« بكره توقف من اللهفه على بابي »

بارت "44 "

ابعدت سلمان الي ركض برا عند العيال تتقدم عند الهنوف تصب لها قهوه : عيوني ماما حرارة خفيفه م عليك ..
ماصدقتها من تعرف جوجو زين وتعبها واضح من كلامها تتنهد تناظر العالم الي بدت تجي لفت على صرخت جوجو من شافت اميره داخله ولدن تركض لها تنهار من جمالها تعض شفتها : اههه يويل قلبي اميره وش ذا ماشاءالله دبدوبة قلبييي..
ضحكت اميره من لبست لدن فستان ماسك على جسمها والاسكارف العريض على شعرها وخدودها الحمراء وريحة المسك تسحبها جوجو من اميره تقعد تحضنها شدة على السانها بقهر : اوفف مقدر تعبانه ابي اعض خدها ماشاءالله ...
ابتسمت اميره تتقدم تسلم تلف على جوجو تعدل اسكارف لدن الي تضحك مع جوجو المنهاره لفت الجوهره على الهنوف الي تمد يدها تأخذها الهنوف بحضنها لفت جوجو بحده على اميره : تكفين ماشاءالله وش متوحمه عليه .. ‏
ضحكت اميره تضرب كتف جوجو تغمز : عليك ..
ابتسمت جوجو تخزها : بلا عباطة صدق ..
هزة راسها اميره : وليش اكذب عليك ..
ضحكت جوجو تلف على الهنوف تلعب مع لدن
وكلها ثواني ودخلت ربى بـ جاذبيتها المعتاده تسلم
امسكت جوجو ضحكتها من صدمت ربى وهي تشوف لدن تلعب مع الهنوف تمسك كتف جوجو : يويل قلبي يارب صبرني تبارك الله ..
ابتسموا يعرفون نقطة ضعف ربى عند الاطفال تتقدم تسلم على الهنوف تقرب من لدن تقبل خدها بشده
وصدح بكاء لدن قامت اميره تتنهد تضرب ربى : يلا سكتيها الحين كانت مروقه روحي هي ..
طنشت ربى تأخذ لدن تقبل خدها بس بشكل ألطف
ثواني ويرتفع صوت فاطمه وبناتها : سلام عليكم ..
ردو بهمس : وعليكم السلام .
ناظرتهم فاطمه تخزهم : رد السلام سنه .
ابتسمت ربى بسخريه تناظرها : وعليكم السلام .
ابتسمت وهي تقعد عند الهنوف الي تتأفف بداخلها
ضربت كتف الهنوف ببتسامه : اي الاخبار الحمدالله على السلامه قمتي بعد ما كنتي بين الحياه والموت ..
تهاوت بالم الهنوف من ضربت كتفها تناظر جوجو الي قامت تقعد جنب فاطمه تبتسم تضرب كتفها تغمز :
يطول بعمرها ويقصر عمر الي بالي ، عاد تدرين يقولون كنتي بين الحياه والموت لو ماخذك عمي سلمان .. ‏ ‏
تنصدم من كلامها ترجف يدها تشد عليها بحده تهمس ترفع حاجبها : وانتي وش عرفك ، وش جاب الموضوع الحين ؟
ضحكت بذهول تبعد شعرها تلف عليها : شكلك ما تدرين ان الكل يدري بس تصدقين كسرتي خاطري ..
بلعة ريقها تحتر من قهرها تتوعد فيها تهمس بحده بين أسنانها : الوعد قريب يابنت سعد .
ابتسمت جوجو تغمز لها تقوم : عساك على القوه مرت عمي ..
تقدمت تبتسم تنادي البنات يصورون ضحكت جوجو من تقى الي تعدل شعرها بين كل ثانيه : تقى اهجدي بصور ..
عصبت تعدله تبعد : يلا ..
صورو كم صوره تركض ربى تاخذ لدن يصورون معها
تضحك جوجو من سحبت شعر ربى : اميره بنتك وش جاها ..
ضحكت اميره تفك يد لدن بخفيف عن شعر ربى : تستاهلين ..
قبلت خدها ربى تشد عليها بحضنها : فداها فداهااا الشعره وراعيته ..
ابعدت جوجو عنهم تصور نفسها ابتسمت ضبطت زاوية الصوره تعض شفتها بقهر من ضربت كتفها ربى تلف عليها بحده : ربىىىى يوم طلعت الصوره حلوه ..
ناظرت ربى دخول سمر تخزها تكلم جوجو ونظراتها على سمر : اقول خلي التصوير شوفي من جاء .؟
عقدة حاجبها جوجو تلف على الي تناظره ربى تنصدم من تواجدها تلف وجها تبعد بقرف : طيب ..
رفعة اكتافها ربى تاخذ المسكرا : مدري بس مو مرتاحه لها ..
تنهدة جوجو من تعكر مزاجها تسحب العطر تلف عليهم : ترا في عالم جو بسلم الحقوني ..
هزة راسها ربى تعدل روجها : يلا بعدل الروج ..
طلعت جوجو تعدل فستانها تاخذ نفس تدخل ابتسمت تتقدم تسلم وصلت عند سمر تبتسم بسخريه تمد يدها : أهلا
ابتسمت سمر بالمثل : وعليكم السلام ..
ناظرتها جوجو ثواني تبعد تقعد جنب جدتها تشتت عيونها عن سمر الي تخزها لفت على صوت فاتن الي ترحب بـ سمر : يا هلا يا هلا ..
استغربت جوجو علاقتهم تناظرها من تكلمت تناظر جدتها : عاد ذي مرة ولدي عزيز ..
تعقد حاجبها تحاول تفهم من ردت الجده نوره : ماشاءالله ملكتو وحنا آخر من يعلم ..
ضحكت فاتن تناظر سمر : لا والله يمه بس خطبه والملكه بعد اسبوعين واكيد انتو اول الحاضرين ..
رد الكل بالمباركات تبتسم سمر بحياء تلف نظرها على الي تلعب بيدها تضحك بخفه ..
تبلع ريقها بصعوبه وتحس بختناق وحرارتها تزداد
تسيطر على نفسها تنزل نظرها ال دبلتها الي بيدها تلعب فيها تشد على يدها مافهمت الشعور الي تحسه
وتستغرب نفسها ترفع نظرها برجفه تناظر الي تناظرها بقلق وما كانت الا الهنوف حاولت تبتسم وتطمنها بس ماقدرت من لمعت عين الهنوف لها تهز راسها فقط ..
تلف على البنات الي دخلو ورا بعض يسلمون
شتت عيونها عنهم وقفت ربى ببتسامه تناظر عاليه الي تأشر لها تتكلم : حياكم على العشاء ..
قامو يطلعون لصالة الطعام ناظرتهم ربى تقعد جنب جوجو تطق كتفها : ليش ما تقومين ؟
تنهدة تمسح على جبينها تشتت عيونها : مو مشتهيه وليش انتي ما تقومين .
ضحكت ربى تقوم تصب لها قهوه : ماشبعت من القهوه ..
جت بتقعد بس وقفها صوت امها تلف : سمي
ابتسمت عاليه تسحب ذراعها تمد لها اعلاج جدها : اطلعي يمه الا ليث عطيه اعلاج جدك ...
عقدة حاجبها بخوف : بسم الله وشفيه بابا ثنيان ..
هزة راسها بـ لا : مافي شي يمه بس انخفض السكر يلا عجلي ..
اخذته تلف على جوجو الي مو يمها : ثواني وراجعه لك .
طلعت تناظر كبر القصر تضيع فيه تسمع اصوات الرجال تضحك على نفسها : افاا ربى وشفيك نسيتي بيت جدك ..
طلعت برا تتصل على ليث عصبت تبعد الجوال تشد على فستانها من البرد : ياربي مو وقتك ليث رد ..
مشت تناظر عرض ظهر تتوقعه ليث تركض له تناديه : ليش تأخرت ..
مسك ضحكته يرد على الجوال : شوي وكلمك ..
تقدمت ورا ظهره تضرب كتفه : يالخو رد ليث ..
لف يعدل شماغه يبتسم يناظرها : اي سمي بغيتي شي .
طيرت عيونها من شافته قدامها تحاول تتوازن من فشيلتها تبلع ريقها تتلفت : ها ااا ..
ضحك يتكتف يعطي ظهره المجلس يغطيها عنهم اشر عليها : ترا ضربت الكتف ما نسيتها ..
ابعدت شعرها تعقد حواجبها بنزعاج تعصب : يعني انا وش دراني كنت ابي ليث وعاد انت وليث نفس الشكل من ورا واصـ ..
قاطعها من صوتها العالي وكثرت حلطمتها يمد يده يكتم صوتها يلف : اشش خلاص فهمت والله يا كثر حلطمتك و...
قاطعته من عضت يده الي مسكر فمها فيه تنقهر تناظر يتوجع تبعد شعرها : احسن قليله عليك بعد وانا غبيه يوم اشرحلك ..
عض شفته من عضتها بيده يلف عليها يبعد عيونه : حشا مو اسنان ، بعدين يلا ليش واقفه الرجال يجون ويمشون ولا الشوق علي ذابحك ..
ضحكت بسخريه تقبل يدها من الخلف والداخل : الحمدالله والشكر مين انا مشتاقه لك
مين مكذب عليك ..
ابتسم يستفزها يتقدم :  واضح لي مو مشتاقه
عض شفته من عضتها بيده يلف عليها يبعد عيونه : حشا مو اسنان ، بعدين يلا ليش واقفه الرجال يجون ويمشون ولا الشوق علي ذابحك ..
ضحكت بسخريه تقبل يدها من الخلف والداخل : الحمدالله والشكر مين انا مشتاقه لك
مين مكذب عليك ..
ابتسم يستفزها يتقدم :  واضح لي مو مشتاقه
لفت وجها عنه تسكت ثواني تتوتر من الهدوء الي صار تشوفه يناظرها تشتت عيونها يتأمل فستانها الاسود المخمل ماسك على جسدها وشعرها الكيرلي يتنهد
خافت من اسمعت صوت رجل ينادي بأسم تميم
يسحبها له يدخلها بحضنه يعطي ظهره عزيز وبصوت عالي : يا رجال وراك وراك ..
عقد عزيز حاجبه : علامك ..
يناظر تميم سكون ورجفت الي بحضنه يتكلم بحده : ياولد ما تفهم حرمتي معي ..
حمرت وجنتها من كلمته الي اول مره تسمعها تسمع ضحك عزيز : عجل جدي قايم عليك ، وبعدين مو هنا يالحبيب بالحوش الرجال يجون ويروحون ..
ابعد عزيز بخطوات مسرعه قبل لا تميم يفصل عليه
اكتمت نفسها من سمعت شتيمت تميم على عزيز
تنهد بعصبيه يناظر الي بحضنه يبتسم غصب ورفع حاجبه ببتسامه : شكله عاجبك ؟
كانت تبتسم ولا تستوعب شي بس ابعدت بسرعه من سمعت كلمته تشوفه يضحك من ابعدت : لا تصدق عمرك ولا عاد تسويها .
هز راسه يجاريها فزو من طلعت عاليه تصرخ : يويلي ابك دواء جدك ..
تلفتت يمين يسار تشوفه طايح تفز تاخذه تمد له بسرعه ولا تستوعب مسكتها ال يده : كله منك يا تميم اذا تعب جدي بحطها براسك ..
ركضت تتجه ال داخل بسرعه ضحك منها ولا يوقف من ركضتها وكلامها ورعبها وفزتها من صرخت امها
يتنهد براحه بال من يشوف تغيرها وانها رجعت الـ شخصيتها الي يعرفها ربى المرحه الي تعطي المكان بهجه حلوه وتسعده هو بذات بـ حركاتها معه
شد على يده من مسكتها وريحتها الي امسكت بثوبه يختلط عطره بعطرها ياخذ نفس يبتسم : يارب تدوم عليها ولا يمر عليها الحزن والضيقه ..
عدل شماغه يتنهد يطلع لهم ..
دخلت توقف خطواتها تاخذ نفس من ركضها
تغمض عينها تنهدة : وش سويت يا تميم ..
تنهدة تعدل نفسها ترجع للجوهره تدخل ببتسامه : جيتت تأخرت عليك ..
هزة راسها جوجو بتعب شديد بـ لا تعقد حاجبها ربى بخوف تتقدم لها تقعد جنبها تمد يدها ال جبين جوجو تشهق : يمه جوجو ..
قامت بصعوبه تبعد شعرها على جنب تتكلم بقلة حيله وتعب : ربى ترا بزعل منك اذا وصل الخبر ال ماما ولا احد بروح فوق ارتاح كم دقيقه ونزل ..
هزة راسها ربى برفض تام تقوم بعصبيه : مو على كيفك جوجو اذا الموضوع فيه صحتك مقدر اسكت وانتي عارفه تعبك وين توصل حالتك ..
قامت جوجو تمسك طرف الجدار تطلع وقفت تلف عليها : قلت لك يا ربى ترا بــ ...
سكتت من حست بمعدتها تركض الا دورة المياه تبعد شعرها بسرعه  تنزل دموعها بتعب تحس بكتمه تغسل وجها تسمع  ربى الي تضرب الباب ماترد تلف تفتح الباب تمسك بيد ربى تناظر بعين مغيمه : كتمه كتمه ..
ربى بخوف : بناديلك خاله الهنوف
وهي تركض وتنادي الهنوف بصوت عالي وهم كانوا يتعشون : خاله تعالي الجوهره تعبانه مره
فز الكل من صرخت ربى تركض الهنوف تنسى الم ظهرها تبعد شعرها تنحني الـ جوجو تبعد شعر بنتها برجفه : امي انتي شفيك امي ؟
-
" عند العيال "
يتعشون يسولف تميم مع عبدالعزيز الي باله مو معه
لف كل بخوف من صرخت ربى يفز تميم يقوم يبعد يده يركض وراه عزيز الي ابعد الي قدامه يصرخ فيهم : ياولد ...
غص فيصل بالاكل يطيح فوق الصحن يمسكه ليث من ياقته من ورا ينكتم اكثر يضرب ليث ظهر فيصل بخوف : اسف وربي يلا يلا ..
عزيز دخل بخوف وهو يصرخ :الجوهره
جوجو وهي تحاول تقوم : مافيني شي ابعدو وتمسكت بيد ربى وقفت ربى تناضر السيارات وراحت لاقرب سياره وساعدتها تركب جوجو وهي معقده حواجبها :ذي سيارة مين
ربى بحده تعدل شعرها :اقول بس سدي حلقك هاذا وانتي تعبانه
جوجو بحده وتعب : ذي سيارة مين ربى بلا استهبال
ربى وهي تضحك غصب : ذي سيارة عزيز
جوجر بشهقه وتعب وبصوت خفيف : والله لو اموت هنا ماركب..
جت بتفتح الباب وهي بال يالله تفتحه
قاطع حكيها عزيز الي شغل السياره ومشى باقصى سرعته وضرب الدركسون بعصبيه مرعبه من عنادها :ماتتوبين انتي
-
" المستشفى "
ربى وهي تنتظر بخوف برا وطرحتها طايحه  وماحست بنفسها شافت الي جاي مسرع
تميم وهو شوي ويصفقها ويعدل طرحتها :حطي طرحتك على راسكك
ربى وهي تتجاهله وتمسك جوالها بتدق على اميره سحب جوالها من يدها وقال:انا لما اكلمك ماتعطيني ضهرك طيبب
ربى وهي ترفع صوتها : هاذي البدايه ترفع صوتك عليي مين انت عشان ترفع صوتك علي ...
جاء بيتكلم وعطته ضهرها وماخلته يتكلم
-
جاء بيتكلم وعطته ضهرها وماخلته يتكلم ومشت وفجاءة يمسك ذراعها ويقول بحده : انا زوجك وخلي ذا الشي ببالك فاهمه
ربى وهي تتألم من مسكته : لا ما افهم ..
وجت بتروح  بس سحبها له كان بيتكلم بس جاء ليث وفكها..
-
" بريطانيا "
نزلت تناظر المستشفى برجفه يسكر الباب وراه
يلف عليها تنهد من رجفتها ودموعها الي تنزل بشكل موجع تقدم يدخلها تحت ذراعه يقبل راسها : سمي بالله ودخلي ..
لفت عليه تمسح دمعتها تشد على يده : معي ..
ابتسم يهز راسها يشد على يدها : معك معك ...
دخلو مع بعض ورد ناضرت لتين بشكل مرعب تقوم تصرخ بوجع تنزل دموعها : انتي شتبين هنا يختي ابعدي عننا
لتين ودموعها بعينها : ور..
طلع الدكتور العربي وقاطعها وقال : عظم الله اجركم واحسن الله عزاكم
ورد طاحت وصارت تتمتم بصدمه : لا لا مستحيل لا
وصرخت بأعلى صوت تناظر الي حولها تضرب راسها بشكل متكرر : مااامااا  تكفين لا تتركيني
لتين الي تطالع بصدمه مسكت كتف ورد برجفه ما تستوعب : عظم الله اجرك
هايف وهو يطالع لتين : عظم الله اجركم
ورد قامتتت ومسكت بلوفر لتين من فوق بقوه : كله بسببك انتي
هايف وهو يبعد ورد عن لتين : يبنت استهدي بالله هذا قدر الله ..
وقفت تبعد بصدمه تهز راسها بجنون تحاول تستوعب الي قاعد يصير ..
" بيت ثنيان "
رجفت يدها تسمع بكاء لدن العالي ماتركز مع الزحمه
وتنزل دموعها بخوف ماتسمع الـ جوالها الي يرن
يسب من داخله من يسمع بكاء لدن يدخل يحط يده على عيونه يمشي بخطوات سريعه للغرفه يتنهد يناظر لدن الي سكتت من شافته يقرب ببتسامه يمسح جبينه : ابوي انتي ..
يقرب ياخذها بحضنه يقبل عيونها وجبينها بتكرار يشدها الا حضنه يوجعه قلبه من صوت شهقات يستغرب من اميره يطلع بـ لدن ينادي بصوت عالي : ابعدو عن الطريق ..
يتقدم من شاف الكل ابعد يناظرها واقفه بصمت مرعب له يحط يده على كتفها يشد عليه يتنهد : اميره ..
لفت عليه تناظر لدن تدمع عينها تمسح دموع لدن بحنان مفرط : اسفه ..
تطلع بخطوات سريعه تسحب عبايتها تاخذ مفتاحها برجفه تسمع ال صوت يزيد وصراخه عليها تكمل طريقها  اركبت عجزت يدها تثبت المفتاح تبعده بدموع تصرخ تضرب الدركسون لفت على الي طلع من البيت يصرخ يبي يوقفها تسحب المفتاح بسرعه تشغل السياره تهمس ال نفسها : اسفه ماما لدن اسفه امي ..
حست بغمام على عيونها يضيق النفس تهز راسها بـ لا
حاولت تلف عن السياره المسرعه بس عجزت تتحكم ..
-
" المستشفى "
الهنوف وهي ماسكه يد جوجو تحس ان الدنيا تدور فيها دخلت الحمام عشان تغسل وجهها سكرت الباب وراها سمعت احد دخل ..
فيصل يتقدم لجوجو والخوف واضحه عليه بس القهر الي فيه مابرد يشوفها غايبه عن الوعي يشد على يده : الله يلعن الساعة الي صرتي فيها اختي انتـ ...
جاء بيكمل قاطعته الهنوف الي تنتفض من قوة كلمته تقدمت بتتكلم بس لفت على الي دخل بشكل مرعب انصدمت من تقدم يصدح ضربته بالمكان ..

🦋