« بكره توقف من اللهفه على بابي »

بارت " 30 "

"بيت خالد "
رجفت مكانها عجزت تتحرك تقدم لها بكل عصابيه قفل الباب وراه مسك معصمها واخذ كتابه يهزها وبحده وصوت مرتفع : علميني شيسوي معك هذا ليش داخله غرفتيي ردددي !
مغمضه عينها من صراخه ويدها وجعتها من مسكته فتحت عيونها وناظرت وجهه الاحمر دليل على غضبه ارتعبت بس تماسكت وهي تحاول تبعد يده بس شد اكثر وهو يقرب وبفحيح يخوف : وربي ماتطلعين من هنا يا لتين لين تقولين وش جابك عندي وعند اغراضي
..
ظربت صدره وهي تبعد وجها وتقول بقهر : مادريت
ضحك بسخريه وشد اكثر وحده : شلون مادريتي تكلمي عدل
وهي حست بدوخه ومالها خلقه تناقشه وهي غلطانه : هايف يرحم والدينك ابعد وقلت لك مادريت
وغمضت عينها بقهر ماتبي تعتذر : واعتذر بس ابعد
ناظرها بستغراب وصدمه من اعتذارها بعد يده وناظرها توترة من نظراته ومشت بخطوات مسرعه الا الباب بتطلع بس وقفها صوته السخري : بس انتبهي مره ثانيه لاتدخلين غرفة سعود ، وصدقيني مراح اترك حركتك ذي بسهوله انتظريني بعد شهرين .
فتحت الباب وسكرته بقوه ونزلت بخطوات عجله اخذت عبايتها لبستها بسرعه واخذة شنطتها تطلع وتسمع البنات ينادونها عطتهم ظهرها وكملت طريقها بدون ما تلتفت طلعت تنتظر السواق ومسكت راسها بـ الالم وهي للحين ماتخطت كيف دخلت غرفته ولا صوت الانثى الي يكلمها تنهدة بتعب وتحاول تتجاهل تفكيرها فيه ركبت وسندة راسها ترتاح ...
-
عندهم استغربو مشيتها المستعجله عقدة حاجبها ربى بستغراب وناظرة اميره : اخوانك موجودين ؟
اميره بتفكير : ماظنتي دارين انكم موجودين ولو يبون شي بيعلموني
هزة راسها ربى بستغراب وقامت تجيب عبايتها وشنطتها : يلا بنات تبون شي
جوجو واميره : سلامتك
ناظرة اميره جوجو : توقعين اخواني جاين
رفعة اكتافها جوجو مدري وطلعت تلبس عبايتها وسلمت على اميره وركبت ناظرة جوالها يدق ردة بهدوء : سمي
الهنوف بتنهيده : جوجو ماما وينك تأخرتي يا امي
جوجو ببتسامه : عيوني جايه تبين شي
مسحت على شعرها : ابيك تجيني الا غرفه بكلمك
هزة راسها جوجو : تمام
سكرة وبعد كم دقيقه وصلت وحطت شنطتها على المدخل وطلعت غرفة الهنوف طقت الباب ودخلت نص راسها وببتسامه : ادخل
هزة راسها الهنوف ببتسامه دخلت وقبلت خد امها ونسدحت على السرير بتعب
الجوهره وهي تلعب بشعر امها : ماما
الهنوف ببتسامه : عيونها وقلبها
الجوهره بابتسامه : ما سألتك عن سبب النيو لوك
الهنوف: ابد قلت اغير نفسيتي بعد ما صفقتي الحياة المهم شفتي ابوك اليوم
الجوهره تنهدة من اطاري بس ضحكة وبعبط : فيه مره عااقله تسأل عن زوجها لا حول ولا قوة الا بالله
طقت راسها الهنوف بضحكه
الجوهره وهي تمسك مكان الظربه: احح .. ايه شفته اليوم الصباح وانا طالعه للجامعه
قاطعهم باب الغرفه و دخل سعد و يده كلها دم
فزوا الجوهره والهنوف جوجو بخوف وبدون ماتحس وهي متعوده تقولها الا اي شخص : اسم الله عليك
ابتسم سعد لما سمع الكلمه وقال : ولا شي بس جرح بسيط
الهنوف بدون ما تحس مسكت يده ونست كل شي من خوفها وقالت : هذا جرح بسيط لازم اوقف النزيف جوجو جيبي شنطة الاسعاف
ناظرتهم جوجو وراحت تجيب شنطة الاسعافات و تقول بينها وبين نفسها : لهالدرجة خفت عليه
الهنوف وهي تمسك يد سعد وبخوف : تعال اغسل يدك
راحوا لدورة المياه
وطول الوقت كان سعد ساكت جففت يده بعد ما غسلتها من الدم
وقال سعد بخذلان والم وتنهيده قال : قالت لي اسم الله عليك سمعتيها
ناظرته الهنوف وهي اول مره تشوف سعد بالضعف هذا تنهدة وهي تعرف ضعفه عند بنته وقالت : انت ما كسبتها في البدايه وبعد المواقف اللي راحت زاد عنادها
مسكت يده وقالت : تذكر كيف كنت تتصرف معي لما ازعل منك و يزيد عنادي تصرف معها كذا تراها نسخه مني
سعد اللي حس كان نزل شي و انزل الراحه في قلبه جا بيضمها و بعدت عنه و قالت : الجوهره جت
راحوا جلسوا يضمدون جرحه و هو كان مسفهل بعد ما وثق انهم يحبونه ويخافون عليه قالت الهنوف : سبب الجرح الكاس صح
سعد : ايه بدون ما احس بنفسي
الجوهره وهي عارفه ابوها ومهما زعلت منه مستحيل تبيله الاذى وبتردد : ممكن جوالك لو سمحت
تنهد بصوت واضح من كلامها ارسمي معه ناظرها وبستغراب : ليش
الجوهره وهي ماده يدها : عطني و تعرف
عطاها سعد جواله
دقت الجوهره على العم سليمان ( يشتغل في الشركة يسوي القهوه و الشاي و كذا )
جوجو بتردد: مساء الخير يا عم
العم سليمان : هلا ابوي الجوهره عسى ما شر
جوجو وهي تناظره : ما شر ان شاء الله بس بغيت اقول لك ان لا تستعملون اي شي قزاز في الشركه كلها كرتون بالذات اللي بالي بالك
العم سليمان وهو يضحك من طلبها الغريب : ابشري ان شاء الله فمان الله
سكرت الجوهره الجوال و قالت : ترا الاكواب ما لها دخل اذا عصبت تحط حرتك فيها والله مسكينه ذا الاكواب
ناظرها بصدمه من طلبها وابتسم غصبن عنه وتردد في لحظه وقال بغصه : الجوهره
لفت عليه قبل تطلع وبهدوء : سم
غمض عينه وقام وقرب عندها وفتح يدينه : تجين وتخففين من شوق ابو الا بنته
ناظرته بصدمه من طلبه حست عيونها تغبش ناظرت الهنوف الي نزلت دموعها بقلة حيل وهزت راسها بحضنيه رجعت نظرها الا سعد الي هز براسه تعالي ابتسمت وهزت براسها
ابتسمت وهزت براسها بـ لا وفتحت الباب تطلع وشافت بوجها فيصل وبعدته عن طريقها وركضت الا غرفتها وهي تمنع نزول دموعها بعدة عبايتها ونسدحت على سريرها بتعب ..
-
تحت ناظر مكانها ويدينه المفتوحه لها شد على يده وحاول يمسك دموعه من شاف دموعها وترددها وركضتها عرف ماتبي احد يشوف ضعفها شد على يدينه وناظر فيصل الي دخل وقال السلام وحب راس امه وتقدم ل ابوه وحب راسه شد سعد على يد فيصل قبل يطلع وبحنيه طاغيه : شايل بخاطرك شي يابوي
تنهد فيصل وهو ما يتحمل حنية ابوه ناظر ابوه وحب يده وببتسامه باهته : افا اشيل خاطري على ابوي اخسى وماني متضايق يابو فيصل
ابتسم سعد وهو شايف الفرق بين ولده وبنته شد على اكتاف فيصل وحضنه يشد عليه وقال بحزن طغى على مسامع فيصل : لاتكون يابوي انت ودنيا علي
شد على يده وعرف بكلمته ان يقصد الجوهره وغضب وكان سعد بيبعد وشد عليه فيصل وبغصه : طلبتك يبه لاتشيل بخاطرك عليها انت تعرف راسها وعنادها ومستحيل ترضاء بسرعه بس اعرف انها مستحيل تزعل عليك والله يطول بعمرك يابوي .
ختم جملته على مسامع الهنوف وسعد وقبل راسه وناظر امه وببتسامه : تصبحون على خير
الهنوف بدموع وهي تمسح دموعها بكمها وببتسامه : تلاقي الخير ياامي
طلع لفت نظرها الهنوف الا سعد وشافت وقفته وصموده نزلت دموعها وبغصه : سعد
لف عليها وناظر دموعها ترددة خطواته يجي ويمسح دموعها بس عجز وبرجفه : تصبحين على خير انتبهي الا نفسك ولعيالي .
طلع بسرعه بدون مايسمع ردها تعب من الي قاعد يصير ناظر بيته وتنهد وحرك الا بيته الثاني ..
-
الصباح الساعه ٧ والاجواء مغيمه وتمطر على خفيف والجو البارد الكل مجتمع بيت الجد ثنيان عشان مره وحده يتجهون للمخيم شدة على فروتها وهي تفرك يدينها ونزلت وجها وشعرها تناثر حول وجها وبرتجاف : بردددد
ربى وهي تعدل مناكيرها بالون الكحلي : جوجو معليش بس تبالغين
خزتها وناظرت المناكير وبحده : ليش التقليد ياشينه
ناظرتها وهي تنفخ على مناكيرها : اقول بس ينفع مع لبسي وفروتي
شافو اميره ولتين الي خلصو من شغلهم ومعهم قهوه مدت اميره القهوه الثانيه الا جوجو ولتين الا ربى
وبعدة لتين تصور الجو وبتعجب : تبارك الله الجو يالله وينهم
جوجو ببتسامه وهي دفي يدها بقهوتها : منجد الجو لذيذ هذا وانا مو مره مع الشتاء
مسكت اميره خدود جوجو تقرصها : اخ لذيذه
ناظرتها بصدمه وضحكت ربى : متوحمه عليك هههه
حمر وجها من الخجل وناظرتهم وهي تشتتهم من كلام اميره وصفها في جوجو وتحمد الله من جاء جدها يقاطعهم : يلا مشينا مانسيتو شي
تكلمو مره وحده بـ اي
-
عندهم كانت اشكالهم مهيبه تجذب الثوب الاسود والشماغ الابيض متلثمين فيه الا شخص والي هو فيصل لبس بلوفر بالون البنفسجي واسع وبنطلون قطن واسع اسود ولبس فروته عزيز وهو يعدل لثمته : ماتأخرو وهذا وهم امس يبون يروحون بدري ، فيصل اقمز نادهم
قاطعهم خروج البنات وتقدمت جوجو من فيصل وناظرها وبتسم وتقدم يحضنها ويشد عليها بعدها بشويش وناظر خشمها الاحمر وضربه بخفيف : افا على الي صارت تتغلى ماعاد اشوفك خير لازم نتحاسب
ضحكت وهي تشد عليه من الهواء : والله محد يتغلى كثرك
انصدم وشد عليها من شاف رجفتها وهو يعرف جوجو من صغرها ماتحب البرد وتعبها متعب وخايف عليها : لاشوفك فاكه الفروه
اشرت على خشمها ضحك وهو يمسكه : عليه الشحم
يلا نتوكل
ابتسمت : نتوكل
ناظرها من بعيد وشاف رجفتها وتنهد من تذكر قبل وتعبها الي يخوفهم استودعها الله من داخله ومشى يركب وفك لثمته يرتشف من قهوته ورجع يتلثم وسمع جواله يرن ورد على تقى الي تتحلطم عنده عشان تاخذ بلوفره الي عجبها وضحك بخفه : وانا اقدر اردلك طلب
ضحك من سمع غزلها فيه وسكر وقعد يسمع سوالف جده بندر ..
-
بسيارة تميم والاعضاء المعروفين كانت السياره هدوء لف على جدته وببتسامه باهته : خطبت
لفت بصدمه : وش
ضحك بتعب وهو يعدل لثمته : اي والله خطبت بنت عمي
شهقت ونصدم : اسم الله عليك
الجده بقهر وببتسامه : قول كذب يابوي مو وقت مزحك
تميم بستغراب : وهذا وانتي تبيني اتزوج وش صار !
الجده بزعل وهي تلف جهة الدريشه : وانا اخر من يعلم افا ياتميم بس
تنهد ومسك يدها يقبلها وهو مايبي يعلمهم السبب : يابعد روح تميم الموضوع اصلن مدري وش صار وبعدين مراح يكون في زواج بس ملكه عائليه واخذها بس
الجده بصدمه وهي تبعد يدها : لا بعد مراح تسوي زواج زي الباقين
ضحك بستهبال وخفه : اغار عليها من الناس
ضربة كتفه وبنبرة غصب : وانا الي تعبت عشان اخطط اخطبلك الي ابيها
تنهد وسكت بتعب رفع راسه وطاحت عينه على الي تناظر المرتبه بسكون بعد نظره من شافها لفت كان الوضع عندها صمت ...
-
وصل الكل انبهرو من مكان المخيم بس كان محد حولهم بداخل البر الانوار وثلاث خيم وجلسات برا مرتبه وجلسة العيال البعيده نزلو وراحو يرتبون الاغراض لتين بحلطمه : ذي ليكون بتجي
جوجو وهي تلف الاسكارف بشكل انيق على جسمها بعد مابعدت الفروه : اكيد حياتي فاطمه رجلها على رجلنا لو نطب بنار طبت استغفر الله يارب
طلعو وشهقت لتين من شافت الصقر وركضت تلمسه وبضحكه واخذته بهدوء تحطه على يدها وشعرها يجي على عينها من الهواء نست تاخذ اجلالها ضحكت من وخرت عن عيونه وناظرت
على عينها من الهواء نست تاخذ اجلالها ضحكت من وخرت عن عيونه وناظرت الجو الي بيمطر وقعدة تتكلم مع الصقر ..
طلع يحط العزبه بجلستهم الخارجيه والعيال يرتبون داخل الخيمه لمح شعر والهواء يظربه تقدم ونصدم من شافها وهي تسولف مع الصقر وتضحك لف من سمع واحد من العيال جاي صوبه تنحنح عشان تنتبه لفت وقرب منها ونزل فروته وحطها على لتين ومسك يدها يخبيها ورا ظهره وطلعت ماتنشاف هايف بحده : يولد ارجع وراك
خافت من صرخته ولاشعوريا مسكت ثوبه الاسود وحس بمسكتها وبعدها عنه وبعد عيونه وبحده : لاشوفك طالعه ولبسي فروتك ترا مو لحالكم ونزلي الصقر ..
لتين وهي تبعد فروته وتحذفها ومسكها قبل لاتتوصخ ورجعت الصقر مكانه وقبلته وببتسامه : برجعلك يخسى ولد خالد يبعدني عنك
لف بصدمه من كلمتها وضحكت بوجه بسخريه ومشت بس مسكها من معصمها من صوت العيال القريب سحبها ورا ظهره وقربو من الخيمه وتركها : يلا اذلفي
تجاهلت ومشت للخيمه وقعدة وهي اعصابها واصله حدها شافت فاطمه ورجوان دخلو ربى بهمس : وقطيعه تقطعها يازين من يدفنها هنا محد راح يدري عنها بهالبر
ضحكت جوجو بخفه وصلت ارجوان وهي تسلم على جوجو وببتسامه : هاي جوجو اخبارك حلوتي
ناظرتها جوجو بصدمه ولفت على اميره : هي تكلمني
ضحكت ارجوان بخفه وتمسك خد جوجو : شفيك ترا احبك انا وشدعوه
بعدت وهي تنزل عبايتها ربى وهي تناظر جوجو : وربي فيها بلا الحب ماطلع من فراغ وقولو ربى ماقالت
هزة راسها بـ مدري ولفو على شهقت تقى المنقرفه لتين بستغراب : وشفيك
لفو وشافو لبس ارجوان لتين بصدمه : سؤال ذي مايذبحها البرد
اميره بقرف : خلي البرد ضيق يحوم كبدي
ربى وهي تضحك : يعني تحمي نفسها من البرد من الفروه القصيره الحمدلله وشكر
جوجو وهي تضحك : وش بيفكها من جدتي
دخلت ونظرات الجده مهره حرقتها اما الجده نوره تعبت معها من كثر ماتنصحها ارجوان وهي تناظر الجده مهره وبهمس الا فاطمه : ذي شفيها تخز
فاطمه ببتسامه مجامله لهم وهي تكلم بنتها بهمس : خليها عجوز مغير تنقد
سمعت همسها جوجو وببتسامه : مالعجوز غيرك ياخاله فاطمه
حدقت فيها بقهر وتكلمت الجد مهره وهي تناظر ارجوان : ياامي انتي وش لبسه الناس برد ويحوم الكبد لبسك مو زين عيب استحي
ضحكت ربى غصبا عنها وناظرتها الجده مهره بغضب : ماقلت شي يضحك
مسكت ضحكتها غصب من شافت وجه ارجوان الي تغير ..
-
" خيمه الرجال "
ريحه الحطب والقهوه وبين ضحكهم وسوالفهم
ضحك بخفيف سعد بثقل وهو يعدل لثمته من البرد : الله يصلحك يافيصل
فيصل بقهر : يبه وربي اني صادق
ليث وهو يظرب راس فيصل وبضحكه : وانت غبي علطول ماعندك تفاهم
تنهد فيصل وتكى على فخذ يزيد : كيفكم لاتصدقوني
عزيز وهو يبتسم : عاد اصدقك بالامور ذي
فيصل وهو يرسل بوسه بالهواء الا عزيز : احبك ياشيخ واخيرا احد صدقني
تميم وهو يرفس هايف لف عليه وبحده : خير يالحبيب
تميم بضحكه وروقان وغمزه : شفيك منت معنا
هايف بفهاوه : وش قصدك
ضحك تميم وسكت وقعد يسولف مع عزيز وسعود الي يكلم بجواله وفيصل وليث الي يسولفون مع الجد وعمانهم وقلب الحطب وهو يبعد لثمته ويهوجس ناظر تميم الي اخذ الشاي وبتنهيده : ياولد خف من شربه خلصت الدله كلها وذي الثانيه
تميم بلذه وببتسامه : مراح تحسون بلذته نفسي
الجد فيصل وهو يناظر سلمان : سلمان يابوك شفت الاوراق الي وصلتك
سلمان وهو يتقهوى : اي يابوي ، بس في ورقه فيها اسم عبدالله ....
شتدة اعصاب سعد ولف على ابوه الساكن ورد بقهر : بكرا حطها عند مكتبي ضروري
اشر على خشمه سلمان وشد على فنجاله سعد وطلع برا ..
-
طلعت برا وهي تشد على وشاحها والهواء يداعب شعرها ناظرته جاء اتجاههه وتوترة ومشت بعيد عنه ومشى جنبها مع خطواتها وتكتف ناظرها وهي تتنهد ومنزله راسها تشوف خطواتها وسوى نفسها ولفت على كلمته : ليش تحبين تتهربين ؟
الهنوف بضحكه سخريه : مين قالك اتهرب طلعت اشم هواء
سعد ببتسامه وهو يعرف حبها لشتاء سكت من شافها تنطق اسمه : لبيه
توترة وهي تلعب بخطوط يدها : ليه رجعت ؟
استغرب سوألها : ليه ماتبين رجعتي
تنهدة وهي تلف بترجع بس مسك كتفها ولفت عليه بمعنى ايش سكت وتررد وقال عكس الي بيقوله : انتبهي لنفسك وللجوهره
هزة براسها ومشت وهي تقاوم دموعها وتشد على وشاحها من البرد ..
تنهد من شافها ابتعدة وكان يتمنى تطول بكلامها ويروي شوقه وسؤالها للحين في باله فك لثمته يشم هواء ورجع يلف لثمته وطلع للخيمه ..
-
" بعد العشاء "
جاء وقت المتعه عند البنات وشافو الدبابات تحلطمة ربى وهي تشوف العيال جو جهة الدبابات : لحول هذا الي ناقص
تقدمو وركب فيصل وضحك من طلع صوت الدباب من خرشت العيال وفزت عزيز جت جوجو وهي تظبط الفروه عليها وتحط كاب الفروه فوق راسها وتركب ورا فيصل وضربته بخفيف وببتسامه وضحك : تمسكي زين بلف فيك لف
صرخت بضحكه من سرععع و بعدة يدها بالهواء وصرخ فيصل : بنت تمسكي لا تطيحين
ضحكت وتمسكت فيه .
عندهم ركب عزيز وصفر الا تقى مشت وهي تضمه من ورا : نبي نتحدى جوجو
ضحك بخفه واشر على خشمه : تبشرين بس تمسكي
تميم بضحكه وهو يشوف وجه لورين : بتركبين والا
لورين وهي تمشي بتجاه : خير تشاور بعد
ركبت وراه وبتهديد : اذا خلصت دوري
لف على ربى الي ماد بوزها وتناظر لتين الي بتركب مع ليث وبعصبيه : خير وانا اركب مع مين ، اجل بركب الا حالي ..
ركبت وصرخ ليث بحده فيها ونزل من الدباب ومسك كتفها وبصبر : ربى انزلي ولا تعاندين
ربى بقهر والدموع في عينها : خير ليث بلعب واركب مع مين وانت معك لتين
شد على يده ولف على لتين وبهدوء : لتين اركبي مع هايف
شهقت وبحده : والله ما ركب ، اجل خلاص بنزل مايحتاج العب لعب ربى
نزلت وبزعل وهي تشد على فروتها وجت بتدخل وقفها ليث الي ركض خلفها ومسكها وبحنيه وتنهيده : تعالي يلا دورك بعدها ربى الا زعلك ماقوى عليه
بتسمت وشهقت من شافت ربى الي ركبت الدباب وسرعت وتصرخ وبوناسه وضحكه : ليث ههههه
صرخ بغضب وقهر وناظر لتين وبحده : اركبي
اركبت وشهقت من اسرع وهي تتماسك بظهره بقوه تخوف وبصوت خافض : ليث هد ولا نزلني
سرع هو متجاهل وحاول يحاوط ربى عشان توقف بس هي تبعد ..
عندها وهي تتحلطم على اخوانها وبدموع : ياخي توني بشهر الاول شدعوه ، افا اخواني تخلون شي بخاطري
هايف بحنيه وهو يحضنها على جمب : وربي خايف عليك وعلى حبيبة خالها او خاله
سعود مرادف الا هايف وببتسامه وحنيه : اي ياحبيبي وهو صادق هايف
مشت بزعل وبخطوات سريعه وشدة الشال عليها ودموعها على طرف عينها جاء بيلحقها مسكه هايف بحده : نعم نعم وين رايح
لف يزيد وببتسامة سخريه : بروح ورا زوجتي ليه فيها عيب
مسك ياقته وبحده : شكلك ناسي انك مطلقها !
ضحك وهو يبعد يد هايف : بس انا ماطلقت
سعود بضحكه وهو يمشي بتجاهه : لاتلعب علينا شايفين الورقه
ضحك بصوت عالي : وانا اقول الفهاوه من وين طلعة وراثه ، ماطلقت الورقه مزوره
جاء بيمسكه هايف بس وقف بوجهه سعود : اركد ، وطلع وراها بس لاتطول عشان مدفنك
ضحك يزيد ومشى وهو يلوح بيده الا هايف
هايف بصدمه وهو يبعد سعود عنه : منجدك ولا تستهبل
سعود وهو يرفع اكتافه : زوجته يا هايف واصلن انا كنت شاك من البدايه بس يخسى ياخذها اذا ولدت بخير ان شاء الله بيطلقها
هايف بصدمه وضحكه : لا هذا الي بجنني تبي بنتهم او لدهم يتشتتون
سعود وهو يناظره : والله انا الي بنجن من تناقضك
ركب دبابه ومشى وخلى هايف بصدمته
عندهم نزلت دموعها بقهر وطاح نص من وشاحها وناظرت المكان وكان ظلمه بس فيه نور خفيف رجفت وحست بحد يمسك كتفها وشهقت بفزع وصرخت ارجعت على ورا وصدمة بصدره وحاوطها عشان ماتطيح بكت بقلة حيله وبعدها وهو يمسك وجها وبحنيه اول مره : خلاص ياعيني راح راح هدي
بعدة عنه من ستوعبت وعدل الشال عليها وشد عليه ومسح دموعها وبعدة يده وتنهد : هالدموع عشان الدباب افاا وانا اقول انتي اكبر من كذا ، وصدقيني رفضو عشان خوفهم عليك .
مسحت دموعها وبعدة : يزيد لاتقرب
تنهد وناظرها وهو يمشي : تعالي وراي لاتضيعين
هزة راسها وهي مالها خلق تعاند
وصلو ولفت اميره على ارجوان وشافتها تتقدم الا يزيد وبدلع : يزيد عادي تعلمني على الدباب
مشى وهو يركب الدباب وناظرها : تعالي شوفي
مشت اميره بخطوات سريعه وصكت كتف ارجوان
وركبت ورا يزيد حس بحد وراه ونصدم من لف وبصبر : اميره انزلي
اميره ببتسامه : افا تخليها بخاطري
نزل من الدباب ومسك معصمها وناظر المصدمه : اعتذر
ناظر اميره وهو وصل عند خيمتهم وبعدها : وش افسر حركتك
عدلت اكتافها من مسكته وببتسامه : فسرها بالي تبي يلا سيو
دخلت وهي تشد على وشاحها وتاركه المصدوم وهو يفسر حركاتها ..
-
خلصو من الدبابات ونزل الكل الا ربى الي تو جت وشافت الي يستقبلها ليث ونزلت بسرعه وقعدة تركض وتصرخ خافت من شافت ليث الي قرب منها وعجزت تمشي من الرمل وضحكت بصوت عالي من الخوف من شالها ليث وصل عند خيمتهم ونزلها وبحده : وش الي سويته يا ربى
ربى ببتسامة عبط : ماسويت شي شفيك
فزة من صرخ وجهه قلب احمر : لاتستفزيني
نزلت راسها ورفعه وبحده : اذا كلمتك راسك ماينزل ، والحين ارجعي..، لي تفاهم لك بالبيت عند ابوي ان شاءالله
جت بتحب راسه بس بعده بيده وبصبر وحده : روحي من قدامي
ناظرته وبغضب : اصلن انا ماسويت شي وانت مغير تكبر المواضيع اف ليث ماصارت
ودخلت وخلته مصدوم من كلامها وهمس : الحين صار خوفي تكبرة مواضيع
طلعت من الخيمه وشافت الكل مجتمع برا ابوها وخوالها وعمانها وسعد الي يظبط الحطب تنهدة وشدة على فروتها كحت بخفيف ولف عليها بخوف : قربي عند الحطب تدفي
هزة راسها وقعدة جمب الهنوف الي حتضنتها من البرد وحطت راسها على كتف امها
شافت ربى الي جايه ومعصبه ضحكت وخزتها : نعم اخت الجوهره في شي يضحك
ضحكت زياده تستفزها وضحكت معها وقعدة جمب الهنوف جوجو بستغراب : شفيك
ربى بزعل : ليث ، خلاني اقول كلام مبي اقوله بس هو السبب
جوجو ببتسامة : معليك اعرف ليث قلبه حنون بيرضى
امسكت البريق حق الشاهي وهي تردد : امين الله يسمع منك
لتين هي تجي ورا جوجو : اههه
جوجو وهي تناظرها : مرههه خفت هههههه
لتين بتعقيدة حاجب : سلكي طيب
قعدة ويدفون نفسهم بالشاي ناظرتهم تقى : بنات وشرايكم نمشي فيني طاقه
جوجو وهي تقوم : تم
ربى ولتين اخذو اكواب الشاي ومشو جوجو : بنات خلو الافلاش شغال
بدو يدخلون بالبر وكان الظلام دامس جوجو بحده : لتين شغلي
تنهدة وهي تعطي جوجو كوب الشاهي واخذة جوالها تفتحه تقى بخوف : بنات اثمع صوت كلب
ربى وهي تطق كتفها : يابنت مافي شي معليك
ومشو على الجبل الي فوق وخطواتهم كانت بطيئ من الرمل وقفت جوجو بتعب : بنات خلاص تعبت وجهي مو وجه مغامره
صنمو كلهم ولا وحده ردت ناظرتهم جوجو بستغراب وهي تمسك رجلها : شفيكم ؟
ربى برجفه وخوف وقلبها طاح : ككـ... للبب
جوجو بتعقيدة حاجب وهي تشوفهم يناظرون وراها ولفت وكانت هنا صدمتها شافته قريب حيل منها بينها وبينه خطوه تماسكت لاتصرخ وناظرتهم وبخوف وهمس : لحد يصرخ بعد لين ثلاثه وهجو 1 , 2 , 3
بدو يركضون بسرعه وجوجو وراهم ورجلها وجعتها صرخت غصب من طاحت وشافته يركض بكل هجوميه غمضت عينها من حسته قرب بس فزة على طلق النار لفت من شافته يركض قرب منها ومسك شماغه يربط رجلها الي نزل منها د *م من الصخره الي ضربتها صد بوجهه : تقدرين تقومين ؟
بعدة وهيي تحاول تقوم بس طاحت من الالم رجلها : اهه
استغفر ومد يده بعدم قدره : عطيني يدك
ترددة وهزت براسها بـ لا : مايحتاج اقوم من نفسي
بعد وبسخريه : يلا وريني شطارتك
قامت بوسط الالم رجلها ومشت بتعرج ومشى معها نزل راسه : ليش رحتو هالمكان وانتو تعرفون فيه كلاب
تكلمت وبهدوء : ماكنا ندري
وصلو وقبل لاتدخل لفت عليه : شكرا
تنهد وهو يشد على الفروه : العفو ، وانتبهي
هزة راسها وجت بتدخل بس سمعت صوت طفل يبكي مشت وهي تتحمل شافت طفل صغير بفروته ودموعه على خده قربت من وبحنيه : شفيك ياروحي وين اهلك
بكاء وهو يشهق ويرفع اكتافه عرفت انه مضيع وجلست على رجولها وهي تتماسك وقعدته بحضنها ومسحت دموعه وببتسامه : البطل مايبكي ومعليك اوديك الا ماما
حطت يدها على فكها وبتفكير : اامم
ووبتسامه : تبي حلاوه
هز راسه بفرحه طفوليه واشرت على عيونها : من عيوني ما قلت وش اسمك يا بطل
الطفل ببراءة : ثلطان
ضمته وهي تضحك : وهه ياربي اموت على سلطان انا يلا تدخل معي اعطيك حلاو ودفيك عن البرد لما تجي ماما
خاف وهو يتعلق بعنقها وهز راسه بـ لا
ابتسمت وهي تشد عليه وتخبيه معها بالفروه : لاتخاف انا معك محد راح يجيك
شالته بحضنها ودخلت عندهم وصرخو كلهم من شافوها وجت بتضمها ربى بس شافت الطفل الي متعلق فيها وجوجو حاضنته ولفو كلهم على الطفل وتكلم سعد بستغراب وخوف عليها : جوجو بابا مين الي معك
ابتسمت من حسته يشد عليها ويخبي وجه بشعرها : سلطاني الحلو ، مضيع واخذته معي من البرد
اميره بحنيه : اموت انا
وجت بتاخذه بس هز راسه وهو يشد على جوجو ضحكت بخفه وراحت الا شنطتها وقعدته بحضنها وطلعت الحلاو وشدة على فروته من البرد ورتبت شعره وهي تقبل جبينه سمعت صوت عزيز الي يتكلم بصوت عالي : عندكم طفل اسمه سلطان
رفعة صوتها : اي ليه
عزيز : طلعيه ابوه يبيه
ناظرته وبتسمت وهي تبوس كل وجهه وضمته : وه ياربي استودعتك الله ، يلا نروح الا بابا
هز راسه بـ لا : ابيك
ربى ببتسامه : اسمها جوجو
ابتسم وهو يضمها وبطفوليه : ابي دودو
انهارت جوجو من نطقه وهي تحضنه بقوى : يو ياربي
شالته وعدت فروتها وشافت ابوه الي يكلم عزيز ونزلت سلطان وفتح ابوه يدينه بس تعلق برجل جوجو وبدموع : لا لا
ضحكت ونزلت الا مستواه وهي تبعد شعره : حبيبي سلطاني لازم تروح مع بابا حرام ماما خايفه عليك وتبكي تبي سلطاني وعد مني اجيك
مسح دموعه بطرف كمه : تعالي معنا
ابتسمت : مقدر يا بابا يلا عطني اصبعك الصغير
حط اصبعه الصغير مع اصبعها الصغير وابتسمت وهي تشد بخفيف : وعد اجي عندك
ابتسم وبضحكه : وعد
راح لحضن ابوه الي شد عليه وناظر جوجو وبمتنان : الله يجزاك خير يارب ويحفظلك احبابك ولا ترين فيهم مكروه يارب والله يكثر من امثالك
ابتسمت : الله يجزاك خير وسلطان وكل الاطفال مثل عيالي واتمنى تنتبه له هو صغير مايعرف شي وتراه امانه برقبتك واذا معليك امر تعطيني رقم ام سلطان
ابو سلطان ببتسامه : ابشري
عطاها وابتسمت لفت على الي طايح على وجه من تعاملها اللطيف ناظرته ودخلت مسك قلبه
تعاملها اللطيف ناظرته ودخلت مسك قلبه وابتسم لاشعوريا : لا انت منت صاحي عزيز صحصح اخخ وش سوت فيني لا اله الا الله ...
-
على اخر الليل والجو هدوء جوجو الي نايمه على فخذ جدتها وتمسح على شعرها ربى الي تابع مسلسلها ومتكيه على لتين الي تهوجس وتناظر السماء واميره ماسكه بطنها وتفكر بحياتها ولا سعد المتكي ويناظر جوجو والهنوف بصمت قامت وهي بتدخل الخيمه تكمل نومها ناظرتها لتين : جوجو وين رايحه
جوجو بنعاس : الخيمه
حست بشي وسكتت : تمام
اما ارجوان الهاديه شافت جوجو وراحت وراها شافتها دخلت دقت وبخبث : يلا بس انتبه احد يشوفك
جهزت كاميرتها لتصوير ..
-
جهة العيال كانت العكس ضحك وسوالف ناظر تميم عزيز وهو يضرب فخذه : يالحبيب ماودك تطربنا بصوتك
ضحك وناظر فيصل : ياذيب قم جيب العود من خيمتنا
فيصل وهو ينسدح على فخد ليث : يوو عزيز والله مالي خلق
قام وهو يرفس رجل فيصل : ما منك فايده
تجاهل وهو يفتح جواله ويناظر صورته هو وجوجو الي صورها ورسلها لها وسكر جواله يسولف مع الشباب. .
..
عنده طلع يدور العود ولقاه بزوايه اخذه ومشى بس وقف من لمح بنية رجل تدخل خيمة البنات استغرب
وتقدم بيشوف من بس تصلبت رجله من الي شافه طاح من يده العود وبدا يضيق تنفسه من المنظر واعصابه اشتدة لفت من سمعت صوت العود ورجفت بمكانها من لف عليها وجهه الوان ...

✨3009✨