« بكره توقف من اللهفه على بابي »

بارت " 54 "

ذراعها بسرعه يحطها وراه ناظرة بصدمه تغمض عينها من تكلم برجفة : شقاعد يصير !؟
شدة على ظهر سلطان غصب من صرخ : قولي وش اقعد اشوف ، كذبي جوهره كذبي لا توجعيني فيك
رفع حاجبه سلطان بستغراب وهدوء : زوجتي وشـ
تراجع من تقدم عزيز بيهاجمه يحاوطه سعد بسرعه يرجعه على ورا يشتمه يصرخ تشتد عروقه : جوهرة ابعدي عنه ابعدي لاتقرب منها ياحقير ****
لف عينه لسعد يرجف فكه بشكل يوجعها تشوف عيونه الي غشت بالدموع بس مانزلت ولا سمح لها تنزل تهتز نبرته من دخلت داخل تشوفه تنزل دموعها بشكل متتالي يرفع صوته بضحكة قهر وبصراخ : عارف جوهرة عارف ماتسوينها انتي اكيد احد غاصبك ..
دخل تميم يسكر الباب بسرعه يمسك عزيز مع سعد الي يصرخ يحاول يهديه يتقدم سلطان يناظر عزيز الي محاوطينه من يمينه ويساره سعد وتميم : لا عاد اشوفك حولها البنت صارت زوجتي ولا اسمعك حتى تقول اسمها ..
طلع يعطيه ظهره يسمع صراخه وشتمه ابعد سعد عنهم يشوف تميم الي يحاول يمسك عزيز الي قعد يضربه يبيه يبعد : تميم لاتروح الجوهرة مني تكفى تميم ..
صرخ يعيد كلامه يغمض عينه تميم بقهر من ترجي عزيز له يحس بحرقه بصدره شد على كفه من لف عزيز يهدا يناظر سعد الي يتصدد عنه يتكلم بنبرة مهتزه من الشعور الي داخله : كنت تدري عن حبي لها من طلعت على هالدنيا كنت تقولي محجوزه لك وخليتني متعلق فيها زياده كنت انتظر اليوم الي اخذها من بيتك زوجه لي وام لعيالي وترجيتك ترفض اي احد يتقدم لها بس للأسف عمت عيونك الفلوس وفوقها ظالمني وعرفت كيف تجيني من اليد الي توجعني وجعتني فيها بس ...
صرخ يرجف بقهر يبعد تميم : بس ببقى احبها وبأخذها غصبن عن الكل ولو يطلب عمري كله الجوهرة تبقى لي وابقى لها ..
ابعد وجه سعد بهدوء : عسى الله يوفقك في حياتك ..
يدخل يناظر تميم عزيز المصدوم يمشيه معه يطلعون يسكر باب البيت خلفه يوقف عزيز يناظر البيت بصدمه يهز راسه بنفي يضرب الباب بتكرار : جوهرة
مسح راسه تميم يشوف حال صاحبه من قعد عند الباب من حس بكتمه بصدره يفك ياقة ثوبه يتقدم تميم ينحني يرفع راسه يتنهد : لا تضعف عزيز ماهقيتك بهالضعف ، وربك ماتروح منك بس قم على حيلك عزيز لاتضعف ياخوي ..
ابعده عزيز يركب السياره وهو للحين بصدمه يهمس تميم وهو يشوفه : عسى الله يجبر قلبك .
-
بالداخل سمعت كل كلمه قالها تنزل دموعها بسكون عليها اخذت كفها على شفتها تكتم صوت بكاها من سمعت ضرب الباب تسمع اسمها منه تركض لغرفتها فوق
تقفل الباب خلفها تطيح على ركبتها يرتفع صوت انينها بالم تبعد الخاتم من يدها تشد على عقدها تبي تبعده حاوطت نفسها تتذكر ملامحه وملامح الخذلان والصدمه من شافها مع سلطان وصراخه تمسح دموعها بضعف وتعب تسحب جوالها تتصل على ربى وتحاول توزن نبرتها : ربى
غمضت عينها من ماقدرة تهتز نبرتها : خلاصص
سكرة من كانت تبيها تتصل على تميم تشوف اخبار عزيز بس ماقدرة تبعد جوالها تسند راسها على ركبتها
تاخذ دموعها براحه على خدها وتحس بحراره محاجرها وخدها بس كان راحه لها تغفي عينها بتعب
-
« بعد مرور اسبوع كان هادي على العوائل »
تحديداً يوم الاحد الزواج المنتظر للكل وخاصة عائلة ثنيان زواج المحاميه المهبوله ربى بنت بندر على دكتورها تميم بن طلال ...
في بيت ثنيان على الساعه 6 المغرب وانواع الازعاج والطرب فالبيت فوق غرف البنات وبتحديد غرفة عروستنا المتوترة وطقطقة لتين عليها الي قاعده تعدل المناكير : الدنيا تدور وجيتي نفس مكاني حسي بشعوري يوم تطقطقين علي ..
خزتها ربى وهي تعدل روبها الحرير على جسمها : اف لتين بالله انتي اخت هوني علي .
رفعت راسها لتين تفتح عيونها بنبهار : تبارك الرحمن هذا ايش خفي على قلبي ..
لوت بوزها ربى تناظر مكياجها تبعد شعرها على ورا : مدري احس شطحت هالمره بالروج الاحمر مو متعوده ..
مسكت يدها بسرعه لتين : ياويلك تمسحينه بالعكس يجنن عليك يويلي بس على قلب هالتميم اليوم ..
ضربت كتفها ربى بخجل تهف على نفسها تعطي لتين ظهرها : برا
ضحكت لتين من خجل ربى تشوف الي دخلت تغني تلف ربى تهز خصرها يدخلون معها صفقت تقى : عاشت
وقفت ربى تناظرها : مقدر بنات على حلاوتكم ماشاءالله
ابتسمت تقى تعدل على روجها تبعد تشوف قصر فستانها الي فوق ركبتها بشوي تلف عليهم : جدتي لا تشوفني .
غمزت لها لتين تلف على ربى : شكل بعد العرس بنسمع بخطبت تقى .
ضربتها تقى بخفه على راسها لفو على الي دخلت وفستانها بيدها تعلقه بتعب : اف بنات حر مو طبيعي
تقدمت ربى تقرص يدها تناظرها جوجو بصدمه والم : اح شفيك .
بعثرت شعرها ربى تشوف غضب جوجو : وينك امس مختفيه ودقيتي علي وصوتك مو عاجبني ..
عدلت جوجو شعرها الويفي وهي تبي تنسى لفت ببتسامه : معليك ، وبعدين ايش هالون الجديد
ناظرتها ربى تتوتر جوجو تتقدم عند المرايه تشوف شكلها تتنهد ربى منها يلفون على تقى الي تمشي وترجع : اف من عزيز
فزة تلف عليها بخوف : اخباره؟
عقدو البنات حاجبهم بستغراب تتدارك جوجو من نظراتهم : اا اقصد شفيك تحاتينه ؟
قعدة تقى تتتكلم : من قبل اسبوع ومختفي وحاله تغير اتصلنا عليه قال بخير وسكر وليومك مايرد ولا ندري وينه وبابا على اعصابه يدور عليه ..
شتت جوجو عيونها تقوم عنهم : تبون شي ؟
هزة راسها لتين الي تعدل شعرها : ايي تكفين جيبي القهوه ووالحلا وتعالي نخلص ترا تأخرنا وجدتي حرقة جوالي من الأتصالات ..
هزة راسها جوجو تنزل تضبط لهم القهوه وهي تفكر بكلام تقى وهي صدق خافت وهي تعرف عزيز واهماله بنفسه عضت شفتها بقهر من حست بنزول دمعتها من ماكفت دموع طول هالفتره وهي تعبت بس تعب نفسي رفعت عيونها فوق تتنهد : خلاص جوجو خلاص وقفي دموع ..
مسحت دمعتها بخفيف بسبب الميكب لفت على العامله الي تأشر على القهوه شهقت جوجو تعض اصبعها : اف جوجو اف منك
خلصت تأخذ بوكس الحلا تروح فوق عندهم دخلت تضحك بصدمه من لتين الي سحبت القهوه منها : بشويش
استنشقت ريحتها لتين : اخخ الحين اعرف اضبط نفسي ..
وبدو يتجهزون واستعجلوا بسبب الأتصالات من جدتهم واميره الي رايحه قبلهم وبعد ساعه اطلعوا يتجهون لقاعة الزواج ...
-
" عند العيال "
اخذ تميم بشته يحطه على ذراعه ينسف شماغه يتصل على عزيز بتكرار يشوف الرجال الي بدو يدخلون وهو واقف بعيد عنهم ينتظر اتصال عزيز ابتسم من رد بصوت مبحوح : سم
تميم بحده وعتاب : لا ياشيخ يعني اليوم زواج خويك والمفروض انت اول الناس تكون موجود هالدرجه مالي معزه عندك ..
ابتسم بخفيف عزيز وتعب وهو يركب سيارته ويحط شماغه ورا : ارسل اللوكيشن .
سكر بوجهه تميم يرسل اللوكيشن بعجله يشوف هايف وفيصل الي اطلعوا معصبين يبتسم : علامكم
مد يده هايف بيخنقه : وربي لو مادخلت قدامي الحين لخنقك بدال مايزفونك ..
تخصر فيصل بعصبيه يبعد شماغه على ورا : بالله وش تسوي هنا. !
خزه تميم يضرب كتفه يتعدل فيصل بالم يمشي وهو وراه وقف يلبس بشته يدخل ببتسامه ويتكلم بصوته الرجولي بالسلام يتقدم يسلم ..
-
عند البنات دخلوا لتين وتقى وجوجو مع بعض تلتفت كل الانظار عليهم تتوتر لتين من نظراتهم يتقدمون يسلمون وصلت جوجو عند الهنوف الي حصنتها تسأل عنها : بخير ماما
هزة راسها الهنوف بهدوء يطلعون البنات عند ربى يجهزونها من جاء وقت التصوير مسكت ربى يد لتين بخوف : يمه خلاص كنسلوا ..
ضحكت لتين تشوف جمال اختها بالفستان الابيض الواسع وبكمام نازله من عند اكتافها بشكل انيق وناعم وشعرها الي مكسرته ومخليته على راحته كانت تأسر رغم نعومت فستانها شدة على يدها تطلع رجفت تحط يدها على صدرها : اعوذ بالله
رفعت راسها من الي دخل تشوف عرض اكتافه من طلبت المصوره يعطيها ظهره شدة على مسكتها من لف يوقف يتأملها يشوف حدة ملامحها الي يحبها تقدم يفتح بشته يحضنها يخبيها داخله عنهم يشد بحضنه لها يقبل كتفها يبعد وجها ولا زال حاضنها يبتسم يحاوط وجها : كنت اقول مستحيل احب ومستحيل اطيح فيه وكنت اكره طاريه بس من بعد حدة عيونك وعنادك وقوتك طحت ومحد سمى علي
نزلت وجها بخجل يرفع وجها بيده يتنهد : والله وتالله وبالله اني احبك بمشاعر مقدر اوصفها لك بس الي بقوله اني ابيك بفرحي وحزني وتقلباتي المزاجيه ابيك يامهبولة تميم الي مابقت فيه عقل ..
ماردت عليه من حست بدموعها تتقدم تحاوط عنقه تحس بشده عليها من حس بدموعها ترد عليه : تميم
ابتسم يهمس لها : لبيه يازوجتي الحلوه ..
ضحكت بخفه تمسح دموعها تخبي وجها بصدره بخجل حضنها تصدح ضحكته من قرصته من ذراعه من حركاته وكلامه الي يخجلها ابعدت من تكلمت المصوره ببتسامه : ممكن تعطوني من وقتكم شوي عشان نخلص
خزها تميم يحضن ربى الي ابعدته بهمس : خلاص تميم عيب
ابتسم يغمز لها من همس لها تبعده عنها : وصخ وقح
ضحك تبدا المصوره تعطيهم وضعيات لصور وبعد دقايق عدلت ربى مكياجها يدخلون ابوها واخوها ليث وخوالها وضحك ليث وعناده لها من دموعها وطقطقته عليها وخجلها من تميم الي لعن ليث الي يجاكرها ..
-
‏تحت بدو يجهزون لزفه واميره تعدل فستان لدن الابيض الي بتنزف مع ربى ضحكت من جوجو الي منهاره عليها : اخخ يويل قلبي تبارك الله ..
ابعدت جوجو من اخذت اميره لدن توقفها والمصوره الي نزلت تحت عشان التصوير يناظرون ربى الي واقفه من بدة تنزل ببتسامه ولدن قدامها تمشي مسكت نفسها وهي ودها تعضها تكتم ضحكتها اميره من نظرات ربى الي عليها تلف على لتين الي تمسح دموعها وتبتسم ابتسمت ربى لها وجوجو تصورها
بعد دقايق تقدموا البنات يودعونها تمسكهم ربى : لا اخذوني معكم .
هزة راسها بنفي جوجو بضحكة : زوجك ينتظرك
مدة شفتها دليل زعلها : يويلكم تسولفون بعد العرس انتظروني ..
ضحكوا منها يبعدون من طلعت تلبس وامها وراها
وبدا وقت العشاء تطلع هي لدورة المياه تصور نفسها وتعدل على شكلها وقفت ثواني تبعد روجها تناظر الي واقفه وقدامها رجال معطيها ظهره انصدمت من صوته : يابنت الناس ابعدي عن طريقي ولا عاد اشوفك حولي
شدة على يدها بغضب تناديها : لورين !
لفت لورين بسرعه تدخل بخوف تتقدم تقى بخفيف : نعم ليش واقف وش عندك ؟
عقد حاجبه بستغراب : تقى
هزة راسها : اي ايش تبغى ؟
ابتسم غصب من نبرتها المنزعجه : كنت ابي اميره بس اخبارك انتي ؟
سفهته وقبل تدخل : تبي اميره مره ثانيه دق ولا عاد تدخل المكان كله بنات .
دخلت بدون ماتسمع رده يعدل وقفته : علامها ذي ؟!
تنهد يشوف الي جت وبحضنها لدن الي نايمه : اي سعود زين جيت ابي ارجع البيت
ابتسم يأخذ لدن بحضنه يسمي عليها : عيوني انتي وقلبي .
ولف على اميره : بدري ؟
هزة راسها بتعب : اصلن كلهم بيرجعون الحين وتأخر الوقت ولدن نامت وانا مصدعه .
هز راسه وهو حاس فيها الفتره ذي واختفاء يزيد المريب لهم حضن لدن له اكثر يطلع لسيارته : والله ماتسلم مني يا يزيد ..
" برا بالسياره اركبت بـ مساعدة تميم لها دخل هو يخليها مع ليث الي تسولف عليه وتتوعده دخل يشوف الي وقف يتقدم يشد على كتفه : تنتبه على نفسك ياعزيز ..
هز راسه عزيز ببتسامة مجامله : معليك
ناظره تميم يبتسم عزيز : يارجال معليك والله منتبه روح لها تأخرة .
طلع تميم الي ودعه يركب سيارته يبتسم من هوشتهم وربى الي شاده اذن ليث تقدم ليث بيشد شعرها يمسك يده تميم : جره بس وشوف وش يصير .
لفت على تميم ببتسامه تخز ليث : مالت عليك شوف ربي عوضني بغيرك مايرضى علي.
خزها ليث يبعد عن دريشة السياره يعطيها ظهره : يلا انقلعي بروح عند لتين .
حرك تميم تطلع راسها ربى من الدريشه تبتسم لليث الي لف تصرخ وهي ماسكه مسكتها : ليثث
ضحك ليث منها : مهبوله
دخل بعد م ستودعها الله يشوف الي تلبس عبايتها يتنحنح : لتين
لفت بفزع تمسك صدرها بخوف تتنهد : ليث شفيك الله يهديك خوفتني .
ابتسم يقرب يحضنها تنصدم تبدله الحضن تدمع عينها : يعني طاح الحطب .
هز راسه ببتسامه يحط يده على شعره بعبط : طولت عليك
ابتسمت تحضنه : هو صدق انك حيوان بس عاد احبك
ابتسم بس جر شعرها بخفيف تتألم : وجع
ضحك بخفه يحاوط اكتافها : بتعلميني كل شي لتين كل شي
توترة تتشت عيونها تسمع الي دخل يخز ليث : خير يالطيب ابعد عن زوجتي
عاند ليث يمسك كف لتين : اقول اذلف وراك اليوم بنأخذ اختي معي
راح للجهه الثانيه هايف يسحب كفها يشد عليه : توكل بس
وعلى هالموال لين ناظرتهم : تراكم توجعون يدي
قبل كفها ليث بحنيه : كله من الي جنبك
ابتسمت له تشوف نظرات هايف تبعثر شعر ليث : معليك بكرا بجي وغصبن عنه بنام عندكم
ضحك هايف بسخريه : اي ان شاءالله
ناظرته بطرف عينها تلبس طرحتها تطلع معه بس وقفت من تكلم ليث يأشر بيده بزين : موضوعنا لتين لاتنسين ..
تنهدة تهز راسها تطلع لهايف ...
-
عند جوجو وجاء موعد سفرتها وهي مدة المده عشان زواج ربى والكل عارف موعد رحلتها ودعتهم وصلت عند فيصل الي انصدمت من دموعه هالمره وخوفه الغريب تمسح على راسه تسمي وبعد وقت قدرة تبعد وتطمنه ناظرة سلطان الي اخذ شنطتها وقبل لا تركب ناظرتهم ببتسامه تحس بدموع ابوها الي على طرف ومحاوط اكتاف الهنوف والجنب الاخر فيصل وسلمان الي ماقوة تودعه من بكاه ركبت بس لفت بلهفة من الشخص الي واقف وبيده شماغه يناظرها نزلت دموعها من نظراته الغريبه الي عجزت تفسرها ناظرة الي ركب جنبها يمسك كفها يحرك حاولت تبعد كفها بس كان شاد بشكل عجزت تتقبله مسحت دموعها الي تحاول توقفهم من راح طيفه عنها يحركون للمطار ..
شاف كل شي من لحظة طلوعها لما راحت من قدامه
ركب سيارته وهو مو قادر يسيطر على الم قلبه هالفتره حرك تنزل دموعه بعدم قدره منه ابتسم من حس بنزول دموعه شد على الدركسون من النار الي داخله ضرب بتكرار يحاول يطفي الجمره الي داخله وقف ثواني يغمض عينه من حس الدنيا تدور فيه من شدة الم قلبه صرخ بوجع ناظر جواله الي يدق بأ اسم تميم بس ماقدر يرد عليه وكلها ثواني ويصدح صوت تقلب السياره بشكل بشع ...
" قبل دقايق بسياره تميم الي مد الشاهي لها ببتسامه : سمي ، وعساك تحبين الشاي ؟
ابتسمت تأخذه منه تصور ترد عليه : افااا عليك الشاي يمشي بدمي اصلن مين مايحبه غير اخواني البقر ..
لف وجهه يبتسم بتساع يستغرب من نفسه ناظرها من اخذة كفه تصور وهي تغني مع الاغنيه يتنهد بفرحه بداخله يمد يدها يقلبها يخليها على قلبه تبتسم بخجل من يقبل كفها بتكرار يناظر عيونها بتنهيده : يا اجمل صدفه عرفتها بحياتي ..
شدة على كفه بخجل : وياسعدي دامك تميمي .
فتح عينه على وسعها بذهول والابتسامه على محياه : ايش اخر كلمه ماسمعت ؟
هزة راسها بنفي تلف وجها قدام يوقف السياره يمد يده يلف وجها له تناظر لهفته تشتت عيونها زم شفايفه بزعل يكتم ابتسامته : يرضيـ ..
قاطعته من تقدمت تقبل خده تضحك بخفه من سكت : تميمي .
سمت عليه من مارد تكتم ضحكتها تمسح على خده بيدها بلطف : تمـ ..
قاطعها من ابعد يعض شفته بهيام وضح عليه بس سفها : اعلمك شلون صبر بس خلينا نوصل .
انقبض قلبها تتذكر كلام امها تلصق بالباب : تميم شفيك توك وش زينك .
لف عليها يمد يده بيبعدها من الباب تتراجع : وش تسوي .
ناظر الطريق قدام من مافيه احد قدامه يقرب اكثر لها رجفت من حست بأنفاسه يكتم ابتسامته يقربها من المرتبه يبعد يسوق يهمس لنفسه : لدرجه انا اخوف !
فركت يدها برعب تشوفهم وصلو بيت اقل ما يقال عنه فخم لفت عليه من فتح الباب بينزل : وين ؟
ابتسم يناظرها : بيتك انزلي .
اندهشت تفتح الباب تنزل بـ مساعدته يمسك كفها : ادخلي برجلك اليمين وسمي .
طبقت كلامه تدخل تندهش اكثر من جمال تصميم البيت والأثاث الراقي تلف عليه ببتسامه عذبه : انت وش عرفك بذوقي
تقدم يحاوط اكتافها يمشيها بالبيت : من مهارتي الخاصه .
دخلها غرفتهم يبعد شماغه وبشته على السرير يبتسم من دخلت ركض لغرفة التبديل تقفل الباب وراها يعلي صوته : يعني وين بتروحين مني جايبك جايبك ..
رجفت تمسك بطنها تأخذ بجامتها تفتح الباب تناظر من طرف عينها تتنهد من عدم وجوده تركض لدوره المياه - اعزكم الله - تأخذ شور وبعد ثواني لبست بجامتها تناظر نفسها تشهق من لونها : هذا ايش اخخ شسوي فيك لتين شسوي فيك ، هذا كيف ينطلع فيه
عضت شفتها من سمعت صوته : يا امي اطلعي اكلي ماراح اسوي شي بدون رضاك وربي بس اطلعي .
ناظر جواله وهو يدق على عزيز من حس بشعور شين يستغفر ابعد جواله يقعد فتح الباب بيلف بس لف على جواله بلهفة يرد : ليش ماترد ؟ عزيز فيك شي صح ؟ عزيز ولد رد و
تكلم الرجال الي شاف الجوال على مكالمه يرد : اهلا اخوي انت من اهله
فز تميم يوقف : وينه هو ؟!
جت وراه بخوف تمسك كتفه من طاح جواله : تميم
هز راسه بتكرار بنفي يبعدها من قدامه يطلع تلحقه بخطوات عجله من ركب سيارته يحرك بسرعه ارعبتها
تمسك صدرها تسكر الباب خلفها : يارب اجعله خير ...
-
بعد دقايق وصل المستشفى ينزل بخطوات عجله يناظر سيارة الاسعاف يتقدم بس وقف يناظر ملامح عزيز الي مغطيه بالد*م ابعد من دخلوه داخل ينهار داخله ينحني على نفسه يمسح ملامحه من حس بعدم توازنه يتقدم احد الممرضين : دكتور تميم انت بخير ؟
رفع راسه تميم يجمع نفسه يأخذ يد الممرض يقوم بداخل معه يتجهز للعمليه وبعد مده دخل يشوف صاحب روحه ممتد بجسد بلا روح شد على يده يتقدم
بس ماقدر من رجفة يده يبعد المقص عن يده : مقدر مقدر ...
طلع بعجله يمسك الكرسي من حس بدمعته من المنظر الي شافه ولا قوى يكمل من لمح اثأر دموع عزيز وضعفه مسح دمعته من سمع الاصوات العاليه يطلع لهم بتعب يناظر امه الي مسكت يده ترتجيه بضعف : تكفى يمه تميم قول ولدي بخير .
شتت عيونه عنها يرفعها عن الارض يتنهد : اذكري الله ياخالتي اذكري الله وان شاءالله بخير ..
تقدمت ربى له بعجله من وصلها ليث تمسك كفه تبعدهم عنه : بخير ؟
ارتخت اكتافه يشد على يدها : احضنيني .
تنهدة ترفع يدها تحضنه لها تشد على كتفه من حست بنزول دمعته عرفت الي مر فيه صعب نزلت دموعها معه تشد عليه اكثر من تكلم بنبره مرتجفه : ماقدرت ربى ماقدرت .
ابعدته تمسح على خده تبتسم : عارفه تميم وفاهمه الي تمر فيه وصدقني عزيز بيقوم بخير ويصير افضل من قبل .
اخذ كفه يمسح دموعها يهز راسه سكت ماحب يزود عليها الكلام يقعد تقوم تعدل طرحتها : خلك بجيب مويه واجي
سكت مارد يشوف الي تقدم له يحط يده على كتفه : بيقوم بأذن الله .
سفهه وهو ماله نفس يناظره بعد سواته : وش شعورك وانت سبب وجوده هنا ؟
تنهد سعد : مو مني هذا قرارها ولا اقدر ارفض
ضحك تميم بسخريه يبعد سعد من تقدمت ربى تفتح المويه لتميم الي اخذها تقعد جنبه يلف عليها : مين جابك ؟
اشرت على ليث الي ساند ظهره على الجدار : ليث
هز راسه بهدوء وابتسم من سندة راسها على كتفه يقبل راسها ويرخي راسه على راسها بأرهاق وتفكير وهو ينتظر خروج احد يطمنه ...
دخل مستعجل بعد ماسمع الخبر توسعت عيونه من صك جسم انثى وصرختها الرقيقه الي طلعت بوجع تراجع على ورا بحراج : معليش اختي .
رفعت راسها ماسكه يدها بالم وحده : لا ياشيخ ماتشوف قدامك انت تصك من هب ودب .
خزها فيصل : قلنا معليش وكنت مستعجل ولا شفتك
فتحت عيونها على وسعها : شقصدك ؟
ضحك بسخريه يمشي يعطيها ظهره يتكلم بكلام اسمعته : شايفه طولك .
شدة على شنطتها بقهر تعدل طرحتها الي طاحت على كتوفها : وقح وحقير ...
مشى يسفها تقدم على طلوع الدكتور يتقدم الكل بخوف ولهفة : كانت العمليه صعبه نوعا ما وكان المتضضر رجله وممكن هالشي يصعب عليه بالمشي بس بأذن الله بنكتب له خطه علاجيه ويمشي عليها والف لا باس ..
سأل فيصل : طيب يادكتور نقدر نشوفه ؟
الدكتور : اي بس دقايق ان شاءالله وبيطلع للغرفه بس لا تفتحون موضوع ممكن يأثر على نفسيته ..
راح يتنهد تميم براحه بس لا زال متخوف من ردة فعل عزيز وخايف يأثر على نفسيته اكثر من كلام الدكتور ..
" بعد دقايق "
قايم يناظر الغرفة بصمت يحس فيهم دخلوا
غمض عينه من حضن امه له تمسح على شعره تقرا عليه وهو ساكن بحضنها ابعدته تبيه يتكلم بس كان منه الصمت وبعدت يسلمون عليه ومانطق بكلمه خاف تميم الي كان جنبه : عزيز
لف عزيز له يهز راسه بنفي فقط يعض يده بقهر تميم
تتقدم تقى الي جت بخطوات عجله تحضنه يرفع يده عزيز بتعب يمسح على ظهرها ناظر عزيز سعد الي يتحمد له بسلامه يصد عنه ابعدت تجلس مقابله بسرير يسمع جده ثنيان وبندر الي يبون يعرفون السالفه وامه الي تشد على يده برجاء : تكلم يمه بس قول بخير طمن قلبي يمه .
ابتسم عزيز لها بتعب يرفع يدها يقبلها بهدوء يبتسم تميم : خليه ياخاله لا تضغطين عليه تو طالع ..
وكان الكل حوله يبونه يتكلم ويغيرون جوه بس كان مو معهم بعد وقت قام تميم يطلبهم يطلعون يرتاحون وترجى ام عزيز لين ما وافقت ولف على تقى : يلـ
قاطعه يد عزيز الي خلتها تبتسم : اكيد بقعد
هز راسه تميم بيدخل بس وقف من الي دخلت عند عزيز تبكي بتقرب تحضنه بس وقفها عزيز الي ابعدها بيده يتكلم : ابعدي
صرخ بغضب من قربت تلف وجهه : قلت ابعدي مابيك ..
دخل تميم بسرعه وراه تقى يهدون عزيز الي يبعدها عنه تقرب تقى تمسك ذراع سمر بالغصب تطلعها برا
مسك تميم يدين عزيز الي وقف صراخه يناظر رجله اليمين الي عجز يحركها بصعوبه : ماتحرك ؟
بلع ريقه تميم يبتسم بتوتر : يتهيأ لك
رجع راسه على ورا عزيز يطنش يشوف الي دخلت ببتسامه متوسعه تمسح دموعها : عزيز انت تكلمت ولا يتهيأ لي
ضحك تميم : تكلم جعلي مافقد هالصوت ..
ابتسم عزيز لهم مجامله يناظر تميم : اطلع بعد انت
بعثر شعره تميم يناظر ربى : طرده محترمه ؟
تنهد عزيز يعدل ظهره بمساعدت تقى : يا رجال اطلع واخذ زوجتك
قرب تميم يحاوط كف ربى يشد عليه : بجيك من الصباح نام زين ..
هز راسه عزيز يطلع تميم مع ربى يتقدم لمكتبه : ثواني بس بشوف اوراق .
سكتت تفرك عيونها من النوم : تمام
ابتسم من عيونها الناعسه دليل النوم يدخل تدخل معه تحط راسها على الطاوله وهو يشوف اوراقه عقد حاجبه من طق الباب : تفضل .
دخلت الممرضه ببتسامه : عادي اخذ من وقتك دكتور
رفعت راسها ربى من سمعت صوتها تلوي عيونها بقرف يكتم ضحكته تميم : تفضلي .
فتحت عيونها ربى بصدمه من قربت تنحني عند تميم توريه الاوراق : شوف ذي الو ...
قاطعتها ربى الي قامت من مكانها تقرب عندها تسحب ذراعها : شوفي حركات التقرب ذي مو عندي وبعدين تلحقين ورا رجال متزوج ماتستحين ..
قام تميم يحاول يهدي الوضع تتكلم الممرضه بصدمه تلف عليه : ذي زوجتك ؟!
لفت ربى وجها بيدها بحده : ناظريني انا
ورفعت يدها : ها شفتي زوجته زوجت مين الدكتور تميم وان ماشلتك من هالمستشفى مايكون اسمي ربى .
ابعدتها الممرضه بزعل ودموعها بعينها تناظر تميم وتطلع خزتها ربى بقرف : جعلك ماترضين ..
ولفت عليه بزعل تأخذ شنطتها : انتظرك برا .
طلعت بدون ماتسمع رده عض شفته بغضب من نفسه من زعلها يأخذه اغراضه بسرعه يلحقها وهو يعرف كيف يراضيها ...
-
" الصباح "
تحديدا بيت خالد ..
غرفة سعود الي قاعده جنبه اميره تسولف عليه كل الي صار معها هي وتقى وصدمة سعود بكل كلمه تقولها : وانا اقول وش جايبها داخل ملابسي ؟
ضحكت اميره : بالله
ابتسم سعود : اي والله ، بعدين دام عارفين انها تكلم احد من وراي ليش ماعلمتيني !
اخذة نفس اميره : كنت خايفه عليك وعلى مشاعرك مقدرة اقولها كذا مره وحده وسعود عادي اقولك شي وماتزعل .
ابتسم يضرب انفها بخفه : قولي
كشرت تتكلم : ليش احسك تخطيتها بسرعه ؟
تنهد يرجع اكتافه على ورا : صح اني كنت احبها بس الحمدالله ماوصلت مرحله اتعلق فيها واكيد بتخطى واكرها بعد خيانتها لي ولا
ضحك بسخريه من تذكر : الي تخوني معه يقرب لي ، لا تذكريني اميره بالله خل نقطع السالفه وجيبي لدن حبيبت قلب خالها ..
حضنته : زعلت مني ؟
بعثر شعرها : وانا اقوى ازعل منك
ابتسمت تقول تعدل شعرها تطلع لغرفتها تقوم لدن : ماما لدن امي حبيبت قلب ماما يلا نقوم طولنا بنوم امي ..
استغربت تأخذها لحضنها تقومها بتكرار : لدن ماما
رجف قلبها من ماقامت تعلي صوتها اكثر : لدن ماما تكفين لا تخوفيني عليك لدن ...
-
" المستشفى "
فتحت النافذه تدخل الشمس تبتسم تبعد شعرها القصير خلف اذنها تتقدم له ببتسامه من قام : صباح الخير
ابتسم بخفيف يعدل ظهره تقرب تساعده : يلا يابطل تجهز للفطور .
عبس وجه من رجله : اشوف صرت طفل عندك بعدين فطورهم مابيه ..
ضحكت بهدوء تطلع الفطور : لا يا اخوي الحلو هذا جدتي جايبته لك عشان تطيب من بعد الله .
سكت تلبس طرحتها من دخل الدكتور وهي خايف من لحظه ذي من تكلم عن رجله والعلاج تناظر عيون عزيز الي عجزت تفسرها بس الي فهمته انه ماتضايق وكان هادي طلع الدكتور تفك طرحتها تمسك يده : عزيز
تكلم بهدوء : قضاء وقدر يا تقى والحمدالله على كل حال
هزة راسها ببتسامه من حست بغيمه على عيونها : ونعم بالله
قامت تجهز له الفطور وهي خايفه عليه من بروده وصمته هالفتره يتكلم كلمه ورد غطاها حطت الفطور قدامه يناظرها : معي ؟
هزة راسها بنفي ترفع الكروسون والقهوه : هنا فطوري
خزها تبتسم له تشوفه اخذ قطعة خبز وقف تنصدم : عزيزززز
دخل تميم تعدل طرحتها تقى : الله جابك تعالى شوف خويك الي بيجيب اجلي قثم .
ضحك تميم يعدل ساعته : علامه ؟
تقى بعصبيه : ما ياكل
انصدم تميم يتقدم يسحب الكرسي عند سرير عزيز : يلا بفطر معك يالبزر
مارد عزيز يفطر تميم تنصدم تقى اكثر : وجاء الثاني بعد
ناظرها تميم : معليك كلها دقايق بس
اخذ خبزه تميم مع لبنه يمد لعزيز الي بعد وجه : الله يلوع كبدك ، ويديم النعمه
ضحك تميم ياكلها تنقرف تقى يزداد ضحكه يبتسم عزيز بتنهيده منه من رجع بيمد له : خلاص يرحم والدينك باكل بس ابعد ..
وبالفعل مد يده عزيز يفطر معه يغمز تميم لتقى الي انصدمت بس ابتسمت براحه وبعد دقايق طلعت تقى للبيت من صر عزيز عليها تروح ترتاح يبقى تميم الي يسولف عليه يصدع راسه : تميم هد شوي تطلع من سالفه لسالفه ..
ضحك بخفه تميم : كل تراب تعبت وانا اتكلم طلعت مو معي
مسح على وجهه عزيز يتكلم تميم بهدوء : تكلم الدكتور عن رجلك
هز راسه عزيز : اي الحمدالله .
سكتت تميم من عزيز الي ناظره وعرف وش يقصد
-
بيت بندر ..
دخلت لتين وطلعت لصاله الي فوق تشوف استقبال ليث لها بالقهوه والحلا تروح لغرفتها تبعد عبايتها وتعدل شعرها وتطلع له ضحكت من اخذ يدها يجلسها : يوو يا شيخه تو ينور البيت ..
ابتسمت تأخذ من يده الفنجال : لا تسمعك ربى بس
كشر : خليها ذيك مع زوجها .
ضحكت منه من تربع وبدا يعلمها بكل تفاصيل يومه
ومواقفه الي تصير له بالجامعه وبين سوالفه يصدح صوت ضحكها ابتسم يرخي اكتافه على الكنبه : المهم لك وحشه عساك بتنامين هنا .
غمزة له : اكيد معليك بدون شوره بعد
ضحك يطق كفها بكفه : تعجبيني
عدل جلسته من بدا بالجديه يوترها من مسك يدها يكتم ضحكته من خوفها : علامك ؟
رفعت اكتافها : مدري عنك خوفتني
ابتسم يمسح على كفها : شوفي لتين الحين بتكلم معك منجد ابيك تعلميني بكل شي صار لك لا تحسبيني مغفل ولا ليش ابعدتي كذا سنه الا وفيه شي ومن اخذتي هالهايف وانتي ماش مو لتين الي اعرفها ولا تتوترين مني وتكلمي بدون خوف الي قدامك اخوك ويفهمك ..

" صباح الخير 🤍 "