« بكره توقف من اللهفه على بابي »

بارت " 57 "

قبل القراءة ابي اشوف تفاعلكم بدون " كملي ، نقاط ، ايموجي " ❤️

« ومرة سنتين على ابطالنا »
بحلوها و مرها وثقلها على بعض الابطال..
-
" فلاش باك قبل سنتين "
بتركيا تحديدا اسطنبول بالليل ..
عدلت شعرها تلف عليه تنبهر بذوقه تشوفه يرجع شعره على ورا يتعطر تبتسم من تقدم يفتح ذراعه تحاوطه يطلعون من الفندق يتمشون تتصور معه لفت وجها له : تميم حبيبي هنا الكاميرا ..
ضحك من نرفزها يقبل خدها تبعد تمشي يتأملها من انحنت تصور يعض شفته بغيره من عيون الي عليها يسحب ذراعها يخلل اصابعه بيدها الناعمه عنده جت بتلف عليه بس صرخت بخفيف تشتم تغمض عيونها : يالوسخين الله ياخذكم عيب تقلعو لبيتكم ..
لف بستغراب ينصدم يلف عليها يضحك غصب : حبيبي هذول مو متزوجين وبعدين لا تستغربين إذا شفتي بكل شارع كذا متعودين  ، الله لايغضب علينا
فتحت عيونها تمشي معه : يعع الحمدالله على نعمة الاسلام ولا بعد يقولون مسلمين والله والاسلام المضروب عندهم استغفر الله ياربي ،  ..
ضحك من غضبها يحاوط راسها : انشهد ، المهم معليك منهم وين تبين نتعشاء ..
رفعت اكتافها بعدم معرفة : مدري الصدق بس اشتهيت بيتزا ..
طلع جواله يشوف المطاعم الموجوده بسطنبول : تبشرين
ابتسمت تشوف البحر الي قدامها والاطفال الي يلعبون والهواء يلعب بشعرها تتأمل الي معقد حاجبه دليل تعمقه بالبحث ولا زالت يدها محاوطه ذراعه تحس بدموعها الي داهمتها فجاء تضحك بسخرية من نفسها تبعد جوال تميم الي ستغرب ترفع نفسها تحضنه بمشاعر طغت عليها تتنهد ببتسامه : احبك تميم ..
حط جواله بجيبه يحتضنها اكثر يقبل كتفها وراسها بتكرار يتنهد من تنهيدتها يغمض عينه بحب مايقدر يوصفه لها الا بكلمة منه : يعشقك تميم وربك يعشقك يابهجتي ومسرتي فالحياه ، يحفظك لي يارب يحفظك ..
رردت بـ امين تبعد من ابعدها يخاف من دموعها : بسم الله عليك ، ليه هالدموع نازله
ضحكت ترفع يدها : مدري تميم مدري بس جتني كومة مشاعر غريبه بس حلوه حلوه حيلل .
يضحك بخفيف يرجعها لحضنه تستند على صدره تسمعه : من هالمكان بعد سنتين مع عيالنا ..
ابتسمت بتوسع : يارب تميم يارب .
قبل راسها بشدة يبعد ببتسامه يشوفون البنت الصغيره الي تغني بالتركي تندمج معها ربى تعتلي اصواتهم يأخذه جواله تميم يصورها بدون علمها يصرخ بخفه بعد مانتهت : يويلي على عذاب صوتك
ضحكت تضرب كتفه : بلا مبالغه ..
بعدها لفت على البنت الصغيره تمد لها فلوس تقبل خدها وبالمثل تميم ...
-
" بعد اسبوعين ورجوع تميم و ربى  "
ملكة سعود على تقى في بيت البندر واصوات البنات مرتفعه يتجهزون والكبار تحت يشرفون كالعاده على الترتيبات وبعد دقايق نزلت تقى تعدل فستانها الاسود القصير بنعومه عليها تشوف ابوها وعزيز وراه يمد لها الكتاب توقع بخجل من وجود البنات خلف الباب يصورون تقدمت تقبل راس ابوها وتحضنه تدمع غصب من كلا مه وحنيته ودعواته الحنونه تقبل يده يبعد يطلع لهم يتقدم لها عزيز بالعكاز يبتسم بهدوء يبعد عكازه : تعالي
تقدمت تحضنه تنزل دموعها من تسمعه تضحك من ابعدها : عسى التوفيق مايفارق حياتك يا اخت عز وقلبه ياتقى جعل ماشوف دمعتك الا من فرح وشوفك تبشريني بحبيبة خالها ولا خاله ..
بكت تضرب ذراعه بخجل يبتسم يقبل راسها يطلع بعد ماخبرها ان سعود بيدخل وطلعت تعدل المكيب تجدد عطرها تخز البنات تفز من سمعت تنحنح سعود الي تميزه تشد على فستانها من سمعت امها وجدتها الي يسمحون له بدخول ترجف تنزل راسها تناظر خطواته الثابته لها تسمع لولشت امها وجدتها وعمتها ام سعود من تقدم يقبل راسها تسمع همسه من قرب يحاوط ظهرها من الخلف : يعني يوم صرتي حلالي تخجلين وم تناظريني ..
حمر وجها اكثر تسمع امها : ارفعي راسك يمه
ابتسم لهم سعود يرفع دقنها له تلاشت ابتسامته يتأملها يتأمل ملامحها الطفوليه والدموع الي مجتمعه بعيونها من خجلها رفع يده يمسح على ملامحها وبنظرة حب ونبهار وضحت عليه : هذا كله لي
مافهمت تشتت عيونها بتوتر من نظراته عض شفته سعود يحاول يرجع ثقله من استوعب حاله يلف على جدته الي تكلمت : بنطلع يمه بس لا تنسى لبسها الدبله ..
هز راسه يشوفهم طلعوا تبعد هي تاخذ نفس ينسف هو شماغه يناظرها ببتسامه من شاف توترها منه : اي وين القوية
خزته تتقدم : خير وش الحركه الي ثويتها ها ثعود
قطع كلامها من تقدم يحضنها له يبتسم : عيدي عيدي اسمي ..
خجلت تسكت تبادله الحضن من تكلم : ماتبيني يعني؟
مسحت على اكتافه تنفي : لا ثعود لا والله بس خجلت وترترة من البنات ..
ابعد سعود يقبل جبينها تغمض عينها ببتسامه من تكلم : عارف ياعيون ثعود ..
بوزة بزعل تترك يده : تتنمر يجي منك اكثر ..
مسك يدها بسرعه : لا وربي اعقب وخسي ، بس احبها احب لدغتك تجيب راسي ..
ضحكت بهدوء تمسح على كتفه : عارفه حبيبي عارفه بس حبيت امزح معك شوي مايضر ..
شد على يدها يرص على اسنانه : اخخ تقى لا تقولينها يرحم والدينك لا توجعيني ..
ضحكت بستغراب : وشو
بعثر شعرها يمسح على خدها بيده الثانيه : مسويه ماتعرفين يعني ..
نفت تشوفه يمسك كفها يقعدها تبعد شوي ينفي يرجعها جنبه يمسح على كفها : اسمعي شرايك الزواج بعد شهر ..
فتحت عيونها على وسعها تلف عليه : لا ثعود حنا اتنفقنا لما ترجع جوجو ..
تنهد بزعل : تقى تبيني انتضر سنه ولا اكثر ..
تنهدة معه تمسح على كفه الي بيدها : حيل الله قوي ، بعدين عادي خلاص اهمشي ملكنا يعني متى ماتبي تشوفني تشوفني ، بعدين المفروض تنتضرني لو سنوات ماهقيتها منك ثعود ؟
ابتسم يحاوط اكتوفها يميل راسها له : انتظرك تقى انتظرك كل العمر اهمشي انك لي لي والباقي مايهم بعدين ماتـ ..
قاطعته تضرب كتفه : تفكيرك لا يتجهه لطريق ثاني عشان ماقوم ..
صدحت صوت ضحكته غصب من نظراتها وتهديها يسكت يقومون من دخلت اميره بتصورهم ولازم بكل لقطه ضحكت تقى من سعود وعصبية اميره وعلى هالموال ..
-
وهايف ولتين على نفس حالهم وهايف الي يحاول معها ومُصر ان يركض وراها لما ترضى ولتين نقول ممكن بدة تتقبل الوضع وتبتسم وبالعكس ازداد حبه وهي تشوف محاولته عشان رضاها وهذا الي تبيه ..
-
اميره كانت عكس الكل وبعالم غير عالمهم وهي تحس بضعفها هالفتره رغم وجود اهلها حولها بس الشعور الي تحسه يوجعها وهي تروح تعالج لدن بدون وجوده جنبها وتكرار لدن له ،الي  مهما حاولت توصل له تفشل مسحت دموعها بتعب تمسح على راس لدن الي بحضنها نايمه : ترك لدن ترك يا امي وانتي بإمسّ الحاجه له بس عندك ماما بتعوضك عنه بعوضك عن كل حاجه لدن بنبدا حياه جديده مع بعض بس أنا وانتي ..
قبلت راسها تحس بحرارة دموعها شدة عليها بحضنها بخوف احد ياخذها منها من بعد الكوابيس الي تمر عليها ..
-
« الوقت الحالي الساعه ٧ الليل بتوقيت الرياض المطار تحديدا »
نزلت تشوف ضجيج المطار تبتسم بتوسع تشوف الي قدام يستقبلونها وماكانو الا اهلها تدمع تشوف سلطان الي جنبها مبتسم لها يأخذ شنطتها منها من تقدمت تشوف سعد الي فتح ذراعه علطول تتنهد تنزل دموعها ببتسامة : شلون يعني.
حضنته تشد عليه بشوق تغمض عينها براحه من حنان حضنه لها تسمعه : تو مانورة الرياض يابوي .
ضحكت من بين دموعها تشوف الي ورا ابوها فيصل الي تغير تضحك يضحك معها من نزلت دموعه تبكي معه من ابعدت من حضن ابوها الي قبل راسها بشده تقبل راسه بالمثل وخده تناظر الهنوف الي اخذتها لحضنها تضحك جوجو بهدوء وبحة حلوه من دموعها الي ماوقفت : لاتبعدون عني مره ثانيه ..
هزة راسها الهنوف تبتسم تمسح دموعها بكفها تلف على فيصل الساكت ولف وجهه عنهم يمسح دموعه
مايبي يتكلم من غصته يسكر عينه من حس بيدها تلف وجهه تشوف لحيته الكثيفه تتلمسها ببتسامه : تغيرة فيصل يقولون تحب صح الي سمعته ..
ضحكت بخفه من ابعد يدها يحضنها تحس بحرارة دموعه على كتفها يبعد فيصل بعد مده يسلم على سلطان الي ربت على كتفه تاخذ جوجو الورد تتقدم عند ابوها الي حاوط اكتافها يطلعون من المطار .. بعد كم ساعه وصلو تنزل جوجو بلهفة تفتح العامله الباب تحضنها تبتسم جوجو لها تلف على صرخت سلمان الي يركض لها تغيم عينها تنحني له تشده لها من كان يصرخ بسعاده بأ اسمها وتقبيله لخدها بتكرار تضحك تمسك وجهه تقبل جبينه : سلماني ..
رجع يحاوط عنقها تقوم وهو بحضنها تقعد يقعدون الكل حولها ابتسمت تشوف سلمان الي يسولف على سلطان الي جنبها الي مبتسم له يمسح على شعره : الله يحفظك
لفت جوجو على فيصل الي يقهويهم يناظر سلمان يجاكره : ابعد ابعد حتى انا مشتاق ..
ضحكت تاخذ منه الفنجال يقعد بالجنب الاخر يحاوط اكتافها يسولف عليهم وسلطان مع ابوها والهنوف يتكلم عن الامور الي صارت تبتسم هي لفيصل : محد درا
نفى يهز راسه : الكل عارف ..
تأففت تمسح على شعر سلمان : كنت ابي اسوي سبرايز .
ضحك يلعب بشعرها يتربع فوق الكنب يمسك يدها يمسح عليها : جوجو لا عاد تروحين
جت بترد عليه بس قاطعها من قام سلطان يستأذن : يلا اشوفكم على خير
اصر عليه سعد : ارتاح يا سلطان
ابتسم ينفي : اسف ياعمي بس والله اهلي ينتظروني
لف على جوجو الي سهت فجاء تلعب بيد سلمان : جوهرة
رفعت راسها له : هلا
تقدم يقبل راسها يبعد يناظر عيونها : انتبهي لك واي حاجه تبينها دقي علي ..
هزة راسها له بهدوء تسمع فيصل يطلع وراه يكلمه : يلا لاشوفك سلطان دربك خضر اختي بتقعد عندنا ماعاد هي لك ..
ضحكت بهدوء تقوم تبعد عبايتها تتكلم الهنوف : جوجو امي انتي اطلعي ارتاحي عشان بعد المغرب بنطلع لجدك ثنيان ..
ابتسمت من جوجو الي رفعت صوتها تركض لفوق من فيصل الي يتهدد فيها : تمام ماما ..
-
" المستشفى "
دخلت بدون علم تميم الي يداوم بنفس المستشفى وهي خايفه من الفكره الي تراودها قامت بعد وقت تدخل غرفة الفحص بتوتر ابتسمت لدكتوره : تمام شوي وتطلع الفحوصات اطلع انتظري وباذن الله مانتأخر ..
هزة راسها ربى بتمام تطلع هزة راسها ربى بتمام تطلع لصالة الانتظار وتدعي بتكرار شتت نفسها بجوالها وبعد دقايق رفعت راسها لدكتوره : انتي ربى
ربى : اي
الدكتور ببتسامه : تمام تعالي وراي ..
قامت تشد على شنطتها تطلع معها للمكتب دخلت بتوتر تقعد تسمع لها : شوفي ياربى كل شي ربي كاتبه لك خيره ولا تجزعين وصدقيني كل تأخيره فيها خيره لك ولحياتك ..
شدة على يدها ربى تعقد حاجبها : ونعم بالله ، بس السبب ؟
تنهدة الدكتوره : طيب بشويش على نفسك ، بس ابيك تعرفين شي اني بحاول اسوي كلي الي اقدر عليه والباقي على رب العالمين ، ربى انتي فيك عقم ..
رجفت بشكل يوجع تمد يدها ناحية بطنها تبتسم بغصة : مشكوره دكتوره ،الحمدالله
دخل تميم بعجله : دكتوره سمـ..
قاطع حكيه من شافها يناظر لمعت عينها يخاف يتقدم لها : ربى وش جايبك ؟ وليش ماعندي علم ؟
نفت تنزل دموعها من شافته كيف بتقوله الخبر وهي خايفه يتركها مثل ورد كيف بيعيش بدون اطفال يشيلون اسمه ترددة وكثير بس ماقدرة من نظرات الخوف الي بعيونه يناظر عيونها : تميم اناا عقيم
ضحك يبعد على ورا بسخرية من هبالها : ربى لا تجننيني
وقف يشوف دموعها الي تزداد وهنا بدا يستوعب كلامها ترجف يده يناظر الدكتوره : وريني الفحص
هزة راسها يجي تميم خلفها يشوف الفحص كامل تدمع عينه غصب من يسمع بكاها وشهقاتها ابعد يروح لها يمسك كفها يطلع بصمت مسحت دموعها تحاول تشوفه : تميم مـ
سكتها يدخل غرفته يفصخ البالطو حقه ياخذ مفاتيحه واغراضه يرجع يمسك يدها يطلعون من المستشفى كان صامت طول الطريق يسمع صوتها وترجيها له يتكلم وصلو البيت ينزل يفتح بابها ينزلها معه دخلت قدامه بتبعد عبايتها بس تفاجأت من حضنه الشديد
تسكر عينها تبادله : تميم
مسح على ظهرها يشد عليها : فاهم الاشياء الي تدور في بالك بس لو اموت ماتركتك ربى ..
ابعدها يحاوط ملامحها يبتسم من احمراره من دموعها : مكتوب ياربى مكتوب والحمدالله على كل حال والي كاتبه لنا ربي بيصير وبكون معك بكل خطوه نمشيها  والحين الطب تطور بس اهمشي لا نجزع على الي كاتبه ربي ، وبعدين فكره اني بترك عشان هالسبب تنسينها ربى عمرك لاتفكرين كذا انا اخذتك عشان ابيك لي لتميم عشاني احبك والاطفال لحقين عليهم ياحبيتي انتي بعدين مابي الصدق انتي عندي مكفيتني ..
مسحت دموعها تضحك تحس بدموعها : ومين طفلي
بعثر شعره بتفكير : انا ولا شكلي مايصلح ..
تنهدة تحضنه : كنت متخوفه تميم انك تتركني من بعد ورد
شد عليها يقبل راسها : والله ما خليك ، ورد راحت بدربها الله يوفقها
لف وجها له يغمز لها م يبيها تفكر : ماودك بشاهي ؟
ابعدت شعرها على ورا بهدوء : نشربه عشانك مانقول لا بس اهمشي من يدك
شمر اكمامه تضحك بخفه من مشى للمطبخ تمسح دمعتها الي نزلت من تشوف محاولته عشان ينسيها وهي عارفه ومتأكده الموضوع ماممر عليه وهي تعرف حب تميم للاطفال رفعت راسها لفوق تتنهد بدموع : يارب اجبر قلبه وقلبي يارب ..
" بيت سعد "
عدلت فستانها الاحمر عليها تكثف روجها ابعدت على ورا تناظر نفسها ناظرة شعرها بحيره بس تركته على ظهرها بشكل ناعم تتعطر وبعد ثواني نزلت تاخذ من الهنوف البخور تتبخر وهي مستعده لعتاب البنات بسبب زواجها من سلطان نزلت راسها بخجل من غزل ابوها وفيصل لها تسمعهم : اذكارك
ابتسمت لهم تلبس عبايتها تلف الطرحه عليها تطلع لبيت جدها بعد سنتين غابت عنهم وشوقها طاغي عليها واخيراً وصلو تنزل تضحك بهدوء تأشر للهنوف : بضبط شكلي لحد يشوف
ابتسمت من الهنوف الي دخلت قبلها تبعد عبايتها وطرحتها تعدل شعرها ستندة على الرخام من سمعت صوت تعرفه تشد على سوارتها الي بيدها من نبض قلبها المرعب تحاول تنفي : هدي جوجو تتوهمين
ابعدت تطلع برا تاخذ نفس من حست بكتمه ورعشه سرت فيها فزة من سمعت صوت قريب بيدخل : يمه مهره ..
طلعت بتشوف يصدح صوت كعبها من لف توقف خطواتها تناظر الشخص الي قدامها وبيده عكازه ينسف شماغه تطيح دمعتها من لف عليها ينسف شماغه تطيح دمعتها من لف عليها تحس برجفة فكها من نظرات عيونه الي عجزت تفسرها
ترجع على ورا من صد عنها يتكلم يشد على عكازه وبصوت مبحوح : الحمدالله على السلامة يابنت سعد
هزة راسها بنفي تنزل دموعها بغزاره تكتم شهقاتها بيدها تشوف حاله المتغير من راسه لحد رجوله من كثافة لحيته والتعب الي تحت عيونه وشده على عكازه من الم رجله الي اشتد عليه تتقدم بعجله من عطاها ظهره بيمشي تنسى نفسها وبغصه توجعها : عزيز .
عض شفته بحرقه من نبرة صوتها وهو ماتوقع بيشوفها بهالحال يشد على يده يجبر نفسه على الي يقوله ويشتم نفسه من داخله من صوت بكاها يتنهد من اقصاه : الله يوفقك وادخلي جوهرة انتي على ذمة رجال ، واتمنى .
دعس على قلبه من الكلمه الي بيقولها يبلع ريقه بتردد: ماعاد اشوفك بطريقي ..
مسحت دموعها بعنف من ابتسمت تنزل دموعها على خدها بحراره : نسيتني عزيز ؟ ماعاد بحياتك جوهرة ؟ ولا ..
قاطعها وهو وده يصرخ فيها يعلمها هي وش عنده بس سكتها بكلمه تعبر عن الي داخله : لو يطول العمر جوهرة غلاك مايتغير وحبي لك موجود ، بس قدر ربي الجوهرة ودامك وافقتي عليه بنفسك انا مقدر اوقف بطريقك ...
رفعت اكتافها تتنهد من دموعها تحس برجفة نبرتها تناظر عكازه وقفته شدة على يدها تتكلم : وش صار بحالك عزيز ؟
ضحك بسخريه وهدوء يحس بحمرار عينه ودموعه بس ماسمح لها تنزل وبنبرة عتاب : لاتسألين عن الحال وانتي السبب ، ليش وافقتي ؟ ليه ماسمعتيني ؟
لا تجين بعدها تسألين جوهرة وانتي مو بس غيرتي حالي غيرتي عزيز بكبره ، بس اعرفي شي غلاك للحين موجود ولاتظنين نسيتك ، بحفظ الله جوهرة ..
طلع مايمسح لها تتكلم يركب سيارته يضرب راسه على ورا بتكرار يشتم نفسه على كل دمعه نزلت منها وكلامه القاسي عليها بس ماقدر يكمل كلامه بسبب دموعها وشهقاتها الي تحاول تكتمها بس سمعها استند على على ورا يضغظ على عيونه بصداع وحراره يبتسم من حس بدمعه طاحت من عينه يمسحها بكفه يتنهد : مانتهينا جوهرة مانتهينا ..
بداخل انهار داخلها من كلامه ونبرته الي ماتعودتها منه حطت كفوفها على وجها تمسح دموعها من سمعت اصوات البنات تأخذ نفس تعدل فستانها تدخل ابتسمت بالغصب تطلع للبنات الي بصاله تتقدم من وقف الكل يناظرونها بزعل بس تقدمت ربى الي ماقدرة تكابر تدمع : هو انا زعلانه بس اشتقت
ابتسمت جوجو بهدوء تفتح ذراعها من تقدمت ربى تحضنها وتتكلم بعتاب لها وتشتت عيونها من دموعها الي عجزت توقفها تبعد تحضنهم يقعدون حول بعض
تشد على فخذها تعلمهم عن زواجها من سلطان خلصت تلف عليهم بتكمل بس سكتت بصدمه من وقفت تقى تناظرها : وعزيز جوهرة وعزيز اخوي مافكرتي فيه .
ناظرتها ربى بستغراب : تقى هدي وجوجو اكـ ..
قاطعتها تقى يرتفع صوتها وعيونها بعيون جوجو : ليش تحطون الغلط على عزيز طيب ليه مافكرتي فيه
تدرين وش صار من بعدك تدرين صار له حادث وبسببك صار مايمشي على رجوله ولا كمل العلاج بسبب نفسيته الي تدمرت ، عزيز الي ولا عمره شفته تنزل دمعته تنزل بسبب حبه لك لا ليله ليل ولا نهاره نهار ..
مسحت دموعها تكمل : يترجاني اكلمك عشان اشوف اخبارك ويطمن باله عليك ، وانتي وش سويتي جوجو تزوجتي عشان تزوج صاحبتك تحسبيني ماعرف الي يصير بينكم جوجو انتي حتى ماسمعتيه ولا خليتي يبرر لك وعزيز اخوي يخونك وهو يحبك جوهرة يحبك كيف تبينه يخونك كيف تشكين بحبه لك ، وبشرك وسمر طلقها .
كانت ساكته تسمعها وتصدد بعيونها عنها بس ناظرتها من كلمتها الاخيره تعقد حاجبها تحاول توزن نبرتها  : طلق ؟
هزة راسها تقى تطلع من عندهم تتقدم ربى : جوجو تقى ترا ماتقصد بس هي متضايقه اخر فتره بسبب عزيز الي ماثبت على علاجه ..
مسحت على وجها جوجو تبتسم لها  : معليك اعرف تقى ، طيب لتين وينها واميره ؟
رفعت جوالها ربى : بكلمهم ..
قامت جوجو تطلع تسلم على جدتها وجدها ثنيان الي اخذوها بالأحضان والدموع تبتسم جوجو تمسح دموع جدتها مهره : اف ماما مهره ترا ببكي
ضحكت الجده مهره تمسح دموعها بشيلتها تمسح على شعرها : شسوي يمه سنتين مو هينه
سكتت جوجو تاخذ يد جدتها : ماما مهره قلبي ليش يوجعني ؟
حطت يدها مهره على قلب جوجو تسمي عليها تبتسم : الحب يمه علميني مين مأخذ تفكيرك
تنهدة تحس بدمعتها على طرف تمسحها بسرعه ماتبي جدتها تلاحظ ارفعت راسها للي دخلت تعدل شعرها تبتسم ابتسامة عذبة تمد يدها : انتي الجوهرة صح
هزة راسها جوجو وهي عرفت انها ورد من سوالف البنات عنها تبتسم تسلم عليها : اي ياروحي ، اخبارك ورد ؟
قعدة ورد جنبها تاخذ من جدتها الفنجال : تسرك الا انتي عطيني اخبارك عرفيني عنك اكثر ، وصح انتي اخت فصول ؟
ابتسمت جوجو تلف على جدتها تغمز تناظر ورد : اي اخت فصول عاد سمعت انك محجوزه لـ اخوي وماقول الا ياحضهه..
انحرجت ورد تبعد شعرها على الجهه الثانيه : هو مين قال ؟
صغرت عيونها جوجو : افا شفيك اخوي ، علميني مزعلك .
نفت بسرعه تبعد فنجالها : لا لا شدعوه فصول مايجي منه الا كل خير بس هو اخوي يعني ..
همست جوجو : الله يعين قلبك يافيصل
لفت لها ببتسامه : عاد انتي وفيصل جو بعض سبحان الله شكلكم لبعض ..
تأففت ورد : يابنت الحلال وين الزواج وانا وين .
ضحكت جوجو غصب من ميانة ورد السريعه معها
تشوف ربى الي دخلت وتقى وراها تتلاشى ابتسامت جوجو تشد على فنجالها بهدوء تسمع ورد ..
-
" بيت هايف "
عدلت فستانها الابيض عليها وتلف اخر خصله كيرلي
وهي متحمسه للي بيصير تتعطر تسمع صوت الباب الي انفتح وكان هايف الي تعبان اخر فتره تشوفه يتجاهل وجودها يسحب روبه ياخذ له شور اخذت البوكس تحط فيه التحليل تسكر البوكس تقعد على الكنبه تنتظره طلع بعد دقايق يلبس قميصه الابيض ويعدل شورته الابيض عليه تأملت تفاصيله من تقدم للمرايه ينشف شعره الناعم يرجعه على ورا ياخذ العود يحطها عند اماكن النبض يفتح الدرج يطلع العود يحطها على المبخره يناظرها من المرايه يخفي ابتسامته من شكلها يتقدم لها ينحني يمسك شعرها يبخره تنصدم من حركته تنزل راسها بخجل يضحك بخفه يبعد المبخره تناديه : هايف تعالى
طقت المكان جنبها يجلس بستغرابه يعقد حاجبه ببتسامه : عساه خير يارب
شجعت نفسها تبتسم تمسك يده تستوعب من لبس ابيض تناظر فستانها تضحك بهدوء يسألها تنفي : معليك ، هايف انا قررت نبدا حياه جديده وحسيت هالسنتين كفايه اتوقع و
توترة من نظراته عيونه الي تلمع بحب واضح لها حيل تبتسم : لا توترني
هز راسه يشد على يدها : على خشمي .
لتين : هايف انا ماتوقعت ابد اني اسامحك بسهوله
بس عشان الكائن اللطيف الي جاي بعد تسع شهور
مافهم يشوفها مسكره عينها : لتين شلون وش اصلن مافهمت ..
ابعدت يدها تحط البوكس بحضنها يمد يده يفتحه ينصدم من شاف شوز صغيره على قد اصبعه وتحليل الحمل رفع عيونه يبي يستوعب يضحك : الي اشوفه واقع ولا اتخيل لتين تكفين وربي ماعاد فيني قـ
هزة راسها تضحك له تاخذ الشوز تتأمله : تتوقع مقاسه ..
قام يدور حول نفسه يصرخ من ستوعب : يعني حامل يعني ولدي او بنتي جاين بعد تسع شهور كذا قصدك صح ولا انهبلت ..
هزة راسها بنعم تخجل من سجد يشكر ربه يقوم يقومها معه يحضنها له بشده ترفع رجولها بشويش من يدور فيها تصدع تضحك : هايف
نزلها يحاوط ملامحها يقبل جبينها تبتسم له من طال يبعد ياخذ يدها لقلبه يتنهد : شسوي يا لتين علميني وش اسوي ..
ابتسمت تمسح على قلبه : بسم الله عليك بشويش
نفى يحضنتها مره ثانيه تسمع تنهيداته تدمع تضرب ظهره بخفه : خير لا ابكي .
ابتسم يتكلم : الحمدالله لتين الحمدالله على نعمة وجودك معي وفي حياتي والله لو اتكلم اليوم لبكرا مراح اوفيك حقك ..
ابعدها يحاوط وجها : احبك لتين وببقى احبك لنهاية العمر ونجيب اخوان لـ ..؟ وش نسميه ..
خزته تبعد يده تمسكها : ماشاءالله بتجيب له اخوان اجل ، بعدين ليش حاس انه ولد يمكن بنت ..
هايف : بنت وشعرها كيرلي وعيونها مثل عيونك يو يارب ارحم قلبي
ضحكت تبعد تلبس عبايتها يتقدم يسندها عليه ينزلون تناظره : هايف ياحبيبي شفيك من الحين توني بشهر الاول ..
هز راسه بنفي يفتح لها الباب تركب يروح للجهة الثانيه : لا ياحبيبتي من اليوم ماتتحركين كل شي يوصل عندك تبين اهلك او البنات يجون عندك غير كذا مستحيل ..
فتحت عيونها على وسع تتحلطم عليه وهايف يعاندها وينفي ومبسوط من رفع ضغطها وتهديدها : ترا بروح عند اهلي وخليك وماتشوفني الا بعد تسع شهور
لف لها ببتسامه : اي ان شاءالله يصير خير .
خزته تشوف الطريق الي يتجهه لبيت ثنيان ..
" بيت ثنيان "
اصواتهم المرتفعه من خبرتهم لتين الي خجلت
من جدها الي قبل راسها يبارك لها و ربى الي قاعده جنبها وسعادتها غير عنهم حزنت بس مابينت لهم ولا ودها تخبرهم رغم كثرة الاسئلة  عن سبب تأخيرها بس كانت تتعذر انها مو قد المسؤليه هالفتره واعذار مالها نهاية ...
" بيت سعد بالليل "
نزلت تحت تشوف هدوء البيت دليل نومهم فتحت الباب تطلع للحوش الخلفي تناظر ورودها الذبلانه
تزعل تنحني تلم نص شعرها بشكل عشوائي تقطف الورود بحزن : ليش محد اهتم فيك بغايبي ؟
تلمستهم بيدها برقه تشهق تبعد على ورا من قطوتها الي ركضت تنط بحضنها تتنهد جوجو بخوف : الله يهيدك خوفتيني
ابتسمت بهدوء من كانت تلعب بشعرها تبعدها : لا لو سمحتي الا شعري ..
ضحكت بصوت خفيف تلعب معها تسكت من سمعت صوت الباب يتسكر تناظر قطوتها : اشش
لفت تشوف فيصل الي يفتح الباب بكوعه والقهوه بيده يسكر الباب بقوه تعض جوجو شفتها : يويلي الناس نايمه وسلمان بالقوه نام ..
ضحك فيصل يمد لها قهوتها تاخذها منه تشوفه يطلع الكراسي يقعد ياخذ القطوه منها : اقعدي
قامت تنفض لبسها تقعد مقابله يعصب فيصل يبعدها : يقلع عدوها ذي ليش كارهتني .
ضحكت ترفع اكتافها ترتشف قهوتها تبعد القطوه عنهم : اي اخبار فيصل ؟
فيصل يجمع يدينه  : الا اخبارك اخت جوهرة؟
ضحكت غصب : يع ليش الرسميه تكلم عدل
بعثر شعره فيصل : الا صدق جوجو وش صار هناك
جوجو : ماصار شي الحمدالله سنتين مرة بخيرها وشرها ، الا معليك مني وش رايك بورد ..
ناظرها فيصل بطرف عين : منهي ورد اصلن .
رفعت حاجبها جوجو : اي ماشاءالله ماتعرفها ابد ، فيصل قاعده اتكلم من جد وش رايك بالبنت
فيصل : شقول يعني جوجو ورد ماشوفها الا نفس اختي ودايم اجاكرها وعليها طولت لسان يروع .
همهمت جوجو : مدري ماعجبني ردك
خزها فيصل وبثواني ضحك يشرق بالقهوه تفز جوجو تمسح على ظهره تبعد تناظره : وش الي يضحك !
ضحك يمسح ثوبه من القهوه : لا بس تذكرت مامي بابي ولا ربى بوبو ..
ابتسمت جوجو تخزه  :  مايضحك ياخي حرام عليك شفيك عليها ..
تنرفز فيصل : دلعها للكل كل ماشافت احد دلعته .
غمزة جوجو : الرجل الغيور
تأفف فيصل يسمعها : ليش محد معتني ب الورد شوف كيف ذبل ..
ابتسم من حس بنبرة الحزن ونظراتها للورد عميقه : نعوضك .
نفت تخزه : لا تكلم وعارفه انا كله من راسك
فيصل : والله شوفي امي كانت توصيني عليه وتعرفين اخوك ينسى وتركته ..
كملت هي بحزن : لما ذبل
تنهد فيصل يحاوط اكتافها : افاا يضيق صدرك عشان ورد والله لنجيب المحل كامل لك ..
تأففت جوجو تاخذ قطوتها يدخلون داخل ..
-
" من بكرا الصباح  "
الكل مجتمع في بيت ثنيان يفطرون ويسولفون على بعض وبعدها اطلعوا لصاله تقعد جوجو ترجع قميصها على ورا تلعب مع سلمان ولدن تركض وراهم
ضحكت تقرب تمسك سلمان الي صرخ بضحكه وقفت بتعب تبعد شعرها تشوف فيصل ورد الي يركضون عندها يتكلمون بنفس الوقت : جوجو
انصدمت تناظرهم بستغراب : بشويش
ولفت على ورد : سمي
ابتسمت ورد تقهر فيصل الي تخصر يناظر جوجو : اخوك انا ردي علي .
مسكت جوجو راسها بصداع : مو طبيعي ، الحين وش تبون .
قاطعها جوالها تشوف المتصل سلطان تناظرهم : دقيقه .
عطتهم ظهرها ترد : هلا
سكر الباب وراه سلطان يبعد نظارته : اطلعي بكلمك بموضوع ورجع ..
جوجو : تمام ثواني وانا عندك
لفت على فيصل ورد الي يناظرونها : ها وش تبون عجلو .
جت بتكلم ورد يقاطعها فيصل : جدتي تقول تعالي في موضوع مهم ..
هزة راسها ورد : مامي مهره تقول تعالي في موضوع مهم ..
كتمت ضحكتها جوجو من وجهه فيصل : خلاص روحو وبلحقكم ..
طلعوا جت بتطلع تشوف سلمان الي ركض لها تبتسم تاخذ كفه تطلع للحوش برا تشوف سلطان الي واقف يتصفح جواله تقدمت بهدوء : عسى ماتأخرة عليك
ابتسم ينحني لسلمان يقبل خده يتعدل : لا عادي اخذي راحتك ..
لفت على سلمان تبتسم له : سلماني قلبي ادخل داخل شوي واجي اكمل لعب معك ..
ابتسمت من ركض يبعد عنهم تلف على سلطان تحط شعرها خلف اذنها من الهواء : اسمعك .
وقف سلطان يجمع كلامه : شوفي جوهرة يشهد الله انك انسانه غاليه وماشفت منك الا الي يسرني بس انا بنهاية رجال ولي غيرتي وماني غبي ملاحظ تفكيرك ودموعك الي اشوفها كل يوم ولا يقوى قلبي يسألك وش فيك وانا عارف من الي تفكرين فيه عشان كذا انا بدية بـ اجراءات الطلاق ..
كانت حاسه وعارفه نهايتها مع سلطان ومتضايقه ومنحرجه  من تصرفتها وسلطان مايستاهل الي قاعده تسويه ناظرته تبتسم بخفيف : معك حق سلطان معك حق وعسى الله يسهل دربك ويوفقك مع الي احسن مني ..
ابتسم لها سلطان يقبل راسها : ياحظ من ملك قلبك يالجوهرة ، تمنيت ولا اكذب عليك اني اكمل معك وكون اب لعيالك بس الحمدالله على كل حال ، وكنت عارف من قبل انك زوجة عزيز بس بعد طلاقك منه توقعت نسيتيه ماتوقعت الحب الي بقلبك له واسف واتمنى تسامحيني وتعذريني والله يسهل دربكم ..
هزة راسها له بأمتنان تشوفه يطلع تتنهد وهي رتاحت وهي ماتبي تكمل معه وتظلمه شدة على يدها : الله يوفقه ..
المغرب قاعدين البنات يسولفون على بعض وجوجو تناظر تقى الي تناظرها بهدوء وهي مقرره تكلمها لفت على ربى : ترا بكره بنروح المزرعه قلت لكم من الحين
لتين : تمام ، الا بنات اميره وينها مختفيه شفتها الصباح وطلعت لبيتها غريبه ؟
جوجو : حتى انا مو عاجبتني من بعد ماراح يزيد
ربى : يارب انها بخير ، بنات نحتاج بعد ذا كله سفره بروحنا .
جوجو وهي تبعد : تكفين تو جيت
ضحكت ربى : لا مو الحين و ..
سكتو بخوف من صراخ بالصاله تعقد حاجبها جوجو : صراخ عمه وعد ..
فزو كلهم مع بعض يطلعون يوقفون بصدمه من وعد الي بحضن رجل كبير وم كان الا الجد فيصل من رفع وجهه للجوهرة يبتسم يشوف صدمتها يناديها بلهفة
" بيت يزيد عند اميره تحديدا "
وصلت بيتها ولدن بحضنها تسكر الباب خلفها تنرعب من ظلام البيت والهدوء الي يعم فيه تفتح الانوار تكح من الغبار الي بالبيت لفت على لدن الي تبكي تبي تنزل تتنهد : ثواني يا ماما ..
نزلت عبايتها تنفض الكنبه تنزل لدن تستودعها الله
تعطيها جوالها تبعد شعرها على ورا جت بتطلع فوق بس وقفت بنص الدرج تسمع صوت المفتاح بالباب دليل احد بيدخل تنرعب تنزل بخطوات عجله تاخذ لدن بحضنها تشد عليها تسمع الباب الي انفتح ترجع على ورا من دخل ومعه انثى وراه ومعها طفل نفت تشوفه يتقدم بخطوات عجله  يناظرها تحضن لدن اكثر الي تبكي تشوف ابوها قدامها صرخت تبعد من كان يقرب خطواته لها : لا تقرب لا تقرب ..
نزلت دمعته بضغف يتأمل لدن وخوف اميره منه تهتز نبرته : اميرهه
نزلت دموعها بكثافه تهز راسها بنفي تناظر ارجوان الي وراه تلف له ببتسامه : ذي الي كنت معها طول هالفتره , وتارك بنتك هنا تعبانه ..
هز راسه بنفي يشد شعره : لا اميره لا والله اميره تكفين افهميني ..
ورفع راسه بسرعه من ستوعب كلمتها : ولدن ولدن وش فيها اميره وش فيها بنتي ؟
سكتت تهز بـ لدن من صوت بكاها العالي تخاف تشوفه يتقدم بياخذها تبعد بس وقفها يمسكك ذراعها ياخذ لدن منها تنهار بتعب تشوف حضنه للدن الشديد ومن بدا يخف صوت بكاء لدن يطيح على ركبته يحط جبينه على كتف لدن الي ساكته بحضنه يسمح لدموعه بنزول واقفه تتأمل ضعفه لبنته وتغيره المرعب لها من طول شعره وعيونه الذبلانه والشبوح الي بوجهه مو هذا يزيد الي تعرفه نفت براسها تتقدم للي واقفه تناظر ببتسامه سخرية تغيم عينها بقهر : وين بتوصلين انتي ؟ علميني ؟ وش اذيتك فيه
ارجوان تلوي شفتها : والله عاد اسألي زوجك الي قاعد يلاحقني ، ومسكي
حذفت سهم ولدها على اميره الي مسكته قبل لا يطيح بصدمه تشوفها تطلع وتسكر الباب خلفها من سمعت بكاء سهم تشوف الي رفع راسه يسمي على لدن يمدها لها بسرعه يفتح الباب يطلع بعجله يصرخ يبي يوقفها من ركبت السياره : ارجواننن
عض شفته بحده من مشت يرجع البيت يشوف الي تحضن سهم تحاول تسكته ولدن بحضنها يتقدم ينحني يسحب سهم له يبتسم بحنيه : سهم يبه ماما راحت شوي وتجي .
تنهد يشيله بحضنه من كان يردد با اسمها يشوف الي تصدد عنه تقوم تمسح دموعها تلبس عبايتها بعجله من هايف الي دقت عليه يجي لفت على صوت الباب تفتحه بتطلع بس ابعدها سعود على ورا وراه هايف الي دخلو تنصدم بوجود سعود تشوفهم يتقدمون ليزيد الي لف عليهم بصدمه يبتسمون له : شرفت ،
قرب سعود يناظر سهم يصغر عينه : بعد متزوج ***
سكرت اذن لدن من شتيمة سعود ينزل يزيد سهم يمده لها : اميره اخذي سهم وطلعوا برا و ..
ماكمل يقاطعه سحب سعود له من ياقته : لا ياحقير تبيها تربي ولدك بعد  ، ماخذها عشان تربي عيالك من كل حرمه **
ناظره يزيد بحده : تعقب ، وهذا الشي تنافهم فيه انا واميره .
تقدم هايف يشد كتف سعود : ضحكتني اجل تتفاهمون ، شكلك مو مستوعب مين الي قدامك
صرخت برعب من لكم سعود يزيد بتكرار وقهر يبعده هايف يلف عليها يأشر لها بيده مافيه شي يفك سعود عليه وكان يناظر ومتكتف لما صرخت عليهم اميره بخوف من ضربهم : خلاص هايف ابعده
تقدم هايف يكتف سعود من ورا من بكاء سهم يشوف يزيد الي يمسك جبينه : ماحس كفتك بس عشان خاطرها ..
خزه سعود يبعد هايف يحضن اكتاف اميره وهايف اخذ منها لدن يسمعونه يون يتكلم : اميره
ابتسم له سعود بستفزاز : تحلم فيها
طلعوا يسمعون شتمه فيهم وتكراره لها تناظره قبل لا تطلع تشوف سهم تنحني له ببتسامه لطيفه تمسح دموعها : تجي معي .
ناظر ابوه بحيره يهز راسه يزيد له يمسك كفها سهم تتبسم له تشوف سعود الي يركب لدن بمقعدها وهايف واقف عند الباب يحلف عليها تركب قدام بس نفت بشكل قطعي تركب ورا يتنهد هايف يركبون وسهم محتضن ذراع اميره بغرابه تمسح على شعره
لفت قدام تسمعهم يكلمون ابوها وهايف يضحك يسمع سعود الي يسوق ويناظر الطريق : يا ابوي اقولك والله ماصار له شي جعله الموت ..
ناظر هايف اميره من المرايه الي تكلمت بهدوء  : عياله سعود لا تدعي
سكر هايف المكالمه من ابوه يتأمل سهم يبتسم غصب من وجهه الطفولي وخوفه الواضح يهمس : مالك ذنب والله ماقول الا حسبي الله على ابوك
سمعه سعود يمد يده يلف المرايه عليه : اخبارك يا سهم .
ابتسم من حشر راسه بحضن اميره الهاديه تضحك له بهدوء تكلم هايف : سعود نزلني عند بيتي .
هز راسه سعود يكمل هايف : وانت متى بتمشي لشرقيه .
تنهد سعود يتأفف : يوو الحين بس بسلم على امي وابوي واخذ اغراضي وبمشي .
اميره : كم يوم
سعود : ثلاث ايام ان شاءالله قبل عرسي با اسبوع ..
غمز له هايف يتصدد عنه سعود ببتسامه هو فعلاً اشتاق لها طول هالفتره الي رافضين يشوفها بسبب قرب زواجهم وبينهم فقط مكالمات وصل بيت هايف ينزله يمشي لف على اميره : سعود ودني بيتنا ماودي اروح بيت جدي تعبانه ..
هز راسه لها وهو مايبي يضغطها ..
-
" بيت ثنيان "
فزو كلهم مع بعض يطلعون يوقفون بصدمه من وعد الي بحضن رجل كبير وم كان الا الجد فيصل من رفع وجهه للجوهرة يبتسم يشوف صدمتها يناديها بلهفة من ابعدت وعد بس محاوطته تبتسم لجوجو : بنت فيصل جوهرة .
تقدم لها بعصاه وعد جنبه ماسكه ذراعه يفتح ذراعه لها تقدمت جوجو تتلمس كفه تبتسم تلمع عينها : عارفه جدي عارفه م تتركني ..
ابتمست تحس بدموعها تحضنه تبعد جدها من قبل راسها ترفع نفسها تقبل راسه بتكرار ترجع تحضنه تسمع همسه لها : مايسويها يابوك مايسويها ..
عقدة حاجبها بعدم فهم تمسح دموعها بكفها تناظره يبتسم لها يمسك يدها : بعلمك
هزة راسها تشوفه يسلم على الكل وقعد تقعد هي بجنبه والجنب الثاني وعد يحتضن اكتافهم تميل راسها على كتفه تسمعه من بدا يسرد لهم كل الي صار له طول هالسنوات واشاعة وفاته : الموضوع ومافيه كنت مسافر على اساس كم شهر ورجع بس للأسف الموضوع طول معي وسفرتي محد كان يدري عنها ومن بعدها طلع موضوع وفاتي وكنت عارف وكملت وماكنت ابي احد يدري وكان الي عارف الكذبه سعد وعزيز وهنوف وحلفت عليهم محد يفتح على الموضوع ويكملون الكذبه بس ماهان علي اكمل وكلمت غيث .
لفت على جدها بصدمه الي يمسح على شعرها : شلون ؟ وليش سافرة ؟
تنهد يشد عليها : سفرتي عشان الحق ورا ناصر وشلته
ماكنت ابي اجيب الاذيه لكم بس من بعد الله قدرنا نمسك كل الي معه ، وللأسف يابوي انتي ناصر ولده غيث ، بس غيث ماهو مثل هالخسيس وغيث كل الي يسويه عشانه مهدد منه وكل خوفه عليكم وكنت طول هالفتره احاكيه وشوف اخباره وماكنت ادري انه جا عندكم الا قريب جاني الخبر ..
الكل كان في حالة صدمه من كل كلمه قالها وصدمتهم الكبره ان غيث ابوه ناصر محد توقع وهي من بدهم كانت مو مستوعبه كل حكي جدها شدة على كفه تسمع سوالفه معهم تنهدة من قام بعد دقايق يطلع تطلع هي وراه بتوتر وقف يعدل شماغه يقعد على الكرسي تقعد هي قدامه : اي جوهرة ابوي اخبارك وكيف احوالك يابوي انتي ؟
فركت يدها جوجو : بخير بعد شوفتك .
ابتسم يبعد يدينها يشد عليهم بكفه ترفع عيونها : يديمها يارب جوهرة بنتي  عارف يبه انا انك تزوجتي وضاق صدري وماكنت ابي هالزواج يتم لو كنت فيه ماخليته يتم بس اسمعيني الحين اخبار عزيز ؟
قال هالسؤال يبي يشوف ردة فعلها وبالفعل رجفت يدها يشوف لمعت عينها يبتسم : ماخذه بخاطرك منه وانتي الي ماتركتيه يبرر ؟
رفعت اكتافها بعدم معرفه من نفسها تعض شفتها تبي تمنع دموعها : مدري بابا فيصل بس كنت احترق من داخلي وانا اشوفها معه ، كنت مابي اسمعه مابي اتعلق فيه بس كنت غلطانه .
طاحت دمعه منها يمسحها بكفه : يبه عزيز ماتزوج من فراغ ؟
ناظرته تبيه يكمل وبالفعل كمل : عزيز بعد ماجبتي رقم سمر له وهو كان يشتغل بقضيتها وكان يلاحظ عليها تقربها منه بس ماكان يعطيها وجه وفي يوم كلمها عزيز تجي مكتبه بس ماكان يسمع الا صراخ وترجيها له وم قدر عزيز يردها وراح لعندها بيشوف الوضع وشاف ولد عمها قاعد يتحر** ش فيها وامها كانت من ذوي الاحتياجات الخاصه وانتي تعرفين ولا قدر عزيز يتركها من ترجي امها له ومن بعدها راح عزيز يكلمني وهو ضايق صدره وكان بذيك الفتره تعبان وجا عندي وعلمني بكل شي وكنت احلف عليه ما يعلمك وكانت فتره ويطلقها ، وحتى كان مايقعد معها بنفس البيت ..
رجفت شفتها تبعد شعرها على ورا : وخيانته
تنهد الجد فيصل يشوف دموعها : ماخانك وربي ماخانك يايبه هذا كله من تأليف غيث عشان تبعدين عنه  كان ناصر مركز على عزيز وسعد ومايبي لك الاذيه ..
ابتسم يبعد شعرها على ورا من الهواء : تحبينه يبه ؟
مسحت دموعها الي تزداد تشتت عيونها تشد على يد جدها : وش الحب عنده بابا فيصل
انهارت ماقدرت تكمل وهي ماحبت وبس هي تعلقت فيه وعرفة مكان عزيز وش هو بقلبها طول هالسنتين وهو ماراح عن بالها وبكل صلاة تدعي ربها يحفظ قلبه من الحب الي وجعه وجعها بس ماكنت تدري بالشخص الي واقف وسمع كل كلمه قالتها يناظر حضنها لجدها وصوت دموعها الي حرقه يبي يكسر هالمسافات ويحضنها "لولا خوفه من ربه "من كلمتها الاخيره الي صابت قلبه ونبرتها المترجفه تنهد يصد بظهره يتلمس لحيته الكثيفه وهو يفكر بكلامها وهل فعل تحبه وهو تعب من التفكير وأصر على الي بيسويه يمسح على وجهه : نشوف نهايتها ربي يكتبك لي ولا كل واحد يروح لدربه ..
-
" اليوم الثاني الصباح "
الكل يجهز للمزرعه والكل اخذ اهله وراح ماعاد بيت ثنيان طلعت الجده مهره معصبه من العاملات تنزل ورد مسرعه وبلحظة نزولها دخل فيصل يبعد نظارته يتقدم عند جدته بعجله : يا يمه علامك عليهم بعد .
لفت الجده مهره عليه بغضب : يدبلون الكبد .
كتم ضحكته من صرخت بوجهه يشوف الي واقفه تعدل عبايتها البنك وطرحتها تكلم العاملات بهدوء تبتسم من طلعوا يجهزون تلف على جدتها تخز فيصل : خلاص مامي قلت لهم الي تبغينه
الجد مهره ببتسامة حنيه : الله يرضى عليك يمه
ابتسمت لها ورد تقبل خدها تمد لجدتها عبايتها تلبس تشوف فيصل قام يلعب بالمفتاح تتأفف : لحول معك
غمز لها بضحكه : اوديك للوادي تتذكرين
ضحكة غصب تنزل راسها بخجل من نظراته وكلها ثواني ترفع راسها : خير ليه تناظر قلة ادب
ناظرها بطرف عين فيصل يمشي يسمعها تغني : حبيبي برشلوني يموت برشلونه وانا مدريدي لكن يخسى اغير لعيونه ..
وقف يشرق بقهوته يضحك بشده من فهم عليها من كان لابس تيشرت برشلونه يمسح دموعه من ضحكته يتعدل بس ماقدر من ضحكته : اخ ياورد مو صاحيه ابد
رجفت من نطقه لـ اسمها تعدل طرحتها وهي كانت تتأمل ضحكته واحمرار وجهه من غص وضرب الجده مهره لظهره تمشي قدامه : اقول امش تأخرنا بس خل عنك برشلونه ..
ضحك بهدوء يمشي وراها : بالله تشجعين مدريد
هزة راسها بنفي تفتح باب السياره ترد عليه : مالي بالكوره .
عبس وجهه : اجل ماش
سفهته تشرب قهوتها تناظر الطريق بعد ماركبت جدتها وثنيان تسمع قصيده جدها تصفق بعد ماخلص : الله الله
فيصل ببتسامة : صدقوني تهز راسها وهي ماعرفت ولا شي من القصيده .
تقدمت من ورا جدها : انت ولا كلمه لو سمحت امش وانت ساكت .
فتح عيونه على وسع : وانا ولد ابوي اهجدي بس .
لوت شفتها ترجع على ورا من ضحك الجد ثنيان يكلم مهره : والله يا مهره مدري كيف بعدين بيربون عيالهم
خجلت تفتح جوالها بسرعه تلهي نفسها من حست ببتسامته ونظراته لها من مراية السياره ..
" المزرعه "
وصلو الكل وبعد دقايق وصل فيصل يوقف سيارته جنبهم يخاف من سمع صرخت ورد الي نزلت تركض تحضن البنات يمسك قلبه : الله يخرش عدوك كل هذا عشان شوق وهي امس شايفتهم .
لف على جده ينزلون الاغراض عند قسم البنات ويطلع الجد وفيصل للعيال وفيصل الي طار عند جده فيصل
يقبل راسه بتكرار وهو ماستوعب للحين وجوده : يالله انك تحيه يالله ..
ضحك الجد فيصل من قام فيصل يقهوي ويوصل عند ليث يمد له : سم
استغرب ليث : فيك شي ماغير عندي وعند ابوي
تنحنح يسفهه يقهوي الباقين يوقف عند يزيد يتركها عنده ..
-
بالداخل ..
يجهزون العصائر البارده ولتين عند الة الايسكريم تجهزها وكل وحده ماسكه شغله تركت جوجو الحلا على الطاوله ترتبهم بشكل انيق واميره الي تقدمت بالقهوه والشاي عدلت جوجو فستانها من عند كتفها تطلع للهنوف الي ماسكه سلمان تعدل شعره وتمنعه عن المسبح بسلوب لطيف : لا يا ماما شوي تسبح مع بابا وفصول ..
هز راسه يركض لجوجو : بسبح مع جوجو
ضحكت جوجو تنزل بطوله : طماع تبي تسبح مرتين
ابتسمت تشوفه يعدد بصابعه : جوجو ماما ربى لتين
تكلمت ربى من بعيد وهي تعدل شعرها : ربى بتجي وتاكلك
ضحكت جوجو تمسح على خدوده من غمازاته الي ظهرت : عنيفه ، يلا حبيبي روح عند الرجال وشوي إذا سبحنا ناديتك تمام ..
قامت تعدل نفسها تدخل تتقهوى معهم يسمعون لسالفة اميره وغضبهم كلهم من عدلت ربى جلستها تتكلم بحده : قايله لكم ذي رخيصه  ويزيد احقر منها سبحان الله يناسبون بعض نفس الحقاره ، اميره لا تصدميني وتقولين بترجعين له ؟
تنهدة اميره تاخذ من لتين منديل تحطها على مدمعها من دموعها تبعده تناظرهم : بنات يزيد فيه شي من اول م اخذته ولي خلاني افكر إذا شغلت قرآن يصرخ يبيني اطفيه وإذا سمع صوت الأذان .
مسكت يدها جوجو تحاول تمسك غضبها بقهر على اميره : اميره ماخوفك بس دام يزيد يصير له كذا فأ اكيد مسحور .
بكت تنزل دموعها تحضنها لتين تبكي معها تتنهد ربى
تتكلم ورد بتعقيدة حاجب : مين ساحره ؟!
ضحكت جوجو بسخرية : مايحتاج بدون تفكير حتى ارجوان ،  اصلن كلمة فاطمه للحين تمر علي يوم تتوعد وكانت تبي لعيالها يتزوجون من عندنا وعاد مايحتاج الباقي ،  والاختفاء حقها مايطمن .
ابعدت اميره عن لتين تمسح دموعها : مو بس كذا حتى ولدها حذفته .
عضت شفتها بقهر ربى : ليكون بتأخذينه تربينه ، اميره حنيتك لا تغلب عليك ..
رفعت اكتافها بغصه : بس ماله ذنب بنات قلبي يوجعني عليه كيف احذفته وراحت .
تنهدة لتين وهي هالفتره على اي سبب تبكي : قولي حسبي الله ونعم الوكيل وربك بياخذ حقك منها ، وبالعكس الي تسوينه صح الولد ماله ذنب .
ابتسمت ورد : وينه بشوفه ؟ وش اسمه
اميره بهدوء : سهم عند ابوه هناك
سكتو البنات وهم يحاولون يغيرون مودها يسولفون عليها وبالفعل ضحكت بهدوء عشان خاطرهم يلفون على دخول سلمان الي ماسك يد سهم الصغير بسعاده يركض لجوجو : جوجو صار عندي ولد نفسي
ضحكو البنات يقبلون خد سهم الي خجل منهم تعلي صوتها جوجو من سلمان الي يركض بسهم بيوريه الهنوف : بشويش سلماني لا تطيحون ..
ضحكت ربى تتكي على جوجو : اجل عند ولد نفسي اخ ياسلمان ..
ابتسمت جوجو تدور تقى بعيونها وعرفت لتين الي ضحكت بمزح : تكلم سعودها .
ضحكت جوجو بخفه من ربى الي تتحلطم تضرب راسها بخفه : قومو عند جدتي وخالاتي ...
"برا عند تقى "
كانت تكلم سعود وتعاتبه : يعني تروح بدون ماشوفك
تنهد سعود يثبت جواله ويسوق : يادنيت سعود وربي ماقدرة سلمت على ابوي وامي بعجله متأخر وعلى موصل .
لعبت بشعرها : خلاص ثامحتك بث انتبه لطريقك ثعود يويلك لو دريت ماسك جوالك ابعده وركز بطريق
اشر على خشمه يضحك : على خشمي
ابتسمت تقى : يلا لاشوفك داق علي بث لما توصل ولا راح تشوفني لما الزواج .
سعود : هين اعلمك كلها اسبوع بس .
ضحكت تودعه تسكر تدخل لداخل تقعد جنب جوجو تطق كتفها : اثفه
لفت جوجو بفزع من كانت مركزه على سوالفهم : ماسمعتك
لعبت بخاتمها تقى : اثفه جوجو مو قصدي والله بس نـ
قاطعتها جوجو ببتسامة عذبه : عادي قلبتي فاهمتك واصلن انا بنفسي كنت بجي واعتذر منك .
ابتسمت لها تقى تقيل خدها تشهق جوجو بضحكه من سمعتها : اشتقت لك والله مالوم قلب اخوي
حمر وجهه جوجو تناظر فنجالها تسمع ضحكت تقى الخفيفه تبعدها تقوم برا تاخذ نفس تطلع للاسطبل
تناظر الظلام الدامس تدور الانوار تفتحهم تسمع صوت صهل الخيل تتقدم ببتسامه متوسعه تشوف خيلها بشوق تضحك من ارتفع صوته تقبله من بين عيونه تفتح بابه تحضنه بشوق تلمسه برقة يدينها  تسحب لجامه تمشي فيه وتتأمل المزرعه توقف الخيل تنحني من شافت الورد الي زارعهم جدها عشانها تلقط من جميع الالون وقفت تنفض لبسها بس وقفت ثواني تسمع صوت تتقدم تسحب خيلها تمشي لمصدر الصوت تعدل اجلالها توقف خطواته من كان قدامها يلمس الخيل وتارك عكازه وشماغه على الحديد تشوف ابتسامته للخيل تبلع ريقها من تكلم وكان حاس بوجودها : عسى خاطرك طاب  ؟
مافهمت تعقد حاجبها تسمعه يعطيها ظهره يتكلم بكل شعور داخله وهو وصله خبر طلاقها من سلطان يتنهد من أقصاه    :
لهفتي صوبك حقيقه ولهفتك صوبي خيال التردد من يطيقه ؟ والصبر خلص طريقه ياجوهرة
موقفي واضح أمامك ولا اقبل انصاف الحلول  ، الجواب عندك جوهرة تبيني لك حبيب وزوج وابو لعيالك ولا عسى الله يجبر قلبي وكل واحد يمشي بطريقه ؟
تركت لجام الخيل تستوعب حكيه لها عجزت تنطق بكلمه من مشاعرها الي تلخبطت تتقدم تسكت بتردد وخوف من نبضات قلبها تشوفه يمشي ناحية الباب تسمعه : اجل عسى ربي يوفقك والي بيـ ..
قاطعته تنفي حكيه تحس برجفة يدها تشد عليها من تعبت من المكابره تتكلم برجفه تشوف عرض ظهره  : ابيك عزيز ابيك لنهاية عمري ..

اطول بارت نزلته " 6659 " ❤️‍🔥