« بكره توقف من اللهفه على بابي »

بارت " 34 "

عنده ناظرها م نصدم كان حاس بالي راح تقوله
ابتسم بحزن وتنهد وهو يقرب ويمسك يدينها الي ترجف وشد عليها وخذ نفس يجمع كلامه ورفع عيونه يناظر عيونها بتحديد ونطق بعد ماطول يناظرها : هنوف احبك ومازلت احبك رغم الي يحصل حبك موجود بقلبي وبيبقى هالقلب متعلق بس فيك اي هنوف بس فيك
اقسم لك محد دخل هالقلب كثرك اطلبي وسوي وابعدي ان كان البعد راحتك بالاخير راح تبقين حبيبت هالقلب وتبين الطلاق راح اطلقك اذا تعبتي من افعالي راح البي طلبك من شدة حبي لك مابي قربي يتعبك يمكن ماتفهمين وش قاعد اقول ولكن اعرفي شي واحد محد راح ياخذ هالقلب غيركك اقسم لك مكانك راح يبقى لما ترجعين ابي سعادتك على محياك طلبتك هنوف بالبي طلبك بس معاد ابي اشوف ذبولك ودموعك اي توجعني دام تبينها بُعد بس لا تنسين سعد ياهنوف ...
ناظرته ودموعها الي بعينها وجعتها شهقت من نزلت دموعها ورا بعض وماحست بنفسها الا تحضنه وتشد عليه من كوم المشاعر عليها بعد كلامه هي تحبه وما تكذب بس تعبت من الي قاعد يصير بحياتها ومن بعده والاشياء الي تصير بينهم وزعلها عليه للحين موجود تحس بقهر تبي تراضيه بس ماقدرة والحين طلبها الـ بعد نهائي ...
نصدم من حضنها له وشدها تعب قلبه تعب مايبي بعدها بس دام راحتها بعده راضي اتم الرضاء ومستحيل احد يجي مثل حبه لها شد عليها وهو يقبل راسها بشكل متتالي : لا يابعد دنيتي لا يا ام فيصل شقلنا لاتنزل دموعك ياعين سعد .
بعدة وهي تناظره وتمسح دموعها الي تزود وتمسك يدينه تشد عليها : الله يحفظك سعد انتبه الا نفسك .
ماقدرة تعبر عن مشاعرها من غصتها الي وجعتها
وهي تطلع ركض ماتبي تشوفه وتنهزم قدامه وتكشف له كل الي بـ قلبها ..
-
" بيت هايف "
بعد ليلة امس من شافته وقف بصدمه من نفسه
بعد وهو ينحني لها يبعد شعرها وبرجفه : لتين بنت
بعدة عنه تزحف وبدموع والم : ابعد ابعددد
هايف بخوف : يوجعك شي نروح للمستشفى
صرخت بتعب : روح روح مبي شي الله ياخذك
هز بـ راسه لا : لا لا بطمن على ظهرك
نزلت دموعها بشكل كبير ونهد حيلها : لا تتطمن خلاص تعودت بس بعد بعد يرحم والدينك ..
زحف وهو يمد يده بيساعدها : بساعدك
بعدة يده ورفعة وجها بتعب : قلت روح ما حتاجك
هز بـ راسه بهدوء بعد شوي ناظرها من حاولت تقوم وطلعت منها شهقه من ماقدرة ترفع نفسها زين ركض لها من كانت بتطيح وهو يثبتها على ذراعها : قولي ابعد بعد !
رفعة عيونها له وهي تركز بعيونه ناظرها بستغراب
من شاف نظرتها الي عجز يفسرها بس عرف ان نظرتها كرهه وحقد عليه تأمل عينها تنهد وهو يبعد عيونه عن عيونها الي تصيبه غصب خايف من نهاية التأمل لف عليها من نادت عليه وعيونها للحين بعيونه : هايف
عض شفته وشد على نفسه : لبيه
ابتسمت بسخريه وعضت شفتها من الم ظهرها وهي تبعد يده عن ذراعها وناظرته : والله وحطها بذنك زين بتدفع الثمن قريب هايف قريب لا تحسب سكوتي رضاء لا انت غلطان واجددد ....... انتبهلك ..
عقد حاجبه من كلامها الي ما فهمه ورجع نظره لها : وش مغزا كلامك
عدلت ظهرها على السرير شدة على المفرش وهي تتنهد من الم ظهرها ولفت عليه : مو لازم تفهم
اخذ نفس وهو يناظرها : ترا بكرا بنروح الا جدي ثنيان
تلحفت وهي تعطيه ظهرها : اطلع
ناظرها دقايق وطلع لفت على صوت الباب وطلقت العنان لدموعها مسكت قلبها وهي تقراء قران وشهقت : يارب يارب
طلع صوت شهقتها سكرة فمها من احد يسمعها وهي تناظر عقاله الي بزاويه غمضت عينها بسرعه وهي تغطي وجها بالبطانيه وتنزل دموعها بقلة حيله ..
-
" لندن "
رفع الشخص وجهه رجفة بشكل مو طبيعي سمعت الطفله الي تنادي اسمه وهنا صدمتها رجفة يدها ناظرت رجلها تبي تمشي له بس عجزت حست بشخص الي مسك ذراعها يلفها له وبخوف وحده : وين رحتي ماقلتتتت انتظرينننييي
نصدم من دموعها الي تنزل بصمت ورجفة يدها
رفع يده بتردد يمسح دمعتها ورجفة يده من وجها البارد وهو يناظرها ولا زالت يده عليها : جوهره
رجفت شفايفها وهي تأشر بصبعها : عـ .. ز يز غغغييث
طلعت لا شعوريا شهقتها : عزيز شفته ابيه عزيز مراح اعصب بروح بروح بس بس
ناظرها بصدمه يناظر وراها مالقا احد خاف انها تهلوس لف عليها : بس ايش !
طالعت رجلها وبغصه : ماتحركت عجزت ....
خاف وهو يمسك يدها يدفيها : جوهره يا بابا امشي امشي معي بردتي ..
هزة بـ راسها لا بتكرار : لا لا لا لا شففتهه ...
لفت بتروح بس ناظرت وراها مالقت احد صرخت بجنون وهي تلف عليه وتأشر بصبعها : والله كان هنا والله عزيز والله
تنهد واخذ نفس مسك ذراعها : الجوهره امشي بلا هبال الله يصلحك وهالمره بعدي حركتك ..
ضحكت بصدمه وهي تبعد : ليش ماصدقتني والله مستهبل شفـ ...
قاطعها من حاوط اكتافها يمشيها معه : صدقتك والله صدقتك بس يمكن شفتي شبيه
وبقهر يحاول يكذب عليها : اكيد هو بيجيك
لفت عليه وبغصه : بس هو مايحبني اذاني هو بس انا اعرف غيث يمكن احد غصبه هو مايسويها مايسويها صح عزيز ..
عض شفته بقهر وهو وده ياخذ دمه ومستحيل يتركه لف عليها بهدوء وببتسامه : صح يا بوي صح طيب نمشي ولا نروح مكان وش بخاطر جوهره
سككت ثواني وردت بهدوء : نرجع البيت ونطلب ماعاد فيني حيل ..
تنهد وهو يفتح لها الباب : على خشمي
ركبت ومشى هو يناظرها تناظر الطريق بهدوء مايحبها هاديه هالقد وتنطفي مايبي يشوف دموعها ولا يقدر يسوي شي من تمنعه تنهد تنهيده من قلبه وهو يناظر الطريق ..
-
" الصباح بيت ثنيان م جتمعين "
قاعدين بصاله الكبيره و يناظرون الجو وسوالف وريحت عود والقهوه نزلت لتين وهي تتمسك بدرج ناظر الجد مشيتها وقربت تبوس راسه : صباح الخير ابوي
ابتسم : صبحك بنور يا امي
ومسك يدها قبل لا تسلم على الباقين : فيك شي يوجعك شي
ابتسمت بتوتر : لا بس عشان تو قمت
بعد ما سلمت تقهوة ولفت على صوت ربى الي تركض ضحكت من شهقت : متى جيتي ؟
ضحكت بخفه : بعد صلاة الفجر يعني الساعه ٧
ركضت وهي تحضنها وتهاوت لتين بصوت عالي لف عليها الكل ابتسمت بالم وتوتر ..
ربى بخوف : شفيك
ضحكت : مافي شي بس عصرتيني الله يصلحك
ماصدقتها من شافت وجها : ماصدقك لتين في شي مخبيته عني
ناظرتها وهي تمسك يدها وتقعدها : يا امي مافي شي خلاص عاد
سكتت وهي تخزها : لازم قعدة تحقيق بس صبر
ضحكت بستخفاف وهي تلف وتسولف معهم
بعد دقايق قامو على الطاوله وقت الفطور ..
لف الجد وهو يناظر طاولة العيال الي بس قاعد عليها سعود وتميم وبتعقيدة حاجب : وذول وينهم ماقامو يصلون ؟
تميم مسك ضحكته من شاف العيال الي طلعو من الغرف ونزلو وجيهم واضح عليها النوم لف الجد وبحده : ماتذكرون الله ؟
عدل ليث رقبته بوجع ولف على فيصل الي يتكلم وهو يبوس راس جده : لا والله يا بوي صلينا وخمدنا
ضحك تميم خزه الجد ثنيان وتعدل يمسك ضحكته
لف الجد عليهم وبتهديد : اخر مره اخر مره يلا اقعدو
هزر روسهم وقعد فيصل الي ضرب كتف تميم همس : وجع
لف الجد على لتين : وزوجك وينه ما قام
همست بداخلها : جعله مايقوم اي والله
لفت وببتسامة توتر : اي الحين بيقـ ...
سكتت من شافته نازل طق الجرس راحت العامله تفتحه ابتعدت العامله بخوف من الحرمه " المصريه " الي فاتشه ومعها طفله
دخلت
ولف سعود وبحده : اخو هايف صدق
اسمها شاديه قربت منهم وبصوت مزعج وهي تناظرهم : ياعم ثنيان
لف الجد ثنيان بستغراب وهو يوقف والكل وقف : سمي وش تبين !
حطت يدها على يد واصوات الذهب الي بيدها وهي تبعد شعرها على ورا : اي يا عمي مشيت بشارع وكنت ادور على زوجي وشفت شاب ودلني على بيتك ياعم
الجد بتعقيده حاجب : و منهو
لفت عليه وهي تعكر وجها بعدم فهم: ازاي ياعم
فيصل بضحكه وهو متكي على ليث : يقصد مين جوزك اي اسمه
ضحكت وهي تبعد له بوسه بالهواء : يا حلوك ياقعد محلاك ماشاءالله اي زوجي اسمه هايف
ببقتت الجده مهره بصدمه : وشو ، اقول طلعها ياثنيان ذي خرابة بيوت
فيصل بقهر : وجع شايفتني بزر
لفو على هايف الي واقف بصدمه وهو يتكلم : وش قاعده تهبد ذي متى تزوجتك
لفت عليه وبشهقه : اي والله ياعم دا جوزييي فينك يا هايف بنتك تبي حضنك
دفت البنت عليه الي حضنت هايف وهو يناظر بصدمه وتكلم الجد وهو يناظر لتين الي مبتسمه ولف عليه : سويتها يا ولد خالد
ناظر البنت وبصدمه : والي خلقني ماعرفها ذي قاعده تتبلى علي ، تبين فلوس
بحزن : لا ياحبيبي ابيك انتا
لف ليث على فيصل وهو يغطي وجهه : وتسبدي قالت وش ابيك انتا الله يقلع هايف الي نكبنا
جت ربى الي حاطه يدها على كتف جدها وهي ماسكه الضحكه : اقولك ياست ماتوخزيني بس زوجك على قولتك اي اسم ابوه
فكرة وبفزه : ايي صح هايف بن عبدالله
تنهد هايف ولف عليها : كم تبين طيب
ابتسمت وهو تسحب البنت : ولا شي ابيك تواخزني مشكور ياعم ثنيان
مد لها الجد شيك ورفع عيونه : الله يستر عليك
ابتسمت وهي بتطلع وتكلم فيصل بسرعه : اي اسمك
لفت ببتسامه : شاديه
فيصل ببتسامه وغمزه : شرايك فيني
شاديه بضحكه : حلاو ماشاءالله
ليث وهو يظرب كتف فيصل : ولد خير
فيصل وهو يناظره : ياخي اذلف
ولف عليها ببتسامه : شرايك تتجوزيني
ضحكت بصوت عالي انصدم : شفيها ذي وش قلت
لفت عليه بضحكه : اتجوزك انتا ياحبيبي انتا زي ولدي
مسك قلبه ولف عليه ليث بضحكه يربت على ظهره : معليه معليه
لفت الهنوف ببتسامه وضحكه : فيصل يمه بلا استهبال ..
-