« بكره توقف من اللهفه على بابي »

بارت " 17 "

نرجع وقتنا الحالي ....
عند جوجو وهي وصلت الدور الثاني وقاعده تنادي ريفان اما عند ريفان فزت يوم سمعت صوت جوجو وقالت وهي تطق الباب ودموعها على خدها : جوجو
فزت جوجو يوم سمعت صوتها وراحت ورا مصدر الصوت وصلت وطقت الباب : ريفان ياروحي فكي الباب
ريفان بصوت مخنوق : جوجو م قدر مقفل دوريه عندك تكفين
جوجو وهي عرفت ان حساسها بمحله وقالت بحده وهمس : هين يافاطمه
وشافت جوجو مفتاح على ارف من فوق جنب غرفة ريفان وخذته وعلطول فتحت وانفتح ونصدمت من شكل ريفان وجهه الاحمر وماتحملت ريفان وضمتها وقعدة تبكي وتشهق وتقول كلام مو مفهوم وقعدة جوجو تسمي عليها و رفعت وجها وقالت بصرامه : البسي فستانك الي تبينه وانزلي معي
ريفان بخوف : لا جوجو تكفين مابي مشاكل واخاف افشل ماما
جوجو بحده : ريفان قلت لك معليك انتي معي ومحد يقدر يتكلم والحين تعالي اضبطك وننزل
وافقت ريفان وهي خايفه من امها بس دام جوجو معها ارتاحت وقعدة جوجو تضبطها ....
_________
تحت عند البنات ..
ارجوان وهي تقوم بتروح المطبخ وربى الملقوفه قعدة تناظر خطواتها وقرصتها اميره وقالت ربى بوجع وهي تحك مكان القرصه : وجع خير
اميره ببتسامه : ترا فضحتينا الكل قاعد يطالع فيك وانتي تراقبين الأدميه
ربى بفضول : صدقوني احس وراها بلاء
لتين وهي تحط رجل على رجل : استغفر الله بس مو غريبه عليها
اميره وهي تناظر الي نازلين من الدرج جوجو وهي ماسكه يد ريفان وقالت بـ أذن ريفان : روحي سلمي لاتخافين
فاطمه وهي تشوف بنتها ريفان والغضب مالي عينها وزاد كرهها لجوجو اكثر وحالفه لاتسود عيشتها اما ريفان قعدة تسلم وهي قامطه العافيه وجلست جوجو وحطت رجل على رجل وتبتسم ونطت ربى عندها : شسالفه
جوجو وهي تبتسم : اعلمكم بعدين
وصلت ريفان للبنات وقعدة تسلم عليهم وقالت لتين ببتسامه : وه تبارك الله
وابتسمت ريفان وقعدة جنب البنات وقالت اميره ببتسامه : والله وكبرتي ياريفان
ضحكت ريفان : شفتي
ربى وهي نطت عندها وقالت جوجو : هذي شفيها مغير تنطنط فضحتينا الكل مستغرب
ربى وهي تسفه جوجو وبتسمت لريفان وقالت : الاخبار ريفانوه
وقعدو يسولفون ....
اما عند ارجوان راحت المطبخ وكان فيه باب الرجال وكان المطبخ متشارك وقعدة على الكرسي تشرب مويه وفجاء احد دخل المطبخ وقال : يولد
ريفان بدلع وقربت : سم
تميم بلوعة كبد من ريحت عطوها القوي : سم الله عدوك بس ابعدي عن طريقي باخذ الاكواب
قربت ارجوان : بس تبي الاكواب
جا هايف وقال وهو يمشي : ماصارت ياتميم اكواب
وقرب وفز وقال بصوت ثقيل : اخو سعود صدق
تميم وهو يبعد وهي كل مالها تقرب وقال تميم بصوته الضخم : يابنت الناس بعدي
جا عزيز وهو يصرخ : هايف وتميم وجع توجعكم ماصارت اكواب
وقرب وليته ماقرب شاف ارجوان قريبه من تميم وقال بحده : بنت
ولف تميم على دخلة ربى وصنم ودفع ارجوان عنه وقال بحده : وربي ان قربتي لاسود عيشتك
طلع هايف هو عزيز من المنظر المقزز الي شافوه
اما عند ارجوان حست انها تفشلت وبعدت عنه ولفت وشافت ربى وبتسمت بخبث وطقت كتف ربى المصنمه ودخلت اما تميم الي مايدري وش يقول وهو صح ماهمته بس مايبي تاخذ عنه فكره سيئه قالت ربى برفعة حاجب : ماهقيتها منك ياولد طلال
تميم وهي نرفزته وقال بحده : تهقينها مني ولا ماتهقين ماتهميني والي ابي اقوله لك يابنت بندر اني انا خلقه اكره جنس حواء ولا عمري قربت لوحده فا لايجي بالك بعيد
وطلع وصك الباب معه اما ربى سكتت ماتدري وش قالت هي ليش مافكرت ان تميم يكره هالجنس اندمت بس تقول بنفسها : مين هو عشان اضيق نفسي عشانه
ورجعت للبنات وهي تناظر ارجوان بقرف وقالت بصوت مسموع لرجوان : الله لايبلانا
انقهرت ارجوان وطلعت برا تشم هواء وشافت احد متجه لها وشافت حبيبها الي تحبه وقالت بصوت مرتفع وغنج : يزيد
يزيد وهو يلتفت لنبرة الصوت وشاف وحده ولف وجهه وقال : سمي
ارجوان وهي تقرب : متى بتخطبني
يزيد بستغراب : بس اتوقع عارفه اني متزوج
وقربت اكثر ارجوان وقالت بهمس قريب من اذنه : اتوقع الشرع حلل لك اربع ومايمنع اكون الثانيه
والا يدخل سلمان ابوها وتجمد الدم بعروقه وهو يشوف بنته بلبس يستحي احد يناظره ومن شاف الي معها مو غريب عليه وقال بحده وصراخ : ارجواننننننن
صنمت ارجوان عند الباب وحست ان اخر يوم بحياتها وقرب ابوها ليزيد ومسك ياقته وتفل بوجهه : نعنبوك احترم شنبك وهذا وانت متزوج وتخون زوجتك مع قريبتها وهي بنتي
ومايمدي يزيد يبرر الا وحس فكه بينخلع من الكف ورفع راسه يزيد وهو يشوف سلمان يقرب من بنته وجر شعرها بقوا ما عنده وصرخ عليها وقعد يسفل فيها وقال بحده : الوعد بعد العزيمه
وقفل الغرفه ونزل وشاف بوجهه فاطمه وقال بحده : علي الطلاق ان شفتك فتحتي لها الباب ليكون هذا اخر مره تشوفين بناتك
وطلع للرجال ...
اما عند الميتين ضحك من الموقف الي شافوه
ربى بدموع من الضحك : استغفر الله ياربي والله ماقصد اطقطق بس تستاهل
لتين بضحك : اخخخخ ماتحمل استغفر الله ياربي امشي امشي ماعاد اتحمل ويدخلون وجوجو وهي مستغربه من وجيهم : شفيكم !!!
ربى : اعلمك بعدين
اميره وهي شوي تموت من الصداع : بروح البيت مين تروح معي
لتين وهي معقده حواجبها : يوههه ورانا مزرعة بكره مافيني حيل ارتب شنطتي
جوجو : انا بروح معك اصبري بلبس عباتي
اميره وهي طالعه : لاتتأخرين
اميره وهي برا تتنتظر هايف لانها توقعت انه هو الي بوديها يزيد وهو طالع قال :مشينا
اميره وهي تتلفت وقالت : انا
يزيد وهو يقلدها : ليه في غيرك
اميره : طيب انا قلت هايف
يزيد وهو ماله خلق يناقش : تبين تروحين؟؟؟!
اميره وهي تفكر : خلاص طيب بروح
ركبت اميره ورا لف عليها يزيد : سواق عند ابوك انا
اميره وهي منصدمه : عيبببب
يزيد ناظرها وهو مستغرب : تراني زوجك لايكون متزوجك وانتي ماتدرين
اميره وهي تحاول ترقع : ورق ورقق فهمت سيرر يزيد؟؟!
يزيد : شرايك تركبين قدام امراً وليس فضلاً
اميره وهي تعبانه : اففف طيب ........
—————
عند جوجو وهي لابسه وطلعت تدور اميره وقالت بقهر : هين اميروه تسحبين علي اجل
وشافها هايف وهي تتأفف وجاء عندها قال : شفيك يابنت سعد
جوجو وهي خلقه معصبه ويزود عليها " بنت سعد " وقالت : اختك العزيزه سحبت علي
هايف بضحكه : حتى انتي بتمشين شفيكم
جوجو بصداع : والله راسي مصدع اجل هايف إذا معليك امر ناد فيصل
هايف وهو يسحب مفتاحه وشغل سيارته : اركبي يابنت سعد دربي على دربك
جوجو وهي مالها خلق : تمام اجل
وشافت عزيز جاي لجهتهم وقالت بحلطمه : لحول ذا الي ناقص
عزيز وهو جاي يركب قدام وحط راسه على المرتبه وقال : قسم بالله اليوم موطبيعي ياولد
هايف وهو ساكت يأشر بعيونه
عزيز وهو مو داري وين ربي حاطه : شفت ذيك الي كانت مقربه من تميموه
وجاء بيكمل الا سمع همس وقال : بسم الله هايف تسمع الي اسمعه
هايف وهو لازال يأشر بعيونه
عزيز وهو مستغرب من حركاته : شفيك يمريض
ولف المرايه الا وشاف جوجو وقال : بنت سعد..
نرجع شوي ورا ..
جوجو وهي مستغربه مين ذي البنت الي شافوها ومقربه من تميم ذابحها الفضول بس تكابر وقالت وهي تحلل وتفكر : دقيقه ربى راحت مره وحده المطبخ وجت وجهها كان اصفر لايكون ارجوان لانها الحقتها ربى وقالت بصوت شبه عالي : والله اني جبتها وانا بنت فيصل(الجد) وحست صوتها عالي...
(عند لتين وربى والاهل)
لتين وعيونها تسكر : ماما ابي اروح البيت
ربى وهي تقلدها : ماما ابي اروح البيت خير ترا موبس انتي كلنا مريضه والله اني جوعانه توني رايحه شايفه البوفيه والله ما...مايمديها تكمل الا وتقاطعها الجده مهره : يلا مشينا
فاطمه وهي تلزم عليهم وهي اساساً ماتبيهم : والله ماتروحون الا وانتم متعشين
مهره : لا لا والله ورانا مزرعة والبنات ينعسن
طلعو وتقسمو بالسيارات
(ربى ولتين وامهم وام تميم وعمتهم مع تميم وليث)
ربى ولتين وهم يتهاوشون مين عند الباب لتين دخلت ربى وهي شوي وتصيح وتسحبها : والله ماتركبين عند الباب وانا بنت بندر
ليث وهو معصب : بلا مبزره لتين عند الباب
ربى وهي شوي تنط عليه : خير والله انا اكبر منها بيني وبينها تدري كم
ليث وهو خلاص شوي ويفصل عليها : حبيبي تراك دايم عند الباب وإذا على مين اكبر ترا بينك وبينها سنه والعمر مجرد رقمممم
لتين وهي تنعس : اقول اركبي
ربى وخلاص تبي تقوم عليها وتنتف كيرلياتها : اوريك وجت بتجر شعرها
نزل تميم وهو رافع حاجبه وقال بحده : اركبي وانتي ساكته ترانا مو بالبيت بوسط الشارع
ربى وهي تطالع ليث يعني تكلم ليث وهو منتهيه طاقته : مالي دخل زين الي يسويه
ربى وهي بتتكلم وقاطعها تميم وهو يرفع اصبعه عند خشمه وقال بحده : ولا كلمه ولا كلمه قدامي قدامي
ربى وهي شوي وتموت من الخرشه ركبت وأول مره احد يسكتها دخلت وراها لتين وعلى طول نامت
تحركت السياره ومشو وبنص الطريق قالت ربى وهي بطنها يطلع اصوات من الجوع : ليث حبيبي تكفى ابي ماك والله اني جوعانه كله من اختك ذي ما خلتني اتعشى
ليث وهو يبتسم لها : وشتبين بس لو تبين عيوني اعطيك
ربى وهي ماده بوزها : ماكنه الي تو مهزئني
ليث وهو يبتسم لها بحنيه ويناظرها من المرايه الي قدام : ليه ماطاب خاطرك وش اسوي نرفزتيني جعل ألساني للقص اذا مديته مره ثانيه
ربى وهي خلاص راضيه وقالت ببتسامه : بسم الله عليك ياروحي شدعوه مستحيل ازعل منك ياروح اختك بس ياحبي ابي ماك
ليث وهو يبتسم : ابشري والي جنبك تبي
ربى وهي تلف على لتين : لا والله بسابع نومه
تميم وهو يبتسم على حنيت ليث مع خواته :والله عندي مطعم يفتح النفس لذيــ...
ربى وهي تقاطعه : اقول اسكت انا ابي ماك وفيني نوم ومن زين مطعمك ما اثق ياحبي ترانا بديره مو بالرياض
ليث وهو يعطيها النظره القاتله وقال : بنت
ربى بخوف وهي تزيد الطين بله : تميم وش اسم المطعم...
———