« بكره توقف من اللهفه على بابي »

بارت " 2 "

عند الجوهره وهي تنتظر اميره وراحت المطبخ
بتأخذ كاس مويه وشافت باب الحوش الخلفي مفتوح وراحت على اساس بتسكره بس انصدمت من شافت اميره واقفه وهي تقرب منها وانصدمت من الي شافته : مستحيل مستحيل
اميره وهي تلف على الجوهر بعيون مدمعه : امشي امشي تكفين
الجوهره : لحظه
__________
عند لتين
يزيد : ادري والله ادري الي سويته خطأ  بس تكفين انا شاريك بس اظطريت عشان في احد بيتقدم لك لتين والله احبك وشاريك واكيد انتي بنت عمي مستحيل اسوي فيك شي بـ ..
لتين مقاطعه وعصبيه : اذا صدق تبيني كان طقيت بابي وتقدمت موبالحرام مافيه شي تظطرله حسبي الله عليك حسبي الله عليك ..
ودفته وجت بتدخل بس انصدمت من شافت الجوهره قدامها وسحبتها الجوهره ودخلتها الغرفه 
الجوهره بعصبيه : وش الي شفته من متى ان سوي شي يغضب ربي من متى ردي من متى
لتين بدموع : جوجو تكفين تكفين والله والله العظيم انا ماسوي شي حرام ويغضب ربي بس افهميني تكفين
الجوهره وهي تحاول تهدي نفسها : تعالي بس من الف لين الياء مابي ينقص من السالفه ولا شي بلا لف ودوران
لتين بشهقه : تمام بقولك كل شي
_______________
عند اميرتنا
المصدومه ماتوقعت ابد من لتين كذا ولا يزيد الي كانت معجبه فيه كانت تتوقع يبادلها نفس الشعور بس بعد الي شافته انصدمت فجاء قطع حبل افكارها درعمت ربى : هلا والله بزين وينك من اولى وجوجو تحلطم
اميره وهي تبتسم تحاول تبين انها طبيعيه : ههههه هلا فيك الا اقولك احد جا ولا لا
ربى : لا بس مرة عمي محمد الا اقول شفتي بدربك لتين وجوجو
اميره برتباك : ها لا والله ماشفتهم انا علطول دخلت اضبط شكلي
ربى : لحول وين اختفن
اميره ببتسامه : يابنت تعالي نطلع بس بيجون الحين وين بيروحون
وطلعوا 
____________
عند جوجو ولتين
لتين : وهذي السالفه كله والله ماكذبت عليك بشي
الجوهره وهي تفكر بكلامها : طيب انتي تحسين بشعور اتجاههه
لتين : لا والله اشوفه زي اخوي ليث بس الحين كرهته بس تكفين جوجو لاتطلع السالفه لحد
جوجو : معليك سرك بير بس خليك طبيعيه قدامهم ومعليك موضوعك عندي يلا عدلي الميكب تأخرنا عليهم
عدلو الميكب وطلعو ودخلو يسلمون
ربى وهي تقرص جوجو من عند فخذها وبهمس : وش عندكم متاخرين وراكم شي !
جوجو كانت بترد بس نادتها امها
: هلا ماما
الهنوف : تعالي ابيك
ورحو جلسو بعيد عنهم
الهنوف : ماما جوجو اسمعي بقولك شي
الجوهره : سمي
الهنوف : اليوم بالليل بنسافر لندن عندي كم شغله هناك تبين تروحين معي ولا لا بكيفك ياامي انتي
جوجو : اصلن انا وري سفره الاسابيع الجايه فامدري بس الاحتمال اني ماراح اروح وراي اشغال ماخلصتها وبعد وراي الجامعه بس بطولين انتي ؟؟
هنوف وهي تمسح على شعر جوجو : لا ياروحي ان شاء الله ماراح اتأخر اقل شي اسبوعين
جوجو : تمام بس فيصل بيروح بعد
هنوف ببتسامه : لا بيقعد الا بسالك شفتي غيث كلمك من امس ماشوفه
جوجو : اي قبل اشوي كلمني كان بشركه مشغول وكان بيدق عليك
هنوف : تمام اجل امشي نرجع لهم
ورجعو
(طبعا الهنوف ماكان هذا موضوعها بس ماتبي بنتها تفكر بالموضوع الي كانت بتقوله )
_________________
( عند الرجال )
كانو يسولفون ويتكلمون عن مواضيع الشركات والخ
تميم وهو جاي عند فيصل : ولد
فيصل : سم وشفيك تهمس بسم الله
تميم : شفت عزيز
فيصل وهو يلف يشوف : لا والله ماشفته بس لاتخاف بيجي اصلن جدي يبيه بموضوع
تميم وهو يطلع برا ويرد على المكالمات ويشوف عزيز نزل من السياره بفخامته كالعاده : كان نمت بعد
عزيز ويسلم عليه وبضحكه : يرجال اسكت قسم بالله ان راسي مصدع من الاشغال الي فوق راسي بس جيت عشان ابو محمد
تميم : يلا امش امش هذا اذ مطردك جدي جيت على وقت العشاء
ضحك عزيز ودخلو وسلم وفجاء حس بحد يخمه : الله يخرشك يارجال
فيصل بضحكه : شسوي الشوق يولد
عبدالعزيز : طيب مو قدام خلق الله
فيصل وهو يبعد عنه : وين مختفي ماعاد  تنشاف
عزيز : خلها على الله
فيصل : اي ترا جدتي شايله عليك
عزيز : معليك اعرف كيف اراضيها
فيصل وهو يشوف يزيد مهو على بعضه
ويروح عنده : ولد وشفيك
يزيد : فيصل تقلع
فيصل : بتقلع بس جدي يطالع فيك
على الاقل ابتسم وترك الجوال لاتفضحنا
يزيد حس على نفسه وتعدل : الا اقول ليث وينه غريبه ماشوفه موجود ؟
فيصل بضيق : تصدق مدري شفيه الولد قالبن حاله
يزيد وهو يربت على كتفه وببتسامه : معليك ياولد يمكن مضغوط من الاشغال عاد الحين كلنا مضغوطين
فيصل : الله يفرجها
____________________
عند الحريم بعد ماتعشو كل وحده مشت بيتها بس بقى عائلة ثنيان والبندر
الجوهره وهي خلاص انتهت طاقتها : قسم بالله معاد اشيل ارجولي
ربى وهي تنسدح على فخذها : اي والله بس احتاج اشيل الميكب وانام
اميره وهي تلبس عبايتها : يلا عاد اشوفكم على خير بروح انام وامسح الميكب ( وهي تخز ربى وتضحك )
ربى وهي ترفسها عند رجلها : على تبن وبعدين ليش تروحين اقعدي تونا عاد نبي نحش
جوجو وهي تضرب راسها : حرام اتركي الناس بحالها
ربى : عاد شوفو مين الي يتكلم
جوجو بصدمه : انا
ربى وهي تهز راسها بنعم
جوجو : شوفي صح انا احش بس مو حش حش انتي اعوذ بالله تاكلينهم
ربى : حرام عليك عاد مو كذا بس شسوي احلى شي الحش بس معليك بعدها اقول كفارة المجلس
جوجو وهي تخزها بعدين تناظر لتين الي هي مو معهم بعالم موازي
ربى : انتي هي شفيك اليوم هاديه وضعك مشكوك
جوجو وهي تخز لتين
لتين برتباك : ها لا ولاشي ( وهي تبي تضيع الموضوع ) اقول كلمتي ليث مختفي حتى اليوم ماجا عزيمة جدي
ربى : والله انتو ياخواني وضعكم غريب
اميره وهي بتطلع : يلا باي سيو اشوفكم على خير ان شاء الله
جوجو : باي ياروحي وانتي قومي عني بروح اجيب عبايتي وشنطتي بعدي
ربى : لحول شرايكم اليوم ننام بيت جدي
جوجو : ماشاءالله على الذكاء ماجبت حتى لبس بس معليك حنا كذا ولا كذا بنام ان شاءالله عنده بس الحين قومي
وطلعت جوجو اجيب عبايتها وشنطتها من عند المدخل
______
عند العيال
عزيز : ادخل فيصل شوف قدامي درب
فيصل وهو يطالعه ومنصدم : انت مريض على اساس انا محرم
عزيز وهو يستوعب : اي صح اعذرني مانمت
يلا يلا امشو
ودخلو الشباب كلهم
عزيز : ياولد ياهل البيت
بالاستثناء عند جوجو كانت بتطلع بس سمعت صوت رجال بس مدرت بالي شافها لان الباب كان مفتوح نصه
وعزيز كان مفهي فيها وكان يردد باله انها مهي غريبه عليه بس شتت عيونه ويحاول يتنساها : لا اله الا الله
ودخل مع العيال ويسلم على جدته بس الجده سافهته : افا افا يذل العلم وانا ولد عبدالله شمزعلك مني
الجده مهره : وتقول بعد شمزعلني منك ونت خابر
عزيز وهو يبوس يدها : والله والي خالقني اني مانسيتك بس يشهد الله علي هالايام مضغوط وجدي عندك يعلمك
فيصل وهو يبي يشخصن السالفه : حتى لونك مضغوط تجي تسلم عليها على الاقل
عزيز : اجل ليه انت ماتسويها
وفيصل سكت والكل ضحك
الجد : خلاص عاد ترا مرضى على فيصل
فيصل وهو يبوس يده : يا جعلني ماخلا ياشيخ