رجفت يدها تناظره يطيح من يدها الورد تنزل نظرها تنحني بتوتر ورجفه تجمعه تبتسم بخفيف من البنت الي تساعدها تلتقطهم بسرعه تبعد شعرها خلف ظهرها من حجب وجها تقوم تمشي له توقف مسافه تشوفه محتضن سلمان تراجعت على ورا من رفع عيونه عن كتف سلمان يناظرها تشوف لمعت عينه
تشتت عيونها وتحس برجفة جفنها من احمرار محاجرها تتقدم تعدل نبرة صوتها : سلمان تعالى
مدة يدها تعيد كلامها : سلمان تعالى
كتمت غصتها بقهر من تعلق بعزيز اكثر يهز راسه بنفي : ترا بروح واخليك .
شدة على يدها من سمر الي تمسح على شعر سلمان قربت بتسحبه من حضن عزيز بس كان متعلق بشده حست بغيمة على عيونها : سلماننن
شدة على ذراعه بقوه غير مدركه من توجع يبكي يمسك عزيز يدها بسرعه يقربها منه نزلت دمعتها بصدمه من تسمع صوت سلمان الي بحضنه وقربها منه تأمل تفاصيل وجها ودمعتها الي نزلت تحرقه رجفت يده يرفعها خلف ظهرها بيحتضنها بس تعوذ ينزلها بس رفعها عند خدها تبعد بسرعه يلف عزيز على الي تشد ذراعه بقهر يحرقها يلف يشوفها تمسح دمعتها بسرعه تعدل شعرها تمد يدها بتعب : سلمان
عضت شفايفها من عطاها ظهره يشد على عزيز الي حاوطه بكل يدينه يهمس له ببتسامه : سلمان ابوي روح الحين وعد بجيك ..
سلمان بدموع : بث دودو تقول لا
شدة على يدها من شافت الي يناظرها يتكلم : سلمان لا تحطينه بينا ماله ذنب ولا لك حق تمنعينه عني .
سفهته تناظر سلمان بغصه تحاول تتماسكها : خلاص خلك معه بس لا تقعد تبكي تبيني ..
حطت الورد على جنب تطلع من المحل بكبره وقفت تلف تناظر المحل تسمح بدمعه نزلت من عينها تقعد على اقرب كرسي تنتظر سلمان تحاوط نفسها من الهواء ...
سكتت يسمع سلمان الي يبكي يتنهد ينزله ينحني يمسح دموعه : تبيها
ابتسم من هز راسه يمسح دموعه بكفه براءة يبعد يده : نفس اختك ونفس العناد بتهبلون فيني يا عيال سعد ..
ضحك من نظرات سلمان المستغربه يقبل خده يقوم يعدل نفسه يمسك كفه يسمع الي مسكت كتفه : وين عزيز .
اخذ نفس يهدي نفسه : امشي معي ولا اسمع لك نفس كافي الي فيني يا سمر ..
ابعدت يدها تمسك كفه الثاني تبتسم : لا تبعد كفك طيب .
ناظرها بطرف عين يمشي تلفت يمين يسار يتأفف : لحول الحين وين القاها .
شهق من سلمان الي ابعد يده يركض صرخ بعولي صوته خوف عليه من السيارات الي تمر : سلمـ ..
ماكمل من شاف الي لفت تسحبه لحضنها تحشر وجها بعنق سلمان الي ينتفض بحضنها تمسح على شعره تبعد وجها تقبل خده تبتسم من مسك وجها بيدينه الصغيره : دودو عذيذ
عقدت حاجبها ثواني بعدم فهم تلف عيونها تناظره واقف تتنهد من عرفت : يا سلمان يا ماما مقدر
مد شفته دليل الزعل تبتسم بتعب : خلاص ولا يهمك يجي ، بس الحين خل نروح تأخرنا مو تبي تشوف البحر
هز راسه بسعاده يقبل خد جوجو الي ضحكت بخفه
تشوف الي تقدم بهدوء يتنحنح : انتبهي له
هزة راسها بهدوء وجت بتمشي بس وقفت من تكلم : جوهرة
لفت ظهرها تبلع ريقها : هلا
شد على يده بتردد : سلامتك
استغربت تناظره ابعد تأخذ نفس من عجزت تفهمه
تسمع سلمان الي طفش تتنهد : يلا ...
-
" بعد ساعات عند البحيره العيال يختارون القارب "
تأففت ربى بعصبيه : ياخي كم مره اقول مانبييي قارب نبي يخت
ضربت كتفها لتين بزعاج : وجع
خزتها تطنش تناظر العيال الي غيرو يختارون يخت تبتسم : اي ماتجون الا بالعين الحمرا
خزها فيصل بحده : لا تخلين احذفك بالهبحر ، عشان جدي بس طفش من ازعاجك
فتحت عينها على وسعها تحط يدها على فمها : جدي تسمع ..
مسك تميم تيشرت فيصل من قدام : شرايك احذفك بدالها .
صفرت بعجاب : تعجبني تعجبنيييي
ابتسم تميم يخفي ابتسامته من مسك فيصل يده يبعده : يا رجال ابعد بس من زينك انت وزوجتك
طنشه تميم يركبون البنات اليخت تقدمت جوجو بتركب بس خافت من المسافه تناظر فيصل الي مد يده ببتسامه : سمي ياجميلتي
انبهرت تبتسم : او الاخو فيصل مدلعنا اليوم
غمز لها من ركبت : وكل يوم .
ضحكت تقعد تعدل قميصها الابيض تبتسم من لتين الي تحلطم من الهواء الي يلعب بشعرها : اوفف
لف الكل على صراخ العيال من شافو عزيز الي لبس شورت قصير ابيض وقميص واسع ابيض مفتوح ازراره من فوق ابتسم على ترحيب الشباب الي اخذوه بالاحضان يحاوط اكتافه تميم : والله لك وحشه يابن الذينه
ابتسم يناظر الي تصرخ : يعني يوم ركبت تجي
ابعد سعود نظارته من شافها بتنزل : اقعدي بنركب
وبالفعل ارجعت مكانها من تحرك اليخت يركبون العيال الثاني ..
كانو البنات يضحكون من خوف الجده مهره : يويلي هو علامه يتحرك يمين يسار انا ليه صدقتكم وافقت
ضحكت جوجو تمسك يدها : ماما مهره هو عادي يتحرك لا تخافين ماراح نطيح الا
كملت ربى عنها تحاول تكتم ضحكتها : الا اذا جتنا ذيك الموجه الي تعصف فينا
شهقت الجده تمسك صدره : اعوذ بالله يارب تحفظنا بحفظك ..
قعدة لتين جنبها تغمز : تبين اجيب لك ثنيان
ضربت كتفها : قلت حياء
قعدت اميره وبحضنها لدن تعدل القبعه عليها : احس بيجي مطر .
فزت جوجو تدعي : يارب الله يسمع منك
دفتها وعد تقعد جنبها : يويلي وحنا هنا
عدلت الهنوف قميص سلمان الي يحن عليها ابعدت شعرها من وجها بسبب الهواء : يا ماما ما يصلح تسبح هنا .
سكتت ياكل فراولة بهدوء تلف الهنوف على وعد : يختي خليه يسبح مع سعد
الهنوف : اشوف
الجده مهره بطفش : نبي قهوه عربيه
مدت ربى لها عصير برتقال تقبل كتف الجده : اشربي عصير بردي على قلبك مهرتي ، وابشري بالقهوه اذا رجعنا
ضحكت من حست بضربت جدتها على ظهرها ..
عندهم حاط ظهره فيصل يصوره ليث ..
شرب تميم عصيره يحط على الطاوله يلف على عزيز بهمس : تصدق ودي ادفه
ضحك بخفه عزيز : ليه؟
هز راسه تميم من شاف فيصل لف ظهره ال ليث عشان يصور التيشرت تقدم تميم يسكت ليث يتقدم يسمع كلام فيصل : اجل عجل
صرخ فيصل من طاح يسكر خشمه يطلع راسه بسرعه يبعد شعره على ورا وبحده يناظر ضحكهم : ياحيوان ، وانت ليش ما تكلمت كنت مخطط معه يا حيوان
رفع ليث اكتافه بهدوء : مالي شغل
فصخ تيشرته يحذفه على ليث الي انحاست ملابسه : وجع
ابعد يسبح يتكلم بصوت عالي : توجعك
ابعد عزيز قميص يبعد شعره يقوم معه سعد يلف يبتسم : اوه عمي سعد
ربت على كتفه يبتسم ينزل عزيز وراه سعد رفع راسه
يمسح وجهه يناظر الي تناظره بخوف يبتسم من حركتها من حطت يدها على قلبها براحه ينزل عينه على سعد الي كان يناظره يشتت عيونه ..
عندهم فزت الهنوف وراها جوجو من شافوهم تمسك قلبها الهنوف : لا ابوه صاحي ولا هو بيهبلون فيني وربي
صغرت عينها ربى : ماش تميم شكله خواف من البحر
ضحكت تقى : هه قلتي تميم ماظنتي
خزتها بطرف عينها : وش دراك
رفعت اكتافها تقى بعدم معرفه تهز راسها ربى
عند جوجو خافت من عجزت تشوفه بينهم تنهدة تحط يدها على قلبها من شافته تتوتر من نظرات ابوها تقعد تستغرب من نفسها بس شكت من خوف تقى عليه مسحت على وجها تتنهد لفت تناظر ربى الي تغني : قمرين قمرين دولل ولا عينيك قلبيي بيسألني عليكك اتريني بفكر فيككك
وقعدت تهز اكتافها يدخلون معها البنات وانواع الضحك ابعدت لتين بخوف من كانت على طرف تناظر ربى تركض تصرخ بخوف من ربى : ياحيوانهه وش تبين
فتحت عيونها على وسعها اميره : خير ترا كلكم بتنغرقون الحين ..
قعدة لتين ورا ضهر الجده : اتحداك تجيني الحين
خزتها ربى تقعد تناظر امها : بركب البراشوت
رفضت تنفخ ربى خدها بتعب : ليه ماما ليه
نفت بتكرار : ولا تحاولين .
نزلت راسها بزعل تتكلم وعد : ياخي شفيكم خليها تركب ماراح يصير شي ان شاءالله
رفعت راسها ربى بسرعه ترسلها بوسه : احبككك
بدة تقتنع عاليه تناظر الي فزت من مكانها تحضنها تقبل خدها : يا اجمل ام احبكك
ابتسمت عاليه تمسح على شعرها : بس بكرا
هزة راسها تبعد تناظر من قربو يوقف اليخت تتنهد : ليه لفه ثانيه ماسويت فعاليتي ..
كح فيصل الي نزل من اليخت تنزل الهنوف وراها جوجو الي اسحبت جكيتها الاحتياطي توقف قدام فيصل : ممكن تنحني
ضحك بخفه يبعد وجه من كح ينزل نص جسمه تحط الجكيت على اكتافه تشد عليه : البسه لا تبرد هواء
قربت الهنوف تلعب بشعره الي ينقط مويه : الله يسامحك يا تميم ..
مسك يد ربى الي انزلت يساعدها يسحبها من كانت بتبعد يرد على الهنوف : وليه ياعمه ؟
خزه فيصل تتكلم الهنوف : دفتك له الله يصلحك
قرب تميم يضرب كتف فيصل : لا ذيب ان شاءالله ولا يافيصل
مسك كتفه فيصل : وجع
نزل الكل ينزل هو اخرهم عاري الصدر يرجع شعره على ورا رفع راسه للي قربت تخط يدها على خصرها : تستر
ابتسم يسحب قميصه يسكر اخر زرين تحت يفتح ذراعه : والحين
ابتسمت تقرب تحضنه : زين ، اشتقت لكك عزيززز
قبل راسها يتنهد : وانا اكثر ياروح عزيز
ابعدت تناظره تعقد حاجبها : وين سمر ؟
رفع راسه يناظر الي عند فيصل تشتت عيونها عنهم من سمعت كلام تقى يتكلم ونظراته عليها : ااي موجوده موجوده بتجي
استغربت نظراته تلفت بس بسرعه مسك وجها يلفها عليه يبتسم : اي وش صار بدنياك بدوني ؟
مشى يحاوط اكتافها تسولف عليه وهي مستغربه تصرفه بس سفهت تكمل عليه كل شي صار بدونه
-
وصلوا الكوخ وجتمع الكل بكوخ البنات بطلب الجد ثنيان نزلت لتين تسمع سوالفهم وضحك اميره تتقدم ببتسامه : شفيك ؟
اشرت تناظر فيصل الي منسدح ويتحلطم : يمه جسمي متكسر وراسي مصدع وحس بحراره
عدلت هنوف راسه : تستاهل
تأفف : يمه في ام تقول لولدها تستاهل تبيني اموت
ضربت كتفه بغضب : اي انا ، بعدين لا تطري الموت على السانك استغفر
تنهد يلف على الي تضحك يبتسم : هلا والله ام لدن
ابتسمت اميره من بعد ضحكها : هلا فيك
ابتسم يسكت بحترام من نظرات يزيد ناظر الي تعدل الطوله وتحط الشوكلت : جوجو جيبي لي
نفت تكمل شغلها تلف على ركض تقى الي انزلت تفتح الباب للي دخلت وراها شخص يتنحنح : ياولد ..
عرفت صوته تدخل تسحب طرحتها تشوفه يدخل ويصد بعيونه عنها سكتت بهدوء تكمل تطنش الي ماده يدها بسخريه : ما تسلمين
رفعت راسها جوجو تبتسم : ما عليش ما شفتك
شدة على يدها سمر تبعد جوجو تخزها تقعد جنب لتين تسمع جدتها : اي ياسمر يمه مافيه شي بطريق
ضحكت وعد بخفه : ممدا يمه
حمر وجه لتين الي امسكت ضحكتها تلف على الي تناظر بسكون تتكلم سمر تترك فنجالها ببتسامه : قريب نقول ان شاءالله عاد اول من يدري انتم
مسحت على كتفها الجده مهره : عسى ربي يرزقكم يارب
ولفت على جوجو الساكنه والهاديه : جوهرة يمه
ماسمعت تنادي مره ثانيه : جوهرة
فزت ترفع راسها : سمي امي
ابتسمت الجده مهره : علامك امي انتي
ابتسمت : مافيني شي لا تحاتين بس سهيت
شدة ركبتها تلف على الي تتكلم ببتسامه : إلا جوهرة متى ناويه تتزوجين
ابتسمت جوجو تعدل طرحتها وهي عارفه انه يسمع : بالوقت المناسب ان شاءالله وعد اول من اعطيه الخبر انتي و اول الحاضرين بعد .
شدة على سبحته يسمع فيصل : والله جوجو جوها عالم ولا سلطان مره مصر الولد عرفته يبه ..
تكلم سعد بهدوء : ونعم فيه سلطان رجال ولا ينخاف على جوجو معه ..
نزل فنجاله يقوم يحس بملامح وجه الي تحرقه يبتسم بحده واضحه : عاد انا استأذنكم بروح ارتاح .
لف على سمر وهو يناظر الي معطيته ظهرها وبنبره حاده : سمر بتجين ؟
ابتسمت : لا بقعد معهم شوي ثم اجي
هز راسه يطلع ابتسمت ترفع حاجبها بالي تناظرها : اتوقع شفتي بعينك
سفهتها تلف طقت ربى كتف جوجو : ذي ليش ماتذلف
رفعت اكتافها جوجو بعدم معرفه ..
-
" باليلل "
راحو العيال للكوخ حقهم وبعضهم نام ونفس الحال عند البنات نام الكل الا هم ..
حطت جوجو كريم على بشرتها تسمع ربى : يابنت تستهبلين نطلع بهاليلل لو درا جدي وش بيصير فكينا من المشاكل
قعدت على السرير قدامها : جوجو قلبي ياخي والله محد داري بعدين سوبر ماركت قريبه
لفت جوجو ببتسامه : لا تكذبين بعيده
لعبت بظافرها : هو صح بعيده شوي بس عاد مقدر اصبر نبي نسوي اكل والاغراض ناقصه
خلصت جوجو تقوم : طيب روحي مع اميره ولا لتين
ضحت بسخريه تنسدح : نايمات ماشاءالله مايحسون بالجوع ..
لمت جوجو شعرها ذيل حصان تلبس البالطو حقها تناظر ربى المستغربه : مو تبين نروح ؟
هزة راسها بالاجابه تخزها جوجو : اجل قومي بس بشويش
فزت تسحب جكيتها تنزل بشويش افتحت جوجو الباب بخفيف تطل من راسها تلف على ربى بهمس : يلا بس بشويش عشان ماصفقك
طلعوا تسكر ربى الباب خلفها بشويش تتنهد جوجو براحه : اخيرا قسم قلبي طاح في بطني
دخلت ربى ذراعها بذراع جوجو : قايله لك ، بس الحين مين يسوق فينا
ضحكت جوجو : بتمشين ياحلوه
انصدمت توقف : نعم
مشت جوجو طنشها : عاد هذا الموجود تبين ولا رجعنا
تقدمت تمشي بخوف تلف تناظر يمين يسار : يمه
لفت جوجو بتوتر نفسها : شفيك ؟
سكتت يكملون مشي بعد دقايق وصلوا تتنهد ربى براحه : يوه اخيرا بقى هم الرجعه
مشوا يأخذن الاغراض الناقصه تتكلم جوجو وهي تشوف ربى تختار شيبس : بروح قسم المعلبات تمام
لفت ربى : تمام
مشت تدور وكانت السوبر تقريبا فاضيه من الناس وهذا الي زاد خوف جوجو وغير كبر السوبر ماركت
ضربت جبينها من جوالها الي مو معها تدق على ربى
توقف نبضها من حست بوجود احد وراها من كانت بتصرخ من لمس اكتافها بس كتم صوتها تطيح الاغراض من يدها ...
-
قام يشرب له ماء يشوف فيصل الي يتابع بالصاله وجنبه تميم : ماجاكم النوم
هزو بنفي يبعثر شعره عزيز يناظر الاجواء يلف عليهم : شرايكم نطلع
تعدل فيصل بتعب : ونمر السوبر ماركت مشتهي برتقال
ضحك تميم : اثر السخونه شكلها بدت
ابتسم عزيز يعدل التيشرت وياخذ المفتاح من شافهم قامو يبدلون :
يلا لا تأخرون ..
-
" عند ربى "
اندمجت تختار الشبسات تنهدة ترجع الشبس الي بيدها تتلفت تستغرب : علامها تأخرة ؟
عدلت الكاب عليها تسحب العربية معها تتأفف من كبر السوبر ماركت : اوف الحين وين بدورها .
لفت على قسم الحلاويات تتراجع بسرعه من شافت فيصل تكتم نفسها : ذا وش جابه اكيد معه العيال ، لحول تكفين جوجو وينك .
تقدمت تنزل الكاب على عيونها تمشي من عند فيصل
ضربت طرف الحافه تتوجع : اه
حطت يدها على شفتها من لف فيصل المستغرب من صوتها يسأل : من انتي ؟
مشت تتجاهله تزيد استغرابه تنهدة من طلعت من هالقسم ترفع راسها تبعد الكاب تعدل شعرها ترجعه
تلاقت عيونها على الي واقف يختار شوكلت وجنبه عزيز نزلت راسها بسرعه من لف يعقد حاجبه من لمح شخص يناظره يستغرب يلف على عزيز : اسمع بروح ادور لي شي وا ارجعلك .
هز راسه عزيز يروح تميم وراها يناظرها تدخل بين الاقسام يكمل خطواته معها كانت حاسه فيه انه وراها تبي تضيعه بس عضت شفتها بقهر : اعوذ بالله ذا ماضيع .
ارتبكت من جا جنبها يمشي ويدينه داخل جيوب بنطلونه زاد ارتباكها الهدوء حقه الي يرعبها وقفت من جا قدامها يبعد الكاب تغمض عينها يبتسم بسخرية
يرجع الكاب عليها : افتحي عيونك بسرعه قبل لا اعصب
فتحت عين وعين لا يخزها : تعدلي
تنهدة تستسلم تبعد الكاب تناظره بهدوء : تميم
مد يده على شفتها يسكتها : اش ولا كلمه
سكتت يسحب كابها يعدله عليها ينحني براسه يناظر عيونها يخفي ابتسامته يتعدل بوقفته يحاوط كفها يمشيها وراه تعقد حاجبها من عدم عصبيته عليها بس عدلت حواجبها من لف يناظرها يشد على كفها يمشي خارج السوبر توقف يلف عليها تتكلم : تميم اترك بروح اشوف جوجو .
عقد حاجبه يبعد كفها : الجوهرة معك ؟
هز راسها ياخذ جواله يتصل تناظره : ليش ؟
ناظرها بطرف عين : بشوف فيصل يشوفها وبنتفاهم على الي قاعدين تسونه
عدلت خاتمها بهدوء : اصلن كنت بستغرب لو ماعصبت ..
-
داخل السوبر ماركت تأفف يترك الاغراض على جنب يدور على جوجو الي استغرب وجودها هنا من مكالمة تميم لف من سمع صوت
يوقف يناظر البنت الي تحاول تبعد الرجال الاجنبي الي وراها يستوعب من لفت جوجو ترجف يده يتقدم بهدوء يرعب جوجو
من تقدم يضرب جبينه بجبين الرجل الي تراجع على ورا يفك جوجو الي ابعدت بسرعه بقرف تحاول تمسك ذراع فيصل الي طاح ضرب فيه صرخت من الرجال الي لف فيصل يلكمه بشكل مرعب بدون ادراك منها تاخذ علبة القزاز تضربها تحت راسه تبعد على ورا بخوف من طاح على جنبه يون تركض ال فيصل الي قام يمسح شفته بالم يناظر الي واقف ورا جوجو يتقدم بستغراب من وجودها يناظر فيصل جا بيتكلم بس وقف من الي قام بتعب يقرب من جوجو بيمسكها بس وقفه الي تقدم بسرعه يوقف بينه وبين جوجو الي حس بتمسكها يمسك ذراعه يلويها ببتسامه سخرية : شكلك جاني على نفسك ..
لكمة يضربه بعنف مرعب يتقدم معه فيصل ترجف من اشكالهم تصرخ عليهم تحاول تبعدهم تلفت بسرعه من الشخص الي جاء يبعدهم تتقدم تمسك ذراع عزيز وبترجي : عزيز تكفى ابعد لا توصخ يدينك فيه ابعد
بعد عزيز تتراجع معه ورا ولا زالت ماسكه ذراعه يلف لها يشوف نظرات عيونها يتنهد يبعد وجهه يتكلم : وش كنتي تسوين هنا ؟
ابعدت يدها من ذراعه تحط يدينها على وجها من حست بدوخه تداهمها يلف من ماسمع صوتها يناظرها بخوف : جوهرة !
لف بسرعه الفيصل الي دايخ بالمثل من الم خشمه يرفع راسه بتعب من نداء عزيز : سم
تقدم بخطوات عجله يبعد يدين جوجو ينحني براسه : جوجو
هزة راسه تمسح على جبينها تناظره ترفع كفها على حاجبه تمسح على خده بحنيه : جرحك فيصل .
قبل يدها الي على وجها يسحبها الـ حضنه يتنهد : اهمشي انتي ، انتي جوجو
كان يشوفهم يبتسم بهدوء يشوف الي اخذوه يسمع صاحب السوبر الي بلغ يلف عليهم يتنهد : بلغ ابن الذينه
تأفف فيصل : يارب استغفر الله
ابعدت جوجو عن فيصل تناظر عزيز الي حاط يده على خصره يمشي ويرجع بتفكير خافت من انحنى يمسك صدره تتقدم خطوه : عزيز
ابعدها فيصل يرفع حاجبه بعدم اعجاب بالي تسويه
ترجع بهدوء رفع راسه يسمعها يشوف فيصل الي ابعدها يعض شفته يقوم يناظرها بهدوء : بخير بخير
-
" قسم الشرطه "
حاولت تبعد الي بيدينها بالم تبعد شعرها على ورا من حجب عليها تحس فيه من حط كفه فوق كفها ترجف تلف عليه من كان قريب يتكلم بهدوء : لا تجرحينها
هزة راسها تبعد يدها تناظر الغرفه المظلمه الي دخلوها واضاءة خفيفه تتلفت : فيصل وينه ؟
سحب يده بيقعد تتوجع : اه
يعض شفته من وجعها من الكلبشه الي بيده ويدها مع بعض يقرب يشوف الجرح الخفيف الي بيدها تتنهد تناظره : حصل خير .
رجع راسه بتعب يسمعها : شنسوي الحين .
تعدل يرفع اكتافه بهدوء : نتظر لين ربي يفرجها
جوجو وهي تقرب بتقعد تلف عليه من كان واقف: بقعد
ابتسم بهدوء يمشي معها يقعد تناظر المكان بوحشه واصوات السجن الي يلج بالاجانب تبلع ريقها تلف عليه تشوفه مسكر عينه تهمس : ماشاءالله كيف مرتاح
فتح عين وحده يناظرها : من قال
لفت وجها بسرعه تبعد تتوجع من شد على يدها الكلبشه يتكلم : يا ابوي بشويش تراك مو لحالك
خزته تتأفف تشوف الباب الي انفتح يدخل تميم وراه ربى وفيصل الي تقدم بلهفه : جوجو
جت بتقوم تعض شفتها من ماقدرة تناظره : قوم
خزها يهز راسه بنفي تفتح عينها على وسعها : عزيز
ابتسم من نطقها وعصبيته يستفزها : عيونه
لفت وجها تقعد بغضب تسمع فيصل : عزيز وجع قوم ابي اختي
سكت عزيز يشوفها تتكلم : شلون طلعت
اشر فيصل على تميم : المحزم
ناظر عزيز تميم ببتسامة سخرية : وخويك
تنهد يمسك الحديد بيده : عجزت فيهم وكلمت عمي سعد
ضرب جبينه فيصل : الله يقلعك يالغبي
تأففت جوجو تناظر ربى الهاديه تستغرب تصغر عيونها : ربى
رفعت الكاب عن وجها تتكلم بعجله : جوجو وربي اسفه كله من انا السبب انا الي وصلتك هنا لو صار علـ ..
قاطعها تميم الي مد يده يسكتها يلف على جوجو الي ضحكت : وانتي وش دخلك
ابعدت ربى يد تميم تمسكها تتكلم بندم : خلاص يخلوني مكانك
فيصل : صح
مد يده تميم يضرب راس ربى وفيصل ويلف عليها : اهجدي العقاب مو بسجن العقاب اذا جينا هناك وانا عارف ان البلاء منك .
لفو من سمعو صوت العسكري الي بيطلعهم يهز فيصل راسه بنفي : ما اطلع الا مع اختي
ابتسمت جوجو تكتم ضحكتها : احبك
ارسلها بوسه يبتسم : اعشقك
تأفف عزيز يتكلم بتضجر : يا رجال اطلع وفكنا اختك بتجيك
خزه فيصل يطلع بعد محاوله لفت عليه ترفع حاجبها : اسلوبك
سكت مايرد ترجع راسها على ورا تنتظر بملل ..
-
" الكوخ تحديد غرفة اميره ولتين "
قامت تعدل بجامتها تسحب الوشاح عليها تمشي بهدوء تطلع من الكوخ من عجزت تنام من الكوابيس الي تجيها تأخذ نفس تناظر الاجواء بنبهار تلفت من صوت الباب الي تسكر تشوفه جاي لها تبعد عيونها
من تقدم وراها يقعد على الكرسي الي يقابل الجبال يتكلم وهو يناظر قدام بهدوء يضرب بيده بخفيف على المكان الي جنبه : تعالي .
توترة من تشوف الكرسي الي مايكفيهم تهز راسها بنفي : هايف تستهبل .
لف لها يزحف : يلا
تنهدة تستغرب من نفسها انها جت جنبه بهدوء وكان مايفصل بينهم شي تحس بيده الي ورا ظهرها تشد الوشاح عليها اكثر تسمعه : تبين نبقى كم يوم من بعدهم ولا نمشي معهم ..
فركت يدها تتكلم بهدوء : نروح معهم، اصلن ليش نقعد اكثر ؟
ابتسم ابتسامه جانبيه يشوفها م نزله عيونها عنه يبعد كفها من احمرت : يمكن عشاني بختل فيك ونعوض السفره الي ..
تقاطعها تبعد يده بتقوم بس كتمت شهقتها من سحبها من خصرها يقعدها يرفع حاجبه : اثبتي لتين اثبتي
ناظرته بحده : ابعد يدك
شد اكثر تغمض عينها بقهر تسمعه : ببعدها بس اذا قمتي بتشوفين شي مايسرك .
تنهدة من ابعد يده تعدل الوشاح عليها تلف عليه : شتبي الحين ، جاية برا عشان اقعد مع نفسي
ناظرها يشد على اسمها : لتين
خزته تتكلم مثله : هايف
كتم ابتسامته يلف عنها يناظر الجبال و الأجواء وهي جنبه تتوسع ابتسامته غصب من يحس بسكونها جنبه
وتأملها لسماء ولمعت عينها الي مايحب يشوفها يعرف هالمعه لمعت حزن يتنهد تلف عليه بهدوء : شفيك ؟
سكت ثواني يتكي بيده على راسه يناظر عيونها الي بدت تغفي يبتسم ولا يدرك يرد عليها : انا الي اسأل شفيك ؟
هزة راسها بنعاس تميل راسها على كتفه والهواء يلعب بشعرها تحس بتبلل خدها من دمعتها الي نزلت تخاف وكثير من الكوابيس الي تمر عليها تخاف تنام وينعاد عليها الي تشوفه غمضت عينها من حست فيه يقربها منه اكثر يحاوطها يقبل راسها مده يبعد يحط دقنه على راسها يمد يده الثانيه يمسح على خدها عض شفته من حس بدموعها : لا توجعني طلبتك بهدموع كافي دموعك الي تنزل مني وتحرقني ليومك
هزة راسها تحط يدها على صدره وبنبرة تحرقه: انا ما ابكي ..
سكت وهو يعرف ان صار لها فتره ما تنام جا بيبعدها بيشوف وجها بس غفت يشوف يدها الي على صدره وشدها على التيشرت حقه يعدل الوشاح عليها يشد عليها من الهواء يسند راسه على راسها : متى يا لتين متى ..
-
" عند قسم الشرطه "
دخل سعد عليهم يقوم عزيز يلف على الي قاعده تتنهد تقوم يطلعون يفك عنهم الكلبشه يناظرها : من متى جوهره تطلعين من أوامر جدك وبدون ماتقولين لحد ها ؟
رفعت راسها بهدوء تمسج يدها : شي صار وانتهى واخر مره بنعيدها الحين عادي نمشي .
شد على يده من اسلوبها معه ونظرات عزيز لها يتكلم : يلا
مشت قبلهم تطلع يلف سعد على عزيز : تذكر انك متزوج
عقد حاجبه عزيز بعدم فهم يشوفه يطلع يمسح على فكه بتفكير يتنهد من عجز يفهم يطلع وراه يناظرهم اركبو وبعد دقايق اوصلوا الكوخ ينزلون توقف ربى تتراجع من كان الجد واقف عند باب الكوخ ويدينه ورا ظهره يناظرهم بهدوء همست ربى لجوجو : لا بنروح فيها .
ابتسم الجد بسخريه يبعد عن الباب : ادخلو .
ارتبكو يدخلون كلهم ورا بعض وقفت ربى الي صدمت جوجو من ورا الي تهاوت من بغت تطيح على عزيز الي ثبتها بيده من فوق ظهرها تضرب ربى : وجع
الكل قايم وقاعدين يناظرونهم يتقدم الجد لجوجو وربى الي ابتسمت بربكه بتقدم تقبل راسه بس ابعدها بيده : وراك
مدت شفتها بزعل توقف جنب جوجو تسمع جدهم الي يتكلم بغضب واضح : يعني كسرتو كلمتي
رفعت راسها جوجو من كانت منزلته بسرعه : لا والله بس
قاطعها بيده : ولا كلمه وبعدين ارفعو روسكم ولا عمره ينحني ، وانتي يا جوهره
سكتت جوجو تهز راسها من عرفت من قال اسمها زعلان بالحيل : وانا اقول العاقله بينهم جوهره الي ماتكسر كلمتي الي تحرص عليهم اكثر مني وش صار الحين ، اما عاد الي جنبك فا انا غاسل يدي منها .
رفعت عيونها ربى ودمعتها على طرف : جدي
غمض عينه بتعب يلف على العيال : وانتو
رجع يدينه على ورا فيصل : حنا مالنا شغل عليك فيهم هم
احتدت ملامح ربى تتكلم بقهر تتقدم عن جدها : بابا ثنيان اسمعني حنا قلنا لهم يروحون معنا بس ارفضو والاغراض ناقصه و مانقدر نتحمل الجوع .
صفق بيدينه الجد بضحكه : يعني فوق انك غلطانه تكذبين ياربى
صفقت جوجو راس ربى يسمعون كلام جدهم الي ضرب العصا يلفون عليه الكل : من بكرا الصباح بنطلع من الكوخ والكل ياخذ له فندق ولا اشوفكم مجتمعين مع بعض ، ونتي وياها قدامي الحين للغرفة والباقي على النوم بكرا بنقوم بدري ..
ولف على العيال : وانتو لو اشوف واحد منكم طاب هنا كسرة رجله .
اشر فيصل على خشمه : على هالخشم
لفو على دخول لتين وهايف الي دخل وراها يسكر الباب يخزهم الجد : وانتو وينكم
هايف بستغراب يناظرهم : مع زوجتي علامكم ؟
خزته لتين تأشر على برا : كنا برا
هز راسه الجد يدخل للغرفه يلف فيصل عليهم بهدوء ينفجر وينفجرون معه ضحك الا عزيز الي ضحك بخفيف يطلع تتقدم لتين لربى : شسالفه ؟
جت بتكلم يفتح الجد الباب يناظرهم يوقفون ضحك ويخز جوجو وربى : ما قلت تعالوا .
سحبت جوجو ذراع ربى يدخلون يسكر الباب خلفهم
يقعد على الكنبه يأشر لهم يقعدون : علموني شسوي فيكم كل العقابات ماتنفع معكم .
تقدمت جوجو تحب راسه تمسك كفه : والله اخر مره والحين لا ترفع ضغطك علينا ارتاح جدي .
تنهد يمسح على كفها : انا ضامن انك ماتعودينها يا ابوي انتي معن زعلان عليك بس
لف على الي تشتت عيونها بالغرفه : بس ربى
لفت بهبل تأشر على نفسها : انا
الجد ثنيان : انتي مافيك طب شكل هالمره عقابك بيكون مختلف ؟
قعدة على ركبتها قدام جدها يبتسم : بتروحين تعيشين عند زوجك
ضحكت بخوف : الله يهديك جدي منهو زوجي ذا
غمزة جوجو تهمس لها : تميم
فزة تحب يدين جدها بتكرار يضحك يضرب راسها بخفه : لا تحاولين بس بعد تخرجك .
ابعدت تسكت تناظره : مره يعني مصر
هز راسه تقدمو يحضنونه ويطلعون ورجع الكل ينام
بعد الاكشن الي صار ..
-
" الصباح "
وكان بكرا اخر يوم لهم بسويسرا قام الكل يجهز اغراضه وينزلونها لسيارات تأففت ربى تنزل اخر شنطه
يطلعون العيال يسكر ليث وراه الباب بالقفل يمده للجد اخذت جوجو لدن من اميره تركب وراها البنات
بعد ساعات وصلوا ينزلون تقدم الجد والعيال يحجزون جناح خاص لكل عائله راح الكل يرتبون اغراضهم ينزلون بعد دقايق يفطرون مع بعض عدلت لتين نظارتها تشوف الي قرب يقبل راس ربى يقعد جنبها تشتت عيونها تشرب من قهوتها برود تحس بنظرات ليث لفت على الشخص الي قعد جنبها يعدل شعره يخز الي قدامه : صباح الخير
رد الكل يلف عليها محاوطه كوب قهوتها بسكون تلف بهدوء عليه : افطر هايف
هز راسه يفطر يسمعون ربى وجوجو الي جنبها : ابي انام
جوجو بنعاس : اي والله
نزلو العيال كلهم يروح تميم الجهه الثانيه ورا ربى يضرب راسها بخفه وببتسامه : صباح الخير ، صحصحي
رفعت راسها تشوفه قعد ورا ابوها : يعني الناس تصحى بهدوء بلطافه انت تضرب راسي ليه ؟
رفع اكتافه يحرك قهوته : عشان تصحصحين
قامت جوجو تبعد كرسيها من سلمان الي ركض لها تحضنه تبتسم من كلام اميره الي توكل لدن : اذا سلمان حنيتك عليه كذا كيف بنتك اخ مقدررر
رفعت حاجبها جوحو من سلمان الي قعد بحضنها يتكلم : لا انا ووبس
ناظرته تصغر عينها : والله وكبرنا
ابتسمت ربى تلعب بشعره : والله اختك بتزوج وتشوف حياتها وبتجيب عيال وتصير خالهم يعني ماراح تقعد عندك .
عقد حاجبه بعدم فهم تضحك جوجو تقبل خده ترفع راسها للي يناظرها تبعد على ورا من سلمان الي نزل من حضنها يركض لعزيز الي فتح ذراعه له ..
فيصل : الحين سؤال اخوك من انا ولا عزيز ؟
ابتسم عزيز من سلمان الي يأشر عليه : خلاص قالها ضف وجهك
توعد فيصل بسلمان الي ضحك يقومون بعد دقايق
لوجهتهم وكان مودهم مود لعب وصلو يناظرون العالم الي تلعب وتصرخ ينهبل ليث : علامهم ذول
ضحك فيصل يتقدم يأخذون تكت على عددهم
وكانت لعبه عباره عن جسر معلق بأعلى الجبال يتقدمون العيال وراهم البنات رجفت لتين من حطت رجلها من اول الجسر تغمض عينها من الارتفاع : يمه
سحبتها ربى من يدها : يابنت استمتعي .
اما جوجو تصور وهي تمشي واميره نفس الشي ضحكت ربى من تقى الي يدينها ترجف : منجدكم خايفين .
شدة على جوالها بخوف تقى : ربى اكلي تبن .
انفجرت ربى اكثر من تشوف ليث الي ماسكه رجلينه بنص الجسر ومسكر عينه : اخ ياربي وجيهكم مو وجيه مغامره .
ناظرتهم جوجو تضحك بخفه : العالم تناظر مصدومه
قربت ربى تمد يدها ال ليث الي سحب عليه فيصل تحاول تمسك ضحكتها : يلا هات يدك
رفع وجه يخزها من ضحكت تطيح معه يمسكها بسرعه خوف تطيح وبصدمه : مهبوله انتي
عجزت ترد عليه من ضحكها تقومه يحاوط اكتافها ومسكر عينه مدت يدها لعيونه : ياخي افتح استمتع
فتح بعد محاوله يناظر الجبال يبتسم : سبحان الله
وصل الكل لنهاية يتنهد ليث يخز فيصل بقهر : لا تتكلم ولا تتنفس
فيصل : والله انصدمت طلعت خواف
تميم وهو يربت على كتف ليث : ماهقيتك والله
ضحك عزيز بخفه : ماشاءالله عاد تميم المفروض تأخذ منه ماخاف ابد تبارك الله
فتح عينه على وسعها تميم يتوعده يمد يده عزيز لفمه بسكوت اركضت ربى لهم : يلا بنروح لثانيه .
تقدم تميم لها يحاوط اكتافها : تعلم ياليث من اختك
ناظرته بطرف عين : اطقطق
هز راسه بنفي يشوفها ابعدت تلعب ومعها البنات
تأفف فيصل : والله هم الي حللو السفره
سعود: معليك هي سفره عائليه يغيرون مودهم وسفرتنا حنا قريبه ان شاءالله .
ليث بتأيد : صح بعد العيد
هايف مشى يتكلم : مو معكم انا
خزه فيصل : يعني متزوج مقدر احسن توفر .
بعد مدة طلعوا لحديقة عند النهر يضبطون البنات الجلسه على الغروب وسعد يضبط القهوه والعيال متكين على بعض يسولفون ونفس الشي عند البنات
ابعدت جوجو تصور الغروب مع النهر بنبهار ترجع لهم توري البنات الصور انسدحت لتين على فخد جدتها يتقهون كلهم حول بعض اخذ فيصل الفنجال من جوجو يسمع جدهم : انتبهو لغراضكم بنمشي بكرا
لتين : قهر احس تونا وبعد في اشياء ماسوينها
ابتسم الجد بحزن من كان بيمدد السفره ويطلعون
اليطاليا بس التعب الي بدا يزود عليه وعمليته الي قربت رد عليها : في سفرات جايه بأذن الله .
اخذ سعود لدن الي عند اميره يقبلها ويعض خدها يضربه يزيد : خير بشويش يالعنيف ترا ابي بنتي
طنشه سعود يحضنها يقعدها بحضنها يعطيها جواله الي قاعده تدخل في فمها الصغير يضحك : لا يابوي انتي مو كذا
فتح جواله يشغل لها ويصفق بيدينه لها تنقز بحضنه وتضحك ماقدر يتحمل يقبل خدها بقوه ومدت بوزها بدموع يحضنها يضحك : خلاص وربي اسف بس شسوي اذا انتي كذا حلوهه
ابتمست اميره من حنية سعود وحبه للاطفال تخيلت الي بحضنه بنته تنهار تحس بدموعها الي على طرف
تسحب منديل تحطه على مدمعها تناظر ابوها الي حاوط اكتافها يقرب راسها يقبله تبتسم ..
عضت شفتها تقى من جمال ضحك لدن : اخخ ثعود تكفى عضها مقدرر
رفع راسه سعود ببتسامه متوسعه الي سببها لدن تبان غمازته الخفيفه : ابشري
عض لدن الي بكت يسحبها هايف من سعود يضربه : اخذت حقك وانا خالك .
ضحكت اميره : لعبتو في بنتي .
سكتت تناظر يزيد الي صاير يرعبها من سكوته معها
ونظراته الهاديه تتجاهل تلف على ابوها : جيبو حفيدتي
قام هايف يمدها الـ ابوه بس قبلها قبل خدها بشده يبعد لمكانه ابتسم فيصل يطق كتف ليث : اغيب بكيفي او ارجع واتفنن واذكر الناس فيني مانسوني
ضحكوا من دخوله يغنون معه كلهم تعتلي اصوات البنات يرتفع صوت ضحكهم من قام سلمان يهز اكتافه مثل فيصل تصور جوجو تسحب ربى علبة الشوكلت تطق يتحمسون يقوم ليث يمسك يد جدته وجده يرقصون تضحك لتين بنهيار من الجده مهره الي تحمست وتنتهي اخر ليلة لهم بسويسرا وبدا الكل يرجع من بدا المكان يظلم عليهم ..
-
وبعد ما الكل نام وينتهي يومهم السعيد و صار الجو هدوء طلع سعد للبلكونه وتنهد كل مايذكر الاشغال اللي تركهاا وراه و ضغط الشغل والعمليه اللي ماخذه باله و كيف ولد بسن المراهقه يذبح اهله بدم بارد اخذ نفس يقطع تفكيره دخلت الهنوف اللي بكل هدوء مدت له كوب الشاي اخذه سعد بابتسامه : هالكوب وراه شي والشي اعرفه
قعدة تحاوط كوبها تناظره : ابد ولاشي بس نومت سلوم و لما دخلت الغرفه ما حصلتك وعرفت انك متضايق او بالاصح من سافرنا وانت مشغول بالكك حتى لو حاولت انك تتناسى ماتقدر
تنهد سعد و ناظر فيها : ماكذب عمي ثنيان لما قال تقدر تكذب على الناس كلها الا الهنوف ..
مسح على راسه يجلس جنبها يحاوط كفها نزلت كوبها وشدت على يده تناظر عيونه : مهما صار بينا تراك تبقى زوجي و ابوا عيالي وابقى صندوق اسرارك
تنهد يلف لها : وش اقول ياللهنوف وش ابقي من ناحيه الشغل و الا الشركه ولا اخواني اللي شايل همهم ولا اهلي امي ووعد ..
الهنوف باستغراب وعصبيه و وخرت يدها من يده: ليه سعد انت ماتركت شغل المباحث ؟
تنهد يبمسك كفها يشد عليه : تكفين يالهنوف لاتصيرين انتي والدنيا علي ايه انا تركته بس هو ما تركني بعدين هذي الشغله مزروع حبها في قلبي ولا يمكن اتركهاا صار شي انا متاكد انك لو تعرفينه ماراح تلوميني
سكتت تنتظره يكمل ، قال : تخيلي قبل امس جاء للدفاع المدني بلاغ حريق من ولد عمره مايتجاوز ١٢ سنه كان يبكي و منهار ويقول تعالوا بسرعه اهلي راحوا و من هالكلام ولما وصلوا البيت اخمدوا الحريق اكتشفوا ان الحريق مفتعل وان الجثث متوفيه قبل الحريق بأكثر من ٢٤ ساعه لان كانت الجثث فوق بعض و ريحه الجثث ، واكتشفنا انها عائله مكونه من ست افراد بنت تبلغ من العمر ١٩ سنه اسمها هيا و وولد كبير اسمه خالد عمره ٢٣ سنه و ولد اسمه عمر عمره ١٢ سنه و طفل اسمه هتان عمره مايتجاوز ٤ الى ٥ سنوات
الاب اسمه ناصر و الام اسمها مريم ومانجا الا هيا و عمر !
و كانت ردت فعلهم غريبه مره وبكذا لاازم نرجع بسرعه
ابتسم من شاف الدموع الي بعينها تتكلم : لا سعد مستحيل مستحيل يكون اللي في بالك حرام عليك
ابتسم يقبل يدها : يام دميعه مافيه شي اسمهه مستحيل اه ياحنيتك ياهنوف ، تعالي
تقدمت بتردد تحط راسها على كتفه يمسك يدها : تدرين وش اكثر شي خايف منه .
الهنوف رفعت جزء من راسها تناظره : ايه اعرف واللي هم اخوانك ووعد وهذا الشي اللي جالس معنا عشانه ، سعد لاتخاف من شي يمكن يصير عش يومك لاتفكر وش منتظرك بعدين تفائلوا بالخير تجدوه ، ومتى ماتبينا نرجع راح ارجع معك انا وسلمان والعيال بكيفهم
قبل راسها يشد عليها يبتسم بشكل خفيف : يابلسم جروحي فعلا بعد مـ
قاطعهم دخول فيصل يوقف عند الباب يغمز : اويلي على طيور الحب
خزه سعد : العالم تطق الباب
ضحكت الهنوف بخجل تبعد تناظر فيصل الي جاء عند رجلينها يقبل يدينها يناظرها : امي جوعان
سعد : اي والله اني جوعان
ابتسمت تمسح على شعر فيصل : منجد بس وش تبون اسوي ؟
سعد بضحكه يقوم يعدل لبسه : ومن قال لك بتطبخين انا اللي بطبخ
فيصل بمزح يضرب جبينه : تكفىى قل غيرها
سعد خزه يقومه : وش
فيصل ابتسم يقبل راسه : ابد سلامه عمرك انا بروح انام
سعد سحبه قبل يطلع : لا انت اللي بتقصص البصل
و على اصواتهم العاليه قامت جوجو الي دخلت بنعاس تشوفهم تعدل شعرها : وش صاير
الهنوف اللي كانت حاطه يدها على خدها وتناظرهم وهم يتهاوشون : ابد بس بنتسمم
سعد لف عليها يطلعون من الغرفه : ماهقيتها منك
جوجو بنوم تحط راسها على الطاوله : اصلا انا من كثر ما اني جوعانه راضيه اني اتسمم
ابتسم سعد من منظرها : هيا الى المطبخ
ناظرتهم الهنوف بطرف عين : غسلوا يدينكم
تقدم فيصل يفرك يدينه : افا عليك اول شي نسويه
لفت جوجو بنعاس على الهنوف : ماما ما اثق تعالي نراقب الوضع
وجلست الهنوف و الجوهره على الطاوله و سعد اللي يقص اللحم و فيصل اللي دموعه تقوطر على البصل
و الهنوف اللي صرفتهم انها مسويه دايت قاعده تاكل توست ..
دمع فيصل يبعد السكينه : اه مقدر خلاص
ضحكت جوجو بخفيف تحط يدها على خدها : احسن
فزت من مكانها من قام يلحقها : تعالي انتي الي بتقصينه جوجوو
ضحكت تدخل الغرفه تقفل الباب خلفها رجع بحلطمه للمطبخ يترك السكين : انا مو قدها يبه عطني شي ثاني
هز راسه بنفي يبتسم من قعد يقصص بتعب ..
-
" هنا الرياض "
اوصلوا بعد ساعات متواصله لسعوديه تحديد الرياض
واتجه الكل لبيته ودع الكل يمشي للمستشفى بدون علم احد وصل وبدا يلبس لبس العمليات ويقرا القرآن
استودع الله حياة احفاده وحفيداته وزجته وعياله سحب ورقة يكتب فيها كل شي يطويها بعد ثواني يمدها لدكتور الي قدامه ببتسامه : اذا ربي اخذ امانتي وانا بالعمليه عطى الورقة ذي للهنوف .
دخل الغرفه وتسكرت خلفه يبدا وقت البنج تسكر عيونه بتدريج كان اخر شي يشوفه جمعتهم حوله واصوات ضحكهم الي للحين يسمعها سكر ولا عاد يحس بالي حوله ..
-
" بالبيت مجتمعين يتابعون المباراة تحديدا في بيت الجد ثنيان "
كان انواع الاصراخ فالبيت وصلت جوجو تنزل عبايتها
تعدل فستانها الناعم عليها تسكر اذنها من الاصراخ
قام فيصل بقهر : وربي غش
ابتسم تميم بستفزاز : يا رجال خل عنك وربي انها واضحه انها دخلت .
حذف الخداديه عليه يقعد بقهر تتقدم جوجو عندهم : اميره وينها ؟
ربى وهي تقوم تعدل جلستها : تقول ما راح اجي الله يلومها تعب السفر
استغربت : طيب جدي ؟
الجده مهره : يقول طالع بيخلص شغله
هز راسها جوجو تناظر ربى الي توريها عباية التخرج وتشرح لها ابتسمت الهنوف من سوالف امها تلف على جوالها الي يدق برقم غريب تستغرب من كانت بطنش بس مسكت يدها الجده مهره بنغزه : افتحيه
عقدة حاجبها ترد : اي انا هنوف بنت ثنيان عسى ماشر
ابعدت الجوال تتأكد ترد برجفه : انتت متأكد يمكن ملخبط ابوي مافيه الا العافيه تو طالع يبتسم ويضحك
طاح الجوال من يدها تلف الجده مهره تحس بغيمة على عينها عجزت تناظر من ضباب عيونها : يمه ابوي مافي شي والله ابوي مافيه انتي انتي شايفته قبل شوي يبتسم ويقول بخلص شغله .
ماردت الجده مهره تحاول تفهم تصرخ الهنوف بدموع تمسك اذراع امها بتوسل : يمهه ردي عليى يمه ردي ابوي مافيه شي ردي يمه .
لف الكل بصدمه يحاولون يستوعبون تمسك مهره وجه هنوف الي انحنت على ركب امها : هنوف يمه وش قاعده تقولين .
صرخت تضرب صدرها تنفي : يمه ابوي يمه ابويي ثنيان يمه
" بارت ثاني عشان خاطركم وابي منكم التفاعل بالكومنت ❤️"
أنت تقرأ
« بكره توقف من اللهفه على بابي »
Mystery / Thrillerمعزوفتي الاولـى : « بكره توقف من اللهفه على بابي » نفسك من الشوق والحرمان منتله روايه تجمع مابين { الغموض ، الكره ، الاكشن ، والعفويه ، والحب } كاتبتكم : h_f18i ❤️🔥
