« بكره توقف من اللهفه على بابي »

بارت " 37 "

" بعد مرور 5 اشهر "
تحديداً بيت خالد ...
قامت بثقل من اخر شهر لها وتحس بـ نغزات في بطنها شدة على اللحاف الي بيدها قامت بتعب تاخذ شور
طلعت ولبست قميص ناعم واسع خلت شعرها على حريته ناعم حطت مسك على مناطق النبض بخة من عطرها ناظرة جوالها الي يدق ردت بتعب : هلا
فز من صوتها الي واضح عليه التعب وبهدوء يحاول يتمالك نفسه : عند الباب
هزة براسها وسكرة نزلت بثقل وبنص الدرج نادت العامله تفتح الباب دخل وقبل لا يدخل دق جواله
رد بحده : نعم .
سكت من الصدمه من الي سمعه تجمد كل شي فيه هزته صرختها الي بالبيت نسى الي سمعه ودخل بسرعه ناظرها بنص الدرج قاعده ود*** م وصراخها المرعب دخل سعود الي توه راجع من الدوام بـ لبسه العسكري بعد الكاب وهو يركض من صراخها الي خوفه مسكها وصرخ بوجهه : ساعدنيييييييييي!
ركضت امها تلبس عبايتها وركضت العامله تمد العبايه لهم تقدم برجفه يشيلها تشبثت بثوبه من فوق ودموع والم : تكفى يزيد لا يصير شي الا بنتيي
بلع ريقه وركض لسياره ركبها وركب سعود قدام وابوه قدام وامها ورا مع يزيد مد لها شماغه ترص عليه رجف قلبه من وجها الي قلب طق سعود بوري بقوه وصراخ : ابعددد عن طريقي .
بعد دقايق وصلو اخذوها بسرعه الا غرفة الولادة
مسح على وجهه بخوف لف على سعود الي يحاول يصبر امه وهو متوجع من منظرها امها بدموع : الي مخوفني تنزف د* م
غمض عينه : هدي بالك يمه باذن الله مو صاير الا كل خير .
بعد عن امه يمسك راسه ينزله بتعب وعيونه حمره ناظر الغرفه غمض عيونه بغصه لف على الي يدور ويرجف عض شفته بقهر من التأخير الي اكل قلبه
سند راسه على ورا بتعب لف على اصوات الخطوات
ناظر جده بندر وثنيان والعائلة كلها ما عاد اهل ابو ليث ..
" بعد ساعات "
طلعت الدكتوره فز يزيد وراه سعود وبـ لهفه : بشري
ابتسمت : الحمدالله الطفله بخير والام دقايق ونطلعها للغرفه ..
استهل وجهه بفرح سجد الا ربه من بعد الخوف بفرح
لف على سعود يحضنه ولف عليهم يبتسمون ويباركون مسح على وجهه ببتسامه تسر : يبارك فيكم جميع ..
راح يزيد يبوس راس امه وابوه وعلى عمته وعمه وجده
ركض يدور على بنته ناظر الدكتوره وسألها طلع للغرفة حقت الاطفال ناظرها من القزاز ناظر حجمها الصغير
ابتسم بـ انشراح غيمة عيونه من جمالها وحجمها اللذيذ
دمعة عينه غصب من كبر حبه للأطفال وشلون اذا كانت بنته مسح دمعته الي تمردة بفرح : يااجمل عطايا ربي ..
لف على الممرضه الي طلعت من الغرفه وبتسرع : متى بطلعونها ؟
هزة براسها : اي باذن الله بس نشوف صحتها وطلعها لكم بالغرفه ..
طلع بعد دقايق الا غرفتها ناظر العائلة عندها لف على الي مستلقيه بتعب وشعرها متناثر حولها ابتسم وهو يتقدم لها يقبل راسها حمر وجها غصب بحياء قدامهم
مسك يدها يقبلها وببتسامه : جعله بعمري يا ام ؟؟
ناظرته بهدوء ولفت على سعود وابوها وببتسامه : هم
لف سعود بضحكه وهو جمبها : سميها انتي يا امي انتي امها ولك الحرية .
هزة براسها وبتسم ابوها : لدن
لفت بصدمه من كمية جمال الاسم وغيمة عيونها
ونسابت على خدها غصب حست باليد الي مسحتها لها وماكان الا يزيد رجفت وهي تبعد يده وتمسك يد ابوها وتبوسه : لدن لدن
ابتسم الكل ولفو على الي داهمت غطى عينه تميم من درعمت ربى دخلت وهي تنزل الورد وتتقدم الا اميره تحضنها بخفيف وببتسامه : بسرعه وينها .
فيصل بصدمه وضحكه : الناس تسأل عن الاخبار .
خزته وهي تلف على اميره : اسكت انت
طير عيونه وجا بيتكلم بس سبقته : اميره ياروحي سامحيني بس تعرفين استعجلت وجبت لك ورد على السريع بس معليك هديتك بتوصل المهم ابي جميلتي ...
لفت عليه بسكون : ابيها ابي بنتي ..
هز راسه ببتسامه من جا بيطلع بس وقفت خطواته من دخول الممرضه بطفله الي على سرير النايمه بسكون ابتسم بتوسع تقدم لها برجفة يدينه يمسكها
حس بالي يشد على كتفه ما كان الا ابوه وسعود لف عليهم برجفه هز راسه شالها بحضنه رجف قلبه من هول المشاعر الي اجتمعت حضنها بخفيف خوف منه ان يوجعها قرب من اذنها يغمض عينه ويأذن بذنها من ارتفع صوت بكاها حضنها الـ صدره لف على الي نزلت دموعها والكل ماقدر يمسك نفسه من شكل يزيد ورجفته وحنيته الي اول مره يشوفونها تقدم الا اميره بعد يده الثانيه عن بنته بخفيف يمسك يد اميره يشد عليها ناظر ابوها الي يمسح دموعها بعدة يده تمدها له وبغصه : هاتها .
‏ مد لها بشويش اخذتها بيده الي ترجف حطتها على صدرها غمضت عينها من جمال الشعور الي تحسه نزلت دمعتها فتحت عينها تناظر الكائن الصغير مدة يدها تمسح على ظهرها تقربها لها تستنشق ريحتها النظيفه نزلت دمعتها من فكرة فقدانها وبغصه وهي تحط خشمها بعنق طفلتها : اسفه يا ماما اسفه ماكنت احس بنعمه الي ربي عطاني ياها وكنت بفقدها يخليك الا قلبي يا ماما ياروحها انتي .
بعدة بشويش من بدة لدن تعفس ملامحها دليل على بكاها ابتسمت بحنيه لفت على الي تمسح دموعها بصمت ضحكت : تبينها !
قرب الجد ثنيان ياخذها ابتسم وهو يقبل راسها بخفيف ويمدها للجد بندر الي قعد يقصد فيها ابتسم الكل لفو على ربى الي ماده يدها بخوف : ابيها بس اخاف تطيح
ضحك الكل مدة يدها ضحكت من حجمها الخفيف وهي تعبس وجها : وههههههه ياناااسس وس هذا ياربي رحمتك افف اميره لذيذه تنوكل امانه خلاص باخذها معي بتكون بنتي .
ضحك ليث وهو يتقدم يناظر حجمها ويقبل راسها وناظر ربى : تزوجي .
طقت كتف ليث بقهر لفو على فتحت الباب من دخل هايف بلهفه ولتين وراه شايله الورد تقدم الا اميره بخوف يقبل راسها ويدها ناظر وجها يقعد : اميره ابوي تحسين بشي وش صار ؟
ضحكت وهي تشد على يده : بسم الله عليك هد والحمدالله شوفني قدامك بخير ياروحها .
لفت على لتين الي قعدة طرف السرير ببتسامتها العذبه الي تفتن وهي تمد بوزها : شوفي يعني انا اسفه تأخرة بس من زمان انتظر هديتك الي طلبتها عشان كذا تأخرة انا وهايف ..
ابتسمت وهي تناظرها : عادي يا جميله انتي .
ابتسمت وهي تلف تناظر الطفله الي بيد هايف حجم هايف عندها ابتسمت بجمال وهي تتقدم جمب هايف بضبط كتفها عند كتفه مدة يدها تمسك يد لدن
وبعيونها الي تأسر وهي تغيم : ياربي اميره هذا ايش م تحمل تبارك الله بس .
ماتدري عن الي صورتهم وهي تمسك فمها من جمال الصوره وتكلمت بعبط : اي لتين نبي نفسها .
لفت بصدمه على ربى ولا شعوريا شدة على ذراعه ولفت وجها له تبعد عنهم ابتسم غصب من سمع دعوة جدته : يارب اشوف عيال هايف وبنيتي لتين وعيالكم كلكم يارب .
ردد ببتسامه وهو يناظرها من قرب : امين .
بلعة ريقها وهي تصد عنه وتوعدة في ربى لفت على صوت جدتها وضحكت غصب : اي عاد يمه اميره قلت لأمك تجون عندي بالنفاس عشان اعطيك من الـ
قاطعتها اميره برجاء : لا تكفين ياماما مهره الا ذي
ضحكت ربى وهي تستند على ليث : اخخ يو عاد جدتي من زمان تنتظرك
الهنوف ببتسامه وهي تعدل جلستها : عاد امي ماتقدرين تقولين شي الا شروطها .
تنهدة بقلة حيله : سمعاً وطاعه ابشري بس مره وحده
ابتسمت الجده بتوعد : اي معليك مره وحده
طبعا العيال كلهم طلعو الا يزيد وليث الي منحرجين ومنزلين روسهم يطقطقون بالجوال بس شهقت ربى : يويلي انتو هنا عيب .
صفق راسها ليث : اصص
همزة راسها من صفقته وهي تخزه لفت على اميره الي دقت على جوجو وردت وكانت المكالمه عباره عن دموع اميره وجوجو الهادئه بس توضح لهم العكس ومن داخلها يحترق من لفت اميره الكاميره عليهم وشافت امها مسكت نفسها وهي تناظر الطفله الي بيد اميره ابتسمت بغصه وهي تودعها من حست ماتقدر تمسك دموعها اكثر ...
-
" بمكان ثاني "
طلعت من الجامعه ببتسامه من سمعت الخبر من قالها ابوها عن اميره ركبت سيارتها وحطت شنطتها بالمقعد الثاني عدلت طرحتها طلعت الا محل ورد خلصت وهي تطلع بنص طريقها حست بسياره تتوقف نزلت بخوف ناظرة كفر وهي تظرب السياره بقهر : مو وقتك !
فتحت الباب اخذت جوالها شافته طافي تأففت وهي تدور الشاحن مالقت شي حذفت الجوال : ياربي
نزلت بتعب توقف احد يساعدها عدلت طرحتها الي طاحت وبان شعرها القصير رفعت نظارتها على فوق شافت الرجال الي الي نزل من سيارته بكل احترام تقدم لها : سمي اختي تبين شي ؟
ابتسمت تقى وبنعومتها المعروفه الي من الله : اي اخوي اذا معليك امر تعطلت سيارتي فجاء و كفر السياره بنشر .
هز ببتسامه : ابشري
طلع سيارته يجيب المعدات تقدم و بدا يشتغل ابتعدت هي وتناظره بصمت ..
عند شخص ثاني طلع من المستشفى يجيب لورين
الي كلمها ونفسيته تعبانه من اسلوبها سكر وهو يضرب الجوال بالجهه الثانيه ناظر البنت ورجال الي يكلمها شد على يده من عرف انها اخت عزيز لبق السياره على جمب الشارع ونزل وهو يبعد شماغه على جمب شد شعره وهو يحاول يتمالك غضبه تقدم وبصوته الحاد : وش عندك ياالأخو ؟
شهقت من سمعت الصوت وترجعت على ورا من بغت تصدم برجال رجفت من نظراته عليها عجزت تستوعب وجوده بعد عيونه وطالع الرجال الي تقدم يبتسم : والله مدري مين انت ياخوي بس اكيد من محارمهم ولا ياخذ تفكيرك غلط بس شفتها تحتاج المساعده ولا حبيت اسحب وهي بنص الشارع وانت خابر وش اقصد ....
هز راسه سعود بامتنان ومسح على كتفه : الله يكثر من امثالك ياخوي والحين تقدر تمشي ماقصرة ..
هز راسه وسرعت تقى برجفه لرجل : مشكور اخوي الله يجازك خير يارب ..
لفت على الي يناظر برجله وشاد على وجهه بعدة عيونها من رفع عيونه عليها وبصرامه : وش صار على سيارتك وليش مادقيتي على احد !
تقى برجفه وهي منزله عيونها : ااا مدري وش صار وجواللييي طفى ..
هز راسه بهدوء وبسكون : بس مره ثانيه غطي شعرك زين
استغربت وناظرت طرحتها الي طايحه شوي وطالع شعرها عدلت بتوتر من شافته ركب سيارته وفتح الدريشه وبصوت عالي : شوفي سيارتك ولاتركبين معي
اوصلك بطريقي .
هزة براسها ركبت سيارتها تنهدة براحه من شتغلت فتحت الدريش وبحياء : مشكور ثعود .
ابتسم غصب وهز براسه : انتبهي الا طريقك ودايم اخذي احتيطاتك .
مشى يتجه الا بيت تميم ياخذ لورين تنهدة ببتسامه
متوسعه ضحكت على نفسها وهي تمسك وجها : خلاص تقى عيب
ابتسمت بتوسع وفزت من صوت البوري الي وراه وهي تتجه للمستشفى بسعاده ...
-
" لندن "
بعد ماقفلت من اميره ودموعها الي نزلت غصب من شافت امها والبنات والطفله الي بيد اميره تعبت وكثير مسحت دموعها وهي تقوم بتعب من حرارتها هالفتره اخذة شور وطلعت بعد دقايق تلبس ليقنز اسود وفوقها بلوفر اسود واسعع عليه رسومات البست جوارب الطويله عليها رسومات ( انتو بكرامه )
رطبت وجها سوت شعرها ستريت عطرت من عطرها واخذة جوالها ناظرة هدوء البيت من بعد اخر مره ماشافته تنهدة براحه ماتبي تقابله طلعت تسوي لها شي يدفيها من جو لندن البارد
ماشافته تنهدة براحه ماتبي تقابله طلعت تسوي لها شي يدفيها من جو لندن البارد اشتهت الهوت شوكلت
حقه تنهدة وهي تسوي لها تأملة بهدوء وهي تسمع صوت الهواء من بلكونة الصاله اخذت الهوت شوكلت تحطه بكوبها بعدة شعرها ورا اذنها غمضت عينها بـ قشعريره من اليد الي على كتفها تتمنى انه خيال ويروح ماتبي تواجه الحين لكن قطع عليها صوته الهادي : جوهره .
فتحت عينها وما لفت عليه تنهد بقلة حيل وهو يمسك اكتافها يلفها عليه ابتسم بحزن من اشتاق لها وكثير طول الايام صابر عشان تهدأ مسك خصله من شعرها يحطها خلف اذنها من شافها تتصدد ماتشوفه رفع دقنها تنهد : ناظريني .
اخذت نفس وهي تفتح عيونها تناظره برجفه : عز
ابتسم : لبيه وسمي
حطت عيونها بعيونه بلعة ريقها من مسك يدها قريب من صدره يتنهد ويناظرها : طلبتك عاتبيني لا تسكتين ذبحتيني خمس اشهور ساكته اظربيني سوي فيني الي تبين بس لا تقتليني بصمتك .
ضحكت بسخريه وهي تبلع غصتها : لا يغرك سكوتي ترا كلي عتاب عزيز ، بس خلها في يومها .
بعدة بس سحبها من ذراعها من يبي يتكلم بس سكت من كانت قريبه منه رجف وحس برجفتها وهي تبعد علطول الا فوق من الحراره الي حست فيها دخلت وهي تقفل الغرفه وتستند على الباب من الايام الي صعبه عليها ..
-
" المستشفى "
‏تقى الي قعدة تنصح اميره الي مسكت راسها : تقى يا ماما خلاص فهمت ياروحي فهمت والله
ضحكت بنعومه وهي تعدل شعرها القصير : اي لازم تفهمين اعرفك المهم روحي تبين حاجه .
هزة راسها ببتسامه : سلامة قلبك .
وقفت تقى تاخذ شنطتها وتطلع بعد ثواني من طلع الكل و يزيد على عمته ام اميره ترجع ويجيبها بكرا
دخل وشافها تكلم البنات عشان استقبال بكرا قفلت وهي تمسك شعرها تحطه كيكه عشوائيه بتعب لفت عليه من قعد يمسح على راسه وتكلمت بهدوء : مصدع !
رفع راسه لها وابتسم يطمنها : معليك خفيف .
هزة راسها بهدوء وهي تنسدح وتناظر فوق
تردد وهو يناظرها : اميره بعد النفاس ترجعين معي ؟
غمضت عينها هي من زمان تفكر : مدري يزيد مدري .
قدم كرسيه يقعد مقابل لها وتنهد : حاس فيك والله بس انا ابي بنتي اميره وانتي تعرفين قديش حبي بالأطفال
وعاد الحين بنتي لك الي تبين بس اهمشي تكونين بالبيت .
لفت عليه وبغصه : ان رجعت ، رجعت عشان بنتي يا يزيد ولا ابي تقرب مني بس ابي الهدوء في حياتي .
سكتت ثواني وبعدها ببتسامه : على خشمي يا ام لدن ...
-
" الصباح بيت الجد ثنيان "
عند اميره بعد ماخذة شور ولبست قميصها الناعم الي تحت الركبه نادت العامله تسوي شعرها استريت من ما تقدر بسبب العمليه سوت لها شعرها ستريت ومسكة نصه تحطه كيكه انيقه ولبست الاكسسوار لفت على العامله ببتسامه ناعمه : اي عيني بخري فستاني حق الاستقبال هناك .
طلعت بعد ماعلمتهم الي تبيه طلعت تمشي بخفيف ابتسمت من سمعت بكاء بنتها الي تروشها امها قربت
من عند امها بخوف : ماما ليش تبكي ؟
ضحكت امها من لدن الي قلب وجها احمر من البكاء : طبيعي يا امي لا تخافين بس تعالي اعلمك شلون تروشينها .
تقدمت تناظر امها شلون تروشها سحبت الفوطه من مدة امها لها لدن حطت الفوطه عليها وهي تضمها الا صدرها وتستنشق ريحتها وببتسامه : اخخ يا ماما ريحتك تجننن ..
طلعت للغرفه وحطت لدن على السرير بخفه وناظرة امها الي تحط عليها البودره والكريم لبستها بجامه لون لحمي عطرتها من عطر لدن المخصص مشطت شعرها بخفيف بيدها سدحتها على بطنها عضت شفتها من الجمال : وه ياربي اكلك .
لفت على جدتها الي تناديها : اميره يلا جهز الاكل تعالي مو زين يمه .
ابتسمت وهي تاخذ لدن بحضنها وتطلع قعدة على وحطت لدن جمبها ناظرت جدتها بعبط : هذا ايش
الجده وهي تمسك يد لدن : خبز بر وحليب عادي
هزة براسها وهي تاكل شافت العامله الي جت معها توت اخذته منها تاكل لفت على صوت الباب الي برا شافته داخل عرفته من ريحت عوده وعطره كان واضح تو طالع من الدوام دخل يلقي السلام عليهم تقدم لها يقبل راسها وراس جدته ناظر بنته ابتسم وهو يتقدم لها : عيون بابا انتي روحه .
بعد شماغه على جمب واخذها بحضنه يقبلها
سدحها على صدره وحط الاشماغ عليها لف عليها : ياربي فرق الحجم .
نزل عيوهه الا لدن ضحك من فرق الحجم وحط يدينه الثنتين عليها يضمها وناظرها من نامت قبل راسها وهو يستنشق ريحتها اللذيذه ..
-
" بيت بندر "
قعدة تلحقها من غضبها من حركتها امس وبصراخ توقف تاخذ اسليبر ها " انتو بكرامه " : والله لوريك يا ربى
ضحكت بصوت عالي من الخوف من قربت ناظرة ليث الي نزل وهو يعدل شعره انصدم من بغى يطيح على ورا من جت وراه ربى بضحكه وصوت عالي : انا في وجهك ..
استغرب وبعد على ورا من لتين الي تأشر بـ اسليبر بعصبيه : ابعد انت ابعد لفصل عليك معها ..
ناظرها وهو يلف وراه الا ربى وبعدها لف قدام : شسالفه ؟
صرخت ربى من لتين الي لفت عليها ركضت لفت ربى من الي دخل يقول السلام شهقت وحمدة الله ان ماشافها وركضت فوق اما لتين فلتت من يدها الا سليبر الي جا على خشم هايف الي كان توه راجع من الدوام بلبسه حق الطيران مسك خشمه رفع راسه على ماسكه فمها بصدمه وضحكه ..
ضحك ليث بخفه وفشله وهو يطق راس لتين : امسحها بوجهي ابو سعود ..
ابتسم وهو يشد على يد ليث وهو يناظرها : مسموح مسموح ، بس جيت اسلم على عمتي واخذ زوجتي .
لفت عليه تخزه وطلعت فوق دخلت غرفة ربى الي قفزت على ورا : خلاص يابنت استهدي اخر مره
خزتها لتين وهي تلبس عبايتها وشهقت من الشاحنات : ليش مارتبتيهم !
قعدة ربى على جوالها : يوو لتين هالفتره مو فاضيه ، المهم تعالي بدري هناك ترا العالم بيجون بدري .
هزة راسها لتين وهي تعدل طرحتها : تمام
نزلت وهي تناظره يسولف مع امها لف من سمع خطواتها قام وتعذر من امها اطلعوا ركبت وهي تلف عليه : مو انا قلت تاخذني بعد الاستقبال على اساس اتجهز عند اهلي .
ما لف عليها كان يناظر الطريق : اتوقع قلت تنامين وأجيك الصباح ولا .
لفت وجها ناظرت الطريق بصمت لف عليها : لتين
سكتت وهي تلف عليه : هلا
بعد الكاب عن شعره : وش موقفك بعد حمل لانا !
ضحكت بسخريه وبغصه : مين مكذب عليك وقايل اني زعلانه ولا طول يومي ابكي ، الله يهنيكم بنهاية زوجها .
طق بصبعه على الدركسون بصمت : امين .
عضت شفتها بقهر من بروده الي يستفزها
..
-
" بيت سعد المغرب "
قامت بتعب وهي تأخذ شور وتتجهز حطت ميكبها الناعم ناظرة اظافرها الي سوتها من زمان اخذت شعرها تسويه كيكه وطلعت خصل عشوائيه من قدام
لبست فستانها الواسع الـ مخمل كحلي ومن ورا دانتيل من عند ظهرها تعطرت وهي تطلع شافت فيصل الي نزل يعدل شماغه ابتسمت من تذكرة سعد فيصل يشبه وكثير تقدم لها يقبل راسها : وش هزين ام فيصل اذكارك يمه .
ابتسمت وهي تمسح على كتفه : معليك يا امي اهمشي انت لاتنسى اذكارك يا فيصل .
نادت العامله الي جت : جهزي شنطت السفر تمام .
هزة راسها العامله ابتسمت بامتنان لها الهنوف
لفت على فيصل الـ مستغرب ضحكت بخفه : سفرة عمل الا قطر كلها ثلاث ايام ورجع .
ضحك وهو يمسك يدها يقبلها وبتنهيده : يووو ياربي لاتحرمني من هاالام الحلوهههه .
ابتسمت وهي تلبس عبايتها وتطلع امسكت بطنها من محد يدري حتى اعيالها خايفه من ردود افعالهم ابعدة يدها من شافت فيصل الي جا تنهدة وهي تركب ..
‏ " بيت هايف "
ابتسمت من وصلها بوكس فستانها من تصميمها
طلعت ركض تسوي الميكب بعد دقايق ختمت الميكب بروج الاحمر سوت شعرها تسريحة كيندال
ابتسمت وطلعت تلبس فستانها الاسود لما ساقها طالع ظهرها نصه ولفت من قدام بطريقه انيقه
وعلى اكمامه كريستال وفتحت صدر خفيفه قعدة تحط مناكيرها الاحمر لفت على الي دخل مستعجل يفك اكمام ثوبه لف عليها بصدمه : دقيقه بتطلعين بهالفستان .
ناظرت نفسها : ليه في شي غلط.
هز راسه ودخل ياخذ شور طلع ينشف شعره مستغربه الهدوء حقه طنشته وهي تجفف المناكير اخذ ثوبه يلبس وطلع يتبخر ناظرته : بتقعد لين العشاء .
ما لف عليها يبخر وبهدوء : اي
هزة راسها وطلعت تلبس عبايتها واخذة روجها وعطرها بشنطه ناظرها قبل يطلع بهدوء : لا تنسين دبلتك خليها بيدك .
ناظرة يدها ولبستها وستغرب طلعت وراه وهي مستغربه من لانا الهادئه وبس عند اهلها وهايف الي بالمثل طنشت وهي تركب وتتصل بـ ربى ..
-
" بيت الجد ثنيان الاستقبال ريحت البخور والعطورات الي بالبيت "
عند الجد تغني الا لدن بعد ما لبستها اميره طبطبت الجده على بطن لدن ناظرت ربى الي دخلت بفستانها الابيض وتقدمت الا جدتها ترقص وهي تغني الا لدن ضحكت الجده من ربى ورقصها تقدمت وهي تناظر لدن : يا ماماس انتي ياحلوسسس
اخذتها بحضنها ربى وهي تقوم تدور فيها ولفو على صوت الكعب اميره الي لبسه فستان احمر ماشي على جسمها وكم فيه وكم لا وشعرها ويفي ولمته ذيل حصان تحت بشكل خفيف وخصل عشوائيه من قدام
ضحكت بخفه من ربى الي تكلم لدن : شوفي ماما الحلوه ماشاءالله .
ولفت على اميره بنبهار : بنت وش هالزين والله الي يشوفك ما يقول توها طلعت من الولادة ماشاءالله ماشاءالله بس ألقاها من البنت ولا الام .
ضحكت وهي تشوف الاستقبال ابتسمت برضا من كان كل شي حلو بعد دقايق بدة العالم تجي ضحكت بخفه من طلعت تجيب لدن من كانو يبونها ابتسمت وهي تمدها لهم بعد ثواني دق يزيد وكان هايف يبيها برا جت بتقوم تاخذها قامت بدالها لتين الي اخذتها وبتسمت اميره : دامك اخذتيها وديها الا زوجك .
نصدمت بس ابتسمت بتسليك وهي تاخذ لدن بحضنها وتطلع من الجهه الثانيه شافته وهو ينسف شماغه يعدله لف من سمع كعبها ابتسم بس اخفها من جت وهي تمد له لدن ببتسامه : بشويش عليها لا تاكلونها يويلكم .
اخذها بحضنه وهو يبتسم : ابوي انتي ماشاءالله .
ابتسمت وجت بتقول اسمه بس ترردة رفع عيونه لها من قرب : سمي تبين حاجه ؟
ابتسمت بحراج : لا سلامتك اجل .
جت بتمشي بس سحب ذراعها بتردد ناظرها بلع ريقه وقبل لايطلع : تدفي برد عليك .
هزة راسها بصمت وهي تطلع للبنات تقعد معاهم وبذات ربى واهلها من جا قرارها خلاص ولا عاد فيه رجعه تماسكت بدموعها لاتنزل وهي صامله طول اليوم ماتبين لحد ..
-
" بيت هايف "
قامت بشويش من شافته نايم ناظرة شنطتها الي م جهزتها من زمان بلعة غصتها ناظرة الرساله الي محتواها " كل شي جاهز طيارتك 3 فجرا " قامت تلبس عبايتها وتاخذ شنطتها بهدوء وقفت وهي تلف عليه وبغصه وقهر : هذا الي لازم يصير يا هايف
طلعت من الغرفه بشويش ناظرة البيت الهادي نزلت
بخطوات هاديه شافت سيارة السواق وهي تركب واخذ السواق الشنطه منها ركبت وهم يتجهون للمطار ناظرة البيت ببتسامه فتحت جوالها على رسالة ربى الي كان محتواها " بنت تعالي بكرا في سوالف ههههههه ." نزلت دمعتها وشدة على الجوال : اسفه والله اسفه بس لازم ابعد لازم .
سندة راسها على الدريشه تفكر بحياتها الي راح تتغير عليها هي ماحطت القرار الي هي فكرة فيه ماتقدر تتعايش معه اكثر ومهما كذبة بشعورها بحمل لانا يتقطع داخلها هي تحبه ولا تكذب بس كرهته من فعايله وسبب كرهه لها الي عجزة تفسره تعرف لو قعدة هنا وطلبت الطلاق مراح يوقف عنها فا اختارت البعد اريح لها وله وتبي البعد من ابوها الي من طلعة على الدنيا ما شافت حنانه تعبت نفسيتها من كثر ما يحسسها بتأنيب الضمير انها سبب موت امها
مسحت دموعها وهي تفكر بـ ربى وليث بعد الي راح تسويه تعرف بيزعلون زعل كبير منها
تنهدة وناظرة المطار مسحت على وجها وهي تنزل وناظرة السواق الي نزل الشنطه وراها ناظرة نداء الطياره لفت على السواق ببتسامه : مشكور
نزل راسه وهو يطلع طلعت وقبل لا تدخل ناظرة المكان وبدموع : بحفظ الرحمن ..
-
" الصباح بيت هايف "
قام بتعب من حرارته هالفتره لف استغرب عدم وجودها توقع انها نزلت تنهد وهو يمسح على وجهه ويأخذ شور طلع ولبس ترنج اسود كامل رتب شعره
تعطر وهو ينزل ناظر لانا الي ترتب الفطور مع العامله وبستغراب : وين لتين ؟
لفت عليه : مدري . م
مسك جواله يدق شافها مو متصله استغرب وركض فوق استغربت ركضته وهي تطنش ..
دخل غرفة الملابس ناظر بصدمه من عدم وجود ملابسها رجف وهو ينزل ويكلم نفسه : اكيد اكيد عند اهلها ولا جدي اكيد .
طنش الي تتكلم وهو يطلع ويسرع الا بيت بندر
رن الجرس قعد ينادي طلع ليث بخوف : شفيك لتين فيها شي .
استغرب من قال لتين فيها شي يعني هي مو هنا بس عشان يتأكد : لتين عندكم ؟
استغرب ليث وبعقدة حاجب : لا
وهو يقرب : اختي وين ؟
هز براسه وهو يناظر بندر الي دخل وبحده وهو يقرب منه : زوجتتتيي ويننن .
بعد يده وببتسامه : وانا شدراني مو انت مسؤول عنها .
مد يده بـ تهديد : وربي لو مسوي شي لخذك عمرك .
لف على الي مصنم عجز يفسر شي طنشه وهو يطلع الا بيت جده ثنيان بعد دقايق وصل دخل ناظر جدته الي قاعده وبلهفه : لتين عندكم زوجتي عندكم ..
استغربت الجده وجهه وتنفسه السريع : بشويش يا امي بعدين لتين ما جت ..
مسك راسه وهو ينحني على نفسه : مستحيل تسويها وتروح مستحيل ...

" بعد مرور سنه "
مرة سنه بخيرها وشرها فرحتهم بولادة اميره بس للأسف فرحتهم ماتمت من الخبر الي حزن جميع العوائل وفاة احن شخص ذهب سند الـ فيصل
راح من دون وداع كان وفاته فجعه على العائله
كانت كل بيوت العوائل حزن وكسر محد يجبره
واختفاء لتين الي معاد لها تواصل كانت جميع الاحزان تجتمع عليهم والصدمات ورا بعض ...
" المطار "
نزلت وهي تناظر الرياض بشوق وابتسامتها واسعه
تنهدة بحب : ااههه يارياض .
لفت على الي يناظرها بسكون اخذ السواق شناطهم
طلعت وهي تشوف المطر ضحكت وهي تلف عليه وتلاشت ضحكتها وببتسامه بسيطه : يوم جينا جا المطر .
تنهد وابتسم من ابتسامتها الي تسحره تقدم يحاوط اكتافها عن البرد : ترا برد الرياض ما يلعب ..
ركبو وفرحتها مو واسعتها من علطول توجهو بيت الجد ثنيان بعد ساعه وكم دقيقه وصلو نزلت وهي تلف عليه هز راسه بـ ادخلي اخذة نفس وهي تدخل عند المدخل تبعد عبايتها ظبطت شعرها كانت ماسكه نصه بشكل انيق شدة على يدها ودخلت شهقت اميره وكان الكل مجتمع ارفعوا روسهم عقدة حاجبها غصب من وجيههم الحمراء ودموعهم بدا الخوف بقلبها بس ابتسمت : يعني محد يستقبلني شكلي برجع .
زاد استغرابها محد تفاعل قربت من الهنوف الي دموعها تنزل بصمت وهي تنحني لها وتشد على يدينها : ماما انا جيت .
نزلت عيونها الا بنتها نزلت دموعها وهزة براسها بـ لا
بعدة وهي تعقد حاجبها غصب وتناظر جدها وجدتها وكلهم : لا انتو اكيد فيكم شي ، في شي انا مدري عنه !
وبعدين جدي فيصل ولتين وين ؟
لفت على شهقت ربى القويه الي خوفتها وبعدة من حضنتها ربى تشد عليها برجفه وتقطع وبشهقه : جوجـ ...وو
رتجفت يدها تحطها على ظهر ربى : ششفيككك .
سمعت عمها سلمان من ورا الباب من خوالها وعمانها وابوها سعد ورا الباب : الجوهره ابوي تعالي.
بعدة ربى بشويش وركضت ربى الا حضن امها تخبي وجها مسكت قلبها الهنوف عارفه الجوهره لو تسمع الخبر وش بيصير فيها ..
" عند الجوهره "
طلعت وهي بحضان عمها سلمان شد سعد يده مايقدر يتكلم مايقوى قلبه ابتسم سلمان يقعدها : اي يا بابا وش صار معك هناك .
ناظرة خوالها وعمانها الي متلثمين وسعد الي يناظر الفراغ بصمت ورجعت عيونها الا عمها : بخير ، فيه شي عمي صح ؟
رجف وهو متماسك وناظر عيونها : يبه انتي راضيه بقضاء ربك صح
حست بدقات قلبها وهي تهز راسها بخوف : مين ؟
غيمة عينه وغمضها من نزلت دمعته : يبه الجوهره جدك فيصل عطاك عمره ....
ضحكت بستهتار وهي تقوم : كيف تتفائل على ابوك بعدين جدي امس كلمني قبل اجي وبيجي يستقبلني بس اكيد انشغل ..
تلثم بشماغه نزلت دمعته وهو يلف عنها لفت على عزيز المصدوم نفسها وهي تناظره من قربت وبضحكه : شوف محد صدقني قول لهم انت كنت معي سمعتني وانا اكلم جدي صح تكفى عزيز علمهم ..
مسكت جواله تدق على رقم جدها وببتسامه : شوفو الحين بيرد ويهاوشكم .
نزلت دمعت سعد من حال بنته مسحها بيده وهو يقرب منها : جوهره بابا جدك راح الي احسن مني ومنك ..
رجف فكها وهي تناظر المطر الي غرقها ضحكت : يبوني اصدق وانت امس تكلمني هههههه.
لفت على اصواتهم العاليه داخل طاحت على ركبها
حطت يدها على أذنها من وتهز بـراسها
بـ لا دخلت وكسرة المزهريه بصراخ : خلاصصصصصصصصص
بكت الهنوف وصوت شهقاتها عاليه لفت على اميره الي ضمت بنتها من بكت من اصواتهم وهي تطلع
لفت على جوجو الي تناظر الفراغ بهدوء تقدمت الا جدتها نوره تناظر الا شماغ جدها وببتسامة : مافيه شي صح
مدة الجده نوره الاشماغ بدموع للجوهره الي اخذته تناظره وماهي الا ثواني ونتفض الكل من اسمعوا صرختها الي من كل قلبها ودموعها حاضنه شماغ جدها وتهز رجولها بالم : اااااه...

"توقعاتكم "