« بكره توقف من اللهفه على بابي »

البارت " 21 "

اما عند صاحبة الكيرلي ....
كانت تحس با امها الي حاطه الثلج عليها وساكته
امها بدموع : يمه لتين تكلمي لاتسكتين يمه وتعورين قلبي
بعدت الثلج عنها وحبت راس امها ورقت فوق بهدوء
اما الي قاعده تشوفها وهي ترقى فوق عورها قلبها ودخلت بخطواتها السريعه داخل الغرفه وبصراخ : علمني انت ابو تحس زي ولا ماتحس وش ذا القلب بندر علمني وش ذنبها دامها طلعت لهادنيا و.......
بندر بعصبيه ومسك ذراعها ولوها ورا ظهرها وبصراخ متجاهل الامها وبفحيح : وربي وعزته انت تكلمتي عن هالموضوع ليكون اخر يوم بحياتك ولرميك عند اهلك وعيالي عندي لاتخليني اسويها يامها وموضوع خطبتها بتم غصبن عليها وعليك ونشفت هالموضوع هذاك طلع لعيالك او احد ثاني عارفه وش بسوي
ودفعها عنه حتى صدم ظهرها السرير وطلع وصك الباب وراه ونصدم من شاف ليث و ربى قدامه ومشى وتجاهل أسئلتهم طق ليث الباب ومسحت دموعها مها وفتحت الباب وببتسامه : هلا يمه
ليث بستغراب من ملامح امه وقربت معه ربى وقالت بتساؤل : يمه فيك شي ؟
مها ببتسامه وهي تمسح على شعرها : لايمه مافيني شي والحين روحو ريحو فوق ورتبو اغراضكم ونزلو نتعشاء
هزو رواسهم وطلعو فوق وطلع ليث لغرفة لتين وطق الباب وماسمع صوتها استغراب وش ينومها هالحزه تركها وطلع لغرفة ربى وطق الباب وسمحتله بدخول وقال وهو مدخل راسه : امانه ربى روحي مري على لتين طقيت وماردت ومقدر ادخل عليها
هزت ربى راسها بتمام ونزلت عبايتها وطلعت لغرفة لتين وفتحتها بهدوء ونصدمت من برودة الغرفه وناظرت الي منسدحه ولا زالت العبايه عليها وشافت جروح على يدها ومغطيه وجها بالحاف خافت وقربة منها تهزها وتسمي عليها : لتين
لتين بصوت مبحوح : ربى ماقلت لاتدخلين غرفتي الا بستئذان
ربى وهي تقعد على السرير وتمسك يدها : اسفه لتينوه بس خفت عليك نطق وماتردين وبعدين شفيها يدك وليش نايمه هالحزه
لتين وهي تبعد يدها ودخلها بالحاف وقالت بغصه : مافيني شي و ربى لو سمحتي اطلعي
قامت وهي عارفه انها تخبي عليها شي بس ماظغطتها وقالت قبل تطلع : بخيلك على راحتك بس مصيرك تعلميني
طلعت ربى وركضت لتين تقفل الباب وتستند عليه وتركت العنان لدموعها تعبت وكثير من العذاب الي هي فيه مصدومه مقهوره مخذوله كانت تحس بجميع الألام كيف تقدم لها تعيش بعذاب ابوها ولا تتزوج وبشهقة تحس روحها بتطلع وبكلام متقطع : ليه يكرهني مابيه مابيه ......
________

« بيت سعد »
عند جوجو اخذت شور ولبست ترنج ناعم وجففت شعرها وبخة من عطوراتها وحطت من المسك وخلصت وناظرت نفسها بالمرايه : وه بس ياحلوي
واخذت جوالها ونزلت وبنزولها دخل فيصل وامها الهنوف وغيث وقالت ببتسامة عبط : تو مانور البيت
فيصل وهو يرفع عيونه وطالعها وقال مرادف لها : بنورك عاد تصدقين اشتقت
جوجو من بعد كلمته حطت رجلها وقعدة تدور بالبيت وقعد فيصل يلحقها وصرخت من شافته قرب وقالت بضحكه : خلاص فيصل بلا سماجه ااا
الهنوف وهي تقعد على الكنب وتمسك راسها وبعدها رفعته : بس انت وياها بلا هبال اركدو
جوجو وهي تنط على غيث وقالت برجاء : انا في وجهك
قرب فيصل بيمسكها من ورا غيث بس مسكه من يده : بوجهي والله ماتسوي لها شي
فيصل بقهر : احتمي فيه بس شوي محد يفكك مني
جوجو بعبط وهي طلع راسها من ورا ظهر غيث الضخم الي مغطيها وتمد لسانها وشمقلها فيصل وطلع فوق ورتاحت جوجو وقعدة جمب الهنوف : ماما وشفيك ياروحي تبين بنادول
الهنوف ببتسامه وهي تمسح على شعرها : لا ياامي برتاح بس روحي اطلبي اكل على ماخذ شور واجي
هزت راسها جوجو بتمام واخذت جوالها تطلب وتمة الطلب وجت بتقوم تصلح لها قهوه الا حست بحد يسحب اذنها وشهقت فيصل وشعره ينقط مويه : اجل رجعتيني المحطه ومسافة طريق اخر شي طلعتو مع يزيد مسويه فيها فزعه الا اميره وانتي عارفه الطريق طويل مو حرام عليك رجعتيني
جوجو بصدمه : كيف عرفت بسالفة اميره
فيصل بضحكه وهو يشد على اذنها زياده : لاتخافين اعرفك وانتي وفزعاتك
جوجو ببتسامه : طيب بعد يدك
بعد فيصل وقال بزعل : طيب تأسفي
جوجو وهي ترفع اكتافها : ماسويت شي غلط بس عشان خاطرك وتعبت ، اسفه يافصولي ياحبيب اخته
ضحك فيصل من غرور اخته وطلعت جوجو تسوي لها بلاك كوفي ....