ركضت جوجو تناظر دريشتها والبوابه الي انفتحت يدخلون جدها فيصل وثنيان وعزيز وابو عزيز عبدالله
وعمانها وخوالها وراهم وسعد الي يرحب وفيصل الي تقدم لهم بالعود تسمع اصواتهم الي ارتفعت بترحيب تدمع عينها بذهول تلف على البنات وتقى الي تقدمت ببتسامه تناظر عزيز الي يسلم على سعد : واخيراً يا جوجو
لفت عليها جوجو ودموعها على طرف ماستوعبت تسمع ضحك البنات الي يجهزون تلف تناظرهم دخلوا تمسح دموعها بكفها ببتسامة وهي تتمتم بدعاء بداخلها من رد ابوها بس جزء منها مرتاح بوجود جدها عضت شفتها بخجل من كلام ربى : جوجو قلبي دخلوا وانتي تناظرين طيفه عرفنا تـ ..
صرخت جوجو بخفه تكتم صرختها بمخدتها تحذفها على ربى تحتر بخجل تأشر لهم على الباب : برا لو سمحتو انتو قاعدين توتروني ..
ضحكت ربى من مسكت جوجو اكتافها تطلعها برا ولبو رغبتها يطلعون تسكر الباب خلفهم تستند عليه ببتسامه تضحك على نفسها : جوجو ماتفقنا على كذا اثقلي ..
ابتسمت تتأفف من طق الباب تفتحه : هم
ربى وهي تبعثر شعرها : البسي الفستان الي طلعته لو مالبستيه بقوم وصفقك .
هزة راسها جوجو : تمام تمام بس روحي تكفين
سكرت الباب ببتسامة تطلع لغرفة ملابسها تفتح عيونها على وسع ، من الفستان الي اختارته ربى عباره عن كت من فوق وماشي على جسمها وفي فتحه عند الساق عضت اصبعها بخجل وتفكير تسحبه وبعد ثواني طلعت تناظر نفسها تبعد شعرها على ورا تقعد تتمكيج تكثف روجها تزم شفتها تطلع العقد ببتسامه تلبسه تتلمسه برقة يدها تبتسم من الي دخلت تشوف انعكاسها بالمرايه تلف جوجو عليها :ماما
حصنتها الهنوف بداخلها تتقدم بالبخور : اذكارك يا امي .
ابتسمت جوجو تتقدم تقبل خد الهنوف تبعد تاخذ منها البخور تتعطر وتاخذ المسك تحطها على اماكن النبض وتختمها بالبخور تبخر شعرها وهي تناظر الهنوف تبعد جوجو البخور على تسريحتها تتقدم تحضنها برجفه : ماما متوتره .
ابتسمت الهنوف تمسح على شعرها : ليه يا امي مو هذا عزيز .
ابعدت جوجو تمسك كف الهنوف ترفع اكتافها بتوتر : مدري ماما مدري
الهنوف ببتسامه : عارفه شعورك بس إذا شفتيه الحين بيروح هالتوتر .
تنهدة جوجو يلفون على ربى الي تقدمت تزغرط : الحلوات مجتمعين ، والعروس لازم تنزل الحين
شدة جوجو على يد الهنوف بدون ادراك تبتسم الهنوف تلف عليها : سمي واذكري الله يلا جوجو ماما
سمت تعدل شعرها قبل تطلع تسحب جوالها تنزل ورا الهنوف و ربى وهي اصرت تمشي وراهم من التوتر الي تعيشه وهي تسمع اصواتهم العاليه يلف الكل على
تعيشه وهي تسمع اصواتهم العاليه يلف الكل على جوجو الي تنزل بهدوء وخجل تتقدم تحط يدها فوق فستانها تستره تنحني تقبل راس جدتها نوره ومهره و مزنه ومشت تسلم على الباقي تقعد جنب فاتن الي اصرت تقعد جنبها تبتسم لها جوجو وهي تسمع مدحها وتحس بالبنات الي يصورونها تعطيهم ظهرها تكتم ضحكتها من تنرفزو تلف على صوت جدها وابوها الي دخلو يلقون السلام وسعد الي فتح ذراعه لها يتنهد ببتسامة : تعالي
قامت تقبل راس جدها وتتقدم لسعد تدخل تحت ذراعه تشوف جدها الي قعد جنب الهنوف يبتسم : الشيخ ينتظر ياسعد .
حشرت وجها بصدر ابوها من ضحكو البنات من وجه جوجو الي تغير يبتسم سعد يقبل راسها بتكرار يرفع راسه يناظر ابوه : مايمدي اكنسل الزواج .
اخذ فنجاله الجد فيصل يضحك : إذا بنتك رفضت
نزل عيونه سعد لجوجو يهمس : تكنسلين هالعزيز وتقعدين عند ابوك .
رفعت راسها بصدمه يصدح ضحك سعد من شاف صدمتها وبتمثيل : افااا تتركين ابوك عـ
قاطعته تنفي بسرعه : لا اكيد ماعاد ابيه
ضحك الجد فيصل يحضن سعد جوجو ببتسامه : امزح يبه امزح .
حاوط اكتفها يمشي فيها للمجلس ينادي فيصل بعالي صوته تناظر جوجو فيصل الي دخل ومعه البصمه : وش ذا الزينن
ابتسمت له تمد اصبعها ويلاحظ سعد الاختلاف بيوم زواجها من سلطان ودموعها الي ماوقفت يضيق صدره يتنهد وهو من بعدها عرف وشهي جوجو عند عزيز ابتسم من سمع تصفيق فيصل الي يصافح جوجو بهبال كل عاده : والحين يا أختي اقدر اقولك صار عزيز زوجك على سنة الله و رسوله ، والف والف والف مبروك جعله زواج الدهر ونتصرتني على الحب
صفقه كبيره ..
ابعد يده عنها يصفق ثاني مره وهل مره يشاركونه البنات الي ورا الباب يصفقون معه تضحك جوجو تحضنه بشده تضرب ظهره : بلا هبال .
ابتسم فيصل يشد عليها يقبل راسها بتكرار يبعد يمسك كفها وبجديه : جعل عيونك ماتشوف الا السعاده يارب وجعل محبتكم دايمه ياعين اخوك .
ابتسمت بدموع تمسح على كتفه : امين ياحبيبي امين وان شاءالله اشوفك معرس وانا هالمره اصفق لك .
ضحك بهدوء يمسك يدها يقبلها يلفون على سعد : يلا يبه جوهرة عزيز بيفجر فينا .
هفت على وجها من طلع فيصل للمجلس عند عزيز تسمعهم .
تأفف عزيز يعدل نسفة شماغه يشوف فيصل الي دخل : شرفت .
ضحك فيصل بهدوء : علامك
خزه عزيز : لا احلف ترا صار لكم اكثر من نص ساعه
فيصل بنذاله : والله شوف انا واحد اغار على اختي حتى لو انك زوجها عشان كذا بقعد ومعك ثلاث دقايق ولا تستحون مني سولفو عـ
قبل مايكمل حذف عزيز عليه الفنجال يمسكه فيصل قبل لا يجي وجهه : فيصل ان ماذلفت من قدامي بكفر فيك .
قام فيصل يناظر جوجو الي قدام الباب بس مادخلت وبحزن : شفتي زوجك بيذبح اخوك ذي البدايه اجل كيف بعدين
عقد حاجبه عزيز يعض شفته من عرف انها موجوده وسمعتهم يتنحنح يلف فيصل عليه : ثلاث دقايق معك
سفهه عزيز يسمع خطوات كعبها دليل دخولها وهو مارفع عينه تطيح عكازه انحنى بيأخذها تنحبس انفاسه من حنت نفسها بعجله تأخذها عنه تبعد شعرها الي جا على وجها تخجل من نظراته من قامت تعدل فستانها وعكازه بيدها تقدمت تمدها له بس اخذها يبعدها عنه يتأمل احمرار ملامحها يبيها تقرب يتنهد بحب : اقربي ورد لي روحي اقربي .
تقدمت تناظر عيونه ولهفته ماتترد ترفع نفسها تحاوط عنقه تحضنه يبتسم يرفع يدينه خلف ظهرها يشد عليها يحشر راسه بين خصل شعرها الي تمردت على وجهه تمسح على كتفه بحنيتها المعتاده تبتسم تشوف وحمته الي بعنقه تنزل دمعتها من مرة عليها ذكرا يبعد عنها بشوي من حس بدمعتها على كتفه يحاوط وجها بيده يبتسم يمسح دموعها بكفه وبحة صوته : مو عيب تبكين دام أنا الحين يمك ؟
ابتسمت تمسك يده تشد عليها تتنهد تناظر محاجره : يابخت قلبي فيك يومك سكنته .
سحبها لحضنه مره ثانيه تخجل حيل من شدته ويقبل كتفها تسمعه : الا يابختي فيك و ..
قاطعه دخول فيصل الي صد بسرعه وفشله يغمز له عزيز بنذاله يشد راسها لصدره ماتلف على فيصل وهو يعرف خجلها لو درت انه شافهم طلع فيصل
يضحك عزيز بهدوء تبعد عنه ببتسامه وستغراب : وشفيك ؟
ابتسم يقبل جبينها يحاوط اكتافها : جيبي عبايتك وانتظرك برا يلا سريع .
جت بتكلم بس قاطعها يده الي نمدت على شفتها : بدون رفض وإذا قصدك عمي سعد ماراح يرفض
هزة راسها له بتمشي بس وقفت تشوفه يبعد شماغه يستغرب من وقفت : لبيه
ابعدت شعرها خلف اذنها بحراج : رجلك ماتعورك
شد على عكازه بهيام من حركتها ينفي : لا بالله قلبي
ضحكت تأشر له بيدها : ثواني وانا عندك وبتعلمني شلون بابا وافق .
طلعت بعجله ماتسمع رده تشوف فيصل الي قدامها وجه احمر تستغرب بس تطنش تكمل خطواتها تضحك من حسته يركض وراها تدخل غرفتها تطلع عبايتها تسمعه : وين ؟
حطت طرحتها على اكتافها تعدل شعرها قدام المرايه : وش تبي الحين انت ؟
فتح عيونه على وسع : بنت خير اخوك تراني ممدا الكلب غيرك علي ..
ابتمست تتقدم له : عدل الفاظك ، ومحد يقدر يغيرني عليك والحين ابعد .
بعد فيصل ينزل وراها يتحلطم تمر جوجو الصاله تخبر الهنوف يتخصر فيصل : من متى الي يملكون يطلعون الي اعرفه لازم بعد الزواج ؟
الجد فيصل : انت شفيك متسلط على اختك الحين ؟ تبي الزواج ؟
ضحكت ربى تكتم ضحكتها من خزها فيصل يقعد جنب جدته : مو متسلط بس اخاف على اختي من ولدكم
خزته جوجو تضربه على كتفه بخفه تطلع يمسك كتفه بتمثيل يعلي صوته : يجي منك اكثر .
سكرت اذنها ورد من صوته : اوف فيصل اوف ليش تعلي صوتك ترا نسمع .
لف فيصل عليها وهي متغطيه : اوه ورد مغيرك
استغفرة وهي تبتسم : اي ورد تذكرتني ولا اذكرك
نفى ينسدح على ظهره بتعب يشوف سلمان الي ركض عند الهنوف يبكي : شفيك يا ماما ؟
حط كفوفه على وجهه بطفوليه : دودو عذيذ .
كتم ضحكته فيصل : وش فيهم ؟
ابعد يده يتكلم بقهر وهو يبكي يضحك فيصل : وهذا وجوجو ماعاشت معه وش بيصير فيك
اشر له يجي على ظهره تأشر ورد على سلمان : اضربه بقوه .
قمز سلمان فوق ظهر فيصل الي ون بألم يدخل الجد ثنيان بحده يضرب فيصل بعصاته : قم فضحتنا اطلع عند عمانك قم وخل التسدح .
تأفف فيصل : يبه والله تعبت ونكسرت يدي وانا اصب من هالقهوة .
تعدل فيصل يبعد سلمان الي ماسك ثوبه يشيله فوق كتفه يسمع جدته : خلاص فيصل قررت ازوجك
هز راسه فيصل : ومنهي
الجد مهره : الورد تحب الورد يمه
فيصل الي يسكت سلمان الي يصرخ يبي ينزل : يو لا ماحب الورد خلقه جوجو تغثني فيه .
مسكت راسها الجده مهره : يويلي يالهنوف ولدك دبش مايفهم .
ضحكت الهنوف غصب من وجه فيصل المستغرب : يمه تقصد ورد بنت عمك بندر
فيصل بصدمه ينزل سلمان يبلع ريقه : ايي انا بروح مع جدي يلا يبه .
طنشت ورد الي ابتسمت وحتى هي مهي اقل منه توتر ..
" بيت بندر اخر الليل "
أطلعوا ورد ولتين و ربى يجتمعون بالبيت وبغرفة ليث
الي ابعد الابتوب والاغراض تنط ربى على السرير تدخل ورد معها الحلا ولتين القهوه يفز ليث ياخذها عنها : بنت لا تشيلين شي ثقيل .
ابتسمت لتين تقعد ورد جنبها : حرصكم هذا صاير يخوفني
مدت لها ربى قطعة شوكلت : حلي وخلي الخوف بس
اخذ ليث من ورد القهوه يصب لهم ببتسامة : حي الله خواتي تو مانورة غرفتي .
ضحكت ربى : مو اول مره ندخل
خزها ليث : والله ولا عمرك كملتيها لازم تعكر شي
ضحكت ورد تتأمل غرفة ليث بنبهار : ذوقك نفس ذوقي
ضحكت ربى بعبط : تفكيرج صار مقارب حق تفكيري
ضحك ليث من مدة فنجالها : يابنت تو عطيتك حار كيف شربتيه .
ربى : اعوذ بالله من عينك
ورد بمزح : يمكن متوحمه .
تنهدة ربى تسكت تبعثر شعرها من حست بنظراتهم : شفيكم ترا من زمان احب القهوه
هز راسه ليث بشك يرتشف فنجاله تلف ربى على جوالها الي يدق بتميم يهمس ليث : حطي سبيكر
غمزة له ربى تتربع تحط الجوال ترد تهمهم له
تميم : بطمن عليك .
ابتسمت ترفع عيونها لهم من صدو تلف ورد تصقع جبينها بكوع ليث تضحك ربى يضحك تميم معها : وش قلت ؟
هزة راسها بنفي على اساس يشوفها عجزت ترد عليه من ضحك ليث الي يمسح جبين ورد : ماقلت شي ، بخير انت كيفك ؟
تنهد تميم يثبت جواله يمسح على جبينه يسوق بيد : ماتسرك .
فزة من السرير تحط جوالها على اذنها تبعد عنهم تعقد حاجبها : تميم لا تخبي عني وش فيك ، اجيك ؟
ابتسم ينفي : لا بالله مافيني شي بس تعرفين الشوق غلبني وماتعودت البيت بدونك ، وقعدي واستمتعي معهم بس ترا بمرك الصباح ونطلع للمستشفى
تنهدة من الطاري وهي خايفه : تميم
قاطعها بجديه : ولا تفكرين ربى ولا تخافين انا معك
ابتسمت بخفه : تمام بس الموضوع بينا ، وعادي اسألك ؟
تميم : سمي .
ترددة بس ماقدرت تتكلم : وش صار على لورين ؟
سكت تميم ثواني ترد بسرعه : ضايقتك صح
تميم : لا بس موضوعها ماشفته للحين وبمرهم بكرا بالليل ان شاءالله .
وقف قدام بيته ينزل : يلا استودعك الله اي شي تبينه اتصلي بس .
ابتسمت تلعب بخصلة شعرها : تمام انتبه لك .
سكرت تلف تنفجع بخوف من نظراتهم عليها : بسم الله وش فيكم .
ليث ببتسامه وهو ينسدح : لا بس انتبه لك .
كشرت بوجها ترجع مكانها تبعد لحافه : قوم لا تنام عندي لك سوالفف .
" عند هايف "
وهو نزل لتين عند اهلها عشان تنتبه على نفسها هناك
وهو يلحق ورا يزيد الي مختفي وجواله مثبته يكلم سعود : ها حصلته ؟
تأفف هايف بحده : لا مدري وين ذلف
سعود بستغراب : تتوقع اميره صادقه انه مسحور
مسح على شعره هايف يناظر الطريق : والله مدري لكن بسكر الحين وبنزل ادوره .
تنهد سعود : اي تكفى امه داقه على امي تبكي
هايف بحده : حتى اهله مادرا عنهم المهم يلا انتبه على عمرك .
سكر هايف يحذف جواله يوقف ثواني يصغر عينه بس ماقدر يلبس نظارته الطبيه يستغرب وجود سيارته قدام استراحه ينزل يقفل سيارته خلفه يطق الباب يتأفف من الريحه يرفع راسه للولد الي شكله مو طبيعي ينقرف هايف : يزيد موجود
ابعده هايف يدخل يكح من الريحه يفتح الباب ينصدم من الي يشوفه ..
" الاسطبل "
نزل يفتح بابها تمسك كفه تبتسم له بهدوء يسكر الباب خلفها يشد على مسكته لكفها يدخلون خلف الاسطبل تعض شفتها جوجو من جمال الورد تلف على عزيز الي وقف يمسك يدينها يصغر عينه ببتسامه : ممكن تضحكين علي بس كانت امنيتي اقطف معك الورد .
ضحكت بهدوء تمشيه معها تبعد طرحتها عن شعرها
تنحني للورد تلف عليه تبعد شعرها من الهواء : يلا تعالى .
تقدم يفتح او زر من ثوبه يشمر اكمامه ينحني معها يقطف معها بس كان يتأملها وهي تبتسم وتبعد شعرها بملل من الهواء يقرب يلف وجها له يبعد شعرها خلف اذنها يثبت الورده بشعرها على الجنب تغمض عينها بتعب من خجلها معه تتقدم هي تاخذ الورد الازرق تدخل داخل جيبه الامامي من ثوبه تبتسم له : وحده بوحده .
ناظرت الورد الي جمعه : اوه عزيز ماجمعت الا وردتين .
اخذ يدها يحط الورد بحضنه ينفض يدها من التراب
يقبلها بهدوء يمسك بيدها يعدل ثوبه يبتسم : ماودنا بالورد كنسلنا نبيك .
ضحكت تبعد عكازه : استند علي .
ماخلته ينفي اخذت ذراعه تحطها على اكتافها ويدها الأخرى خلف ظهره : يلا امنع الحين .
اخذ راسها يقبله بتكرار : علميني وش اوصفك فيه ؟
حضنها له تتكلم يمشون تتأمل خطواتهم : عزيز بكرا اول خطوة بنمشيها للعلاج ومثل ماقلت انا معك .
كان يتكلم بس سكتت ثواني تناظر احد خلف الاشجار
واضاءة خفيفه جت على ظهر عزيز خافت بس ماحبت تنبه وكان اكبر غلط ممكن جوجو ترتكبه لفت عليه من مسك وجها بكفه ببتسامه : افاا اتكلم وبالك مو معي من الي في بالك عـ ..
ابتسمت تلف بحيث ظهرها يكون خلف الاشجار وهو قدامها تحضنه بشده من خافت وهي تسمع الاصوات ..
ابتسمت تلف بحيث ظهرها يكون خلف الاشجار وهو قدامها تحضنه بشده من خافت وهي تسمع الاصوات
يعقد حاجبه هو سمع معها الصوت يحاوطها خوف عليها يشدها له يمشي بخفيف وهي شاده على كفه
سكرت عينها من حست بدخول احد يتكلم وما كانت الا سمر الي تقدمت وصوت بكاها عالي تبعد جوجو عن عزيز تبلع ريقها من شكل سمر الي ابعدت لثمتها
وعزيز الي لف جوجو عليه يعطي سمر ظهره وبصوت عالي وحاد : يابنت الناس فكيني شرك واطلعي
ناظر الي قدامه ساكته مصدومه يبتسم غصب من نظرات عيونها الي تمر عليه ثم على الي وراه تتقدم وتمسح دموعها بعنف تناظرها بحقد : ليه عطتيني رقمه وعلقتيني فيه وانتي بسببك طلقني بسببك دمرتي بيتي
والحين اخذتيه .
ضحكت بقهر تقرب تبي تبعد جوجو يد عزيز الي ماسكتها بس شد عليها برفض تسمع الي تكمل كلامها ببتسامه : بس اعرفي شي والله ما اخليك تتهنين معه وتذكريها زين وروحي جعـ ..
صرخ عزيز عليها يخلي جوجو ترجف تمسك ذراعه من من كان بيلف ويمسكها من كانت بتدعي يرص على اسنانه بغضب : والله واخذي العلم مني إذا مالعبت بحسبتك وخليتك تعضين الارض ماكون عبدالعزيز ، والحين روحي لا ابتلي فيك روحي .
ابتعدت سمر على ورا برجفة تشوف الي تتفحص عزيز من ضغط على رجله بسبب عصبيته تحاول تهديه وهي تبي تروح لها بس ماقدرت من عزيز الي لا زال ماسكها تتنهد تلف على سمر بصمت يقتل عزيز ويزداد كرهه لها من تكلمت جوجو بهدوء : كنتي تدرين بزواجي له وكنت اعلمك بكل شي يصير بحياتي ومحد يعرفها غيرك كان الكل يقول ابعدي عنها لا تثقين فيها بس كنت انفي كلامهم وعصب إذا احد تكلم عنك بس وش سويتي سمر تزوجتيه رغم معرفتك اني زوجته وطلبت الطلاق و تزوجك وابعدت عنكم وكنت ادعي ربي يوفقكم ولا أذيت احد فيكم ..
سكتت من غصتها تحاول توزن نبرتها تشد على كفه : بس مشكلة القلب يا سمر .
تنهدة بقهر من تغيرة نبرتها تسمع كلمتها قبل تطلع : صدقيني جوهرة ماراح تتهنين بحياتك .
اطلعت تبعد جوجو عن عزيز تمسك راسها من كتمانها لدموعها ماتسمح لها تنزل تحس بيد على كتفها تلفها عليه يمسح دموعها بكفه بقهر : لا تنزل دموعك عليها لا تنزل لا تخليني و ..
نفت تبعد يدينه ببتسامه تطمنه : مو عشانها
تنهد عزيز يحضنها له : العزيز مايخبر جوهرته بهالضعف .
ضحك من رفعت راسها له بنظره حاده : مين الضعيف عشان سكت لها وصح ليش تمسكني عنها ؟.
هز راسه بنفي يحاوطها : اي والله اعقب وخسى الضعف مو لك ، ومسكتك عشان لو بترك بتجلدينها وتعرفين عاد لازم اقوم بالواجب معك وخاف تموت ونبتلي فيها ونهايتي سجن ولا اشوف عيالي .
ابعدت تضرب ذراعه بخجل وخوف : وجع عزيز تفائل بالخير بعيد الشر .
ابتسمت تسمع ضحكته تشتت عيونها عنه
تبتسم من اشر لها تجي تسنده عليها يمشون طريق رجعتهم تلف على صوت تنهيدته : عسى ماشر
ناظر قدام وهو دعوة سمر تترد في باله والنار الي داخله ماطفت الا زادت وبدون شعور وكره: جعلك تسبقينها اي والله .
ضحكت بهدوء تتأمل ابتسامته الخفيف وحدة عيونه ولحيته الكثيفه الي زادته جمال يلف عليها يبتسم تصد بعيونها بحراج يمسح على لحيته : شكلها ماعجبتك ؟
لفت عليه تنفي بسرعه : يويلك خلها .
غمز لها بيكمل كلامه تنحرج تبعد عنه بسرعه تمد له عكازه : عزيز تقلع عني .
ضحك يشوفها تمشي خطوات عجله لسياره ينادي عليها بصوت مرتفع يبعد عكازه : بنت ارجعي مكانك والله ان تجين .
-
" بيت بندر "
قامت لتين بوجع خفيف اسفل بطنها تعدلت تقوم تمسك نص شعرها بشباصه تأخذ جوالها تنزل تحت
تطلع للمطبخ بخطوات هاديه تشرب مويه لفت على جوالها الي يدق
ابعدت الكوب على الطاوله ترد عليه بستغراب من الوقت : هلا هايف ؟
كح هايف وهو لازال مو مستوعب من الي شافه يرد عليها بصوت متقطع : اطلعي .
سكرت بخوف تسحب إجلال عاليه الي قدامها على الكنب تطلع بخطوات عجله تفتح الباب يدخل هايف
ينحني على نفسه يكح تمسك ذراعه توصله للمجلس الي برا قعد تسحب له لتين المويه الموجوده تمدها له تمسح على ظهره : سم واذكر الله بشويش .
شرب يبعد نظارته يفرك عينه بتعب يمسح على وجهه
تعض شفتها لتين بحيره : هايف وش فيك وش صار ؟ ولقيت يزيد ؟
رفع راسه لها بهدوء : ليتني مافتشت وراه يا لتين ليت صار شي ولا رحت اشوف الي شفته .
استغربت تعدل جلستها بس توجعت تشد على يدها : ليه ؟
بلع ريقه هايف بتردد : بيني وبينك يا لتين الموضوع مايطلع .
مسكت يده : تمام بس علمني
شد على يدها يتنهد : يزيد ياكل حبوب الم
ماكمل من حطت يدها على شفتها بصدمه : مستحيل
ضحك هايف بسخريه : كنت اتمنى اكذب الي شافته عيني ، بس وش اسوي يا لتين وش اسوي وهو زوج اختي ولد عمي وعنده عيال متعلقين فيه ، ومقدر اسكت وما ابلغ ونهايته بتكون واضحه ، ولا شلون بخبر امه ، متشتت يا لتين متشتت وسعود مقدر اعلمه وزواجه قريب ..
دمعت لتين وهي حست بضغط الي عليه ولا عرفت كيف تهون عليه تقدمت تحضنه تمسح على ظهره : صدقني اي شي بتسويه بيكون صح ..
ابعدها بخوف من تألمت يحط كفه فوق كفها الي على بطنها : نروح المستشفى ..
نفت تبتسم له تبي تطمنه ولا ودها ينضغط اكثر : معليك ألم خفيف .
قام هايف يعدل وقفته يمسك يدها يقومها معه يحضنها له يمسح على شعرها : ترجعين معي البيت ؟
قام هايف يعدل وقفته يمسك يدها يقومها معه يحضنها له يمسح على شعرها : ترجعين معي البيت ؟
رفعت طرف وجها له وش تشوف التعب واضح على وجه تهز راسها : ثواني وانا عندك .
ابتسم لها يبعد يده من طلعت يطلع هو لسيارته ينتظرها ..
-
" بيت سعد "
لفت عليه ببتسامه قبل تنزل : بكرا تجهز من الصباح
أشر على خشمه : على خشمي .
ابتسمت بخجل من قبل جبينها يستودعها الله تنزل
تدخل تسكر الباب خلفها تلف تشهق تمسك قلبها من فيصل الي نازل ولابس بجامته ويفرش اسنانه واقف على الدرج متخصر يناظرها : الله يخرش عدوك يا فيصل انت بتموتني قبل يومي .
أشر لها بيده وهو مايقدر يتكلم ويفرش تعقد حاجبها جوجو تطلع فوق وفيصل وراها يطلع لغرفته يغسل
تبعد عبايتها تبتسم تشوف شكلها تبعد الاكسسوار
تمسح الميكب وعنايتها المعتاده تبتسم براحه تلبس بجامتها تنزل تحت تشوف فيصل الي قاعد ينتظرها تتقدم له تنسدح على الكنبه هو وراها يلعب بشعرها : ترا تأخرتي لو ما تدرين
رفعت عيونها له تشد لحافها عليها من المكيف : بلا كذب الساعه عشر المهم تعالى اقولك وش صار
تربع فيصل فوق الكنب يمسج شعرها : هاتي العلم
بدة تحكي له كل الي صار وتشوف دهشة فيصل : وانتي وراك ماطحتي فيها ضرب
ضحكت بسخرية : وليه هو خلاني بعدين معلي منها خلها تهدد اليوم لبكرا المهم تعالى انت .
قرب فيصل بيجلس مقابلها تمسكه تضحك : لا
رجع مكانه يشد شعرها : تقولين تعال
ضحكت تضرب يده : وجع شعري اقصد بكلمك
هز راسه لها وهو مندمج يمسج شعرها تتكلم : صدق فيصل صدق ليش ماتزوج ورد تكفى تزوجها
فتح عيونه بصدمه : علامك انتي .
كشرت بوجها : فيصل ياخي ورد واضح تحبك بس تبيك انت تبادر .
ابعد يده فيصل بهدوء : وانا ابيها تبادر .
فزة جوجو تجلس ينصدم فيصل تمسك يده : اجل تم عندي انا اعلمها كيف تبادر لك بس لا تفضحني بعد انت .
اخذت جوالها تتصل على ورد يمسك فيصل يدها : بنت وش بتسوين .
اشرت له يسكت وبالفعل سكت يسمع صوت ورد الي واضح كانت نايمه تضحك جوجو بهدوء : عسى ماقومتك
نفت ورد تنسدح تغمض عيونها : لا اصلن قمت مفجوعه لقيت لتين مو جنبي طلعت الحيوانه رايحه مع زوجها .
ابتيمت جوجو تشوف فيصل الي يتصدد : طيب ليه متزوجين انتي
تأففت ورد : يو جوجو واضح فاضيه .
كتمت ضحكتها جوجو من وجه فيصل : طيب اسمعي ماما بتخطب وحده لفيصل .
فزت ورد من سريرها تبعد شعرها على ورا تحاول تستوعب : هاا
جوجو : وش فيك
ادركت ورد تلعب بظافرها بتوتر: طيب الله يوفقه انتي وش تبين أمري .
سحب فيصل الجوال من جوجو الي جت بتأخذه منها بس عطاها ظهره : يعني من الاخير تبيني ولا لا .
احذفت ورد الجوال برجفة تسمعه يكرر كلامه تسحب جوالها : رجع الجوال لجوجو رجعه
عضت اصبعها جوجو تضرب راس فيصل تهمس : غبي غبي
خزها يمد لها الجوال تتكلم جوجو : معليش ورد اعذريني ..
ورد بهدوء : معذوره دامه اخوك
سكرت جوجو جوالها تناظر فيصل بحده : خير
تأفف فيصل يقوم : شسوي ماينفع معها الا كذا
جوجو : تراك خربت على عمرك
فيصل بقهر يطنش يطلع فوق : مو اخر بنت ، دامها ماتبيني ماراح اغصبها تحبني .
تأففت جوجو تلعب بخصلة شعرها وهي تفكر بحال اخوها فيصل ..
-
" الصباح سيارة تميم "
ركبت تعدل اكمام عبايتها ببتسامة : صباح الخير
مد لها تميم ببتسامة قهوتها : ياصباح السرور سمي هالمره قهوه مو شاهي نبيك تروقين دام مشوارنا طويل ..
ابتسمت تصور قهوتها تلف على تميم تصور تبعد جوالها : تميم الموضوع مايخوف صح .
لف لها ببتسامة : سهل بأذن الله .
سكتت تناظر طريقهم وتسمع سوالف تميم عليها وبعد ساعه تقريبا ماحست فيها يوصلون تتوتر تنزل مع تميم تمسك ذراعه تناظر تميم الي يتكلم مع الريسبشن ابتسم تميم : يعطيك العافيه
لف عليها ومعه الاوراق يشوفها تتأمل المستشفى يناديها من سرحت : ربى
لفت عليه : هلا
ابتسم يمسك يدها يطلعون لدكتور الي كلمه تميم عن موضوعهم دخلوا يلقون السلام يصافح تميم الدكتور تبتسم ربى بهدوء : سلام دكتور
ابتسم لها الدكتور : وعليكم السلام تفضلو
قعد تميم ومقابله ربى يسمعون كلام الدكتور ورتاحت ربى وحست براحه من كلام الدكتور ان فيه امل باذن الله بس بتكون رحلتهم بالبدايه صعبه شوي وتعب عليها طلعوا يبتسم تميم : ها انزاح خوفك .
عدلت طرحتها تلف عليه : نقول ان شاءالله المهم خل نروح مطعم جوعانه .
ضحك يحط نظارته على عيونه من الشمس : ابشري
-
" الصباح بيت سعد "
انزلت جوجو تعدل عبايتها عليها تبتسم لهم من كانو يفطرون تقبل راس سعد والهنوف وتصبح على سلمان وفيصل قعدة تفطر : فيصل عطني الخبز
مد لها فيصل يسمعون سعد : خلكم جاهزين بعد صلاة العشاء بنطلع للمطار .
هزة راسها جوجو تمد لسلمان توت تلف على الهنوف : جوجو ماما على وين
ابعدة كوب الشاهي تتكلم : اليوم اول جلسة للعلاج لعزيز .
ابتسم سعد لها : وعزيز مايقدر لحاله
نفت ببتسامة خجل تقوم من اتصل ترد عليه تعدل
طرحتها عليها تقبل خد سلمان تسمع فيصل : لا تأخرين
رفعت صوتها وهي تمشي : بابا
ضحكت من سمعت سعد الي لف عليه : إذا انا ابوها مامنعت
بعثر شعره فيصل : قاهرني هالعزيز .
تنهد سعد وهو يعرف غيرة فيصل على اخته : يايبه خفف من غيرتك على اختك تراه زوجها .
ابتسمت الهنوف تمسح يد سلمان : عاد شوفو من يتكلم سعد .
ضحك فيصل يناظر ابوه الي يغسل يده ويعلي صوته :
انا يالهنوف .
تقدم عندهم ياخذ من العامله العود يتبخر فيه يلبس شماغه يسكر ازرار ثوبه من فوق يتقدم لفيصل يربت على كتفه : انتظرك بالشركه ..
-
" برا ركبت سيارته "
تبتسم تعدل نظارتها : صباح الخير
بعثر شعره على الخلف ياخذ يدها : الحين عرفت لذة الصباح ..
ابتسمت من وقف عزيز قبل يمشي من طلع لهم سعد يفتح دريشة جوجو : صبحك الله بالخير ياعم
ابتسم سعد : صبحك بنور ، اشوفك جازلك الوضع
رفع اكتافه عزيز ببتسامة : وبالحيل جاز لي .
لفت جوجو على ابوها يمسك يدها يوصي عزيز : انتبه لها ، ومر الشركه بعد ماتخلص
احترت يرد عزيز ببتسامه : لا توصي ، وابشري كم ساعه وانا عندكم .
هز راسه سعد يودعهم يركب سيارته مشى عزيز يبتسم من شافها ترفع التكيفف عليها : حر حر
مد يده يعدل لها يلبس نظارته : عطيني الموقع
فتحت جوالها ترسله يفتحه عزيز يمشي على الوكيشن
يمد لها قهوتها بيده الثانيه : سمي
اخذتها تناظر الطريق وتأشر له على المكان يوقف عزيز تنزل وينزل معها يدخلون بالمكان المخصص تبتسم جوجو للبنت : اهلا انتي الجوهرة صح
هزة راسها جوجو ببتسامه تبعد عبايتها تلم شعرها ذيل حصان تتقدم تعقد حاجبها بعدم اعجاب من كانت المدربه بتمسك ذراع عزيز تتقدم بسرعه : انا امسكه مايحتاج بس علميني .
اخفى ابتسامته الي تمردت عليه تمد يدها جوجو تبعد عكازه تمسك يده بطراف اصابعها ترفع عيونها له : إذا حسيت بألم شد على يدي
ماكان معها يتأملها تمشيه جوجو معها تتأمل خطوات رجله وتسمع كلام المدربه وتمشي على كلامها وهي ماقدرت ترفع راسها من نظراتها صرخت بخفه من وصلت لنهاية تناظره : برافو عزيز برافو
ابتسم لها : والله وصرت بزر بس بعيونك ماعندي مشكله .
ضحكت : الحين بنرجع مكان ما جينا وهالمره بفك يدي بس بكون قدامك .
شد على يدها بخوف : لا جوهرة
ابتسمت له بحنيه تمسح على يده : عشاني عزيز عشان عيالك .
ضحكت بهدوء وهي تبي تشجعه ماتبي الخوف يتغلب عليه سمت بالله تستودعه الله تترك كفها عنه وهي قدامه وهو قدامها يمشي ويناظر خطواته رفعت صوتها ماتبيه يدقق برجله : ناظرني لاتناظر تحت .
رفع راسه يناظر ابتسامتها له مايدرك الي حوله ويشوف تحفيزها له وهذا الي مصبره يكمل بالعلاج
سكر عينه يوقف تتقدم هي تلف تناظر المدربه الي طلعت تجيب اوراق احضنته بفرحه تضحك : وصلت افتح ..
فتح يتنهد يشد عليها : الله يسامحك ويسامح عيونك
ابعدت تحاوط ذراعه وبجديه : عزيز بتكمل حتى لو رحت وإذا رجعت بكمل معك
هز راسه يمسح على وجهه : يالله مدري كيف بتحمل هالخمس ايام بس تهون لعيونك .
-
" بيت خالد عند اميره "
تركت لدن عند امها تعدل لحاف سهم النايم تستغرب من صوت الباب العالي تفتح العامله الباب تقرب اميره تشوف يزيد الي يرجف يتقدم بسرعه يمسك يدها : تكفين اميره لا تصدقين كلامهم ..
رجفت يدها بشكل مرعب من شكله تشوف هايف الي دخل م نزل راسه وراه العسكري الي وراه ينفي يزيد الي يحاول يبعدهم يصرخ بصوته : اميره لا تصدقينهم ، اميره سهم بـ أمانتك .
ناظرته بسكون وهدوء تلف على هايف الي سكر الباب خلف يزيد يتقدم لها : اميره
دمعت عينها تبلع ريقها بخوف : ليه ؟
تنهد هايف يسحب ذراعها يحضنها يمسح على ظهرها يحس برجفتها يعض لسانه بقهر وهو عارف سكوتها من صدمتها يسرد لها كل شي تبعد اميره بعدم تصديق تنفي : لا هايف يزيد مايسويها
هايف : اميره يابوي انتي بكذب عليك انا
بكت بتعب تشد على كفها : هايف يزيد مسحور والله ليش محد مصدقني .
تقدم هايف يرفع كفه يمسح دموعها : مصدقك يا اميره مصدقك أصلا يزيد ما كان كذا ولا ادري وش قلب حاله .
لفوا على دخول خالد يتنحنح هايف تبعد اميره تمسح على ملامحها يتقدم هايف يقبل راس ابوه : مسهم بالخير يبه .
ابتسم خالد يربت على كتفه : مسهم بالنور ، الا انت مختفي ما عاد نشوفك .
ابتسم هايف يمسح على راسه بضحكه : شنسوي لما يطلع حفيدك على هالدنيا وتلقاني عندك يوميا بس هالفتره مقدر والله منشغل بشغلي ولتين ، وانت يالغالي بعد ترا ماعاد لك حس اجي اسلم على امي اسأل عنك تقول طالع ..
كان يسترسل مع ابوه وعينه على اميره وهو يحس بنزول دموعها من ارتجاف جسمها تنهد ابوه : والله مدري يابوي
لف على اميره يعقد حاجبه ببتسامه : واميرة ابوها ماتجي تسلم عليه .
ابتسمت تمسح دموعها تلف عليه تقدم بخطوات عجله تحضنه تنهار بحضن ابوها الي شد عليها يذكر الله يتصدد هايف يبعد عنهم يبعد نظارته يمسح دمعته يضحك يرجع نظارته يشوف امه الي طلعت لهم وبحضنها لدن ياخذ لدن لحضنه يقبل خدها بتكرار : لدن القلب .
ابتسم من حطت يدينها تلعب بوجهه وتسحب نظارته
يلف على اميره الي هدت تمسح دموعها تضحك وهي بحضن ابوها : عيونك هايف انتبه
نفى يقبل جبينها وخدها بشده : فداها فداهااا ، ترا من الحين اقولك محجوزه لولدي البنت لولد خالها .
ضحكت لدن من لحيت هايف الي على خدها يعض شفته هايف : يارب ارحمني .
سكرت عينها اميره وهي بدة تحس بضباب بعيونها ويضيق تنفسها تبعد عن ابوها ببتسامة تبعد عنهم تستعجل خطواتها فوق تدور بخاخها فتحت درجها تطيح على ركبتها تبخ تمسك صدرها بوجع تلف على سهم الي محتضن مخدتها تبتسم بحزن تمسح على شعره تنحني تقبل جبينه : يمكن تكوني لي السند من بعد ابوك يا سهم ..
-
" السجن "
نزلو العيال كلهم مع بعض يدخل عبدالعزيز وراه العيال يتقدم عزيز يكلم الضابط يطلبون انهم يشوفون يزيد يسمح لهم الظابط يدخلون العيال يفز يزيد لهم يأشر له عزيز : اقعد
وقفو العيال حوله يمسح على وجهه تميم : وش صار بحالك يا يزيد ؟ ماخبرت الردي منك ؟
سكت يزيد وهو مايدري وش يرد عليه يسمع نبرة هايف : تكلم لا تسكت لاتوجعني با اميره الي دموعها ماوقفت .
مارد يناظرون فيصل الي دخل وراه جده ثنيان وبندر : الشيخ وصل
رفع راسه يزيد بسرعه يمسكه عزيز : هد
صرخ يبعد عزيز : ماني مريض مافيني شي اطلعوا خلاص اطلعوا .
نزل راسه ليث بحزن على حاله يدخل الشيخ يمسكونه العيال من كل جهه يبدا الشيخ يقرأ وصوت يزيد يرتفع بصراخ مرعب يرعب فيصل الي طلع من منظر يزيد الي سود وجهه وعيونه ازدادت احمرار يبعدون العيال عنه يطيح يزيد يسكر اذنه يصرخ يتنهدون العيال يطلعون وقف عزيز يضرب راس فيصل بخفيف : علامك
لف فيصل يمسك قلبه : يارجال قلبي يرتعد
ضحك عزيز بهدوء يلف عليهم : خلو موضوع يزيد علي بلحق ورا موضوعه وبشوف وان شاءالله خير
ربت على كتف هايف : اطلع لزوجتك ولا تشيل هم
ابتسم له هايف يشد على ذراع عزيز : ماتقصر يابو عبدالله .
ابتسم له عزيز يطلع هايف لسيارته يناظر عزيز لتميم : ولد روح انت بعد ترا عارف انك مانمت اليوم .
حط تميم كفه ورا عنقه بخمول : واضح
هز راسه عزيز يضحك تميم يشوفون ليث وفيصل الي مشو بهدوء يبعثر شعره عزيز يسحب جواله من جيبه يستغرب عدم ردها يرسلها يسكر جواله يمشي لسيارته ينتظر الجد ثنيان وبندر .
-
" عند الجوهرة "
ركبت مع السواق تطلع لبيت بندر توصل بعد دقايق تنزل تخلي عبايتها عليها تبعد طرحتها فقط تضحك تشوفهم جاهزين : اشوا كنت بجي افصل عليكم
ضحكت ربى تلف عليها تتلثم بطرحه : ضابط
اشرت لها جوجو بيدها : حلوو ، المهم تعالو
اجتمعو حول بعض يخططون يروحون لبيت فاطمه
بدون علم احد تفز جوجو من صرخة ورد : يمه بنات ترا سحر مو شي عادي وحنا مانعرف .
صفقت راسها ربى : بنشوف وين مكانه بضبط بس
لفت جوجو على لتين : انتي بتقعدين .
فتحت عيونها على وسع لتين : لا لا لا
خزتها ورد : اقول
تنهدة جوجو تضرب خدودها بنزعاج منهم : خلاص انتي وياها بسرعه نبي نطلع وترا احتمال نشوف الي ماتنقال هناك .
كشرت تقى بقرف : يع وبنفس الوقت يخوف .
قامت جوجو تعض شفتها من اتصال عزيز تسكر جوالها بخوف لو درا يطلعون البنات لسيارة وبعد مده اوصلو ينزلون تكشر ورد تعدل عبايتها تسكر الباب خلفها توقف معهم : يمه وش فيكم
ناظرة ربى البيت بتردد : بنات البيت واضح مافيه احد مسكره الانوار .
خافت جوجو بس ماحبيت تبين لهم : اسكتوا
لتين بستغراب : مين بيفتح الباب طيب
رفعت جوجو المفتاح : اخذته من ريڤان معها احتياطي .
صفقت تقى : برافو على زوجة اخوي الذكيه
ابتسمت جوجو تتقدم تفتح الباب تدخل تلف على الي مسكت ذراعها بشده : بنت ابعدي عشان نعرف شغلنا
نفت ورد بخوف : بنات فلم رعب والله
ضحكة ربى تمشي بالبيت وراها جوجو مشت جوجو بشويش للمطبخ تشوف الدريشه تلف عليهم : تهقون هنا .
صغرت عينها ربى : ممكن لو نلاحظ المطبخ مفتوح على الرجال يمديهم يدخلون وهي ترزز هنا ..
ضحكت لتين غصب من طريقة كلام ربى
تتقدم جوجو بتفتح الدريشه تصرخ ورد : لا
صرخت معها جوجو بخوف : وش فيك ؟
ابعدتها تقى من ذراعها : غبيه انتي سحر ذا
تأففت جوجو تبعد يد تقى : انا مين قالي اجيبكم معي الي تخاف تطلع لسياره .
انحنت لتين تناظر ظل جاي ونور ينفتح تشهق بخفيف : بناتتت في احد .
مسكت ربى بطنها بخوف يسكتون يسمعون صوت ارجوان الي تنزل من فوق تكلم تكشر جوجو بقرف
بكت ورد بخوف تهمس لربى : اخاف تسحرنا بنات تكفون خل نطلع خلاص .
سمعتها جوجو تهمس لها : ماشاءالله وكيف نطلع وهي قاعده بصاله .
مسحت على بطنها لتين من حست بفعلتهم وبخوف :
بنات الي قاعدين نسويه صدق ولا احلم .
كتمت ضحكتها تقى غصب من وجيه البنات و رجفتهم رفعت جوالها تقى بهمس : بدق على عزيز
فتحت عيونها على وسع جوجو : تبين يذبحني .
نفت تقى تبتسم : ترا اخوي حنون ، بس شنثوي مافيه الا هو وعزيز ارحم واحد فيهم من ناحية العصبيه على الاقل بيثكت وما يعلم احد
ضحكت جوجو بسخرية : اي هذا وجهي ، وحتى لو دقيتي كيف بنطلع
سفهتها تقى تبعد والبنات يراقبون ارجوان دقت تقى تتكلم بصوت منخفض : عزيز
استغرب يعقد حاجبه يسوق بيد وحده : سمي ، شفيك تهمسين .
عضت شفتها تقى : عزيز اثمع بشويش لا تعصب
ازداد استغرابه عزيز : علامك قولي ما راح اعصب .
تقى بخوف : تعالى بيت عمي سلمان وبعلمك كل حاجبه .
سحب بريك عزيز تحتد نبرته : وش جايبكم هناك
سكرت تقى وهي زادة عصبيته بتسكيرها له لفت عليهم تعدل طرحتها تناظرها جوجو : وش قال
ابتسمت تقى بغباء : ها ما قال شي
جوجو : واضح من الابتسامه المرتبكه ، المشكله انا باكلها معك .
ضربت جبينها ربى وهي تشوف ارجوان الي ماتحركت بمكانها ولا حست فيهم من بعد المطبخ عن الصاله : اخ يالقهر نطلع بدون فايده .
أيدت جوجو تعدل طرحتها يسمعون صوت الجرس تفرك يدينها : لا رحنا فيها
عند ارجوان قامت تفتح الباب تستغرب وجود عزيز الي صد يتكلم : إذا معليك أمر ابي اوراق من مكتب عمي سلمان إذا تقدرين .
ابتسمت ارجوان : كيف شكل الملف
استغفر عزيز : اخضر اخضر
طلعت ارجوان لمكتب ابوها يتصل عزيز بتقى بحده : اطلعوا بسرعه .
سكرت تقى يطلعون البنات ركض وكانت ارجوان بالكتب تحوس بالملفات سكر عزيز الباب خلفه يناظر تقى وجوجو الي واقفين : والله انتي تركبين قدام
نفت جوجو : لا و ..
ماكملت من صرخ عزيز بحده : بس انتي وياها وانتي اركبي قدام خلصيني .
رجفت جوجو تركب شدة جوجو على يدها تحشر نفسها على الباب من ركب يتكلم بعصبيه : علموني ليه جاين هنا ؟
محد تكلم يصرخ يفزون : وحده تتكلم .
تكلمت تقى برجفه تعلمه وجوجو تناظره هو يسمع
يضحك بسخرية وبحده بصوته : من فكرته ؟
تقى : أنا
نفت جوجو تلف على تقى تكتم ضحكتها من البنات الهادين تناظره : أنا .
شد على فكه يمشي بدون كلام تتكلم ربى : عزيز لا تعلم تميـ
قاطعها بحده ويده على فكه : ولا نفس والعلم بيوصل
تأففت ربى تلف جوجو عليه بحده : ليش تكبر الموضوع
لف عليها تحتد عيونه : جوهرة اسكتي ماودي ازعلك ، وتبيني اسكت وانتو رايحين بدون شور احد وماحسبتو حساب للي بيصير
لفت وجها عنه بهدوء يوقف عند بيت الجد ثنيان تودع جوجو البنات تركب معه بهدوء : وصلني بيتنا .
ناظرة جوالها وهي تأخرة تشوف اتصال ابوها عليها
ضرب الدكسون بيده يكتم غضبه : ارفعي وجهك .
سفهته تلعب بخاتمها يلف يشوف الطريق يرفع وجها بيده والثانيه يسوق فيها يناظر فيها : من المفروض يزعل ؟
ابعدت يده : ناظر طريقك ، ومازعلت .
ضحك بسخرية عزيز : كذبي على غيري .
رفعت راسها بدهشه من تعدا البيت تلف عليه : عزيز رجعني ، تأخرة عليهم .
مارد عليها يكمل طريقه يوقف بطريق خالي يلف عليها : وتبين تروحين وانتي زعلانه !
رفعت حاجبها تناظره وهي زعلت من صراخه قدام البنات : وش تبي الحين .
ابتسم من حس بنبرة الزعل ياخذ يدها : شسوي قهرتيني رايحه للخطر برجلك يشهد الله عصبيتي كانت من خوفي عليك .
سكت تسمعه : بعدين المفروض انا الي ازعل ليه صار العكس .
لفت عليه تبتسم من ابتسامته تصد عنه: والله عاد كنت براضيك بس ماحبيت صرختك على ربى .
عزيز ببتسامه : معليك ربى ماراح تأخذ بخاطرها
جوجو لفت عليه : ماتعلم احد ؟
هز راسه عزيز : هو المفروض يدرون بس نغطي هالمره ، الجايه لا .
ابتسمت من قرب يقبل خدها يبعد يشد على يدها : كيف يطاوعك قلبك تروحين وتتركيني
ضحكت جوجو : والله ياحبيبي مثل ماتحملت سنتين كلها خمس ايام .
كشر يرجع مكانه : ليتك تدرين وش صار بستنين كنت مو حول احد وطول يومي مشغله تفكيري .
رجعت شعرها خلف اذنها : اي يويلك احد يشغل تفكيرك غيري .
حط كفوفه على وجهه تضحك بخفه من تكلم : انتي تدرين وش يسوي كلامك فيني ...
هفت على وجها بخجل تناظر جوالها : عزيزز تأخرنا على المطار .
ابعد كفوفه يخلل اصابعه بصابعها يشد عليها يرتفع صوت ابو نوره يردد عزيز وراه بصوت عالي وهو نسى الزعل :
والله اني يا أحب الناس احبك
ابتسمت من كرر يناظرها ببتسامه متوسعه : احبك احبك والله أن الروح لو ترضيك فدوه فدوه ياجوهرتي فدوه .
ضحكت تردد معه تبتسم من ارتفاع صوته وشد على كفها من تغيرة تعقيدة حاجبه قبل كم دقيقه للابتسامة تتنهد بحب واضح له تكرر وراه : احبك
اخذ كفها يرفعه يقبله بتكرار تضحك من اتصل جوالها برقم فيصل يرد عليه عزيز : تقلع .
" بيت هايـف "
بالمطبخ تجهز مقادير الكيكه ترتشف عصيرها تحتار بنكهة تلف على صوت فتح الباب تبتسم : اهلا اهلا
رفع صوته يسكر الباب خلفه ولدن بحضنه يتقدم لمصدر صوتها : عندنا ضيفه اليوم .
لفت لتين له تشهق ببتسامة تشوف لدن بحضنه : لدُني قلبييي
ابتسم هايف يشوف فستانها الناعم الي عليها وشعرها لمته بعشوائيه حلوه يمد لها لدن : ارفقي بقلبي طيب
ضحكت تناظره تقبل خد لدن تقعدها فوق الطاوله تلوي شفتها بحيره : شرايك كيكة شوكلت ولا توت
مدت لتين التوت والشوكلت قدام لدن الي حطت يدها على الشوكلت تبتسم لتين تقبل يدها : من عيوني .
لفت على هايف بعذوبة : يلا ياخالنا الحلو اطلع بدل ونزل ضبط لنا قهوه وانا ولدُني بنسوي لك كيكه لذيذه حيل .
هز راسه يطلع فوق يأخذ له شور سريع يلبس تيشرت واسع اسود وشورت اسود جفف شعره على السريع يتعطر ينزل لهم وقف عند المطبخ يضحك من الطحين ولعب لدن الي مرتفع صوتها بسعاده من ملمس الطحين ولتين الي تضحك معها تطلع قالب الكيك لفت عليه من دخل يضحك ينحني للدن : طلعي طاقتك ياخالي .
ابتسمت تتقدم له : عسى جايب لها غيار .
تقدم يطلع دلة القهوه يتكلم : اي اكيد حاطه كل اغراضها اميره بشنطه تلقينها بصاله .
هزة راسها لتين تدخل الكيكه بالفرن تأخذ لدن بحضنها تسحب جوالها تتصور معها وكلهم محيوسين
تعض خدها لتين بخفيف : والله انتي الكيكه .
اخذتها لتين تبعد ملابس لدن تدغدغ بطن لدن : يمامي ايش هذا .
ضحكت من ضحك لدن تسمي عليها تغير لبسها
تغسل وجها تحط كريم بلطف على وجها تغني لها بطفوليه تاخذ العطر تبخه بكفها تمسحه على ملابس لدن ورقبتها تبتسم من حسته دخل يصفق للدن : عاشت بنتي عاشت .
ضحكت لتين تمدها له : يلا اسبقوني برا ، ابدل واجيكم .
اخذ هايف لدن الي انسدحت على صدره يطلع
تبتسم لتين وهي تشوف تعامله مع لدن وحنيته
تتخيل ولده بحضنه تعض شفتها ببتسامه : لتيني شفيك .
بدلت فستانها تاخذ قميص حد ركبتها برسومات لطيفه تفك شعرها الكيرلي تحطه خلف اذنها تتعطر
تطلع لهم بعد مده ، تبتسم تشوف هايف يوكل لدن من الكيكه تتقدم لهم : خيانه ذقتوها من غيري .
رفع راسها لها هايف : مقدرة اقاوم عيونها وهي تناظر الكيكه وتفتح فمها .
هزة راسها تقعد تقص لها من الكيكه : مالومك
قعد لدن على فخذه يمد لها فنجالها : سمي
بدو يسولفون على بعض وبين سوالفهم سوالف لدن وصرختها الطفوليه وضحك لتين من غيرة لدن على هايف : لو سمحتي حتى هو زوجي
تقدمت تحضن هايف الي قاعد تضحك من بكت لدن تشد شعرها يضحك هايف يفك يد لدن بشويش عن شعرها : لا يا لدن لا يا خالي انتي الا كيرلي زوجتي لا تقطعينه .
ضربت راسه لتين بضحكه : هايف بشويش ..
-
" المطار "
وصلو تنزل مع عزيز تحاوط ذراعه وبيده عصاته تتكلم وهي تدخل معه ابتسمت تشوف ابوها سعد وبحضنه سلمان تبعد عن عزيز تحضن سلمان الي ركض لها
ويرفع يدينه لعزيز نزله عزيز يقبل خده : في من ينافسك فيها يا سلمان .
ضحك من تعقيدة حاجبه سلمان يبعثر شعره يقوم يسلم على سعد تبعد جوجو عنهم تشوف فيصل والهنوف قاعدين تضرب كتف فيصل : سلام عساك مانسيت اغراضي
ابعد سماعته فيصل : لبيه ؟
قعدة جنبهم تناظره : سلامتك
ابعد فيصل يقوم جنبها يطق كتفها : صدق الي سمعته
عقدة حاجبها وهي تناظر سعد وعزيز الي يسلمون على رجال معرفته تلف عليه : وش سمعت ؟
فيصل : رحتي بيت فاطمه
كشرت جوجو : اقولها لك بالطياره
جا بيطق راسها فيصل يتوجع من لفت يده من مسكه عزيز يناظرها يبعد : اي انتبه ،
خزه فيصل : وجع يا عزيز وجعع
ضحك عزيز من قام فيصل يطق راسه يمسكه عزيز : عيدها ؟
تأفف فيصل يكتم ضحكته : خلاص يا رجال ابعد
ابعد فيصل يناديهم سعد : يلا يبه .
لف على عزيز يبتسم : استودعناكم الله
ابتسم عزيز لهم : بحفظ الله .
طلعوا ترجع وهم يمشون قدامها ترجع له يبتسم : عارف ماقويتي .
ضحكت بهدوء تمسح على كتفه : انتبه لك ومثل ما قلنا كمل علاجك عزيز عشاني والمدربه غيرتها لمدرب لما ارجع .
ابتسم من غيرتها الي ماتجي بساهل عليه يضحك من يناديها فيصل تتكلم بعجله وهي تشد على يده : انتبه لك .
ابعدت يبتسم : استودعتك الله ، الله يحفظك لي ولقلبي .
لفت ببتسامه خجل وهي سمعته تعجل خطواتها من صوت فيصل تتقدم له : فضحتنا اص
ضرب راسها بخفه : اقول امشي وخلي هالعزيز عنك
مدت شفتها بحزن تبعد يده : وينك يا عزيز شوف فيصل يضربني .
ضحك يحاوط اكتافها يركبون الطياره يتوجهون لوجهتهم ايطاليا ..
أنت تقرأ
« بكره توقف من اللهفه على بابي »
Mystery / Thrillerمعزوفتي الاولـى : « بكره توقف من اللهفه على بابي » نفسك من الشوق والحرمان منتله روايه تجمع مابين { الغموض ، الكره ، الاكشن ، والعفويه ، والحب } كاتبتكم : h_f18i ❤️🔥
