« بكره توقف من اللهفه على بابي »

بارت " 56 "

سمعت كل شي تناظر عزيز الي ابعد يبتسم بقهر يسحب عكازه يوقف بوجع بس مو برجله وبس وجع داخلي من يحس بالم قلبه يعبس وجهه دليل توجعه وكثرة كتمانه مشى الدرج بخفيف وعلى حافة الدرج انزلقت عكازته تركض تقى تمسكه بخوف تغيم عينها : عزيز
ابعدها يقعد على الدرج يحني راسه تطيح دمعه من عينه ماحسها يرفع راسه لتقى : انا م ستاهلها انا الي خسرتها تقى ، كنت اكابر والله ياخذها من مكابره ابيها ياتقى لي ولا ابي غيري ياخذها بس ليش اوقف طريقها وانا حقير م ستاهلها .. عجزت افهم نفسي تقى عجزت من تناقضي قلبي يبيها بس في شي داخلي يقول خلها ياعزيز تكمل حياتها مع شخص يستاهلها بس ..
ناظر تقى الي نزلت دموعها بشكل موجع يبتسم يفتح ذراعه لها تحضنه يكمل : بس ابيها والنار الي داخلي ماطفت من سمعت صوته احبها ياتقى احبها والله مو بس حب الا اعشقها وحب الارض الي تمشي عليها ..
تنهد يشد على تقى يهمس داخله من الافكار الي تجيه : يارب لا تختبرني فيها يالله انك تحفظها لي ...
ابعدت تقى تمسح دموعها تمسك يده تبتسم : عزيز لاتوجع نثفك طلبتك ... وصدقني بتجتمع معها وتكون ام لعيالك وتذكر كلمتي ..
ابتسم لها بتعب يتنهد من اقصاه : امين ..
قومته من شافت التعب بملامحه تسنده عليها تطلع فوق توصل غرفته قعد بهدوء على السرير يسمعها : عزيز ادري بتعصب وتزعل مني . بث تكفى كمل علـ
ماكملت يقاطعها يسند ظهره على السرير : تقى لا تحاولين تفتحين هالموضوع معي قلت لكم العلاج مابي اكمله ..
هزة راسها تسكتت : طيب على راحتك ، تصبح على خير ..
طلعت يتنهد من عرف انها زعلت وهو صار له فتره مايروح للمستشفى ومطنش رجله الي تزداد ألم من نفسيته هالفتره ...
-
" الصباح بيت ثنيان "
وصل يدخل يبعد كابه يرتشف من قهوته يطلع لصاله عند جدته الي مجهزه القهوه : صبحهم بالخير يمه ..
لفت الجده مهره بنبهار : الله فيصل غريبه جاي هالوقت ..
تقدم ببتسامة يشوفها كالعاده تاركه الكنب وجالسه تحت ترببع جنبه يعدل ثوبه يحط كابه على راس جدته : اعتبرها طرده الله يسامحك صايره تجرحين
ابعدت الكاب من راسها تضربه على راس فيصل بخفه : وهذا الصدق مو من عوايدك ، بعدين اترك هالي تشربه ..
هز راسه بنفي يشوف الي نزلت توقف ثواني تسمع الجده مهره الي ترحب فيها : تعالي يمه ورد تعالي افطري ..
تقدمت تقبل راس مهره : صباح الخير مامي مهره .
خزها فيصل : الله يادنيا يمه صارت مامي .
تأففت ورد تناظره : انت كل يوم تجي الصباح ؟
هز راسه بنعم تقعد تشوف الفطور : حلو عشان مانزل
كشر وجهه يسمعها تتكلم : مامي مهره هذا ايش !
ابتسمت مهره تأشر على الفطور : هذا خبز بر من يدي يحبه قلبك ، وهذا سمن وعسل حطيهم مع الخبز وهذا حليب ناقه زين للعظام ..
كشرت ورد : الله يديم النعمه بس ماشربه مامي مهره اسفه ..
ناظرها فيصل يرتشف قهوته : بالعكس وش زينه يقوي عظامك عشان تقدرين تصفقين اي احد يتهجم عليك
ورد : الحين انت ولد مين ؟
عدل اكتافه يبتسم : ولد سعد بن فيصل اخو الجوهره امي الهنوف وعندي اخو دب اسمه سلمان و ..
مسكت الخبز تاكل : ماتوقع قلت عرفني عن نفسك
طنشها يسولف مع جدته يناظرها بطرف عين يتكلم : الحين انتي ليش ماتغطين تراك مو برا والعيال يدخلون في اي لحظه .
ابتسمت بسخرية تسفهه يغضبها من تكلم : يمه مهره زوجيني لها عشان اعلمها السنع
فتحت عيونها على وسع بغضب : نعم هذا الي ناقص اخذ واحد غثيث وثقيل طينه ..
جا بيتكلم بس سكت من جدته الي تكلمت : صح كلام فيصل يمه مايصير تطلعين كذا لازم تحتشمين حرام يمه الي قاعده تسوينه ..
هزة راسها ورد بهدوء تكمل فطورها يقوم فيصل ياخذ كابه يقبل راس جدته : يلا يمه تبين شي
ابتسمت مهره : اقعد يمه تغد معنا .
ابتسم يرفض : ودي يالغاليه بس مشغول والله اشوفك على خير ستودعتك الله ..
بعد دقايق دخلوا لتين وربى يسلمون على جدتهم وجدهم يطلعون لورد الي قاعده برا تتقهوى تقدمت لتين تحضنها من الخلف : اخبار اختي ؟
لفت ورد ببتسامه تحضن لتين تبعد تسلم على ربى بصمت تبتسم : اخبارك ربى ،
ابعدت شعرها على الخلف : اي الحمدالله بخير .
قعدو تقعد ربى الي تقدمت تجلس بينهم تشوف لتين الي تسأل ورد : ها عساك تعودتي ان شاءالله ؟
ابتسمت ورد : لا الحمدالله اصلن بين اهلي ومامي مهره حيل حنونه وحبيتها ..
ناظرت ربى بصدمه تهمس : مامي !
عدلت ملامح وجها تشوفهم يسولفون تتنرفز من حست بعدم وجودها بينهم ولتين الي تضحك مع ورد وتبتسم تتنحنح : اي لتين
ضحكت لتين من ورد تلف على ربى : دقايق ربى خلي ورد تكمل السالفة ، اي كملي وش صار بعدها ..
فتحت عيونها بصدمه تبعدهم تقوم يلفون عليها : على وين ؟
ابتسمت تكتم غضبها : كملو سوالفكم .
قامت لتين تعدل تنورتها : بنت ربى على وين !!
تنهدة ربى تلف عليها تلبس عبايتها : لـ ابوي
فزت ورد تحتد ملامحها : بروح معك .
استغربت لتين تلف عليها : ورد !
نفت تلبس عبايتها تمد عباية لتين : البسي بسرعه ..
طلعت ورا ربى تتنهد لتين وهي ماتبي تواجهه ابد ولا تشوفه طلعت وراهم وبعد مده من الطريق وصلو تنزل ربى قبلهم تفتح العامله الي ابتسمت لربى دخلت تشوف امها تتقهوى تسلم عليها : يمه وين ابوي ..
اشرت لها بالمكتب تتقدم تطرق الباب تدخل بعد ماسمح لها تشوف فزته ولهفته من تقدم ياخذها بحضنه : هلا يبه تو مانور البيت يابوي واخيرا حنيتي علي ياربى اخيراً يابوك ...
كتمت دموعها تبعد تقبل راسه ينلجم من الي دخلت وراها لتين ابتسمت ورد بسخرية ترفع حاجبها : اي ورد ليش منصدم ..
قربت توقف قدامه : ماتوقعت صح ؟ اجل مكذب على لتين ان امي متوفيه ؟ و لا بعد ماخذها من امي الي كل يوم تنزل دموعها على بنتها الي خاطفها ابوها يعذبها هنا ... تحسبني ماعرف كل الي قاعد يصير ؟
بالله انت أب ؟
صرخت بقهر من يتصدد بعيونه : رد لاتسكت ، وش نقصنا عن ربى وليث ؟ ليش تعيشنا بهالعذاب علمني
ليش ابعدت لتين عنا ليش كذبة عليها وقلت امك ماتتت بسببك وتضرب ليه ؟ اسألك رد علي ... ولا متفشل من فعايلك وماعندك رد ..
بس تدري ..
نزلت دموعه تبتسم : بس راحت امي راحت وهي تبي لتين الي م عاشت معها بس... عاذره لتين انا السبب مو هي السبب انت ... امي ماتت قدام عيني قدام عيني ..
زمت شفتها تحس بدموعها تشوف الي قدامها يناظرها بصمت تضرب صدره : ليش رد ليش .؟
ماتقدمت لتين تنهار من كلام ورد وغصتها وهي تتكلم تشوف ربى الي حضنت ورد تبعدها عن ابوها الي منصدم يناظر ويفكر بكلامها الي لمس في صدره شي حس بقوة كلامها يشد على سبحته يتقدم لها : ورد
ابعدت تمسح دموعها : لا تقرب ماراح اسامحك عمري ماراح اسامحك ..
طلعت تبقى لتين و ربى الي قعدة تمسح على ملامحها تسمعه يتقدم بخطواته عند لتين : لتين يبه انـ
قاطعته تسكر اذنها : لا تتكلم لا تتكلم الله يسامحك يبه الله يسامحك ..
عطته ظهرها تلحق ورد بس وقفت تشوف ليث الي سمع كل شي من بداية دخولهم يتقدم يقبل راسها : انتبهي لك ولورد ..
هزة راسها ببتسامه يبتسم لها بالمثل ليث بحنان تنهد يشوفها تطلع ...
" بعد مرور شهر على حال الابطال "
في بيت عبدالله .
مجتمعين العيال عند عزيز بالجلسه الخارجيه يسولفون على بعض يفتح جواله ليث : ياعيال
لفو عليه : علامك ؟
ليث : شوفو القروب فيه روحه لديره لمدة ثلاث ايام عشان زواج من اقارب جدتي والكل حاضر بالغصب ..
تأفف تميم : يو يارجال سفرتي قريبه ..
مد له هايف فنجاله : يارجال كلها ثلاث ايام ..
فيصل وهو متكي على سعود : الحين هو من اقارب جدتي حنا وش دخلنا ..
صفقه سعود على راسه : اهجد .
ولف على عزيز ببتسامه : ياعذب الصوت ماودك تسمعنا .
ابتسم عزيز بهدوء : ودنا لكن باالجاي ان شاءالله الحين صوتي يادوب اسولف ..
هز راسه سعود يبعد فيصل يقوم : عزيز وانا اخوك المطبخ به احد ؟
هز راسه بنفي : لا البيت بيتك الكل طالع محد فيه
لف فيصل لسعود : وش تبي بالمطبخ
سفهه سعود يدخل يطلع للمطبخ يسحب له كوب يشرب له مويه وبلحظه ذي رجعت هي من حفلت صديقتها تبعد عبايتها وكعبها بتعب تعدل فستانها
تطلع للمطبخ تشرب مويه دخلت ماتشوفه تأخذ كوب
عنده انصدم من الي دخلت بأانوثه طاغية عليها من لون فستانها الازرق وقصر شعرها الناعم تقدمت بتصب لها تصرخ بخوف من وجوده يطيح منها الكاس يشتم نفسه يتقدم يحطها وراه تكتم نفسها هي من سمعت صوت واحد من العيال دخل وكان ليث : علامك وش صوت الاصراخ الي وصلنا ؟
غمض عينه ثواني يفتحها يبتسم بتوتر : ايي يمكن احد البيوت الي جنبنا ..
هز راسه ليث بنفي : لا سمـ
قاطعه سعود بملل : ياخي انا هنا وماسمعت شي اطلع اطلع الله يصلحك قال ايش قال صراخ ..
رفع اكتافه ليث بعدم معرفه يطلع يتنهد سعود يلف وراه يستغفر من كانت قريبه بس يبي يستغل الفرصه : تقى
همهت له بتوتر تسمعه : تقى انا فكرت واستخرت ، تقى انا ابيك لي ..
انصدمت تحس بحراره حولها :اايشش ..
ابتسم من حس بصدمتها وهو صاد عنها : يعني ابيك زوجة لي وام لعيالي ان شاءالله ..
هفت على نفسها من عجزت تستوعب : انت قاعد تتكلم منجد ثعود ..
ابعد عنها يمشي ناحية الباب : انتظر ردك ..
شدة على فستانها ترجف وهي تبي تطلع فوق وتبعد: ممدريي ولا خلاص خلاص اميره تعلمك رديي بس اطلع ثعود اطلع ..
اشر لها بيده بزين يطلع ويحاول يدارك ابتسامته الي تفضحه وطلع عندهم يقعد يحمد ربه محد استقعد ولا هم يمه يتأفف من فيصل الي طق كتفه يهمس : شعنده الظابط سعود شاق الابتسامه شكلك تبي تفضح نفسك ونتعشاء عليك ..
تلاشت ابتسامته يشوف نطرات عزيز له يلف على فيصل بهمس الي يبتسم : اي والله شلون ماطرت على بالي بعدين وش عرفك ؟
اشر على نفسه بثقه : فيصل حبيبي يعرفكم ..
" على الفجر الساعه ٣ "
قام الكل يجهز لديره وبيت هايف تحديداً ..
حطت الشنطه على السرير تحط ملابسها تشوف الي دخل ومعه قهوه يمد لها تأخذه بهدوء : شكرا
سكت يشوفها ترتب يتقدم : أساعدك ؟
هزة راسها بنفي ترتشف قهوتها : رتب شنطتك
هز راسه يطلع ملابسه : ابشري
خلصت تروح للميكب تسمعه : معي ولا معهم
ردت وهي ترتب : اكيد معهم مع البنات
رفعت راسها بخفيف تشوفه كشر تسكت تخلص شغلها تنزل ينزل معها تستغرب من فتح الباب ياخذ شي تشهق تشوف الصقر على يده تركض له : عطني هايف عطني
مد لها تبتسم من عرفها تقبل راسه تقعد يشوفها تسولف عليه يبتسم يتقدم يقعد : بناخذه بس بشرط
رفعت راسها له : اي ؟
رجع ظهره على ورا : بس تجين معي .
ابتسمت تمسح على الصقر : لا تحاول ولو بتأخذه اخذه بنهاية بشوفه ..
شد على يده يكتم عصبيته : لتين لمتى علميني لمتى ؟
رفعت اكتافها تغيضه اكثر : لين ربي يفرجها ....
-
" بيت خالد "
صفق سعود بيدينه وابوه بالمثل للدن الي ترقص : عاشت
ضحك سعود من داخت من الرقص يسحبها يقعدها بحضنه : مالومك من رقصك .
نزلت اميره بعد ماجهزت الاغراض تبتسم لهم تأخذ من سعود القهوه : شفيكم ؟
اخذت امها الجوال توري اميره الي ضحكت من رقص لدن تلف تشوفها بحضن سعوز تصفق : لحد يلومها بنتي اليوم سكرانه استغفرالله مانامت الا ساعتين والنوم فيها ..
ضحك سعود يقبل خدها يشوف يدها الي تتلمس لحيته بستغراب يضحك بخفه : انشهد انها م نامت
قام خالد ابوهم ببتسامه : يلا يلا خلونا نمشي خط الديره بعيد نبي نوصل قبل لا تطلع الشمس علينا ..
-
" بيت ثنيان "
وصلت كل السيارات مع بعض عشان يروحون بطريق واحد نزلت ربى ركض من سيارة تميم : بسم الله شفيها ؟
فتحت الباب تقعد جنب لتين تشوف ورد الي قعدة جنبها تبتسم : اي الاخبار ؟
عقدة حاجبها لتين : يويلي شفيك اختي اسم الله عليك
خافت تلمس وجها : شفيني
ابتسمت لتين : لا اقصد ركضك
ربى : اي الله يهديك خوفتيني بس ابي اجي معكم وخفت تميم يلزم علي اقعد معه ..
ركب الكل وكانت السياره بوجود الجده مهره ورد ولتين وربى والعاملات ورا وفيصل يسوق فيهم جاء بيمشي فيصل بس وقفه تميم الي طق دريشة لتين الي فتحت تعطي وجها ربى تسمه صوته : لا ياشيخه يعني ماعرفتك ربى انزلي ..
ابعدت الطرحه : لا تميم تكفى ابي اقعد مع البنات قبل لا نسافر ..
الجده مهره وهي تناظر ورا : انزلي ياربى مع زوجك ما عاد هو غريب ..
فيصل : خلها ياولد دايم هي عندك
ابتسمت ربى : اي شفت تميم
ناظرها يتنهد : الشكوى لله اجل خلاص بس انتبهي لجوالك وايش تبينه ارسلي ..
هزة راسها يلف على فيصل : انتبه على طريقك .
" سيارة فيصل "
يمشون على سوالف الجده واسئلة ورد الغريبه ومجاكرت ربى و فيصل عليها اخذت نفس : يارب صبرك وش تبون اقول الي ابي ..
فيصل بضحكة : خلاص خلاص ابشري بنسكت
خزته تبتسم للتين : شفيكم عليها ؟
لفت راسها ربى : حتى انا اختك
لتين بستغراب : وش اختي وش قلت
سكتهم فيصل : يمه عطينا حدث صار بديره
الجده مهره وهي تعدل جلستها : بعد زواجي من ثنيان
وحملت بمحمد خالكم كان مافيه عندنا مستشفيات وفيه وحده تولد اسمها سعلوة ...
رجفت ورد بخوف : ليش اسمها كذا !
كتم ضحكته فيصل : اي اسلمي يمه ..
الجده مهره : الي اعرفه عشان كانت نحيفه وطويله بس ماهو نحف عادي لا المهم ، ودقيت عليها تجي عشان كنت احس بالم المهم تأخرة وماجت وقلت بنام ورحت لفراشي بنام فجاءة جيت بحط راسي الا هي بوجهي وكانت الساعه 1 بالليل ..
صرخت ورد بخفيف تحضن ذراع ربى : خلاص مامي مهره لا تكملين ..
ضحك فيصل يوقف ثواني يشوف وادي وطريق مافيه احد فيه وظلام : شرايك انزلك هنا ورد .
شدة على ذراع ربى الي تضحك وتسمي عليها : يافيصل امش البنت ترجف .
لتين بخوف : مالومها شكل الواي والطريق يخوف امش فيصل يرحم والدينك
ضحك يمشي وسكتو دقايق يفقد صوتها : تبون شي من السوبر نمرها
تكلمت لتين بنوم : اي بالله
هز راسه : ابشري البنات يبون ..
لفت عليهم وهي ترد بنُعاس ترجع راسها على ورا : نايمين ..
-
" وسيارة تميم "
جنبه جده وعزيز وهايف ورا والمرتبه الي وراهم ليث و سعود ورا وطول طريق سوالف وبين سالفه وسالفه يلف المرايه على عزيز الهادي الي حاولو يسولفون معه بس يرد عليهم كلمه ورد غطاها وعلى هالموال طول طريقهم ..
بعد تقريبا اربع ساعات وصل الكل الديره على الساعه ٧ ياخذون لهم فطور يدخلون البنات داخل الصاله الي تطل على المزارع والشمس داخله عليهم يشغلون التكيف ويضبطون الفطور ويقعدون تحت مدة لتين كوبها لربى : حليب
صبت لهم تتنهد : وجع فقدة جوجو من غير شر .
جتهم اميره الي نومت لدن تقعد : منجد حيوانه لها وحشه ..
ورد ببتسامه : صح اني معرف الا اسمها بس احسها لطيفه
ربى ببتسامة : اخ من جوجو لطيفه وبس
ابعدت خبزتها تقى : بنات لاتبكوني وجع
ضحكو وهم فعلا فاقدين مكانها وجوها الخاص وروحها الحلوه بالمكان بدو يفطرون ويتكلمون عن زواج بكرا : الحين مين ذي اسمها مو غريب
ابتسمت ربى تاكل لقمتها : الي فصلت عليها يوم تخطبكم .
ضحكت لتين بهدوء : اي تذكرتها زوجة ولدها متحمسه اشوف العروسة ..
ربى : نفسك .
اميره بحلطمة : بالله متى بنقوم الحين ؟
ورد : معليك اكيد بيصحونا
ربى وهي تبعد على ورا تشرب الشاهي : المشكله اقوم وانا ماشبعت نوم ونفسيتي لكم عليها ...
الكل بتأيد وبعد دقايق قام الكل ينام بعمق من تعب الطريق ويستعدون لبكرا ، والاشياء الي بتحصل ...
" المغرب عند البنات "
كل وحده بجهة تخلص نفسها وبعد وقت اخذوه يخلصون اميره وربى عدلت ورد روجها تلف على ربى : بوبو بالله عطيني المسكرا
ناظرتها بصدمه وزدادة صدمتها من جمال ورد تسمي عليها : تبارك الله ، وصار اسمي بوبو ياورد
ضحكت ورد بهدوء تمد لها ربى المسكرا : يلا عجلوا لتين وين ؟
طلعت على كلمتها تعدل فستانها الاسود : هنا
تقدمت ربى تحصنها تمسك لتين كتف ربى بعجله من حست بدوخه تخاف : بسم الله عليك لتين بنت
رفعت راسها تبعد شعرها على ورا : مافيني شي بخير بس دوخه يمكن عشان ماكلت
هزة راسها ربى تطلع تجيب لها اكل تبتسم لتين تقعد : ليه ياربى مو مشتهيه
نفت ربى : ولا كلمه اكلي لا اعلم زوجك الكريه
ضحكت تاكل تشوف ورد الي دخلت تلبس بعد ماتطمنت عليها تطلع لهم بفستان احمر قصير تبعد تحط شعرها خلف اذنها تسمع لتين : يويلي على قلب فيصل ..
لفت ورد بسرعه : خير لتين وش جاب طاريه
رفعت اكتافها لتين تبتسم تفتح جوالها على رسالت هايف الي محتواها " انتبهي على نفسك وقولي اذكارك ولو ترحميني وتجين اشوفك قبلها " ابتسمت تلوي شفتها بحيره : ارد ولا مارد لا لا ماراح ارد ..
-
بعد دقايق عند الرجال الي وصلو وصوت السامري العالي وفيصل الي يغني معهم وكانت زواجات الديره تختلف عندهم ويحبون الاجواء هنا اكثر .. بعد ثواني من بيزفون المعرس وبدت اصوات طلق النارمن عاداتهم يتقدم ليث يمسك الرشاش يحاول يقلدهم يجي قدامه هايف : ليث
سفهه ليث يشوف فيصل الي جاء ركض يحاول يعلمه وهايف قدامهم يكرر اسم ليث يتنهد : ليث ياخوك افـ
ماكمل من ليث اطلق بلغلط يجرب من ازعجه فيصل ترجف يده من الد* م الي على صدر هايف يطيح من يده الرشاش برجفه يشوف سعود الي صرخ يركض من طاح هايف من طوله ينحني سعود على ركبته وهايف بحضنه : هايف عضيدي لاتسكر عيونك ياخوك لا تسكر خلك معي ..
سكتت ثواني تنزل دمعته من غفت عين هايف يصرخ : هايف
" المستشفى "
رفض تميم احد يجي يحاول يهدي سعود الي ماقعد متوتر يدعي وليث هادي ولا هو مستوعب تقدم تميم يربت على كتفه : معليك باذن الله مو حاصل الا كل خير
رفع عيونه ليث يهز راسه برجفه يلف على عزيز الي مستند على الجدار يتأمل بصمت لفو على طلوع الدكتور يبعد الكمامه يبتسم : هدوء بالكم والحمدالله الرصاصه طلعت بسهوله ماكانت عميقه ، والف سلامه
تنهد براحه سعود ترجع فيه الذاكره من صرخته من فقد وعيه هايف وخوفه من فقده من مكان الرصاصه الي ارعبته .. مسح على ملامحه يهمس بتكرار : الحمدالله الحمدالله ..
ابتسم عزيز بهدوء يشد على كتف سعود : جعلها اخر اوجاعه ..
ابتسم له سعود : امين ياخوك امين ..
تقدم ليث يشد على يده : سعود وا
قاطعه يحضنه يربت على ظهره يتنهد : ولا تفكر تعتذر ليث منجدك اخوي انت اخوي واخو هايف تظن اني بشك فيك انك متقصد عيب عليك ..
شد عليه ليث من حس بدموعه : ياجعلني مانحرك منكم ..
ابتسم تميم يتقدم لهم : فهمته ياسعود ، بس ليث وقلبه الحنون ..'
ابعد ليث يبتسم يقعدون ينتظرون خروج هايف للغرفه يشوف جواله تميم من اتصال ربى يرد عليها سكر بعد دقايق يناظرهم : البيت هناك ماوقفت دموعهم و زوجته مصره تجي وليث شوف جوالك تراها تدق عليك ..
ناظره سعود : طمنتهم
هز راسه تميم بنعم يقعد معهم يشوف ليث الي قام بعيد يكلم لتين ...
-
"نرجع عندهم بعد ماوصل لهم الخبر "
كانت تناظرهم يبكون وهي ماستوعبة شي لما عطاها فيصل اغراض هايف الي بجيبه وشماغه الي بيدها تنزل دموعها بدون توقف من ادركت تحط يدها على شفتها تكتم شهقتها تشد على شماغه الي بحضنها
تحس فيهم يهدونها بس ماكنت معهم تهز راسها بنفي : بشوفه .
حاولت تبعد ربى الي تحضنها و ورد ماسكه يدها تهديها : لتين حبيبي انتي خلاص تو كلمت ربى وقالو بخير هدي تكفين .
نفت تناظرها تنزل دموعها بكثافه تتنهد ورد تحضنها تشوف ربى الي ابعدت تكلم ليث يقنع لتين رجعت تمد الجوال : ليث لتين ..
اخذت الجوال برجفة تبعد عنهم تمسح دموعها : ليث لاتكذب علي .
ابتسم ليث : يابنتي وربي مافيه شي ماشاءالله سبع ارواح ..
عضت شفتها تكتم دموعها ترفع نظرها على فوق : بجي ليث بجي ..
تنهد ليث وهو يعرف عناد لتين وم ستغرب على خوفها رغم انها زعلانه من هايف ولا تبيه بس حنيت قلبها ضدها دايم مسح على راسه يرد : تمام لتين تمام ..
سكر يشوفهم يطلعون لهايف يدخلون عليه دخل وراهم يسلمون عليه تقدم يسلم عليه : الحمدالله على السلامه ابو سعود ، وسامحني يشهد الله مو قاصدها
عقد حاجبه هايف بالم يناظر ليث بحده : على تراب وش الي تتأسف ليث ابعد لهبدك .
ابتسم ليث يساعده يسند ظهره يسألهم : درو ؟
هز راسه سعود يتنهد هايف يناظره ببتسامه : تدري سعود اول مره اشوفك خايف علي كذا
تقدم سعود يصفق راسه بستحقار : عيدها بس ، بعدين ليه تبيني اشوفك طايح واتفرج اخوي ياحيوان
ضحك هايف بخفيف يشوف عزيز الي يهوجس ماهو يمهم : ولد عز .
رفع راسه عزيز يبعد عكازه يقعد : سم لبيه ؟
هايف : ولا شي
خزه عزيز يتقدم تميم يناظرهم : يلا ياعيال اطلعوا
عقد حاجبه هايف : ليه ؟
وقفو العيال يغمز تميم : زوجتك جت
اندهش يخفي ابتسامته يشوف ليث الي يناظره : عساك سامحتني ..
رفع اكتافه ليث بيطلع : نص ونص لما لتين ترضى واتمنى ماترضى ماتستاهل ..
سحب هايف المنديل الي جنبه يحذفه عليه يسمع سعود الي عطاه ظهره بيطلع : لا ماشاءالله بخير اشوف الابتسامه شقت من جاب طاريها ..
جاء بيتكلم بس طلعو ينقهر يعدل وضعيته بشويش يسمع صوت الباب الي دخلت منه يحاول يخفي ابتسامته الي تمردت غصب من يشوف ملامحها فيها احمرار دليل بكاها .. دخلت بهدوء تحاول تكتم بكاها تتقدم له : هايف ..
هز راسه لها يمسك يدها : سمي ..
نزلت دموعها تقعد على طرف سريره : انت بخير .
ابتسم ياخذ بكفه الثاني يمسح دموعها الي تتمرد على خدها الناعم وتزداد : بخير وربك بخير ، بس كفي هالدموع طلبتك لاتوجعيني فيها تراها ماتمر مرور كرام علي ..
تنهدة تبعد كفه عن كفها تهف على نفسها من حرارة دموعها يغمض عينه : يوو يارب رحمتك لتين لاتسوينها تكفين رجيتك ..
لفت عليه بستغراب تشوفه مسكر عينه : وش سويت؟
فتح عيونه يمسك يدينها : لا تهفين ، ترا الي قدامك ضعيف قلبه مايتحمل ..
ضحكت غصب تناظره : منجدك هايف ؟
ابتسم : اي عشانك ماتحسين .
سكتت ثواني تحط يدها على مكان اصابته الي قريبه عند كتفه تمسح عليها : توجعك حيل ..
نفى يأشر على قلبه : هنا لتين ليت الرصاصه جت هنا لتين تكفين وربك ما عاد فيني صبر لتين اشتقت لك يعني مافكرتي قلتي لو مات الحين وهو ..
قاطعته تتوتر : بعد عمر طويل ، وهايف ترا الي سويته شي ماينغفر بهالسهوله يعني احمد ربك اني لتين لو وحده غيري بتسوي لك اشد من كذا ، وصح مهما كنت اغليك واحبك ماتوصل اني اسامحك علطول بدون ماتأخذ جزاك ..
كان يتأمل عيونها وهي تحكي له وتحرك يدينها وماركز الا على كلمه يبتسم بتوسع وضحكة صدمه : دقيقه سمعتها انا سمعتها ..
استغربت تسمي عليه : هايف حبيبي انت متأكد الرصاصه جت بصدرك !
سحب كفوفه يحطها على وجهه بعدم تصديق : لتين تبين تذبحيني ..
ناظرته بصدمه تشوفه يقوم يقعد بدال ماكان منسدح يفتح ذراعه ياخذها بحضنه يحضنها تزداد صدمتها من كان يتنهد ويهمس وشاد عليها بشكل ارعبها : هايف
ابعدها من شد عليها يحاوط وجها الي يحبه يبتسم بشكل تستغربه : تحبيبني لتين تحبيني رغم كل الي اسويه وكنتي تحبيني ، وهايف وش يقول يا لتين وش يقول غير انه هايم فيك وعاشقك وحبك لتين انا ماحبيتك من اول نظره او بصدفه او اخذتك عشان ابوك او حكي الناس لا بالله ..
اخذ كفها يحطه على مكان نبضه قلبه : من دخلتي هنا لتين ونتي اخذتي هايف لك وغيرتي هايف الي مايهزه شي ولا تطيح دمعته الا بعد بعدك عنه هنا عرفت وشهي لتين بقلبي إذا طرو اسمك فزيت وكلي لهفة وكان ابوي يتفشل مني ويقول اثقل هههه مادرا ان ولده غيرة موازينه ام العيون الوساع ... تنهد : احبك لتين
سكرت عينها برجفة سرت بكامل جسدها من تقدم يقُبل عيونها تتساقط دموعها من كلامه الي لمس قلبها واعترافه الي ما مر عليها بساهل فتحت عيونها من حست بيده تبعد شعرها عن وجها يبتسم من شاف خجلها تبعد يده تقوم تعدل طرحتها من دخلو امه واميره الي انهارو وراهم الكل وهايف الي بين وبين يضحك ويبتسم عشان يهديهم : يمه يادنيتي بخير ياجتني بخير والله ..
‏ طلعت ورد من عندهم مبتسمة بس تلاشت ابتسامتها تشوف سلمان الي قاعد بالكراسي يبكي ويمسح دموعه بذراعه تتقدم تنحني على مستواه : شفيك حبيبي ؟
سلمان بدموع طفوليه : ابي دودو
انهارت ورد من جماله ونطقه واحمرار وجهه تقبص خدوده بخفيف : قلبي والله هالوجه الذيذ وجوجو بعد مشتاقه لك بس بقى كذا ..
ضحكت تأشر له بيدينها بعشره يشوفها : بس كذا وتدي دودود ..
هزة راسها بنعم تقبل خده بتكرار : وه تبارك الله ..
جت بتسأله بس وقفت تستغرب الي جاء يلهث يناظر سلمان بحده : سلمان ياحيوان خرشتنا وخرشت امي وطلعت هنا ، وش جايبك هنا ها !
بكاء سلمان يرتفع صوته تتقدم ورد تأخذه بحضنها تناظر فيصل بحده : خير ان شاءالله تراه طفل بدال ماتسمي عليه وتسأله ليش جاي هنا تصرخ ، مريض قسم ..
تنهد فيصل يعض لسانه وهو كل هذا من خوفه على سلمان يلف ينحني بمستواهم ياخذ يد سلمان الصغيره يقبلها : سلمان دبدوبي ..
ابعد سلمان وجهه من حضن ورد يتقدم يقبل خد فيصل الي ضحك يبتسم : اقوى من كذا .
ازداد ضحكه من سلمان يقبل هو خده بقوه : حلو اخوي حلو ..
دفته ورد وهي مبتسمة من ضحكة سلمان تحضنه : ابعد ياعنيف
خزها فيصل يكلم سلمان : يالخفيف جابت راسك بس ماهي لك ياخوك ...
ابتسمت تلعب بشعر سلمان تخز فيصل : اجل لمين
عدل اكتافه يبعد شعره على ورا يصغر عينه من لفت وجها : ليكون مو عاجبك والله اني مزيون ..
كتمت ضحكتها تلف عليه : اي تبارك الله مزيون مره
عبس وجهه من حس بنبرة السخرية منها يشوف سلمان الي يسولف عليها : اقول لا تكذب
رفعت عيونها له تلف على سلمان : اي سلماني كمل
ابتسم سلمان يقبل خدها : انتي جميله ..
كتمت صرختها من كلمة جميله من فمه الصغير : اكلك انا اكلك والله انت الجميل الحلوو
فتح عيونه على وسعها فيصل : عيب ياسلمان عيب
تزداد صدمته من سلمان الي يناظره من طرف عين : اقول شكلي لازم ابدا اعلمك عن الثقل والعقل مايـ
قاطعتهم الهنوف الي ضربت كتف فيصل بخفيف تبتسم لورد تاخذ سلمان : ماقلت جيب اخوك
لف على امه : يمه قاعد اعلم ولدك عن الثقل وانه يكون عاقل ..
مدة يدها توقفه تبتسم : علم نفسك يمه انت أولا من سلمان ..
ماعطت مجال يتكلم تمشي ينصدم يشوف الي كاتمه ضحكتها تقوم : عسى الله يجبر خاطرك
همس بصدمه : امين
تمشي تعطيه ظهرها تسمعه تضحك : اضحكي لا تموتين ..
لف على ضربه جت بظهره من يد ليث الي ابتسم : وش تسوي مع اختي
حط يده خلف راسه : بالله احس ماستوعبت
حط يده ليث على كتف فيصل يمشي يسمعه : ليث احس مصدوم
ضحك ليث : علامك
سكت فيصل ينفي : خلاص
تنهد ليث بضحكه : الله يصلحك بس ...
" بالديره بيت ثنيان "
وصلو كلهم يقعدون الشباب بالملحق مع جدتهم يتقهون لفت على هايف : يمه يوجعك شي ..
هز راسه بنفي ببتسامه : لا الحمدالله
هزة راسها يسمعون ضجيج الي داخل ..
بداخل ركضت تقى بتعب تصرخ من اميره الي وراها
تجي خلف ربى تتمسك بفستانها الناعم : ربى انا في وجهك
لمة شعرها ربى نصهه : احتزمي ، اميره بعدي مناك
تخصرت اميره : يابنتي تعالي وخلصيني بسألك بس
طلعت نص وجها تقى : بدون الي في بالي ..
هزة راسها اميره تمسك يد تقى تقعدها : اسمعي
سكتت تقى تسمعها : موافقه على سعود ؟
ابعدت شعرها القصير على ورا بخجل : مدري بفكر
تأففت اميره : يابنت صدقيني ماتلقين مثل سعود وغير انه يبيك .
خزتها تقى : اوف اميره ياخي مدري احس بتوتر بعدين اخاف ان لو ..
قاطعتها اميره : تقى سعود مستحيل ياخذك وهو يفكر بغيرك وسعود مرت عليه سنه ومتخطيها بعد خيانتها
له بالله يعني خانته ويحبها ؟
رفعت اكتافها تقى بعدم معرفه تفكر ثواني تسمع حلطمة اميره : تمام موافقه بس
خجلت اكثر من صرخت اميره الخفيفه : بس وش
شدة على يدها : الزواج لما تجي جوجو الآن بس ملكه
فزت اميره تحضنها : وه ياسعدي ياتقى
ضحكت تقى تشوف البنات الي جو مستغربين تعلمهم اميره يصرخون بفرحه معها تحضنها ربى : هالبزر بتزوج
ابعدتها تقى بطرف عين تتقدم ورد تشغلهم اغنيه تتمايل تمسك يد تقى تطلع ربى تاخذ لدن تغير : لعيون لدن اسفه ..
صدحت اصوات ضحكهم من اختيار لدن يصفقون
تعزز لها اميره : اي معليك منهم ياماما عاشت بنتي
صورتها لتين تضحك ربى تتمايل مع لدن ترقص بشعرها تقلد ربى الي قدامها ترقص لها ....
-
" بالليل "
خلصت ربى شنطتها ينزلون العاملات اغراضها نزلت معهم تحضن الكل تودعهم تقدمت عند لتين و ورد تحضنهم كلهم وبدموع : اف ماتعودت
ابعدت ورد تبتسم : لا تنسين تصورين لنا
ابتسمت ربى تهز راسها تبعد لتين تمسح دموعها تضحك بخفه : وهديتي لا تنسينها .
اشرت ربى على عيونها : مين عيني ذي قبل ذي كم عندي لتين بس ، المهم اي حدث يصير علطول يوصل تمام
ضحكت اميره الي تقدمت : معليك ، توصلون بسلامه قلبتي ..
قبلت ربى خدود لدن تبعد تعدل طرحتها تطلع لتميم الي يركب الاغراض يبتسم لها : خلصت دموعك ..
ابتسمت تركب تلف عليه من ركب : واخيراً
مدة شفتها بحزن : ماتعودت
ابتسم يمسك كفها : يعني المفروض تنبسطين انك مع تميم ..
ابعدت يدها ترفع حاجبها : تميم ماودي افصل عليك
ضحك بخفه تميم : اي ذي ربى الي اعرفها
تنهدة منه تبتسم تشوف الخط تلف عليه تتأمله وهي ماكانت تتخيل بيوم بيكون زوجها ماتوقعت انه يبادلها نفس المشاعر وهي تعرف تميم وكره للحب والزواج
لفت وجها بسرعه من لف عليها ببتسامه جانبيه : اعترفي وسيم صح ؟
سفهته ماردت يشوفها تشبك بلتوث تغني بصوتها الهادي : يابدايات المحبه وي..
كمل يقاطعها بخوف : الله لا يجيب النهايات ..
ضحكت من رده تمسك ذراعه تكمل مع نور القمر
وشاهي وجود تميم جنبها الي يدندن معها تمسك جوالها تصور ببتسامة حب ... وتوجهو بعد ساعات للمطار ينتظرون رحلتهم لتركيا ...
تأففت لتين تناظر ورد : احس فيني صيحه
ابتسمت ورد تصب لها قهوه : ليه ؟
اخذت لتين قطعة تشوكلت من مدة لها اميره : يعني جوجو و ربى لهم جو
قعدة اميره لدن بحضنها تعطيها بسكوت تبتسم : اكثر مهبولتين عشان كذا لهم جو خاص
هزة راسها لتين : منجد
لفت على ورد الي تسأل : لتين وش صار مع هايف
لتين : تكفين ورد ، صح احبه وكلامه لي ماجاء بساهل والله بس لازم يأخذ جزاه ..
ابعدت ورد فنجالها تلف عليها : لتين الدنيا ماندري وش يصير فيها نفس اليوم فجاء نضحك وبعدها نبكي
لتين صح الي سواه هايف ماينغفر ابد بس تأسف واضح انه ندمان وعترف لك بحبه لك ، سامحيه لتين وبدي معه حياة جديده عشان لاتندمين بكرا والله مابي الا مصلحتك لتين ولو ماشفت نظرة الحب بهايف ماقلت لك هالكلام وحتى هو يتكلم مع امه عيونه ماراحت عنك وإذا جيتي كيف يفز ويبتسم
تنهدة لتين وهي علمت ورد بكل شي مع حياتها بهايف
وحست كلامها منطقي بس عقلها ينفي انها تسامحه وقلبها العكس لفت على ورد الي تبتسم لها : نشوف ورد نشوف ..
عند اميره الي ماكانت حولهم من شافت الرساله من رقمه ومحتواها " مسافر لشغل " رجفت يدها من جت بتكتب له بس ماقدرة من دموعها الي اجتمعت تطيح على خدها تشوفه حذف رقمها وبلكها تشد على جوالها بحرقة داخلها قامت بسرعه تمسح دموعها تاخذ لدن الي تبكي تطلع فوق ...
-
" عند العيال "
سعود الي يدور بمكانه بغضب والعيال مستغربين : علامك انت؟
شد سعود ثوبه بقهر : ولد *** تارك اميره والحين صار له اكثر من شهر مختفي وبنته تعبانه مايدري عنها مسافر برا يقول شغل والله اعلم وش يسوي والحين سافهه مايرد ..
شد على فنجاله هايف : انا كنت قايلك ياسعود لا نرجع اميره له هذا واضح انه حقير ونذل وصخ بس ماصدقتني ..
عض شفته سعود بغبنه يسمع فيصل : انا من شفته هادي من سفرتنا وانا عارف وراه بلاء
تنهد ليث : ساف*** من يومه والله انه مايستاهل اميره .
قعد سعود بتعب يمسك راسه يمد له عزيز فنجال : هد وريح بالك بنهاية جايبينه جايبينه وين بيذلف يعني .
حذف سعود جواله بعيد يتقهوى يناظر هايف : ابوي لا يعرف شي
هز راسه هايف بهدوء بيقوم يفز سعود يساعده يطلع للغرفه يرتاح ابعده هايف يطلع سعود تدخل لتين بعد دقايق من دق عليها تجي تقدمت : يوجعك شي ؟
هز راسه بنفي يسند نفسه تعدل المخده وراه : بشويش
ناظرها يتكلم : لتين خليك
جلست على طرف السرير تناظره : هايف لاتكلم الحين ونام وريح بالك تنكلم بكرا تمام ..
سكت ينسدح تضبط لحافه تسكر الاضاءة تطلع تنهد يشد شعره بحيره : متى مع هالراس يا لتين ، وانت بعد تبيها تسامحك بسرعه هي زين تشوف وجهي ، الله يزين الحال بس ..
-
الصباح بديره
تثاوبت ورد تفرك عينها بخمول تنزل تطل من الصاله ترتاح بعدم وجوده تدخل تقبل راس مهره وثنيان تجلس معهم تفطر وهي تشوف الاجواء من الدريشه الواسعه تبتسم بنشراح من الشمس الي دخلت عليهم تغمض عينها تسولف مع الجده مهره وبعد دقايق قام الكل يتجهز يطلعون عند حلال ثنيان وصلو بعد مده تمسك طرحتها لتين من الهواء تشوف الانياق
تترجف بخوف من قربو : لا تكفين
صرخت من قربة ناقه تركض تنهار لتين تصرخ من حست بحد يسحبها له تدفن راسها بخوف بصدره تسمع ضحكه تبعد تعبس وجها : وش الي يضحك بغيت اموت ..
سحبها مره ثانيه يحضنها من شاف رجف جسمها وهي تناظر الناقه يسمي عليها بضحكه : بسم الله عليك لا تنطقين الموت على لسانك .
مسكت بطنها بالم يبتعد هو بعقد حاجبه : لتين
ابتسمت ماتبي توتره تمسك يده : لا تخاف ألم خفيف
حاوط راسها بخوف يقبله : تعالي تعالي لازم عصفر
ضحكت تستغفر : هايف
نفى يحاوط اكتافها يمشي عندهم يكلم جدته : يمه نبي عصفر زوجتي بغى قلبها يطير بسم الله عليها
خزته بتهديد تبعد تقبل راس جدتها : معليك ماما مهره مافيني شي .
ضحك فيصل : اجل خفتي من ناقه يا لتين افااا
لفت على هايف بقهر : شفت ضحكت علي الاعداء
ابتسم يرسلها قبله يمسك ثوبه يركض ورا فيصل : تعالى
مسكت راسها لتين بخوف : هايف جرحك
ابتسمت الجده مهره : معليك ذيب هايف
تنهدة منه تمشي برمل تنقرف : يو يالحر فيه احد يطلع بالهحر .
تقدمت تشوف ورد عند الخروف تسولف عليه تطق كتفها : سلامات اختي
ابتسمت ورد تأشر عليهم : كيوت لتين
كشرت من سمعت صوت فيصل : يويلي منك كل شي عندها كيوت
عدلت طرحتها تناظره : الا انت ..
رفع حاجبه : اي ارفعي علومك
فتح الشبك يدخل تفتح عينها على وسع : شقاعد تسوي
ركض يمسك الخروف يمده لورد : امسكي
ابعدت على ورا تخزه : تقلع بس
ضحك يمسكه يطلعه عشان يتغدون عليه وصل بعد دقايق بتعب : امسكو تعبت الحر صلخني
اخذه سعود يوديه المسلخ يبدون يجهزون البنات مع خالاتهم اغراض الغداء والعيال بالمثل وكان اخر يوم لهم بديره بيقضونه هنا
عدلت عبايتها لتين تنزل طرحتها على اكتافها تلم شعرها الكيرلي كله تبدا تقطع السلطة تسمع ورد الي تحلطم تتكلم لتين : يو طلعت عندي وحده ثانيه تتحلطم غير ربى .
ابعدت الكاس عنها : اوف م عرف اقص لحم
ضحكت لتين بهدوء : خلاص اجل سوي السلطة الثانيه بدال خاله هنوف ، عاد هي تبي لفيصل وحده سنعه ..
تأففت ورد : لتين انتي مين قايلك باخذه
دخلت الهنوف على كلمتها تبتسم : وش فيه ولدي
انحرجت ورد تشتت عيونها : هاا لا ولا شي اصلن فصول نفس اخوي طيب ولطيف
كتمت ضحكتها لتين من توتر اختها تسمعها : اي خاله هنوف عادي يعني إذا تسمحين اخذ السلطة عنك ولحم م عرف اقصه والله
ابتسمت الهنوف : تمام ياورد تمام ..
وبدو يشتغلون وبعد ثواني سمعو سمعو صوت تنحنح يمد لهم فيصل عصائر باردة تأخذهم ورد تتكلم : اول مره تعجبني ، مشكور فصول .
انصدم من دلعها بأ اسمه يصرب جبينه : يعني مو اول مره هي تدلع الكل علامك فيصل .
طلع يحاول يسترجع نفسه ناظر جده الي يطبخ الحم
والعيال حوله يساعدونه يتقدم معهم يرتب المكان بعدهم وبعد ساعات مرت عليهم بدون مايحسون من ضحكهم وهبالهم مع بعض من بدا وقت انهم يمشون وهم ماشبعو من الديره ومهما يتحلطمون عنها يحبونها ويحبون الاجواء الي فيها وعلى كثر الاحداث الي صارت بالعكس زاد حبها من حب جدتهم لها ...
-
« ومرة سنتين على ابطالنا »
بحلوها و مرها وثقلها على بعض الابطال ..