بيت عبدالله البندر ..
نسف شماغه يسحب دهن العود يحطه على اماكن النبض وعطره المخصص فيه والي يشبه شخصيته
اخذ العود يحطها على الفحم يبخر شماغه يسحب جواله ينزل ابتسم من شافهم يجهزون يتقدم يقبل راس امه : جعل هاليدين ماتمسها النار ها يمه بقى شي ؟
ابتسمت فاتن تحط اخر لمساتها على لقيمات : اي يمه يلا مشينا بس شوف تـقى تأخرنا .
دخلت تقى ببتسامه تعدل جلابيتها : سمعت اسمي .
ابتسم عزيز من دخلت تحت ذراعه يحاوط اكتوفها يقبل راسها لفت تقى تغمز الـ فاتن : اوه يا ماما ايش هالجمال ..
لفت فاتن بحياء تشتت عيونها من دخل عبدالله تمد الـ عزيز الاكل : يلا يمه روحو ونلحقك .
ضحك عزيز يعدل شماغه يأخذ طبق والعاملات وراه : واضحه يمه الله يسعدك الطرده .
ضحكت تقى تسحب عبايتها ويطلعون الـ بيت الجد ثنيان ..
-
" بيت بندر "
زينت شعرها بجديله انيقه تلبس جلبيتها البيج تتعطر
ارسلت قبله بيدها على انعكاسها بالمرايه : وه بس .
نزلت تشوف ليث الي يتحلطم ابتسمت تتقدم تساعد امها : اجر اجر بلا حلطمه .
خزها ليث يستغفر لفت على امها الي تكلم واضح تكلم لتين تأففت تحط الاكل على الطاوله تنقز فوق الكنبه تتربع لفت على جوالها تناظر الرقم الغريب ترد : اهلا مين معي ؟
ابتسم يناظر انعكاسه بالمرايه يعدل شماغه : مبارك عليك الشهر يعني تعرفين ماقدرت امس أبارك لك ..
ابتسمت تلعب بخصلة شعرها : علينا وعليك ، بس وش جاب رقمي عندك ؟
ابعد يقعد : شي خاص .
اذكرت الله تتنهد : تمام يا تميم اعلمك بعد الفطور .
ضحك من شافها سكرت يقوم يجهز معهم ويتجهون الـ بيت الجد ثنيان ..
ضرب جبينه ليث من شافها تهوجس : بنت العالم كله ركب يلا .
لفت بسرعه تركض تلبس عبايتها ضحك بخفه من شافها جايه يحاوط اكتافها يطلعون ..
-
" بيت سعد "
كان هدوء البيت وريحة العود بالبيت نزلت جوجو وراها فيصل الي يعدل ياقة ثوبه وجوجو ماسكه كعبها بيدها القصير لفت على ابوها الي يقراء قران ابتسمت لاشعوريا من صوته تدارك تقعد تلبس كعبها تتقدم تقبل راسه يسكر القران يقول اذكاره يناظرها : اذكارك ابوي .
هزت راسها ناظرته من أشر : تعالي ..
قامت بهدوء رجف قلبها من حضن اكتافها يحصنها
وهي عادته قبل راسها تبعد بخفيف تناظر الهنوف الي طلعت من الغرفه تتقدم لهم تبعد شعرها : يلا .
ابتسم غصب يتنهد : ماشاء الله
قام وتقدم لها يناظر عيونها : دقيقة ابي اكلمك قبل لا نمشي
هزت راسها الهنوف و مسك يدها سعد توترة من مسكته دخل المكتب تقعد مقابله وقال لها : اسمعي بعد العيد بنروح لندن
الهنوف قالت باستغراب : ليش
جمع يدينه يتكلم بجديه : عاجبك وضع العيال ؟
الهنوف : اكيد لا وفعلا يا سعد العيال محتاجين ومو عاجبني تعاملهم مع بعض واحس بينهم حاجز ولازم نكسره
سعد بتأيد يقوم يمد يده لها : فعلا
قاطعهم دخول سلمان يركض للهنوف : انتوا متخبين عني بس لقيتكم
الهنوف بضحكه وهي تحضنه : يوه كنا متخبين عنك
سعد وهو يلعب بشعر سلمان ببتسامه : اذا رجعنا بلعب معك مصارعه .
سلمان برفض يقوم يتجه للباب : لا المصارعه ممنوعه ماما قالت
ضحكت بخفه تروح وراه : صح على وليدي
سعد بصدمه يصفق بيدينه : لا الأم ولا ولدها لي الله
ضحكت تلف عليه من عند الباب : سعد ياحبيبي ترا تأخرنا ..
ابتسم من شافها تبعد بسرعه يتوعدها يطلع وراهم .
-
" بيت هايف "
خلصت تنزل تناظره شماغه على كتفه تشهق من تشوف الصقر على يده يمسح عليه تنزل بخطوات مسرعه تتقدم له تمد يدها لصقر الي طار على يدها تقبل راسه بشوق : اخخ الشوق مليون .
ابتسم يطلع للمرايه يعدل شماغه يسمعها تكلمه ببتسامه : متى جبته ؟
ابتسم يلف عليها ياخذ اغراضه : اليوم .
تقدم لها يناظر سعادتها بصقر يبتسم ويبتسم ولا يحس ويتكلم لاشعوريا ولا حس : كيف قوى قلبك سنه ؟
استغربت ترفع راسها من كانت تبتسم لصقر تعقد حاجبها تشوفه يبتسم : هايف !
تنحنح من حس على نفسه ياخذ الصقر يبعد تركض وراه توقفه توتر من كان وجها قريب منه ابعدت شوي : اا ابي الصقر باخذه معنا .
هز راسه بنفي : لا ولا يمكن .
عقدة حاجبها دليل عصبيتها : وليه ان شاءالله .
خزها يبعد يحط الصقر بمكانه يقفل على عيونه : مايصير ناخذه وبس .
مسكته من ذراعه تلفه عليها : هايف لو يوم اطلبك طلب وتقول تم .
حاول يثقل قدامها بس ماقدر يشتت عيونه وبرود : اخذيه بس انتبهي له
ابتسمت تشد على يده بشكر : لا توصي .
ابتسم من طريقة شكرها ياخذ الصقر على يده يطلعون وهي محاوطه يده من ماقدرت تفكها من شدته ..
-
« بيت الجد ثنيان »
اجتمع الكل وقفو البنات يصورن الفطور وصدح اذان المغرب وقعدو يفطرون وبعدها طلعوا العيال والجد يصلون والبنات طلعوا يصلون خلصو يطلعون لصاله الكبيره مدت ربى لهم المشروبات تقعد تصور اخذت جوجو لدن تلعبها جاء سلمان يركض يضم لدن الي بحضن جوجو : اشتقت لك ..
شهقت جوجو تضرب كتفها الهنوف بضحكه : خليه بنشوف النهايه .
صغرت عيونها جوجو من تشوف لدن تضحك تخز سلمان : وخزياه صدق .
لف سلمان يناظر جوجو : عطيني .
هزت براسها برفض تضم لدن اكثر : لا صغيره هي .
عبس وجه بغضب يتكتف يروح للهنوف الي جنب جوجو : ماما .
ابتسمت الهنوف تقعده بحضنها : مايصير يا ماما صغيره .
هز راسها وبدموع : بس انا احبها ما راح تطيح .
ضحكت جوجو تقرص خده يبغد وجه : والله اخوي طاح على وجه بس ما نلومك .
تعلق بالهنوف يحطه وجه على صدره الهنوف مايبي يناظر جوجو قامت جوجو تعطي لدن الي قبلت خدها بقوه الـ ربى الي اخذتها بسرعه ترجع الـ سلمان تمسك يده : سلمان قلبي .
هز راسه يمد بوزه يفرك عيونه بدموع : لا لا .
تنهدة جوجو تاخذه غصب من ابعد تمسح دموعه : افااا ..
قام من حضنها تنزل دموعه يركض برا جت بتلحقه بس وقفت من الرجال الي برا ترجع تكلم فيصل : سلمان عندك ؟
هز راسه يبتسم : بحضن ابوي يبكي يشتكي منك .
ابتسمت بقهر : طيب جيبه لي .
ناظر سلمان الي يخزه يضحك : على خشمي شويات هو عندك .
سكرت ترجع عندهم تناظر الي دخلت وبيدها الصقر
انقزت وعد ورا الهنوف : انا في وجهك ، لتين وجع اي والله ياربي استغفر الله ابعديه مناك .
ضحكت لتين غصب تمسك بطنها من ركضهم ونقزت وعد : اخخ ..
وعد بعصبيه وهي متمسكه بكتف الهنوف : لتين وربي لقوم عليك .
تربعت لتين على الارض تمسح على راس الصقر : شفيكم عليه ترا حليل ..
نطت جوجو من فوق الكنب تقرب بشويش : بمسكه بس خليك ماسكته .
هزت راسها لتين بخبث وقربت جوجو بتلمسه بس طار من يد لتين وانواع الاصراخ الي صار انهارت لتين تناظره فوق راس وعد الي منهاره : لتيننن ..
قربت لتين بتاخذه بس ماقدرت من قوة الضحك
لفو على صوت الجد الي دخل بعصبيه : خير ان شاءالله ؟
وعد بترجي ودموعها على خدها : تكفى اخذه ..
قرب الجد يحط يدع فوق راس وعد ابعدت وعد بسرعه تركض بحضن امها لف الجد بحده : من جابه .
غطت لتين وجها بيدها : انا .
تنهد يستغفر يطلع بدون رد لفت لتين على وعد الي للحين تبكي بحضن الجده نوره قربت بخوف عليها : وعد حبيبي والله لو دريت بتخافين كذا ماجبته بس والله ماطيرته الا اعرف انه مايأذي ..
رفعت وجها وعد تخزه تمسح دموعها : انا اعلمك كيف مايأذي ..
قعدت تلحقها بس وقفت لتين بسرعه تمسك يدينها بضحك تقبل خدها تحضنها : وربي اسفه
خزتها وعد : بس بضربك عشان ارضاء
هزت راسها لتين بس صرخت غصب من قرصة وعد : وجع اححح
حضنتها وعد تبعد تغمز لها : درس لك ذي القرصه .
ارجعو وبدو يسولفون ويضحكون بعد صلاة التروايح بدو يجون العالم طلعوا البنات فوق يعيدون على المكياج خلصت جوجو ترش من عطرها تناظر البنات : مين خلص تنزل معي ؟
قربت تقى تمد لها المسكرا : ضبطيها لي .
مسكت وجه تقى تضبط المسكرا خلصت تبعد جوجو تغمز لها : يهبل .
نزلو ورا بعض البنات بس وقفو من سمعو صوت العيال الي داخل وكان واضح يسلمون ارجعو يدخلون الصاله الثانيه ينتظرون تلف ربى لهم : شرايكم بكرا نفطر برا العائله كلها .
جوجو وهي تتبخر : فكره حلوه بس مو بكره بعده .
ايدو البنات جوجو اسكتو يسمعون صوت العيال الس يسولفون بصوت عالي واضح شهقت ربى : بنات جدي بيزوج وعد .
ضحكت جوجو : اي سمعت كأني اشوف وجها .
اميره بتحليل : بس توقعون من العائلة او من برا .
لتين بتفكير : اتوقع من برا .
ضحكت اميره تتذكر : لحظه لحظه ليكون الدكتور وافي .
عقدت حاجبها ربى : من ذا بعد .
قعدت اميره تعلمهم السالفه ابتسمت جوجو : والله وطاحت على وجها عمه وعد .
دخلت وعد تقطع عليهم بعجله تبعد اجلالها وجها احمر بخجل
ابتسمت تقى تغمز : شفيك وعدوه .
ضربت كتفها وعد تشتت عيونها : خير .
قربت ربى تضرب كتفها : سمعنا زواج .
ابعدت تهف على وجها تبتسم جوجو تحاوط اكتافها تهمس لها : عمه وعد من وافي .
ضحكت جوجو بالم من قرصتها وعد تشهق تلف على اميره : هين علمك عندي ، بعدين يلا اذلفو ترا راحو العيال ..
طلعوا هم يضحكون بس وقفوا يناظرون فاطمه وبناتها تقدمت جوجو من شافت فاطمه الي قامت تسلم تسحب عليها جوجو تسلم على ريڤان وتلف على فاطمه تسلم تناظرها تحترق تبتسم جوجو تقعد
دخلت وعد وراهم تسلم تصب لها شاي وقفت من تكلمت فاطمه ببتسامه : ماشاءالله يا وعد سمعنا انك بتنخطبين .
همست ربى ال جوجو : شفتي ويبوني اسكت .
ارفعت راسها جوجو ببتسامه قبل تتكلم وعد : وابشرك منصبه عالي بعد .
عضت شفتها ارجوان بغضب من فهمت تلف على فاطمه بطنازه : عاد انتي مغير تطلقين وتتزوجين ماشاءالله عليك عاد البلا مو هين اكيد ماتطلقين الا وراك شي كايد ..
بلعك غصتها وعد من عجزت ترد من الموضوع الي تكره تسمع موضوع طلاقها تحس بمليون طعنه توجعها لفت تكابر غصتها ودموعها الي على طرف : نصيب وانتي ليش زعلانه اني بتزوج عشان بنتك ماتزوجت .
شدة على يدها بغضب تناظر وعد الي طلعت بسرعه
ربى بقهر تعض يدها : اخخخ بقوم عليها ..
لفت جوجو ترسل ال وعد الي ردت بسرعه " لحد يجي مافيني شي وكلامها مأثر فيني شويات وجايتكم "
لفت جوجو على ربى : معليك ان ما علمتها درس ما اكون حفيدة فيصل بس صبرك علي ، والحين معليك اهمشي الفعاليه جاهزه بعد السحور ترا ..
هزت راسها ربى : اي معليك .
-
" برا "
وزحمت الرجال يطلع من بينهم يسحبه بحده : علامك انت ؟
سعد بضحكة قهر : والي خلقني مايأخذها جعل ر...
قاطع حكيه الجد ثنيان يمد يده بحده : تذكر عيالك لا تنطقها .
ضرب بيده الجدار الي جنبه بعصبيه تبرز عروقه : والله ما يأخذها لو على رقبتي انت تدري من هذا تدري يابوي .
مسك ياقة ثوبه الجد ثنيان : من ؟
ضحك بسخريه : صديق ولد ناصر يا ثنيان صديقه يبي القرابه بس والله لو على جثتي ما يأخذها .
انصدم يبعد على ورا يمسك راسه يرفعه : وانت وانت وش عرفك .
سكت سعد يرفع راسه يمسح على لحيته : اعرف وبس
عدل شماغه الجد ثنيان يدخل وراه سعد لف على صوت ابو محمد : يا ثنيان .
لف ثنيان يمسك نفسه : سم
قرب ابو محمد يبتسم : انت عارف ان نبي القرب منكم ونبي وعد لمحمد و..
ماكمل من الي يعدل الخنجر يقرب يبتسم يقبل راس الجد ويسلم على الباقي يلف على ابو محمد : مين قلت تبي ..
سكت الكل بصدمه من وجوده بينهم تقدم سعد يناظره بصدمه ينطق : وش جابك ..
ابتسم يقرب يهمس الـ سعد : الاخبار ياسعد ما اشتقت الـ نسيبك
ابعده يدفه من صدره يقرب له يهمس بحده : اطلع يامطلق دام النفس عليك طيبه اطلع .
ضحك يبعد يلف على الجد ثنيان وبصوت مرتقع : عاد انا جايك برجع زوجتي لي واظن ماتقدر ترفض ياثنيان .
عقد حاجبه ابو محمد : انت من ومن تبي ؟
ابتسم مطلق بقهر يلف عليه يقرب : زوج الي جاي تخطبها الـ ولدك .
توسعت عينه بصدمه يناظر محمد ولده الي تقدم بغضب : ياثنيان شور البنت اهم ولا .
ناظر سعد هدوء ثنيان وشدته على عصاه تنحنح يتقدم يمسك كتف محمد ويلف على مطلق : عطونا مقفاكم وماعندنا بنت لكم واصلن البنت ماتفكر بزواج يلا الله يستر عليكم .
ابتسم محمد يرفع يده يضغط على مكان جرح سعد بكتفه يهمس : بطلع بس لا تتوقع ابتركها .
حمر وجه سعد يعض شفته بالم يناظر مطلق الي تقدم له من شاف وجه : سعد علامك وش قايلك هالخسيس ..
لف سعد يضرب كتف مطلق يبعده : اذلف وراك .
ابتسم مطلق يتكتف : ماني طالع لما اخذ شوركم .
سعد بحده بين اسنانه : انت تتذكر ماضيك تتذكره ولا اذكرك وتجي بلا مستحي تطلبها مره ثانيه ، ماني ولد ابوي اذا رجعت لك .
تنهد مطلق يشد على فكه يكره ماضيه ولا يحب يتذكر يرفع راسه يقرب بقهر : يشهد الله ياسعد ومرت سنوات وانا ابرر لك ماكان بيدي ولي خلقني مو بيدي .
ناظره سعد يناظر الصدق بعيونه بس مايقدر ابد كل مايتذكر معاناة وعد الي عاشتها : انا بصدقك بس وعد بتصدق يا مطلق ..
بلع ريقه بالقوه يحس بكتمه رغم الهواء يفك ياقة ثوبه من فوق يبعد شماغه حس بالي يكلمه : اخوي فيك شي ؟
رفع عيونه للوافي الي قدامه يهز راسه برفض يتقدم الوافي يساعده يوقف يمد يده : ارحب معك الدكتور وافي .
ابتسم مطلق بتعب يصافحه : البقى وانا اخوك معك مطلق ..
-
" بالداخل "
طلعوا البنات مع وعد الي اصرو عليها تطلع يقعدون بالجلسه يتقهون مدت اميره الـ وعد فنجالها : ياربي ياحلو الجو والهدوء والسكينه .
ابعدت ربى صحن الحلا : اي والله منجد عكس الازعاج الي داخل زين منكم طلعتوني قبل اقوم عليها ..
ضحكت جوجو بخفه : زين مسكتك ولا كان قمتي عليها انا الي ماسكني عنها عمرها بس انا اعلمها بطريقه ثانيه غير الضرب ..
خزتها لتين تاكل الحلا : الله يستر بس .
اسكتوا ثواني من اصوات الرجال الي ارتفعت تقوم وعد وراها جوجو من الاصوات الي ميزوها لفت وعد برعب تهمس : لا يارب .
جوجو سمت بالله من فزتها تسمع صوت ابوها سعد
قربت تسمع اكثر عقدة حواجبها تلف على وعد الي هزت راسها بتكرار من تحس بتصلب عجزت تتحرك
يقومون البنات لها تهز كتفها ربى : بنت وعد .
لفت عليهم تبتسم بصدمه : مو هو صح ؟
عقدو حواجبهم بعدم فهم الا جوجو الي تقدمت من عرفت : وعد هدي ..
مشت تطنش البنات الي ينادون عليها وجوجو الي تلحقها اسحبت وعد اجلالها تطلع لهم من الجهه الثانيه وبصوت مرتفع : مطلق .
ركضت جوجو بتعب تمسك قلبها : وعد تكفين .
لف الرجال على صوتها ومن بدهم هو الي رجف قلبه
يناظرها واقفه بشموخها الي يعرفه يناظر خلخال رجلها الي مانزلته يتذكره يبتسم بحزن : مانزلتيه .
ارتعشت تمد اجلالها تغطي رجولها تبلع ريقها تناظر سعد الي ماسك ذراعها وبهدوء : وعد هدي وركدي .
هزت راسها تبعد سعد تتقدم تصرخ بوجه بوجع : ليش جاي وش تبي ماكفاك الي سويته ليش جاي توقف نصيبي ليش وقفت نصيبك انا ؟ كفيت خيري وشري عنك وش تبي بعد تهدمني فيه .
تقدم سعد يحط جوجو ورا ظهره يشد على كف يدها
من حس برجفتها ناظر مطلق الي تقدم بيسحبها بس ابعدت تصرخ ودمعتها على طرف : لا تقرب لا تقرب مو محرم لك لا تقرب خاف ربك و ..
صرخ مطلق من غصته الي اوجعته يسكتها : خلاص ..
ابتسم ابو محمد يقرب بصوت مرتفع : وهذي وعد ياثنيان تعطينا الموافقة ..
رفعت راسها بسرعه : موافقه ياعم موافقه ..
ضحك بسخريه ياخذ الاسلاح الي بجيبه يتقدم لمحمد الي تراجع بس شده مطلق من ياقة ثوبه يوجه الاسلاح براسه يلف على وعد ببتسامه : اجل موافقه .
لف سعد على جوجو يهمس : روحي .
هزة راسها بنفي : عمه وعـ ...
قاطعها بحده ترعبها بس لا زالت واقفه : جوهره
لفت بسرعه من طلق النار سكرت وعد اذنها بسرعه تنحني على نفسها تنهد وافي يبعد يد مطلق : تعوذ من الشيطان ..
احتد فك مطلق بغضب يلف على وافي يبعده من كتفه : ليش ماخليتني احطها بعينه دامها خربانه ليه .
احتد فك مطلق بغضب يلف على وافي يبعده من كتفه : ليش ماخليتني احطها بعينه دامها خربانه ليه
عقدة حاجبها تحاول تستوعب الي موقف بين مطلق ومحمد كتمت شهقتها من لف وافي يناظرها بحده ارعبتها فهمت من عيونه يبيها تروح بس وقفت تناظر حست باليد الي تسحبها تمشي وعيونها على وافي نظرات هاديه دخلت تناظر جوجو الي تكلمها بغضب وخوف عليها : عمه وعد منجدك ؟
سكتتها وعد الي مدت يدها بهدوء غريب عليها : خلاص جوجو خلاص يرحم والدينك .
تنهدة جوجو من شافت وعد الي دخلت جت بتطلع من الغرفة بس وقفت من تشوف سعد والهنوف من بعيد بينهم نقاش حاد نزلت راسها بتعب تتعداهم
دخلت عند البنات تستغرب تناظر لتين تقعد : وينهم ؟
تنهدة تتعدل : اميره طلعت عشان لدن يبيها يزيد وربى مدري وين راحت ، الا بسألك ايش فيها خاله وعد والازعاج الي برا .
رفعت اكتافها جوجو بعدم معرفه : والله الي عرفته ان طليقها جاء الباقي عجزت افهمه .
شهقت تقى تحط يدها على فمها بفشله : طليقها !! وش جابه ؟
عدلت جوجو شعرها على ورا تتكلم : مدري والله .
قاطع حكيهم دخول ربى تقعد بالارض مقابلهم ترفع حاجبها جوجو : سلامات ليش قاعده تحت .
ابتسمت بعبط : مدري بس ارتاح اكثر المهم بكرا بنفطر برا .
ضربت جوجو جبينها يضحكون لتين وتقى : انا كم مره اقولك خليها بعده بكرا كل واحد في بيته .
عبست ملامحها ربى : يو جوجو ياخي لحقين .
ناظرو اميره الي دخلت تشرب عصير تقعد جنب جوجو : شفيكم ؟
جت بتكلم جوجو تقاطعها ربى الي لفت جسمها ال اميره : معليك وين لدن بس ليش جايه بدونها .
ضحكت جوجو من وجه اميره الي صفقت راس ربى بخفيف : اهجدي ، ولدن عند ابوها .
ضربت ربى خدودها بستهبال : عزالله يفترسونها ، ويزيد ذا كل شوي ياخذها تراه ابوها كل يوم يشوفها حنا نبيها ..
ابتسمت اميره تخزها : بنت عيب استحي قدامك انا .
ضحكت ربى بخفه تقوم عندهم يسولفون وانواع الضحك والاهبال ...
الساعه ١٢ وقت السحور طلع الكل يتسحرون قعدت ربى جنب جوجو تخز ارجوان الي تاكل تهمس : جعلها تغص .
غصت جوجو تفز ربى بخوف تضرب ظهرها تسحب المويه ناظرت الهنوف الي تسرع بخطواتها رفعت وجها جوجو تبعد شعرها تمسح دموعها الي نزلت بسبب الغصه تلف على الهنوف تمسك يدها : بخير ماما بخير ..
ربى الي حضنت جوجو من كتوفها : والله الدعوه كانت لها .
ضحكت جوجو بخفه تبعدها ترجع الهنوف مكانها ابتسمت ارجوان بسخريه تناظر لتين الي تأكل : الا لتين ليه هجيتي من زوجك ؟
شدة على يدها ربى تناظر وجه لتين الي حمر تسحب الشوكه ربى بقهر ترفع حاجبها وبين اسنانها تحاول تهدي : اقول ارجوان ماودك تبلعين السانك وتسكتين لن لو تكلمتي مو بصالحك ابد .
ضحكت بسخريه تمسح يدينها : وش بتسوين يعني ؟
قامت ربى تدف الكرسي على ورا من شافت الكل خلص سحوره وطلع وبقت هي والبنات تتقدم لها تبتسم تبعد شعر ارجوان ورا اذنها : تبين تشوفين وش بسوي ؟
هزت راسها ارجوان ببتسامه : ورينا فعايلك يا اخت ليث .
شمرت اكمام قميصها تربط شعرها على السريع : وانا اخت ليث صدق .
شهقت جوجو من صوت الكف الي دوا بالمكان وارجوان الي ترد الكف ال ربى بس ماوقفت على كذا مدت يدها ربى وقعدت تجر شعرها وتصفقها بقهر وقفت من جوجو الي دخلت وهي البنات بقوه بينهم صرخت لتين على ارجوان الي ماسكتها وفرق الاحجام بينهم : وقفي وجعتيني وجع .
ابعدت ارجوان على ورا تدف لتين تعدل شعرها : انتي لا تتكلمين يا ****
شهقو من قوة الكلمه وتقدمت جوجو وراها ربى وتقى : هالمره مو بس وحده عليك ..
اما لتين تراجعت على ورا بصدمه من كلمتها القذره
تناظر الي تمسك ذراعها اميره دخل الكل على صوت الاصراخ فزت الهنوف تصرخ فيهم : ابعدي انتي وياها .
ابعدو من تقدم الكل يبعدهم مسحت وجها ربى من حست بوجع بخصرها من رفست ارجوان وصح كان اضربوها ثلاث بس هي كانت تكفي عنهم من ضخامة جسمها عضت شفتها جوجو من الم ذراعها تلف تمسك وجه ربى وتقى : فيكم شي ؟
هزو روسهم بنفي يسألونها نفس السؤال لفو على صراخ فاطمه المبالغ : يويلي بنتي بنتي الحق يا سلمان الحق .
ارجوان بكذب والم ودموع : ااا ماما جسمي وجهي كله يعورنيي اهه .
فز الكل من اصوات الرجال الي يطقون الباب عزيز وهو لاف وجه وبحده يصرخ فيهم : وجع توجعكم اي والله وش هالاصراخ ما تستحون مافيكم حيا .
تقى بدموع من الم راسها تصرخ بقهر : لا تلومنا وانت ماتعرف السالفه ..
صرخ بحده سكتتها من صوتها العالي : تقى !
دخل الجد يضرب عصاته بالباب بحده بس وقف بصدمه من تقى الي تبكي و ربى الي منزله راسها بالم وتنزف من عند فكها بشوي وجوجو ويدها الي تتهاو بصوت خفيف عقد حاجبه بحده : ليه هالاصراخ ها ليه تكلمن ؟
قامت ارجوان تطيح عند رجول الجد ثنيان تبكي بتمثيل توريه وجها : شوف جدو ثنيان شوف وش سوا فيني كنت اتسحر وقامو علي فجاء شوف ..
رفعت راسها ربى بصدمه تلف على فاطمه الي تتكلم بعصبيه : بينا المحاكم ياثنيان ، اذا بتسكت عن هالمهزلـ ..
قاطعتها لتين الي صرخت بقهر تسكتها بس انصدمت من مسك الجد ذراعها تحتد نظرته : خليها تكمل .
ضحكت لتين بقهر : ليكون مصدقينها !
لف الجد : كملي يا فاطمه .
وقفت ربى بسرعه بينها وبين الجد ترفع اصبعها : والله ما تكمل اعلمك انا وش صار الي صار يابابا ثنيان ان الطاهرة الشريفه الي قدامك تتكلم على شرف لتين واستحي اقول الكلمه غير كذا هي وامها ما خلو شي ما قالوه غير انها دعت على خالة هنوف يوم طلعت ولا عمه وعد الي تعايرها بطلاقها واشياء يا جدي ماحد يعلمها غير الله ..
بلع ريقه الجد يحتد فكه بغضب يناظر الي قامت بترجاه يبعدها بعصاته : اذلفي لاشوفك اذلفي
لف يعدل ظهره يتكلم بصوت عالي : البيت يتعذرك يا فاطمه انتي وبنتك ولا عاد اشوفكم والله لو ادري مسويه شي ماتوقفني غير المحاكم على قولتك
ويلا برا بيتي يتعذركم الي ينهانون فيه بناتي مايقعد ولا دقيقه واتوقع انتي عارفه وش حفيداتي وعيالي عند ثنيان ولا يا فاطمه ..
سحبت فاطمه ارجوان بنتها بحده تلف عليهم وعلى الجد بصرخ وغضب : بطلع بس والله حق بنتي لخذه ياثنيان ..
ثنيان بحده يضرب عصاه : اقطعي .
قربت جوجو تمسك جدها تهديه تناظر فاطمه بحده : فارقي ماتسمعين ..
ضحكت فاطمه بسخريه وقهر تقرب من جوجو بس حط يده ثنيان يبعدها ترفع اصبعها تهددها : هين يا بنت ... سعد الوعد بيني وبينك يا حبيبت ابوك ..
طلعت تسحب ارجوان وراها شد على يده عزيز بغضب من سمع كل شي يسمع بكاء لدن وجزء من جوجو الي حاطها ورا ظهره ثنيان يعض شفته بهمس : اخخ يابنت ***
دخل تميم بصوت عالي يضرب الباب : يولد .
تنهد الجد يضم اكتاف جوجو : هلا يبه تميم .
تنحنح يخفف من غضبه من مايسمع صوتها : ربى اطلعي ..
رفعت راسها بسرعه ترجف يدينها تناظرهم يناظرونها
عجزت تتحرك بس فزت من تكلم ليث : ربى ياعين اخوك اطلعي .
ناظرة جوجو الي هزت راسها تتقدم لها : اطلعي لهم ..
قامت تعدل فستانها الي طايح على كتفها تناظرهم واقفين ناظرت ليث الي فز يتفحصها رفع يده من الجرح الي عند فكها يمسكه بحنيه : شسوتلك ..
ابتسمت بدون ماترد تبعد يده تحضنه تشد على حضنه وبهدوء : ليث ..
شد عليها يقبل راسها بتكرار وخوف من يبعد وجها ولا زالت حاضنته : لبيه .
تمردت دمعتها ناظرت الي ورا ليث يدور بعصبيه واضحه خبت وجها بصدر ليث بسرعه من رفع راسه وبغصه : غلطت على لتين ليث لتين بس ماسكت قلت انا اخت ليث وجريت شعرها لين قالت امين ..
ضحك بصوت عالي يقبل راسها بضحك تبعد بقهر تناظره : شفيك ؟
مسك يدها ليث بضحكه : الحين مين الي مكفخ الثاني ؟
بققت عيونها بصدمه : شقصدك ؟
تقدم تميم يمسك ابتسامته يعقد حاجبه بحده : الي واضح ان هي الي قامت بالواجب ..
قربت تضرب كتفه : حبيبي شكلك نسيت من قدامك انا ربى بنت بندر واخت ال ليث ..
فز ليث بصوت عالي : ونعم ..
ابتسمت تلف عليه اما هو تأمل الجرح الي بفكها وجعه حيل المنظر يمد يده يلف وجها رجفت من خشونة يده على وجها الناعم ولمسته على جرحها رفع عيونه بهدوء تلين ملامحه الحاده : توجعك وجعتك .
بلعت ريقها تخجل من ليث الي تنحنح ولا همه تميم جا بيمسك ذراعها بس وقفه تميم برفعة حاجب : شكلك ناسي اني دكتور خلها انضف جرحها ..
هز راسه يمسك ضحكته من ربى الهادئة من خجلها واحمرار ملامحها قبل راسها وبضحكه خفيفه : جعلها في ارجوان ولا فيك يابعد اهلي انتي بجيك بس ينضف جرحك ..
رفعت راسها بسرعه تنسى نفسها ترفع يدها : امين جعله فيها يارب ..
خزها تميم الي يطلع القطن : بنت استغفري لا تدعين وبرمضان بعد ..
صغرت عيونها تناظر ليث الي طلع يضحك تتكتف : ليش ماتبيني ادعي عليها انت شايف سوياها ولا تبيني ادعي ..
تنهد يقوم يمسك ذراعها : قولي حسبي الله ونعم الوكيل فقط ولا تكثرين هرج وتعالي ..
ضربت ذراعه بقهر : انت متى يتعدل اسلوبك معي ها .
خزها بحده يمسك ذراعها الي تحاول تفلت منه صرخ بغضب من عجزت تهجد : بنت ..
حذفت الاغراض بالارض تتقدم له : مابي منك شي مشكور ، روح لـ ارجوان عالج جروحها ..
شد على يده يشوف الاغراض الي محذوفه عند رجله
يرفع عيونه بهدوء : قد الحركه .
بلعة ريقها تهز راسها : اي ، وش بتسوي ؟
تقدم بكل سرعه يمسك ذراعها يشد على فكها تتهاوى بالم تعض شفتها يهزها بقهر : وربي وعزته يا ربى ان ماتركتي حركاتك ذي لا سوي شي ما يعجبك وحركات الغيره والخرابيط ذي مابي اشوفها ..
حاولت تبعد يده عن فكها تنقهر من كلمته وغصتها الي اوجعتها : وليش اغار عليك ، احبك ؟ ولا عمرك تفكر اني اغار عليك ولا احبك مين انت مردك بتطلقين ولا تـ ...
قاطعها يشد اكثر ضرب ظهرها الجدار الي وراها يضحك بسخريه : وحركاتك عن ارجوان وش اسميها ؟
غيمة عينها من وجعها ترفع عيونها فوق ماتبيه يشوفها بس ماتبي تترجى بس عجزت من حست بفكها بينخلع من يده وبصوت بوجع تمسك يده : تميم فك تميم يرحم والدينك ابعد ..
ابعد بسرعه من استوعب يناظر الـد**م الي بيده يناظرها تقعد على الارض تنزل دموعها بوجع تمسك فكها تمسح الد**م رفعت عيونها له من نزل بمستوها يمسك القطنه : ابعدي يدك ..
ابعدتها تناظر ملامحه وتشوف يحاول يخفف يده على جرحها ابتسمت بالم وبدون ادراك : ليش تميم ليش تعاملني كذا ؟
رجفت بمشاعره من صوتها ودموعها الي مايحب يشوفهم رجفت يده الي تمسح على جرحها شافها تقوم بس وقفها بهدوء : اصبري بحط الصق عليك
تقدم يبعد شعرها يحاول يشتت عيونه عنها ابعد من خلص انحنى من شاف خاتمها الي طاح منها ياخذه يعدل نفسه يتقدم يسحب يدها يلبسها الخاتم رفع عينه من شافها تشتت عيونها : لا ينزل من يدك وجرحك الحمدالله خفيف ما يحتاج لا خياطه ولا شي بس يوميا بدلي الصق وعقميه واتمنى ما عاد تتهاوشين وتهجدين ، اليوم جرح خفيف بكرا الله اعلم
وماتشوفين شر ..
طلع بسرعه بدون مايلف عليها يأخذ نفس من الاعصاف الي مر عليه ..
تلمست الخاتم بيدها تهوجس تهمس بداخلها : طيب دام فيه هالحنيه ليش يعاملني كذا ؟ ، اخخ يا تميم بتعب معك واجد واجدد ..
دخل سعود تنهد من صوت البكاء العالي ولا عرف مين ناظر عزيز الي دخل لف وجه : تقى ..
تقدمت جوجو تحضن تقى بيدها السليمه تهمس لها : تقى حبيبي ليه هالدموع مايستاهل الموضوع ..
ناظرتها تقى تمسح دموعها : تقهر يا جوجو تقهر غير شوهت رقبتي بظافرها ..
شدة جوجو على يدها من رقبة تقى المجروحه وتعرف تقى وحساسيتها الزايده ماتتحمل تنهدة تسمعه يناديها بحده اكثر : تقى وش قلت ما قلت تعالي ؟
خزته جوجو من تشوف ظهره تهمس : وجع .
سمعها يرفع صوته اكثر : يا بنت سعد ابعدي بدخل لختي ..
استغفرة جوجو بتطلع بس مسكت ذراعها تقى : ما بيه
استغربت جوجو : علامك ؟
غمضت عينها تقى من عزيز الي يناديها : عشان يعرف يرفع صوته علي قبل لا يحكم .
قعدة جوجو تقعد تقى جنبها ترفع صوتها : ماتبي تطلع لك شايله بخاطرها واتمنى تعطينا مقفاك لما ترتاح البنت .
انصدمت تقى وهي تعرف تهور عزيز الي لف بيدخل بشكل مرعب وقفت بسرعه توقف بينه وبين جوجو تسترها وبرجى تمسك يد عزيز : خلاص بجي والله بجي بث اطلع ..
هز راسه يسحب ذراع تقى معه يطلع لفها عليه بحده : الحين تعلميني وش صار ؟
رفعت عيونها بحده تخزه : عزيز خير ان شاء الله داخل
وما راح اعلمك عشان تعرف مره ثانيه ترفع صوتك .
سحب ذراعها مره ثانيه من جت بتطلع يصغر عيونه : تقى .
هزة براسها تناظره بدموع تبعد يده توريه رقبتها انصدم يبعد على ورا يناظر الجرح الي تحت فكها بتحديد يتقدم بهدوء يبعد شعرها : من سوا فيك كذا ؟
مسحت دموعها الي تزداد تنهد بقهر من نفسه واستعجاله الدايم يقرب يسحب ذراعها يحضنها
يقبل راسها بتكرار : تقى .
همهمت له يبتسم يرفع راسه يمسح دموعها : والله لطلع هالدموع من عيونها وانا اخو تقى ..
اخفت ابتسامتها تلف وجها : لا تكلمني ..
ضحك بخفه يقبل يدينها تسحبهم بغضب : لا
ابتسم بخفيف يحضنها مره ثانيه شدة عليه بدموع : اخر مره عزيز .
قبل راسها : اخر مره وتوعديني ماشوف هالدموع الي توجعني ..
ابعدت تضرب كتفه بخفيف تبتسم : مقدر كل يوم ابي اقوي نفثي ما ابكي بث ما اقدر ..
ضرب طرف انفها بعبط لف من تخبت ورا ظهره من صوت سعود الي ارعبها ضحك يناظر سعود الي دخل بس لف من عزيز : ولد اختي ..
انحرج سعود يشتت عيونه : اا كنت ادورك ..
تماسك عزيز بضحكته من توتر سعود الواضح وتوتر الي متمسكه في ثوبه : اجل كنت تدورني !
هز راسه سعود بسرعه : ايي جدي يبينا نجتمع بالحوش عجل ..
طلع سعود ابعد عزيز يبعد شماغه يحطه على كتفه يعدل شعره لف على تقى : يلا
عدلت شعرها : اطلع والحقك .
هز راسه يطلع امسكت قلبها تغمض عينها بهمس : يمه .
صرخت بفجعه من الي دخل سعود وهو يضرب جبينه ينخرش : اخو هايف ..
رجف جسمها تسحب الواشح الي على طرف الكنب تلفه عليها وبصوت راجف : وشش تبي ..
لعب بسبحته يخفي توتره : عزيز وينه ؟
فتحت عيونها على وسعها : توه طالع وراك .
هز راسه يدور جواله لف على صوتها : ايش تدور
سكت ثواني يدور : جوالي ..
تأفف لف ببتسامه من شافه يأخذه لف على المرايه يعدل شكله عقد حاجبه : بنت ..
ابتسمت وهي تصوره من شافته يعدل شكله الي يأسر
انمحت ابتسامتها من صوته تبلع ريقها : نعم .
طلع تبعد الواشح عنها بكتمه تناظر الباب : وجع ينادي ورديت وهو يطلع مريض ..
طلعت بعد ماعدلت شكلها تناظرهم مجتمعين تقدمت عند البنات لفت على صوت جوالها تستغرب بس شهقت تكتم صوت شهقتها من خلفية الجوال رفعت عيونه لسعود الي معه جوالها ومستغرب من الاسم قفله بهدوء يحطه تحته يسولف معهم ونظراتها مافارقته بس طنش يسولف معهم ابتسم ثنيان يناظر عزيز : متى زواجك يبه ؟
تنحنح عزيز يفك ياقة ثوبه من فوق : اا بعد العيد ان شاءالله .
كانت تسمع بشكل بارد وهادي عكس الي داخلها مو عليه كثر الحرقه من الي ياخذها من القريبه لها سكتت تتقهوى بهدوء : بنسافر بعد العيد ..
هز راسه ثنيان : اي ان شاء الله كلنا ..
لفت تقى من تشوفهم يسولفون تسحب يد اميره بخفيف تهمس لها : اثمعيني لما اخلص .
لفت اميره : اسمعك ..
علمتها تقى ان جوالها مع سعود وجوال سعود معها
صغرت عينها اميره : كيف جا جوالك عنده ؟
تنهدة تقى برهاق : اميره بتثاعديني ولا وش ؟
ابتسمت اميره بخفيف ترفع اكتافها : الشكوى لله بساعدك .
قبلت خدها تقى : اخخ احبك يلا اجل انقزي ..
قامت اميره تأخذ لدن من يزيد ولفت على سعود الي يبيها تقدمت تنزلها عند سعود وقعدت جنبه تبدل الجوال وتأخذ جوال تقى ابعد راسه سعود يقرب من عند اميره الي منزله راسها وشعرها مغطي وجها يهمس بهدوء : قولي لها تغير الخلفيه ..
رفعت راسها بعبط تهز راسها تقعد عند تقى تمد لها الجوال : يقولك غيري الخلفيه ولا تخافين شافها بسرعه ماركز هذا سعود يخاف الله احمدي ربك مو احد غيره ..
حمرت وجناتها بخجل تنزل راسها تشوفه يلعب مع لدن ابعدت وجها بسرعه تسولف مع البنات وتتجاهله ..
عض شفته سعود من لدن الي تضحك: اخخ ياربي ماودي اعض ..
ضحك ليث الي منسدح على فخذه فيصل الي يتثاوب ويرفع صوته : يمه يبه ماودكم نمشي ..
خزته الجده مهره : وخزياه علامك ماتبينا ..
ضحك فيصل : لا والله يالغاليه بس النوم ..
لفت جوجو تناظر الساعه بجوالها وبهدوء مع فيصل : خلاص اصبر ما عاد بقى شي على اذان الفجر ..
تنهد فيصل يرفع راسه لسماء ابتسم ليث من تنهيدات فيصل : علامك ؟
ناظره فيصل ياخذ يد ليث : همز راسي ..
خزه ليث يضرب راسه ويجر شعره صرخ فيصل يضرب يده يقوم : وجع ليث وجع ..
ضحكو من قام بعصبيه ينسدح على فخذ هايف الي ناظره بستغراب : الا صدق انت علامك من واحد ال واحد ناقص حنان ..
خزه فيصل ولف يناظر سلمان الي بحضن امه وابوه سعد الي يهمز يد جدته وجوجو الي ما تناظره : لي الله ..
ضحكت الهنوف تمسح على راس سلمان وتناظر جوجو الي تثاوبت بالمثل تحط راسها على كتف ربى
وصار المكان هادي وكان يحكي عليهم الجد ثنيان قصص الانبياء وكان الجو سكينه ونسيم الهواء وبعد ساعه اذن الفجر وقامو العيال والجد للمسجد وقام الكل يصلي ويرجع ال بيته ..
-
ومرت عليهم ايام رمضان بهدوء وسكينه وراحة بال
وبيوم " ١٨ رمضان " تحديدا المستشفى :
كان الجد ثنيان يحس بالم بسفل ظهره وصار له شهرين بس بدا يشتد معه طلع يفحص بعد ما اخذ الدكتور الاعراض الي يحس فيها الجد ثنيان واخذوه للفحص بعد ساعتين دخل الجد المكتب : ها عساه خير ..
ابتسم الدكتور يخفي حزنه : باذن الله خير ، هل كنت مخبر احد بالم الي تحس فيه .
هز راسه برفض الجد ثنيان يعقد حاجبه : لا بالله بس وش العلم ؟
قام الدكتور يقعد مقابله يمسك يدين الجد ثنيان : شوف ياعم انت راضي بقضاء الله وقدره
وصدقني انت قوي على هالشي الي بقوله لك وخلك متصبر وبأذن الله بتعالج منه ، ياعم انت معك ورم حميد والورم بدا ينتشر فا راح نسوي لك عميله استئصال ..
رجفت يدين الجد ثنيان يشد على يدين الدكتور : الحمدالله على كل حال الحمدالله ..
لف وجه الدكتور من حس بدمعته الي داهمته يبتسم : ونعم بالله ،، وعمليتك بعد العيد باذن الله وراح نعطيك علاجات وتستمر عليها وبتاخذ جلسات كيماوي ..
قام الجد ثنيان يربت على كتف الدكتور : توكلنا على الله ..
طلع وجه مكتسيه التعب يفكر كيف بيقولهم الخبر بس مستحيل يعلمهم مستحيل نزلت دمعته يمسحها بشماغه : الحمدالله ..
كان الجد صبور وراضي بقدر ربي بس دمعته مانزلت ال على تفكيره بزوجته وعياله وبناته وحفيداته واحفاده خايف يقولهم الخبر وينكسرون ويكسرونه مايبي يلمح الحزن عليهم اخذ نفس يرجع راسه على المرتبه يسحب جواله يناظر رقمه يضغط عليه نزلت دمعته من سمع صوته : فيصل ارجع ياخوك ارجع ..
-
" المطعم "
الكل مجتمع وينتظرون جيت ثنيان ربى وهي تلف راسها بتوتر : جدي تأخر وبيأذن ..
ابتسمت الجده مهره : جاء
فزت ربى تبعد الكرسي تحضنه : خوفتنا بابا ثنيان
قبل راسها يمسح على ظهرها : بسم عليك ، يلا يبه خلينا نلحق ..
قعد بين الهنوف والجده مهره الي تناظر وجه تهمس : مو عاجبني ثنيان مو عاجبني ..
ابتسم يمسك يدها يشد عليها : كبرة يامهره ..
ضربت فخذه : لا والله توك شباب
ابتسم وسكتو من اذن يدعون بيقين يبدون يفطرون
ابتسمت جوجو تناظرهم : اموت على الحب انا .
ضحك ثنيان من خجل مهره يناظر جوجو ببتسامه : بنت .
حاوطت الهنوف ذراع ثنيان بغيره : معليش يمه اغار على ابوي ..
لفت مهره بمزح تحرج الهنوف : هذا هو سعد جنبك وخلي ثنيان لي ..
فتح عيونه فيصل على وسعها : اوهههه جدتي صريحه
خجلت الهنوف تخبي وجها بصدر ثنيان الي حاوطها يبتسم : الا بنتي .
البنات بنظرات غيره يضحك ثنيان : ياسعدي على هالغيره ..
ابتسم عزيز لف يناظر تميم الي ياكل : الحين انت مو اتقول بخفف من الاكل اسم الله عليك اشوفك اكلت الصحن ..
غص ليث يضحك سعود وهايف من وجه تميم يلف فيصل بفهاوه يضرب ظهر ليث : علامه ذا ؟
فزت عاليه : يويلي ولدي .
فزو معهم ربى ولتين يقومون ضحك ليث يبعدهم من شرب مويه : خلاص خلاص .
رجعو الا ربى الي واقفه عنده ومطنشه العيال خزها تميم : ليش واقفه .
اشرت فوق راس ليث : اخوي ..
هز راسه تميم : اي اعرف انه اخوك بس ليش واقفه خلاص شوفيه قدامك مافيه شي .
خزته تعدل الكمام عليها : اكل بس ..
ضحك يزيد بخفه هو والعيال لف تميم له من شافه يوكل لدن : وكل لدن يالخفيف بس ..
عزيز بضحكه : الله يا دنيا بس ..
تنهد فيصل ينزل الملعقه : الله يرزقنا اوكل بنتي ان شاء الله
هايف بعيون صادمه : هذا علامه اخر فتره بس يبي الزواج .
ضحك فيصل يستند بذراعه على ليث ضحك الكل
من ضحكت فيصل يقومون بيمشون توزعو بسيارات ناظرة الكل ركب ناظرة جوجو سيارة ابوها الي فيها سعد وفيصل والهنوف وسلمان وعزيز الي بيمر على الشركه مع سعد تنهد فيصل منها : جوجو مو نافعك عنادك اركبي ..
هزة راسها بنفي تركب مع ربى ولتين فتح الدريشه سعد : ابوي انتي تعالي معنا يلا ..
صدت تتكلم : خلاص اصلن بروح عند البنات ..
تنهدو من عنادها يمشون كانت كل ساعه تلتفت تدور سيارتهم بطريق لفت ربى بطفش : شفيك
جوجو بغصه وخوف : وينهم يابنت ليش احس بشعور مو حلو اعوذ بالله من الشيطان ..
خافت ربى بس ماحبت تبين : تعوذي من الشيطان ..
استغفرة جوجو تسمي بس وقفت من تشوف سياره معدومه من بعيد شهقت من صدمتها القويه مسكت قلبها : ليثثث تتقدم
عقد حاجبه : ابشري ..
رجف فكها من كانت سيارة تعرفها اكيد تعرفها سيارة ابوها سيارة سعد امتلت عيونها دموع تحاول تنكر الي تشوفه تناظر المطر القوي لفت على ربى تنزل دمعتها بحراره تبتسم : ربى الي اشوفه كذب ؟
أنت تقرأ
« بكره توقف من اللهفه على بابي »
Mystery / Thrillerمعزوفتي الاولـى : « بكره توقف من اللهفه على بابي » نفسك من الشوق والحرمان منتله روايه تجمع مابين { الغموض ، الكره ، الاكشن ، والعفويه ، والحب } كاتبتكم : h_f18i ❤️🔥
