رجف فكها من كانت سيارة تعرفها اكيد تعرفها سيارة ابوها سيارة سعد امتلت عيونها دموع تحاول تنكر الي تشوفه تناظر المطر القوي لفت على ربى تنزل دمعتها بحراره تبتسم : ربى الي اشوفه كذب ؟
تقدمت ربى تمسك وجه جوجو تبتسم برجفه : تتشابه السياره والله جوجو تشابه ..
هزة براسها بتكرار : اييي صح تتشابه تتشابه ..
فزت ربى من سمعت جوالها تفتح سبيكر : خاله هنوف
ابتسمت الهنوف تمسح على راس سلمان : سمي يا امي
تنهدة جوجو ترجع راسها على ورا تمسك يدها على قلبها من قوة الخفقان الي تحسه تناظر ربى الي توترة تضحك بفرح : خلاص خاله خلاص ياروحي انتي بسكر كنت بطلب منك شي بس خلاص لقيته ..
سكرة على استغراب الهنوف تلف على جوجو من كحت قوة تهز كتفها بخوف : جوجو
ابعدتها تفتح الباب تنزل تكح بشكل اوجعها نزل ليث يسكر الباب بقوه يركض نحوها يقرب بخوف عليها : جوهرة ..
رفعت راسها تمد يدها له بمعنى مافيني شي بس ماصدقها يفتح الباب ياخذ الموية يفتح لها يمدها
تاخذها بيد راجفه من بدة تخف كحتها تستند على السياره تناظر المطر ببتسامه تتنهد : الحمدالله
ابتسم على منظرها من غمضت عينها تحس بقطرات المطر عليها تقدم لها : برد عليك اركبي ..
افتحت عينها تناظره ببتسامه : معليك خله يبرد على قلبي شوي ..
سكتت ثواني يتأمل ابتسامتها وسعادتها بالمطر
يبتسم ولا يحس في نفسه يتمنى وياكم ما يتمنى بالحظه تكون هي زوجته فكرة انها تتزوج احد غيره تحرقه شعور الغيره يوجعه والي يقهر انها تشوفه نفس اخوها قطع حبل افكاره وتأمله لها يستغفر من تكلمت ولا زالت مبتسمه : جرب ؟
هز راسه يبتسم يتقدم يرفع يدينه نفسها : نجرب ليش ما نجرب ..
ضحكت بخفه من قلدها ولا حسو بالي تصورهم وتبتسم بحزن على اخوها بهمس تناظرهم : يارب اجبر بقلبك تكفى يا ليث لا تعلق ياخوي جوجو ماراح تكون لك لا تتعلق وتوجع نفسك ..
سكتت من اركبو تضحك جوجو : تأخرنا عليك ؟
خزتها ربى تعدل طرحتها : لا ابدأ
ابتسمت جوجو تميل راسها على كتف ربى الي ابتسمت تصور ..
-
مشو والسياره هدوء والهنوف ببتسامه تمسح على راس فيصل الي منسدح على فخذها ويتحلطم وسلمان الي بحضنها : تعرف عناد اختك مستحيل ترضى بسرعه ..
تنهد يحط يده تحت خده : بس الى متى ..
ابتسم سعد بشوق لها ومن عنادها الي يحبه تنهد : يخليها لي يارب ..
ابتسمت الهنوف غصب والكل ابتسم يرد : ب امين
لف عزيز يحاول يتجاهل حديثهم عنها مايبي يشغل باله تعوذ من منظر السياره والحادث : لحول ولا قوة الا بالله ..
لف سعد له : شفيك ؟
اشر يناظر سعد بحزن يردد : صبرهم يارب لحول ولا قوة الا بالله ..
ناظرت الهنوف جوالها وتشوف مكلمات ربى مسكت قلبها : اللهم اجعله خير ..
ردت الهنوف ببتسامه تمسح على راس سلمان : سمي
استغربت الهنوف تسكر ترفع راسها على سؤال سعد : علامهم ؟
هزة راسها : مافيهم شي بس استغربت من صوت ربى !
فيصل وهو يناظر جواله : ماتعرفين حركاتها هالبنت ، ريحي بالك يمه مافيه شي ..
ولف على سلمان يدفه بشوي : هالدب اخذ مكاني ابعديه يمه ..
ضربته على راسه بخفه : وجع اخوك وبعدين وش هالكلام من متى تقوله ، واذكر ربك بسم الله عليه وخله ماراح يبعد .
هز راسه فيصل يقوم ينقز ورا ابوه يحاوط اكتافه يسمع ضحك سعد : يابوك اسوق ..
عقد حاجبه بزعل ممزح يرجع ورا : لي الله ماش محد صار يبيني و .
لف على الهنوف : يمه زوجيني .
ضحك عزيز يخزه فيصل : خير يالخو قلت نكته .
لف عزيز ببتسامه : اي والله نكته ..
عصب فيصل يلف للهنوف : يمه يرضيك
عزيز : ماقول الا امها داعيه عليها ..
رفع اكتافه فيصل : الا ياحظها دامها بتأخذ فيصل ولد سعد حفيد فيصل وخوالي ثنيان ..
ضحكت الهنوف من استعباطه وسعد الي يعزز : ونعم وسبعة انعام ..
وعلى هالموال طول الطريق ..
-
أنت تقرأ
« بكره توقف من اللهفه على بابي »
Mystery / Thrillerمعزوفتي الاولـى : « بكره توقف من اللهفه على بابي » نفسك من الشوق والحرمان منتله روايه تجمع مابين { الغموض ، الكره ، الاكشن ، والعفويه ، والحب } كاتبتكم : h_f18i ❤️🔥
