« بكره توقف من اللهفه على بابي »

بارت " 12 "

« بالمستشفى »
تحديد عند جوجو الهنوف وهي تمسح على راس بنتها وتقراء عليها وتسمي ودخل غيث وهو يبوس راس الهنوف : ماصحت
الهنوف وهي تلف عليه : لا
جوجو وهي تفتح عيونها بشويش وتتلفت وفزو يوم  : ابي مويه
فز غيث يعطيها يرفعها : سمي
الهنوف بغصه : ماما جوجو في شي يوجعك ياامي
جوجو وهي تقوم ويساعدها غيث وتمسك يد امها : ماما ياروحي والله اني بخير بس وش صار بضبط !
غيث والصداع مداهمه ويمسح على راسه : وربي ماني مستوعب شي وكيف صدمنا بس راح الحق ورا الموضوع واضح الموضوع مخطط
الهنوف تذكرت وبتوتر وهمس : لا ياربي ليكون هو
طق الباب وراح غيث يفتحه ونصدم بعبدالعزيز وهو يلهث وبل يالله يتكلم
امسكه غيث وطلعه وقعده وعطاه مويه وبدا عبدالعزيز يهدا بس يحس بالم يده وتحمل : بخير
غيث عرف انه يقصد الجوهره : بخير بخير بس يارجال روح شوف يدك
عبدالعزيز وهو يقوم : قوم شوف لي درب
غيث وهو متنرفز وبحده : عزيز قم قدامي
عزيز بحده : غيث يرحم والدينك مو وقتك خلصني
غيث مستغرب خوفه على الجوهره بعدين قام معه وقال للجوهره واستغربت وش جابه ولفت الطرحه عليها ومسكت نصها بيدها تمسكها على وجها ودخل عبدالعزيز وتحمد للهنوف وهو كل مايتذكر الحادث ينحرق وحالف ليسود عيشتهم وتكلم من ورا الستاره : الحمدالله على السلامه يابنت السعد
جوجو وهي حست بغصه بحلقها يوم قال بنت السعد وحقدت عليه وردت : الله يسلمك ياولد عبدالله
عبدالعزيز وهو عارف انه ضغطها : المهم معليكم خلو الموضوع علي
جوجو بستغراب : اي موضوع
عبدالعزيز مايبيها تعرف : سلامتك
وطلع اما جوجو تنرفزة من حركته وحقدت عليه وقاعده تتنظر غيث عشان تعرف هو وش جابه وشافت امها تكلم والواضح انه فيصل وقالت : ماما عطيني اكلمه
الهنوف وهي تكلم فيصل : شفيك يابوي انت والله كلنا بخير وجاينك بعد ويلا اخذ جوجو بتكلمك
عطتها امها الجوال وقال فيصل علطول : جوجو تكفين بخير في شي يوجعك وتحسين بشي
جوجو وهي تضحك : بشويش عشان ارد على اسألتك والله اني بخير وبعدين عشان تعرف مره ثانيه تسحب علي
فيصل : الله ياخذني إذا تركتك مره ثانيه بـ
جوجو قاطعته بسرعه : وجع ترا استهبل بسم الله عليك خلاص سكر زعلت
فيصل :جـ
سكرت وقعدت تضحك قهرها ليش يدعي على نفسه : اهه يافيصل
___________________
عند عبدالعزيز وهم يلفون على يده جبس كان فيه كسر خفيف بيده وغيث يوم درا انه كسر انصدم وهو كان بيهمل يده عبدالعزيز هو يشوف يده بعدين التفت لغيث الي يتأمل بيده وقال بضحكه : وشفيك؟
غيث وهو يقعد على الكرسي المقابل له : انت منجدك كسر وكنت بتهمله لو اصراري عليك
عبدالعزيز : يا ولد تراه شعره خفيفه ليش تبالغ بعدين يلا قوم وركم رجعه لديره
غيث بستغراب : وانت
عبدالعزيز : معليك مني عندي الموضوع المهم وقسم بالله ياغيث اذ لحقت ورا موضوع الحادث بالعنك استغفر الله خله علي
غيث وهو يحط عينه بعين عزيز : عزيز انت شفيك احرص مني بموضوع الحادث انت عارف شي ؟
عزيز بتوتر بس حاول يبين انه طبيعي : يا ولد انت شفيك تحقق معي معليك خلى الموضوع علي مو صاير شي باذن الله والحين قوم لهلك واغراضكم ترا معي اخذها وتوكل بـ
قطع كلام عزيز جواله وكان الجد فيصل وتنهد وغيث شاف تنهيدة وقام بيطلع بس قبل يطلع قال : تراك بترجع معنا
وطلع وطنشه عزيز ورد على الجد فيصل : سم
الجد فيصل : كيفك يابو العز عسى مافيك خلاف
عزيز وهو يبعثر شعره : سلامتك مافيني الا العافيه
الجد فيصل : اسمعني زين انا عارف انك بتلحق الموضوع بس خله علي والحين تجي الديره ولاتعاند يالعزيز
عزيز وهو بيفقد اعصابه : اسف يابو سلمان بس محد موقفني بغت تروح ارواح وتبيني اسكت وأنا عارف هالكلب سواها بس يحمد ربه ماصار شي بس والله مارحمه
الجد فيصل بحده : قسم بالله ياعزيز تسوي شي بدون علمي تعرف شبسوي وانت خابر والحين ارجع دام النفس طيبه ومعليك الموضوع بنلحق وراه ماراح نتركه حتى لو بديره بعدين مرا نطول كلها اسبوع وراجعين وانتبه لطريقك
وسكررر وعزيز حس بغبنه وقهر بقلبه بس حالف مايتركهم لو هو وين ماكان
وطلع ولقى غيث واهله برا وجاء عندهم : شفيكم واقفين
غيث : كيف نمشي وسيارات معدومه وكلمت السواق يجي وانت بتمشي لديره
عزيز وهو يربت على كتفه : ايه بمشي الشكوى لله
« بالديره »
وتحديد بيت الجده مهره :
وكل العوائل مجتمعه ( الفيصل ، البندر واكيد الثنيان )
وقاعدين ينتظرون اهل سعد والكل ملتم بالجلسة الخارجيه الي عباره عن جلسه دائريه بشكل كبير وتزينها النوافير الصغير وكانت الجلسه شرحه وكانو الي بالجههه اليمين العيال واليسار البنات قاعدين والجد ثنيان وفيصل وبندر بنص وقاعدين يتقهوون ويسولفون وقال فيصل هو يمشي ويدور حول نفسه : تأخرو ؟
الجد ثنيان : يابوي اقعد دورة راسي معك باذن الله مافيهم الا العافيه وتو كلمناهم وبعدين طبيعي بيتاخرون السواق توه ماجاء وهم على حدود الديره
قعد فيصل وقعد يصب لنفسه قهوه : ودي اروح لهم بس انتو رفضتو لو اني رايح ابرك
الجد فيصل : تبغى تروح بتالي الليل بروحك بعد تبطي عظم
زفر فيصل وقعد يناظر بسماء ويدعي لهم يوصلون بالسلامة
___________
بالجهه الثانيه عند البنات :
وكل وحده منهم تهوجس وينتظرون جوجو بفارغ الصبر عدلت ربى جلستها وقالت : بنات تكفون وحده منكم تنقز وتجيب الشبسات داخل
اميره وهي تخزها : وليش انتي ماتقومين
ربى وهي تناظر بالتين الي مهي معهم : اختي الحلوه وش تهوجس فيه
لفت عليها لتين : ولا شي
وقامت وقالت : بس تبون الشبسات
ربى استغربت انها علطول قامت بدون زعاج : لتين فيك شي
لتين ضحكت وسحبت عليها ودخلت داخل وراحت غرفتهم بتجيب الشبسات فجاء اسمعت صوت من الجهه ذي وتعرف الاصوات زين ماكان الا صوت امها وابوها يتهاوشون قربة بتسمع بفضول وسمعت كلمه ليتها ماسمعتها
ابو ليث بعصبيه وصراخ : ماتفهمين قلت لك هذي البنت حرام علي بنتي ذي جايه بوقت موتت زوجتي تفهميننن
ام ليث بدموع وصراخ : هي بنتي مثلها مثل ربى بنتي مالها ذنب موت امها اما انك تبي تحذفها ولحد يدري فتخسى والله ان سويتها ليحرم علي ارجعلك
ابو وليث قرب منها ورفع اصبعه بتهديد : بحذفها ولا راح يرف لي جفن البنت هذي جابت لي العار غير اني خلقه اكرها والله يا مها إذا دريت علمتي احد تعرفين شبسوي
غمزلها وطلع اما مها في حالة الصدمه وخافت يسوي الي يقوله
مادرو بالي سمعت وتحس كل شي توقف مسكت قلبها وحست من قوة دقاتها بيطلع وبدون سابق انذار طاحت بس في يد انمدت قبل لتطيح وهو سمع كل الي قاله عمه ونصدم اكثر معها وماحس الا