : وش قالت ؟
وصلها السياره يسكر بابها يركب مكانه يلف جسمه لها يمسك كفها يعدد : قالت لازم تنتبه على حملها ، ولازم ماتضغط نفسها وتنتبه للأكل الي تاكله وماتشرب الريدبول .
خزته لتين : لا ذي جايبها من جيبك .
ضحك ينفي : لا والله ، يعني ماتشربين اشياء تضر الجنين ،
هزة راسها له تسمع سوالفه عن عرسهم : الا مارقصتي ؟
انصدمت تكتم ضحكتها : تدخل سالفه مع سالفه الله يصلحك بعدين ليه تسأل ؟
ناظر طريقه : ولا شي بتأكد على ولدي .
لتين : لا تخاف اصلاً الكل رفض ، الا هايف
همهم لها تترد : عادي اسافر مع البنات ؟ ترا كلها كم يوم عشان زواج جوجو بنجهز ؟
هايف برفض : مستحيل لتين
شدة على كفه بترجي : هايف تكفى ياخي لا تخليها بخاطري .
صغر عينه بتفكير يخفي ابتسامته : أفكر .
جت بتكلم يقاطعها : كلام زايد ترا بكنسل .
رجعت ظهرها على ورا بسكوت تغفي عينها بتعب تسمعه : سولفي علي وش صار ؟
نفت تسكر عينها : بنام .
-
" بالقاعه "
ادخلو العيال ياخذون بعض الاغراض تتقدم ورد تساعد فيصل ياخذ منها يتكلم وهو صاد عنها يركب : عدلي عبايتك .
ناظرت نفسها تخجل من فستانها الاحمر تستر نفسها
بالعبايه يبعد هو يتكلم : ها نمشي مافيه شي ؟
ورد : اي خلاص
فيصل بهدوء : تمام نادي جدتي وابوي ثنيان .
راحت ورد تسند جدتها عليها يتقدم فيصل : عنك
اخذ شنطة جدته تركب يناظرهم : محد ناقص ، جوجو راحت مع ابوي ؟
تقدم عزيز له يرفع صوته : معي .
أطلعت جوجو بعجله معها سلمان تركب سيارة فيصل يطق عزيز الدريشه تفتحها : هلا
عزيز برفعة حاجب : يعني تسكيرة الجوال بوجهي مشيتها ، عباتك ومشيتها ، اما الحين تسفهيني لا
لوت شفتها بخجل من جدتها : عزيز
ركب فيصل يشغل السياره : يا عزيز اذلف عن اختي كلها شهر وهي عندك .
طنشه عزيز ياخذ سلمان الي يمد يدينه يبتسم ياخذه لحضنه : هلا ابو سلمان اخبارك .
ابتسم سلمان يسولف بطفوليه يرفع عيونه للقمر : دودو
ناظر عزيز اصبع سلمان الي على القمر يتنهد : وش القمر عندها .
كانت تصورهم بجوالها بس وقفت من كلمته تبتسم : بـ يزداد غروري عليك .
لف عليها ببتسامة :  اي بالله يحق لك وزود
ابتسمت له جوجو تمد يدها لسلمان : يلا سلماني
تعلق بعنق عزيز تضحك : حتى انت يا سلمان
مسح على ظهره عزيز يهمس له بوعد : وعد بكرا أخذك انت ودود
ابعد سلمان بحماس يقبل خد عزيز الي ضحك يمده لجوجو تاخذه بحضنها يمشي فيصل تطلع راسها جوجو لعزيز الي خاف ينفي : بنت انتبهي .
ضحك فيصل من كان بيصك راسها الباب تضحك ورد معه تخزهم : مايضحك بغيت أودع راسي .
مسح وجه فيصل بضحكة : بسم الله عليك ماجاك شي ؟
أضحكت تمسك راسها : لا بس ضربه خفيفه .
-
" الصباح بعد يوم جميل على الكل "
أركضت بحماس تنزل من خبرتها ورد انها تحت هي وجدها ثنيان وقفت تضرب راسها تتراجع على ورا من وجود ليث تنادي ورد بهمس : بنت
أطلعت ورد وجها مُحمر من الخجل تجي قدام التكيف : اف جوجو مقدر احس حلم
عضت شفتها جوجو تكتم صرختها : تكفين الي في بالي .
هزة راسها ورد تقرص جوجو الي صرخت بخفه : واخيراً طخ راسك انتي وفيصل ، علميني كيف ومتى ؟
تخصرت جوجو تسمعها : مامي مهره كانت تسألني عنه وأصرت علي ومن بعدها وصلت الخبر لبابا ثنيان .
جوجو ببتسامة : يعني أعترفتي تحبينه ؟
شتت عيونها ورد تمسح على عنقها : جوجووو
اضحكت جوجو تناظر سلمان الي ركض لها يصرخ : دودو عذيذ .
انحنت له جوجو تقبل خده : يلا اطلع عنده وبجيك .
لفت على ورد تغمز لها : الحين بدال مانجهز لزواجي نجهز لزواجك معي ..
ورد بنفي وبسرعه : لا بس ملكة الزواج مو الحين ابد
ارسلت لها قبله جوجو تطلع فوق : لا تروحين خليك هنا كم ساعة وبرجع .
-
" بـرا عند عزيز وسلمان "
يسولف عزيز على سعد وجده : لا يبه خله بعد سفرتي ؟
الجد ثنيان : اي اكيد يبه اصلاً ابي الكل موجود
تكلم فيصل الي ساكت من بعد سالفة الخطبة : الشرقية ؟
هز راسه الجد ثنيان : اي الشرقيه انت شكلك مو معنا من الحين بنتنا أثرت عليك .
ضحك عزيز بهدوء يلعب بسبحته : أمس تتكلم عن الزواج واليوم خطبة ياسرع الدنيا .
أدخلت جوجو تسلم على جدها وابوها تسمع ليث : اخبارك يالجوهرة
أبتسمت جوجو من خلف الكمامة : بخير ، اخبارك انت ؟
رد عليها ليث بهدوء تلف جوجو على فيصل الي يهوجس : اخوي وش فيه ؟
حاوط أكتافها عزيز : يهوجس بورد .
رفع راسه فيصل بسرعه يضحكون تغمز له جوجو يسفها : على وين ؟
أشرت على سلمان : وعشان موعد عزيز .
ودعهم عزيز يطلعون عدل عزيز أحزام سلمان يركب
يبتسم لسلمان : تو مانورة سيارتي .
لفت عليه بطرف عين : من قبل
عزيز : اكيد وذي فيها شك
أبتسمت تشوف الساعه : تأخرة وحيل اليوم
حرك يتكلم : اي انشغلت والله وجيت عند عمي سعد وجدي وخذتني السوالف بس ترا بعد مانرجع من سفرتنا بنطلع لشرقية .
اخذت كفه تشد عليه : كلنا ؟
هز راسه يبتسم يشد على كفها تناظر سلمان على ايباده تلف على عزيز الي يطلب قهوة ابتسم عزيز ياخذ الطلب يمد لسلمان عصيره تاخذ قهوتها منه يمشون للعياده ..
-
" بالفندق عند تقى وسعود "
استغربت عدم وجود سعود تنشف شعرها من بعد الشور لفت على صوت الباب تبتسم من دخل : وينك ؟
ابتسم يتقدم خلفها يقُبل كتفها وراسها بتكرار : طلعت اودي ثوبي وجيتك .
لفت شعرها للجهة الثانيه : كان خليته انا أكويه لك
بعثر شعرها بحب : ياناسس الي بتكوي ثوبي .
لفت عليه بضحكه : ترا صدق اعرف طايحه من عينك
هز راسه بنفي يضحك يحضنها له : لا بس مبي اتعبك
ابعدها يمسك شعرها : شعرك رطب يابنتي ومشغله التكيفف تراي ابيك إذا ماتبين نفسك .
عضت شفتها بحياء تشوفه يسكر التكيف يأخذ الاستشوار يأشر لها : اقعدي
حطت يدها على شفتها بعفوية : تعرف !
ابتسم يأشر لها بهدوء اقعدت قدامه يقسم شعرها جهتين تسمعه : خليه كذا لا يطول ، رغم حبي لطويل بس حبيت القصير اكثر من بعدك .
ابتسمت تقى بحب من بدا يستشور بكل هدوء ويده على وجها بخوف من الحراره عليها تتأمله من المرايه الي قدامها تتنهد وهي تشوف أندماجه : الحمدالله انك لي .
خلص خصلة يمدها ببتسامة : زين كذا ، ترا خبرتي مو بذيك الزود .
أضحكت تأخذ كفه بتقبلها بس ابعدها بحزم : والله ماتجينها .
تقى بضحكة : ليه ثعود ليه ؟
نفى يكمل شعرها وبعد دقايق خلص يضبطه من قدام يبتسم بتوسع : وش رايك ؟ عسى زينته ؟
دمعت غصب تلف عليه تحضنه بشده : ماحبيتك عبث ، احبك ثعود والله .
مسح على ظهرها يبتسم : وياحظ ثعود ياحظههه
أضحكت يبعد وجها يقبل خدها بتكرار تبعد بضحكة تناظر شعرها : اعترف مين كنت تسوي له قبلي ؟
اخذ روبه يوقف قبل يدخل : حبيبتي .
شهقت تطق الباب بتكرار يضحك من عصبت : ثعود مين ؟
تكلم يرفع صوته : تقى
تخصرت بقهر : هلا
طاح يضحك يكرر : تقى تقى ..
أضربت جبينها توها تستوعب قصده : دايم تحرجين نفثك يا تقى دايم ..
" بيت تميم "
قام على صوتها يفتح عيونه بكسل : يالله صباح خير
فتحت الستاره تغني بروقان تلف عليه : ماعندك دوام اليوم .
قعد على السرير يسند ظهره : لا ماخذ اجازه ، وماشاءالله اليوم المود عالي .
ابتسمت تاخذ من العامله شنطتها تحط ملابسها : اي اكيد اليوم المودد بيكون حلو فيصل خطب ورد وبالليل سفرتنا انا والبنات .
فز من السرير تميم تسمي ربى بخوف من تقدم يترك الملابس من يدها : بالله فيصل خطب ورد انتي صادقه
هزة راسها بصدمه تناظره يضحك : والله وسواها فيصل الوصخ .
عقدة حاجبها بعدم فهم : وش ؟
لف عليها يناظر الشنطه : مايهم ، الا ليش ماعندي خبر بسفره ،
ربى بصدمه : تميم فيك حرارة قايله امس وموافق انت وش فيك الحين ؟
مسح راسه على ورا : اي صح طيب كم يوم وعلى وين سفرتكم ،
ابتسمت ترتب ملابسها : على دبي اسبوع ونص وراجعين ان شاءالله .
مسك كفها يبعد الشنطه يقعدون : والعلاج
تنهدة تزم شفتها : امم عادي اسبوع مايضر ولا
ابتسم تميم يسحب راسها لحضنه : بكلم الدكتور المفروض تقعدين بس ماراح اردك ، رغم مدري كيف قوى قلبك تخليني بين هالجدران .
أضحكت تبعد عنه : ياكذبك على اساس ماراح تروح عند العيال .
هز راسه بنفي يبتسم يشوفها ترتب الاغراض وهي تغني صفق لها تهز أكتافها تلف بخصرها تضحك من دخل معها تنط بحماس : عاش تميمي عاشش ..
-
" العياده "
نطت تصرخ من مشى بروحه بدونها يصرخ معها سلمان : يلا عزيز يلا .
أضحكت من سلمان الي يقلدها ينحني عزيز على ركبته بتعب يبتسم لهم : خلاص كفايهه
تقدمت تحاوط ضهره يقعد يركض سلمان له يعطيه المويه يقبص خده عزيز يبتسم بتعب : ياجعل من رباك الجنه .
ابتسمت جوجو تردد بـ امين تقعد جنبه : يلا هانت بس والله برافوو تقدمت خطوه حلوهه
حط موية بكفه يغسل وجهه فيه من الحر تمد له منديل : من فضل الله ثم فضلك ياحبيبة هالقلب .
أشر على قلبه تخجل يحاوط أكتافها يميل راسه عليها
يلفون على سلمان الي يلعب يشجعونه صفقت جوجو له : سلماني سلماني .
أضحكت من تقدم يركض لحضنها بخجل من دخلت المدربه يبتسم عزيز يقبل راسه ثم راسها يوقف توقف معه يسمعون التوصيات وجوجو تناظره اطلعوا بعد وقت يسأل عزيز سلمان : وين ودك ؟
معه يسمعون التوصيات وجوجو تناظره اطلعوا بعد وقت يسأل عزيز سلمان : وين ودك ؟
همس سلمان لعزيز يضحك : ابشر بعزك ماطلبت شي
صغرت عيونها جوجو : والله والخيانة .
عزيز : لو تدرين وش أختار ؟
ابتسمت تناظر سلمان : أيش ؟
سكت عزيز يمشي للمكان الي يبيه سلمان وطول الطريق جوجو تسأل بفضول بس مايرد عليها يوقف سيارته يلف عليها : يلا
أنزلت تستغرب تمسك يد سلمان الي متحمس تفتح شفتها بذهول من محل الورد : سلمان
اضحكت بصدمه تناظر كبر المحل وسلمان الي أبعد
ياخذ ورد ناظرة عزيز تبي تستوعب : عزيز
ابتسم يناظر الورد : المحل محلك ..
جوجو بدموع : لا تقولها .
حاوط ملامحها يمسح عليها بحنيه : وليه ؟ مو انتي حبيبة العزيز مو انتي زوجتي الجوهرة ابوي انتي أشري بس ويجيك لحدك ، مافي شي يغلا عليك جوهرة انتي تعرفين وش غلاك بقلبي ؟
هزة راسها تمسح دموعها : اعرف والله اعرف ، بس دلالك وحبك لي يـ ..
قاطعها يحضنها : ولا كلمه عشان مزعل منك ، عمرك لا تخجلين ولا تنحرجين مني وهذا اقل شي اسويه ، بس معليه ورانا ايام بقضيها كلها لك ولعيالنا .
شدة عليه تمسح دموعها تشوف سلمان معه ورد تنحني له من حط الورد بحضنها تقبل خده بشده : احبك احبككك
ضحك سلمان بطفوليه من قبلت جوجو خده بتكرار
ينحني عزيز معهم يمد يده : وأنا مالي ورده
مد سلمان له ورد ازرق يضحك من حطه بجيب ثوبه :
ماش يا سلمان مو مثلها .
أضحكت تساعد سلمان بالورد وعزيز يلعب مع سلمان وهي تشوف عزيز بدا يتحسن مسحت على وجها براحه تكمل تقطف ورد لها وللبنات ..
-
" المطار "
كانت لتين تصور فلوق تلف الكاميرا على البنات
الي يتسوقون ينتظرون الطياره ضحكت تشوف الوان عبياتهم تتقدم عند جوجو : هاي طبعاً ذي اساس الرحله عرفيهم جوجو عن نفسك .
ابتسمت جوجو تعدل عباتها البنفسجي : معكم الجوهرة رئيسة الرحلة .
لفت جوجو على لتين : خلاص بس
كشرت لتين تركض عند ربى تضربها ورد : بشويش
سفهتها لتين تدخل الكاميرا بوجه ربى : تكلمي عرفيهم
ربى : انا ربى اخت الغبيه الي تصور .
سكرت الكاميرا لتين بحده : وجع ربى وجعع
اسمعو نداء صعود الطائرة اطلعوا بعد مده يركبون جوجو واميره جنب بعض وراهم ربى ولتين وبعدها ورد ..
-
" الرياض "
بيت الجده مهره الي هادي عكس ماكانو البنات فيه
أمسحت دمعتها بشيلتها تسمع صوت العيال الي دخلو يلقون السلام يقرب تميم يمسك يد جدته : افااا ضايق صدرك وحنا فيه
هايف : يمه مهره احس تحسست
لف فيصل عليه : ليه ؟
هايف بضحكه : احس مالنا فقده كثرهم .
ليث : هذا الصدق إذا انا فاقد خواتي من غير شر
تنهدة الجده مهره : وعزيز وسعود وينهم ؟ ويزيد وش صار عليه ؟
رفع أكتافه هايف : عزيز كلمته مشغول ، وسعود اليوم رحلته هو وتقى ، ويزيد يطلب دعواتك له حنا نسوي الي علينا والباقي على الله .
بكت الجده مهره بقهر : يزيد ماكان كذا ماقول الا حسبي الله عليها ، جعلها تشوفها فعيالها .
تنهد تميم : يمه لا تدعين مالهم ذنب عيالها واصلاً هي قاعده تاخذ كيماوي يمه خل نكون أفضل منها وندعي ترجع لعيالها .
سكت الكل بحزن تدخل العامله : ماما كبير أنا بروح أنام يبغى شي .
الجده مهره بحده : نومت اهل الكهف ان شاءالله بعدين احد ينام هالحزه ، روحي سوي قهوة للعيال يلا
طاح فيصل يضحك على هايف الي يضحك يدفه : يمه الله يرضى عليك بشويش عليهم ترا إذا احقدت احقدت الله يكفينا شرهم .
ليث بضحكة : ترا بيهجون نفس الديره .
خزته الجده مهره : دابلين كبدي مغير وقتهم نوم
دخل الجد ثنيان : سلام عليكم
رد الكل عليه يسلمون العيال : ماشاءالله مجتمعين اليوم .
تميم : الله يسامحك يبه الي يسمعك يقول أول مره
ضحك الجد ثنيان يسمع فيصل : بناخذ راحتنا قبل يجون حفيداتك .
مسح على وجه ثنيان يستودعهم تدخل العامله يضحك فيصل يكتمه هايف من لفت تناظره بنظره مُرعبه تطلع هايف بحده : ولد لا تضحك والله تذبحك هنا بدون رحمه .
اخذ تميم الدله يمد لهم يتكلم هايف : يبه ماودك سفرة الشرقية بعد ولادة لتين ، تعب عليها مسافات طويله عشان حتى هي ترتاح بسفرة .
الجد ثنيان : الي تشوفونه ، وفيصل متى بتملك على ورد .
شرق فيصل بالقهوة يضرب هايف ظهره بشويش : صحه صحه
دمع فيصل من الشرقه يكلم جده : ها يبه
ابتسم الجد ثنيان : متى ملكتك .
فيصل بتوتر غريب عليه يناظر ليث : مدري
ضحك ليث يكلم جده : بعد زواج عزيز ان شاءالله والزواج بعد مايخلص فيصل دراسه .